المجففات ( driers ) للدهانات

[بارىبارى]

اريد ان استفسر عن طريقة تصنيع مسرعات الجفاف ان امكن او ان تدلنى على طريق للبحث عن تصنيعه
فانا طلب منى ان اقوم بانشاء مصنع لهذا الموضوع و لا توجد عندى درايه كافيه عنه
فان كان احد يمكن ان يرشدنى عن التكلفه و الطريقه للمواد الخام و كيفية التصنيع

 

[عبدالقادر2]

مبدئيا المجففات او السيكاتيف هى صوابين معدنية لاحماض دهنية تماما مثل قطع صابون الغسيل التى كنا نصنعها منزليا من الزيت النباتى والصودا الكاوية فتكون الملح الصوديومى للحمض الدهنى. نفهم من ذلك ان ملح الكوبلت لزيت جوز الهند يصنع باستخدام اوكسيد او هيدروكسيد الكوبلت مع الزيت فى درجة حرارة عاليه. وقيس على كده الكالسيوم والرصاص والمنجنيز وهكذا وممكن نغير نوع الزيت فيختلف اللون لكن يظل التاثير كما هو.

 

[بارىبارى]

شكرا ليك طيب لو عايز احضره على مستوى صغير للتجربه المعمليه
يبقى محتاج هيدروكسيد كوبالت
و زيت نباتى و تسخين
ممكن نسبة الكوبالت الى الزيت و درجة الحرارة كام

 

[عبدالقادر2]

شف ياباشا انا صورت لك طرق التصنيع لكل الانواع. وسارسلهم لك

 

[Lithium ion]

هو بيدخل ملح المعدن صح لكن مش مع زيت خالص ده بيكون اوكتويك اسيد اللي الهمندس عبد القادر بيكلم عنه بيدخل في حاجه تانيه غير كده خالص

 

[Lithium ion]

الموضوع اكبر من تسخين الملح مع الحمض .. هناك اشياء اخري لابد ان تدخل مثثبتات وحراره التشغيل

 

[عبدالقادر2]

بتغير نوع الحمض يختلف اللون والاستخدام للمنتج . وفعلا كلامك صحيح اخى الكريم . لكن ممكن نطالع سويا بعض المراجع وقد ارسلت منها للاخ الكريم. مثلا تصبن الحمض الدهنى لجوز الهند وهو دوديكا يعنى12 يعطى مجفف كوبلت لكن اخضر اللون له استخدامات خاصة كمجفف ايضا. وعند اتحاده مع الاوكتاويك يعطى لون الكوبلت البنفسجى الذى تعودنا عليه جميعا. عندما شرحت الفكرة كانت لمجرد التبسيط على اعتبار ان الزميل السائل اخبرنا انه ليس لديه معلومات عن الموضوع. وبعد ذلك دخلنا فى التخصصية وارسلت له مجموعة وريقات من مرجع ابس يحتوى على الطريقة والحرارة والاضافات وكل مايلزم الانتاج لجميع الانواع. عادة اخى الكريم نبدا الموضوع بطرفة او مثل بسيط جدا جدا . اكيد انت كمتخصص فاهم ان الموضوع مش تصبن زى اللى بنعمله فى البيت . لكن لازم تعترف يابطل انها مش فارقة كتير. النظرية واحده. اسعدنى ردك . وعلمنى ابقى اتكلم بطريقة اكثر علميه

 

[بارىبارى]

للتواصل انا حطيت الاميل فى بياناتى

 

[عبدالقادر2]

استاذ عبدالبارى هل قرأت ماوصلك؟ اذاحبيت اى توضيح مرحبا بك

 

[بارىبارى]

استاذ عبدالبارى هل قرأت ماوصلك؟ اذاحبيت اى توضيح مرحبا بك

لقد ارسلت رساله لك

 

[عبدالقادر2]

عفوا انا قدرا كده بادخل هنا مش باستمرار . ممكن تكلمنى لو حبيت بس مش متاخر لانى بانام بدرى يعنى اخرى من الظهر لغاية المغرب معقول.

 

[أيهم سلمان]

السلام وعليكم أفيدونا بتركيبة المروك لبخ أبواب الحديد جزاكم الله كل خير

 

[أيهم سلمان]

أارجو إيفادتي بتركيبة بويا الهمروك لبخ أبزاب الحديد