أبحث عن شرح مفصل لمعنى Manhour و Manpower وكيفية حسابها من أجل العمليات الإنشائية.
كما أرجو المساعدة في موضوع الآليات من حيث اختيارها لتنفيذ النشاط وكيف يتم تحويل انتاجيتها إلى Hours و في حال عمل أكثر من آلية في النشاط كيف تحدد حصة كل آلية؟
(مثل عمل حفارتين من نوعين مختلفين على موقع واحد)
وشكراً لكم سلفاً....................
انت بتسال عن تخطيط المعدات
اول شي اسلوب المسار الحرج مش هو احسن اسلوب لمتابعة مثل هذه الانشطة انت مفروض تخطط بطريقة line of balance
الي هي انت حتدرس دورة المعدات مع بعض راح تدرس انو على انتاجية الحفار محتاج كم ناقلة تنقل التراب عشان الحفار مايكون واقف منتظر الناقلات ومابيحفر. بتدرس دورة المعدة كاملة سعاتهم وعلاقاتهم مع المعدات و (زمن الدورة) زمن الدورة هو الزمن اللي بتحتاجه المعدات مع بعض عشان تخلص عملية واحدة
الحفار بيحفر - وراه في ناقلة للتراب - الناقلة راح تتحرك مسافة لتصب التراب في المكب وترجع راح تاخد مثلا 30 دقيقة الحفار عشان يملا الشاحنة عاوز 15 دقيقة ( الارقام اللي بكتبها مش صح دي افتراض) يبقا انت لو اشتغلت ب 1 حفار و 1 ناقلة لناتج لحفر الحفار حتى ولو انتاجيته كبيرة راح يكون محكوم باقل انتاجية في سلسلة المعدات اللي شغالة معاه . انت كمهندس تخطيط بيتحاول تقلل زمن الدورة دا عشان تستفيد اكبر ما يمكن من الزمن وبالتالي الانتاجية. حددت التوزيع اللي حتشتغل عليه؟ البرايمافيرا ماهي الا اداة النشاط اللي حيعتمد على المواد نوعه اكيد resource dependent
تدخل انتاجياه كل معدة الـ budget unit تنسى الزمن الزمن راح تحسبو من الانتاجية مش fixed duration الثابت عندك كمية العمل fixed unit تمسك معدات الحفر budgt unit مثلا 15 متر مكعب وانت مدخل انتاجية المعدات اللي عندك البرايمافيرا راح يحسبك بناء على كمية العمل ومعدل انتاج المعدات محتاج كم يوم .
مع ملاحظة انا عندي عمل 15 متر لو عندي حفار واحد ال budgt unit تساوي 15 لكن لو اتنين انت راح تقسم العمل بينهم براحتك يعني ممكن تخلي الحفار الصغير مسئول من حفر 5 متر بس او تقسمهم بالتساوي.
كدا خلصت من الحفر
كيف تضيف معدات نقل ناتج الحفر؟
ممكن تضيفهم مباشرة في نفس النشاط (هو في الاخر اقل انتاجية عندها اكبر شغل هي اللي حتتحكم في الزمن الكللي للنشاط) بس انتبه انو انت مش حتتعامل مع انتاجية الناقل زي مامكتوبة في الجداول حتعمل حركة بسيطة:
عندك سعة الناقل وعندك المسار للمكب حتقدر الزمن الي حياخدو السواق رايح جاي دا اسمه + زمن التحميل والتفريغ = زمن الدورة
نفترض كان ساعة يبقا الناقل كل ساعة حيفرق الشحنة وياخد شحنة جديدة عندك عدد ساعات العمل 8 او عشرة ناقص منها زمن الراحه يطلعلك انو هو بيشتغل كم ساعة في اليوم فعليا. تروح تضربها في ك ادارة مخاطر في معامل تخفيض (بي حساب انو وقف في اشارة مرور وقفو راح البقالة بعبي نزين مهارة السائق كدا) دي الانتاجية اللي حتشتغل عليها في البريامافيرا.
بيبقا ناس الموقع همهم انو يحافظو على الاقل على الانتااجية اللي قلتلهم يشتغلو عليها لكل معده. مدير المشروع او التشغيل همو يقلل زمن الدورة
وانت بتعمل التحديث بتحدث الكميات لكل معدة وبتحدث انتاجياتها او بتوصي بي انو تفضل الانتاجية وتضغط الموقع .
طبعا في نقطة
لو كل المعدات كتبتهم مع بعض صح لكن صعب توضح مين فيهم اللي عامل مشكلة
فلو العملية محتاجة دقة افصل كل نوع معدة لوحده (ساعات حتى كل طاقم لوحدة ) بحيث يكون واضح لاي حد ماليه علاقة بالتخططيط مين اللي ماخر الناس دي .
اخر شي اكرر انو العملية بتاعت المعدات الافضل تدار ب طريقة line of balance وليس critical path method
