إستفسار الفرق بين v.o &claim & new order

إنضم
6 مايو 2008
المشاركات
371
مجموع الإعجابات
53
النقاط
0
السلام عليكم ورحمة الله وبركانة

عندى استفسار عن الفرق ما بين اوامر التغيير - المطالبه - الاوامر الجديدة
من حيث : 1-جهة الاصدار
2- حق كل طرف فى الأصدار والموافقة من عدمها للطرف الأخر
3- هل هناك وقت محدد يلزم اى طرف ف حفظ حقه وبعدها ليس له حق فى الموافقة من عدمها
4- بالنسبة لأوامر التغير : فرضا انه تم الموافقة عليها ككميات واسعار هل يشترط عمل ملحق عقد لها ام لا
ارجو من السادة الزملاء الأفاضل التكرم بشرح اجابات لأنى عندى لبس كبير ف هذه النقط للأفادة العامة
 
إنضم
8 سبتمبر 2008
المشاركات
735
مجموع الإعجابات
102
النقاط
0
وعليكم السلام ورحمة الله وبركاته

أنا لاحظت ان الموضوع تمت مناقشتة قبل كدة، لكن أعتقد ان مفيش مانع من اننا نتكلم فيه مرة كمان.

المبدأ ان العقد بين المقاول والمالك بكل ملحقاته من رسومات ومواصفات وخلافه هو وثيقة قانونية ملزمة للطرفين، ويجب تنفيذ هذا العقد كما تم الاتفاق عليه، ومن ضمن بنود العقد كيفية حل الخلافات ان ظهرت أثناء تنفيذ العقد.

أوامر التغيير اللي هيه Change Order :

خد عندك الصفحة دي بالانجليزي بتشرح باختصار أمر التغيير
http://www.projectchangemanagement.org/variation-order-definition.html#mainText

وساعات ليها مسميات تانية زي Variation Order, Variation Instructions الخ

بعد اختيار المقاول وتوقيع العقد وبدء العمل في المشروع ساعات صاحب المشروع أو المالك بيحب يعمل تعديل على المشروع ، يعني مثال من غير فلسفة انت بتبني بيت والأرضيات في مستندات المشروع موكيت لغرف النوم وسيراميل للباقي ، قوم المالك يقول لأ خليها كلها سيراميك ، في الحالة دي لازم المالك يخاطب المقاول رسميا يطلب منه تعديل مستندات العقد وطبعا لازم قبل وقت كافي من بدء تنفيذ الأعمال، يقوم المقاول يدرس الموضوع ويشوف الكميات ويقدم سعر Quote للمالك للدراسة والموافقة ، يقوم المالك يفاوض Negotiate المقاول ومن هنا لهنا يوافق الطرفين على تعديل مستندات العقد وفقا لما تم الاتفاق عليه، وغالبا التعديل بيكون للتكلفة Cost والمدة Time.

طيب ما هو فيه في العقد سعر أصلا للسيراميك ليه نطلب سعر جديد؟
طبعا انت سيد العارفين ان أسعار المواد الأوليه وخاصة الأسمنت وغيره من المواد اللي بتستعمل لتركيب السيراميك بتتغير من وقت للتاني وبسرعة كبيرة، بالاضافة الى سعر السيراميك نفسه، بالاضافة الى تكاليف تعديل طلبيات المقاول من المورد دي كمان ممكن يكون لها تكاليف، المفروض ان المالك فاهم القصص دي وبيقدرها.

طيب فرضا انت بتبني عمارة عشر أدوار وانت شغال في الأرضي جه المالك وقالك لأ خليهم تمانية بس، ده برضة أمر تغيير بالنقصان، برضه في الحالة دي المقاول يدرس الموضوع ويرد على المالك ويتم تعديل العقد بناء على ذلك.

طب مالمقاول يبني التمانية وخلاص نعذب نفسنا ليه ونغير العقد وحاجات؟
الفكرة ان زي ماقولنا ان العقد وثيقة قانونية، طالما ان العقد بيقول عشرة أدوار يبقى لازم المقاول يبني عشرة، ماينفعش يبني تمانية بس واللا يبقى مخالف للعقد، فلازم يتم تغيير مجال العمل Scope بالعقد.

طيب هل لازم المقاول يقبل بالتعديل؟
غالبا فيه شرط من شروط العقد ان الطرفين يقبلوا بتغيير قيمة العقد بالزيادة أو النقصان في حدود نسبة معينة ولتكن 10% ولذلك اذا كان التغيير يتعدى هذه النسبة فمفيش مانع ان المقاول يعتذر عن التنفيذ، طيب ويرفض ليه ماهو كله شغل؟ وطالما المالك طلب التعديل يبقى محتاجه ومحتاج حد يعملهوله، ولذلك غالبا المقاول بينفذ التعديل ولكن بشروط قد تختلف عن شروط العقد الأصلي، لذلك الموضوع كله Negotiation

آمل اني أكون جاوبت على السؤال بشكل غير معقد

خلينا نقف هنا ونكمل بعدين

وأشكركم مقدما للتعقيب والتعديل


شريف
 

Mgdy

عضو جديد
إنضم
31 مارس 2010
المشاركات
3
مجموع الإعجابات
1
النقاط
0
شكرا م/ شريف ، شرح مبسط وهادف
 
إنضم
8 سبتمبر 2008
المشاركات
735
مجموع الإعجابات
102
النقاط
0
شكرا م/ شريف ، شرح مبسط وهادف

شكرا يا م/ مجدي على كلامك المشجع

اسمحولي أحاول أتكلم شوية عن موضوع المطالبات Claims

لما أسمع الكلمة بيجي على بالي ال Progress Claim اللي بنقول عليه المستخلص - على فكرة أنا شغلي كله مباني وانشاءات - والحقيقة مش عارف أصل كلمة "مستخلص" ، هل المقاول بيحاول يستخلص فلوسه من أنياب الاستشاري ولللا جت منين?! :7:

ولما قريت في المنتدى عن الموضوع ده لقيت ان بعض الزملاء بييجي على باله طلب وقت اضافي من الاستشاري بسبب ظروف قهرية.

يعني بالنحوي نقدر نقول ان ال Claim هي مخاطبة ما بين المقاول وبين المالك أو من يفوضه - الاستشاري - لحفظ الحق إما بخصوص :

Financial/ Cost management

لما ال Claim يكون Progress Claim

أو Time Management

لما ال Claim يكون طلب وقت اضافي نتيجة ظروف قهرية زي الظروف الجوية أو تغيير في القوانين - يعني الكود اتغير مثلا - إلخ إلخ إلخ

وغالبا بيقوا الاتنين مع بعض.

في حين ان ال Change order زي ماتكلمنا قبل كدة هو تغيير في مجال العمل Scope، وغالبا التعديل في مجال العمل يتبعه تعديل في التكاليف وفي المدة الزمنية للعقد .. يعني نقدر نقول ان ال Change Order يتبعه Claim.

لما عملت بحث سريع على الانترنت عن تعريف ال Claims لقيت تعريف مناسب في الصفحة:

http://www.constructionlawtoday.com...truction-contracts-and-architects-agreements/

والصفحة فيها لينك لتعريف ال American Institute of Architects (AIA) لكلمة Claim

ولقيت برضه بحث ممتاز باللغة العربية عن هذا الموضوع

http://www.building-tech-mag.com/researches/9/al-motalabat-fe-al-masharee.pdf

وكمان لقيت تعبير ظريف في الصفحة
http://www.masinproject.com/claimchange-managementdispute-resolution/

بيقول:

"A claim is an unresolved change order"
:81:

أنواع المطالبات

الصفحة دي فيها شرح كويس لآنواع المطالبات

http://www.disputesinconstruction.c...-services/construction-disputes-entitlements/

ومن هذه الأنواع:

مطالبة التعجيل بالتنفيذ Acceleration
بمعنى أن المالك يطلب من المقاول انهاء التنفيذ قبل الموعد الذي سبق الاتفاق عليه، وبالتالي يحق للمقاول طلب التكاليف الناجمة عن ذلك.

مطالبة انهاء العقد Contract Termination
اذا طلب المالك انهاء التعاقد قبل البدء أو قبل الانتهاء من التنفيذ فيحق للمقاول المطالبة بخسائره الناجمة عن ذلك.

مطالبة وجود أخطاء جسيمة في مستندات التعاقد Defective and Deficient Contract Documents
وغالبا المقصود هنا أخطاء التصميم التي يكتشفها المقاول ويقدمها للاستشاري للدراسة والتصحيح، وبالتالي يقدم المقاول مطالبة بتعديل تكاليف ووقت المشروع بناء على التعديلات وتدارك هذه الأخطاء.

مطالبة التأخير في التنفيذ Schedule Delay
وهنا الاستشاري يحمل المالك مسئولية التأخير في التنفيذ ويطالبه بمداركة ذلك والاسراع في تنفيذ البنود التاليه.

تغيير ظروف موقع العمل Differing Site Conditions
مثلا اذا المالك اقتطع جزء من مساحة موقع العمل المقرر ان يقيم المقاول مكاتبه المؤقته عليها فمن حق المقاول أن يطالب المالك بخسائره الناجمة عن ذلك

وهكذا تتابع باقي الأنواع في موقع الانترنت المشار إليه لغاية ما نوصل لبند التغييرات الجوية وبند ايقاف الأعمال.

الخلاصة:

الأمور القانونية دي لازم المهندس المقيم -أو بالنحوي مدير المشروع- يكون عنده المام جيد بها، ولازم يجيد استخدام صلاحياته ومهاراته للتعامل مع المطالبات، وهذا الأمر من الأمور التي تميز مدير المشروع الجيد .

لابد أن يكون لدى المهندس المشرف نسخة من الوثيقة القانونية الخاصة بمشروعه وليس فقط جداول الكميات والمواصفات والرسومات.

لمن يريد معلومات أكثر في هذا الموضوع، لقيت ملف كويس على الرابط

http://www.slideshare.net/rajhydro/construction-claims

معلش أنا حاسس اني زودت شوية ... بس الموضوع فعلا يستحق

وأعتذر للإطالة

وشكرا

شريف
 
إنضم
8 سبتمبر 2008
المشاركات
735
مجموع الإعجابات
102
النقاط
0
استكمالا لموضوع ال Change Order/ request ، كنت عايز أتكلم عن بعض المصطلحات المرتبطة به ..

مستر PMBOK بيقول:

Change requests can include preventive or corrective actions, defect repairs or enhancement
requests
و
بيقول:​

The approved change request may be a corrective action, a preventative action, or a defect repair



يبقى عندنا:

Corrective Actions - Preventive Actions - Defect repairs - Enhancement request

المصطلحات دي بتتكرر في PMBOK أكتر من مرة

نحاول نتعرف عليهم:

Corrective Actions

دي معناها ان حصلت حاجة بتقول ان المشروع مش ماشي حسب الخطة ، واخد بالك ، حصلت حاجة فعلا ، الحاجة دي ممكن تكون تأخير أو مصروفات زيادة عن المخطط .. الخ ، وبالتالي لازم نتصرف ، نعمل حاجة أو مجموعة حاجات عشان المشروع يرجع يمشي تاني حسب الخطة السابق وضعها.

مثلا:
- وانت بتصب سقف ، مصنع الخرسانة حصلت فيه مشكلة ، وبالتالي ماخلصتش صب في نفس اليوم، واضطريت انك تكمل تاني يوم ، وبالتالي عندك يوم تأخير، يعني دي حاجة حصلت فعلا ، فبالتالي لازم تعمل حاجة تعوض بيها اليوم ده ، مثلا تزود نجار للسقف الجاي ، أو تبتدي الحدادة بدري يوم مثلا.
- وانت شغال في الردم جالك خبر من شركتك ان الرصاصة Compactor حيتأخر عليك يومين عشان شغال في موقع تاني ، ومتأجرش رصاصة تانية اشتغل حاجة تانية في الموقع لغاية ما توصلك الرصاصة ، لازم تعمل حساباتك وتشوف ايه اللي لازم تعمله عشان تصب أول سقف في ميعاده ، يعني تطلب شدة خشبية زيادة ، أو تطلب الحديد قبل ميعاده .. وهكذا


Preventive Actions

دي بأه معناها ان فيه مؤشرات بتقول ان المشروع بيفكر كدة انه يحيد عن الخطة الموضوعة ، واخد بالك ، مؤشرات يعني لسة مفيش حاجة حصلت، وبالتالي برضه لازم نتصرف ونلحقه قبل ما حاجة تحصل.

مثلا
- وانت بتصب خرسانة لاحظت ان معدل العربيات مش كفاية ، وشكلك مش حتلحق تخلص ، تقوم تتصل بالمصنع يزود عربية ، أو يزود ساعات الشغل عنده لغاية ماتخلص ، والصبة الجاية تطلب العربية الزيادة أو تتفقوا على الميعاد المتوقع لنهاية الصب عشان لا تضطر انك تكمل الصب تاني يوم وبالتالي تتأخر.
- وانت شغال في المشروع لقيت ان الخرسانات أخدت وقت أكتر من المفروض ، فلازم تسرع في التشطيبات عشان تسبم المبنى في ميعاده


Defect repairs

دي معناها حاجة حصلت غلط ولازم تتصلح

مثلا
- بعد صب الخرسانة ، وفك الشدة ، اكتشفت انه فيه تعشيش ، ده معناه Defect ، ولازم يتصلح
- بعد تركيب الشباك ، اكتشفت ان الزجاج مكسور ، يبقى لازم يتصلح
- بعد تركيب السيراميك اكتشفت بلاطة مشروخة ، لازم تتبدل
وهكذا

Enhancement request

دي بأه معناها ان كله تمام ، لكن مفيش مانع نحسن شوية ، وغالبا من غير زيادة في التكاليف ولا الوقت ولا نطاق العمل.

مثلا
- الاستشاري طلب منك زيادة عدد هزازات الخرسانة يوم الصب ، تقوم انت تستلف واحد من الموقع اللي تبع شركتك ويبعد عنك عشرة كيلو

كلمة مهمة
(منقول) من
http://www.pmexamsmartnotes.com/corrective-action-vs-preventive-action-vs-defect-repair/

بعد التخطيط الجيد ، وعمل الحسابات اللازمة للمشروع قبل البدء به، والاستعانة بما لدى شركتك من أدوات تخطيط وخبرات ، وبعد البدء في تنفيذ المشروع ، فإنه من الطبيعي أن يحدث مالم يكن في الحسبان مثل الأمثلة التي تحدثنا عنها.

أخيرا ولي آخرا عايز أقول ان الأمثلة دي اجتهادات ، وأطلب من الزملاء البحث والتعقيب والتصويب حسب الحاجة

ولكم وافر الشكر والتقدير

شريف
 
أعلى