طلب طلب مساعده من مهندسين ال cost

[محمد دهشورى]

السلام عليكم ورحمه الله وبركاته
اخوانى الاعزاء انا مهندس مدنى دفعه 2010 وخبرتى كلها فى التنفيذ وفى 2014 اخدت كورسات فى ال cost management فى الجامعه الامريكيه كنوع من تطوير الذات
الشركه عندى بدئت تعمل قسم جديد يشتغل فى ال cost
وعشان انا معايا الكورس رشحونى انى اشتغل فيه وابدا اعمل cost estimation and budgeting لمشروع جديد
الحقيقه انا عندى معلومات من الكورس بس مش مرتبه ومش عارف ابتدى ازاى واعمل اى
ياريت لو فى حد خبره فى الموضوع يدلنى على بدايه الطريق
جزاكم الله خير ودمتم فى رعايه الله

 

[محمد دهشورى]

اول مره اشوف الكم الكبير ده من المشاهدات ولا تعليق واحد
ياترى الموضوع ده صعب للدرجادى؟

 

[اقليدس العرب]

الزميل العزيز...عادة ومع كون المهندس قد عمل منفذا لفترة معتد بها يكون قد الم بانتاجيات العمالة و الاليات و كميات المواد المخطط لصرفها وغير ذلك ومن خلال هذا يتمكن من عمل ميزانية للمشروع وحساب الكلف....
لكن ما يواجه المهندس الذي يعمل في مجال التخطيط في مشروع ما هو متابعة التخطيط عادة....
لذا انصح الزميل الغالي بدروس برنامج البريمافيرا للمهندس عمر عبد العزيز على اليوتيوب و الذي يرفق معه ملفا بصيغة pdfلتعلم ههذة المهارات
ولن ابخل عليك بهذا الرابط المهم http://buldings-world.blogspot.com/2010/10/blog-post_14.html?m=1

 

[alomody]

السلام عليكم
لو سمحت يابشمهندس ياريت توضح ايه طبيعة شغلك علشان نعرف نساعدك حضرتك هتشتغل عطاءات وتسعير ولاهتشتغل مراقبة تكاليف لان كل حاجة فيهم ولها تفاصيلها المختلفة يعنى العطاءات المفروض ان حضرتك بتحلل اسعار البنود وتحسب التكاليف المباشرة والغير مباشرة وتضربها فى هامش ربح , أما لو مرقبة تكاليف ففى الحالة دية انت بتاخد المقايسة المسعرة وتبتدى تكودها وتاخد تحليل السعر من ادارة العطاءات وتبتدى تحط التكاليف الحقيقة من ادارة المشتريات وتحط التكاليف الغير مباشرة مثل المرتبات والسكن بالنسبة لكل بند حسب كود تكلفة كل حاجة وتبتدى تشوف انت كسبان فى البند فعلا ولاخسران وهكذا.

 

[egcivil_eng]

لدراسة اي مشروع يجب ان تطلع جيدا علي مستندات العطاء من مخططات وشروط عامه وشروط خاصة والمواصفات الفنية الخاصة بالجهه مالكة المشروع ثم بعد ذلك يمكنك تقسيم العمل الي اجزاء صغيرة work breakdown structure ومن ثم تقسيمها الي اجزاء اصغر تسمي بالانشطة والتي يمكنك وضع زمن وتكلفة لها عن طريق المعرفة التامة بانتاجية العمالة والمعدات وكذلك اسعار المواد بالمنطقة التي انت بها لان الانتاجيات تختلف من بلد الي اخري وهذه المعرفة التامة تتأتي من خبرة التنفيذ وهناك شيء مهم جدا وهي طريقة التنفيذ لانها عامل مؤثر جدا في التكلفة فمثلا حفر الصخر يمكنك من استخدام بوكلين جاكهمر او التفجير او التفتيت بالمواد الكيميائية وكل منهم له سعره واختيارة الطريقة الامثل للتنفيذ تعتمد بشكل كبير علي خبرة التنفيذ لدي المسعر
ويمكنك استخدام برنامج البريمافيرا لتحليل سعرك او متابعة التنفيذ والتكلفة
ونصيحتي لك اذا لم يكن لديك خبرة بالتنفيذ فيجب ان تمر بها اولا قبل التسعير

وشكرا