السلام عليكم ورحمة الله وبركاته
ال PLC غالبا أى تطبيق يحتاج لتحكم كهربى يلزم فيه استعماله , هو عبارة عن جهاز انت بتبرمجه عن طريق برنامج software من سيمنز او هيتاشى او ميتسوبيشى ديه شركات بتنزل برامج عشان تبرمج بيها ال PLC وبتنزل جهاز الplc نفسه
فكرته انك لو عاوز تطبق نظام معين فى مشروع كبير زى مثلا التحكم فى المصاعد ( وده موضوع مشاكله كتير جدا ) بدل ما تعمل دايرة هاردوير بتركيب ثابت عشان تعمل التحكم اللى عاوزه لأ انت بتحول المشكله وتحللها وتتقلب سوفت وير يعنى زى البرمجة كده على برنامج على الكمبيوتر برموز سهلة ممكن تتعلمها وبعدين البرنامج بيعمل Compile للبرنامج ده يعنى يترجمه لحاجة جهاز ال PLC يفهمها وبكابل يربط ال PLC بالكمبيوتر يتنقل البرنامج بالكابل لجهاز ال PLC وبعد كده التوصيلا ت الخارجية بقى للهاردوير نفسه بالجهاز اللى بتتحكم فيها زى لمبة او سويتش وهكذا
يعنى مثال
فى مشروع عندك عاوز تعمل تحكم
تقول لو خمس عربيات عبروا الشارع ده بعدها المفروض الحاجز يقفل الشارع
فتعمل برنامج فى ال PLC يقول كده : لو عدت خمس عربيات افتح السويتش للحاجز ونزله خليه يسد الشارع
فال input اللى هتجيلك ايه ؟ ان خمس عربيات عبرت يعنى تعدهم مثلا ب sensor اذن يبقى ده الهاردوير اللى هيتوصل بال plc عشان يقوله ان الخمس عربيات عده وبناء على السوفت وير اللى نزل على جهاز ال PLC هيخرج ال plc ال OUTPUT بتاعه على هارد وير اللى ممكن يبقى زى سويتش يسمح للكهرباء تمر للحاجز فيشتغل ويسد الشارع
وهكذا
بخصوص المكان اللى ممكن تاخد فيه PLC اعتقد ان افضل مكان هو جامعة القاهرة بكليه الهندسة كورس ال PLC فيها جامد جدا والمهندس اللى بيديه جامد جدا انا بقول كده لأنى خدت الكورس ده
هو ب 500 جنيه بس يستاهل بجد
ولو عاوز تفهم حاجة معينة ياريت تسأل
سلام عليكم
