هل من الممكن وصول المياه فى هذه الحالة

[hady habib]

السلام عليكم ورحمة الله وبركاته

هل من الممكن وصول المياه فى هذه الحالة :

انا عندى تانك 10 متر مكعب فوق السطح بارتفاع حوالى 6.5 متر عن مستوي التشطيب فى الدور اللى انا شغال فيه
مستوى السخان الكهربي عند 1.7 متر والمحابس بتاعته عند 1.4 متر طبعا من سطح التشطيب
أجبرت من الاستشاري انى ارفع كل المواسير فوق مستوي 2.55 متر من مستوي التشطيب وانزل اغذى بيها كل جهاز
لكن بالنسبة للسخان فانا هغذيه عادى لكن المياه الساخنه اللى خارجه منه هتترفع من مستوي 1.4 اللى هو مستوى المحابس الى مستوي 2.55 اللى هو المستوي اللى اجبرت عليه وانزل بيها تانى لكل جهاز وليكن مثلا المغاسل عند مستوي 0.55 متر من مستوى التشطيب

السؤال: هل الضغط هيكون كافى للمياه الساخنه انها تخرج من السخان وتطلع الارتفاع ده وتنزل تانى للمغاسل ولا هيحصل فقد كبير هيمنع من وصول المياه ورجاء التوضيح بالمعادلات وتطبيقها على هذه الحالة.

توضيح :

المواسير المستخدمه من السخان الى المغاسل قطر 32مم بقطر داخلى 20.21 مم نوع PPr

 

[ramyacademy]

و عليك السلام و رحمة الله و بركاته
بغض النظر عن النزول و الطلوع بعد السخانات ففى النهاية الضغط المتاح ضعيف جدا و لا يكفى لتفق المياه بصورة اعتيادية .

انت عندك من قاع التانك الى مستوي المخارج حوالى 6 متر يعنى 6/10 بار و هو بالكاد يكفى لفقودات الضغط اذا لا يوجد ضغط كافى للمخارج

 

[هشام فكري محمد]

من الرسمة المرفقة الماء الساخن لن يصل ساخنا بالدرجة التي تريدها

 

[hady habib]

ramyacademy


طبعا يا افندم بشكر حضرتك على الرد بس انا كنت عايز من حضرتك توضيح الضغط المطلوب عشان وصول المياه يبقي آمن ومضمون
انا شايف ان الازمه فى الماسورة اللى خارجه من السخان وطالعه لفوق دى هي اللى بيحصل فيها فقد فى الضغط شديد مقارنة باى فقد ممكن يحصل على طول خط سير الماسورة

 

[hady habib]

هشام فكري محمد

شكرا على ردك وارجو توضيح كيفية حساب الفقد الحرارى وكيفية تأمين فقد حرارى بشكل اقل

 

[هشام فكري محمد]

الضغط المطلوب عند اي مدخل حمام لا يجب ان يقل عن 2 بار ، ويمكنك استخدام مواسير ذات اقطار اكبر لتقليل فاقد الضغط
بالنسبة للسخان لازم المواسير الخارجة منه تكون اقل من منسوب فتحة خروج الماء منه ، لكن ال u اللي انت عاملها ديه هاتؤدي الى ان الماء الساخن لن يصل الى الصنابير الا بعد ضغط من الخزان ذو الماء البارد

 

[د حسين]

سيد هادي
الوضع طبيعي وستصل المياه الساخنة ولا يوجد مشكلة من ناحية الضغط فالصعود المرحلي يعوضه النزول التالي .
اما من ناحية الغزارة فحسب عدد الحمامات التي ستفتح الماء في نفس الوقت ولتجنب انخفاض الغزارة عند زيادة عدد المستخدمين يوصى بزيادة قطر الخط الرئيسي المغذي للسخان والصادر عنه الى قطر 50 ملم وتبقى الفروع كما هي .
واما انخفاض حرارة الماء عند التوقف ثم انتظار وصول الساخن فالحل هو تركيب خط راجع من نهاية الخط الى السخان ولو بقطر صغير (الموجود حاليا )مع اضافة مضخة تسريع عند مخرج الماء من السخان ( مضخة صامتة كالتي تركب لتدوير مياه التدفئة المركزية واستطاعتها قليلة حوالي 100 وات فقط .. سبق شرحها وصورتها في هذا المنتدى).
ملاحظة هامة جدا جدا : ان الارتفاع الذي يلي السخان قد يشكل مشكلة في بداية التشغيل وبعد كل تفريغ كامل واعادة تعبئة الخزان اذا تشكلت فقاعة هواء (تسمى الصمامة الهوائية )حيث ينقطع وصول الماء نهائيا حتى يتم استنزاف الهواءتماما من الخط النازل عادة ... ولتجنب حصول ذلك يوصى بتمديد خط صاعد الى مستوى اعلى من سطح الخزان العلوي من كل زاوية يتغير فيها الاتجاه من افقي الى عمودي نازل ب t جانبية مهمتها الاستزاف الآلي للهواء لمنع حدوث الصمات الهوائية (auto air bleeding ) .
مع تمنياتي بالتوفيق

 

[fayek9]

بص يا سيدى الضغط هيوصل عند النقطة 0.55 متر من FFL حوالى 1 بار بعد حساب friction losses وكله ماعدا المحابس ال ع الخطوط فمعنى كده انك داخل عندك على الأحواض حوالى 0.9 أو 0.8 انا بالنسبة لى شايف ان ده كويس ولكن IPC بيطلب حوالى 20 psi يعنى 1.5 بار عند ابعد نقطة يعنى انت هتحتاج بوستنج بقيمة ال 1/2 بار .
ولكن لى كام ملحوظة هامة :
1- بفضل تحط بوستر صغيرة عشان منسوب الميه مش هيبقى ثابت فى التانك بيزيد وينقص وبالتالى هيحصل fluctuation فى الضغط .
2- لاحظ كمان انك محتاج تضيف على حساباتى ال فوق مفاقيد الضغط فى المحابس و فى السخان نفسه وال هتقللك الضغط عما حسبته

لو فى حاجة مش واضحة اسأل

 

[ME2011]

أرى أن قطر أنبوب الماء الساخن صغير بعض الشئ ، ولكي تحصل على ضغط مناسب عند الـ Lav ستحتاج إلى ضغط أعلى من الذي يوفره منسوب الماء البارد.

 

[ramyacademy]

ramyacademy


طبعا يا افندم بشكر حضرتك على الرد بس انا كنت عايز من حضرتك توضيح الضغط المطلوب عشان وصول المياه يبقي آمن ومضمون
انا شايف ان الازمه فى الماسورة اللى خارجه من السخان وطالعه لفوق دى هي اللى بيحصل فيها فقد فى الضغط شديد مقارنة باى فقد ممكن يحصل على طول خط سير الماسورة

عزيزى المهندس هادى : السادة الاعضاء تفضلوا بمشاركات قيمة , و أعتقد انها في المجمل ترد على سؤالك و أعيد ما ذكره المهندس فايق بأن الضغط المطلوب عند المخارج كالحنفيات أو الشاور يكون حوالى ٢ بار بينما كل الضط المتاح (بدون حساب الفقودات هو أفل من واحد بار)

 

[عمران احمد]

جزاكم الله الف الف الف خير