سؤالين ع الماشى عن ( اخر مانهول فى الشبكة ....و .... علاقة الهيدرات بعدد الطلمبات )

[احمد عزالعرب]

السلام عليكم ... عندى سوالين لمن له خبره بهم ....

السؤال الاول :: شبكة الصرف لمنطقه صناعية
عندى على الرسم صرف المنطقه كلها اتجمع على اخر مطبق ...والمفروض اخر مطبق ده خارج منه مخرجين واحد هيصرف على مطبق الحكومة والتانى هيصرف على محطة معالجه .....ايه ايللى المفروض اعمله عند اخر مطبق ده علشان اتحكم فى كمية الميه ايللى تتصرف وكمية الميه ايللى تروح لمحطة المعالجة ....بالبلدى يعنى ايه ايللى يمنع ان الميه كلها ممكن تخش ع محطة المعالجة او ان كمية الميه كلها تجرى ع مطبق الحكومة ومفيش ميه تخش ع محطة المعالجة ؟؟؟؟؟؟؟؟؟؟؟؟؟؟؟


السوال التانى :::::: غرفة طلمبات

هل هناك علاقة بين عدد الطلمبات ..وقطر هيدر السحب او الطرد ...تقريبا فيه ...بس السوال هى ايه العلاقه ..واحسب هيدر السحب لاكتر من طلمبه ؟؟؟؟؟؟؟؟؟؟؟؟؟؟؟؟؟؟؟؟؟؟؟

وشكرا ...لمن قرأ ولم يجيب ....والف شكر لمن قرأ وجاوب خطأ ....ومليون شكر لمن قرأ واصاب الاجابه

 

[toktok66]

10 اعجابات سؤالين احلى من بعض وفي صميم التصميم ومشاكل في التنفيذ

السؤال الاول له اكثر من طريقه للتنفيذ وعاوز واحد رايق ينفذه
السؤال الثاني هتلاقي حاجه شبهه على صفحات المنتدى ولكن خاصه بالشلد ووتر وينفع تقيس الاتنين على بعض

انا على دكه المتفرجين مؤقتا

 

[ramyacademy]

لابد أن يكون هناك قاعدة عامة لتمييز الصرف بين جهتى الاستقبال ( البلدىة أو المعالجة) , عندى تحفظ على السماح لصرف ملوث ان يصرف على البلدية .

لعل الصرف غير ملوث و يجوز صرفه على البلدية و وحدة المعالجة هدفها فقط الاستفادة من الماء المعالج.

عموما هناك طريقتين أعلمهما لتفريق الصرف بين خطين :
1- Diverting valve و هى محبس بمحرك كهربى
2- تباين مستوى الماسورتين الخارجتين و هذا يستخدم فى حالات معينة عندما يكون هناك صرف اعتيادى و صرف استثنائى غزير فيكون مخرج الاول صغير و فى الاسفل و الثانى كبير و فى الاعلى

ليتك تشرح أكثر عن سبب وجود صرفين

 

[احمد عزالعرب]

الشكر كل الشكر ...للمشاركين ..والمتفرجين
وجود صرفين بسبب .. علشان الصرف بتاع المصانع معالج ف مفيش مشكلة انى ارميه ع البلديه ولكنى بعالج جزء منه علشان يصلح للرى

ارجو الشرح باستفاضة .............وشكرا

 

[ياسر أشرف كامل]

أنا شخصيا سأبقى قى مقاعد المتفرجين لأنى مش مقنع بوجود صرفين خارجين من مانهول واحد
أما عن السؤال الثانى لاتجعل سرعة المياه داخل الهيدر تزيد عن 3ft/s لأن الهيدر يتحمل تيارات دوامية شديدة للمياه نتيجة خروج المياه من مخرج المضخة بسرعة كبيرة إلى الهيدر لذلك يجب أن يستقبلها ويعمل على تهدئتها تمهيدا لضخها ولو قللنا قطر الهيدر كثيرا سيكون الفقد فى الضغط كبيرا وعموما التزم بالكود

 

[احمد عزالعرب]

سوالى عن قطر الهيدرات وعلاقته بعدد الطلمبات ....وليس بكمية المياه ....يعنى مثلا لو عندى طلمبتين نفس القدرة ...وحبيت ازود عليهم واحده تانيه تبقى احتياطى ....ولها نفس قدرة التانيين يبقى الهيدر هيختلف ولا لأ

 

[ramyacademy]

سأقترح تصميم و أرجوا من الاعضاء تصحيحه ان لاحظوا فيه اى خطأ

1- أجعل هناك Holding tank قبل وحدة المعالجة , يصمم حجمه بحيث يخزن كمية ماء رى كافية لمدة استهلاك معينة ( لنقل يومين)
2- ضع level switch على مستوى امتلاء هذا التانك
3- استخدم ال diverting valve الذى تحدثت عنه سابقا ) ستحتاج لانشاء valve chamber
4- برمج محبس التوجيه لل diveritng valave المسؤول عن توجيه التدفق بين الاتجاهين بحث يكون الصرف دائما الى وحدة المعالجة الى ان يمتلئ الخزان , فعندها يحول المحبس اتجاه التدفق الى البلدية

 

[ياسر أشرف كامل]

المضخة احتياطى لو كنت تقصد ستعمل عندما تتوقف إحدى المضختين العاملتين فسيتحمل الهيدر نفس التدفق فلا داعى لزيادة قطر الهيدر أما لو كانت ستعمل معهما فيصبح الضخ من 3 مضخات بدلا من اثنتين احسب التدفق من المضخات مجتمعة وشوف سرعة المياه وقارن هل تحتاج لزيادة القطر أم يظل كما هو وأعطينا أرقام لكى نرى على الطبيعة ما هى المشكلة.

 

[احمد عزالعرب]

شكرا ...الف شكر لكل من ساهم .....ومن افاد ....ومن استفاد