السلام عليكم . استفسار بخصوص تصميم رقاب الاعمده و كيفيه حسابها

[mohamed diad]

ارجو توضيح كيفيه حساب قطاع رقبه العمود حيث من معلوماتى انها بتكون فى تقرير الاساسات من المكتب . فعايز اعرف الرقاب يتم حساب قطاعها و ارتفاع الرقبه على اى اساس .. و جزاكم الله خير

 

[طارق عاصم]

رقبه العمود هيا الغمود ولكن زياده 2،5 سم من كل جهه عشان عنصر مدفون تحت الارض والكفر بتاعه لايقل عن خمسه سم .... يعني لو عمود 20*40 هتبقى الرقبه بتاعته 25*45
وارتفاع الرقبه بيتحدد على حسب عمق الحفر اللي عندك وليكن الحفر 1.5 والقاعده مسلحه ٠.٥٠ وعاديه 0.10
يبقى ارتفاع الرقبه =1.5 -0.50-0.10=0.90 م

 

[mousabadr]

جزاكم الله خيراااااااااااااااااااااا

 

[mohamed diad]

جزاك الله كل خير

 

[سيف الدين مرزوق]

قطاع رقبة العمود لا يتحدد فقط بزيادة القطاع بمقدار 5.00 سم و انما يجب تمثيله في الموديل و تصميمه كباقي عناصر المنشأ ..
و في بعض المنشئات و نظرا لارتفاع رقبة العمود التي قد تصل الى ارتفاع الدور نفسه مع عدم وجود ميدات ربط للرقاب عند منسوب القواعد قد تجد أن العمود آمن انشائيا و رقبة العمود غير آمنة فيلزم زيادة قطاعها أو تسليحها أو ربطها بميدات اضافية في الاتجاهين عند منسوب الأساسات ..
تحياتي

 

[طارق عاصم]

اكيد طبعا م سيف الدين .. اي checks بتتعمل على العمود لازم تتعمل على الرقبه ...

 

[تامر محمد علي]

اهم شئ عند تنفيذ الرقاب لابد من الاهتمام بالكانات الخاصة بالاعمدة علي ان تبدأ من داخل القواعد وليس من اعلي القواعد مثلما يفعل معظم المقاولين لان الكانات عليها دور كبير عند حدوث الزلازل

 

[طارق عاصم]

ويكون الكانه بنفس ابعاد كانه العمود .. يعني لو الرقبه ابعادها 0.25*0.45 تبقى الكانه بتاعتها 0.15*0.35

 

[najdat52]

لا يوجد لها حساب
انما هي اندماج في الحديد الناتج من تنفيذ الاساسات مع الحديد الموجود في الاعمدة
بما انها نقطة الوصل يضاف حديد اضافي 20% من قيمة حديد الاعمدة مع اطوال تثبيت الازمة (راجع الكود الذى تعمل عليه)