استفسار بخصوص مشكله فى شغلى فى السعوديه

semoo

عضو جديد
إنضم
25 أبريل 2006
المشاركات
276
مجموع الإعجابات
5
النقاط
0
السلام عليكم ورحمه الله وبركاته
لو سمحتم انا واقع فى مشكله ومحتاج مشورتكم
انا جيت هنا السعوديه من سنتين على شركه مقاولات بعقد لمده سنتين وكان مكتوبلى فى العقد انى استحق اجازه 21 يوم على السنه تستحق فى نهايه التعاقد المهم ظروف الشركه كانت صعبه وقبل ما التعاقد الخاص بيا يخلص بعتت خطاب بعدم الرغبه فى تجديد التعاقد الخطاب ده اديته لمدير المشروه سلمه يدا بيد فى مقر الاداره بالرياض ووقع عليه السكرتير الخاص بالاداره انه استلمه
وبعد كده جالنا مدير عام التنفيذ زياره فى الموقع عملت خطاب تانى بعدم الرغبه فى تجديد التعاقد ونفس القصه سلمتهوله رسمى وموقعلى على نسخه انه استلم الاصل بعدها بفتره المدير ده قالى عاوزين نجدد طلبت منه رقم معين وطلبت منه انى انزل اجازه لانى بقالى سنتين ما نزلتش رد عليا بعد كده ان الرقم اللى طلبته مرفوض واتفقنا انه كده خلاص مش حجدد معاهم
المهم جيت قبل ما عقدى يخلص بكام يوم اتصلت بيه علشان يخلصلى اجراءات التخريج ( ملحوظه : هو اللى فى ايده تقريبا الحل والربط فى الشركه فى الوقت الحالى ) قالى ادينى يوم وارد عليك يوم يجر يوم تلات ايام وسافر وما ادانيش رد وهو بقاله شهر مسافر وانا حاليا تجاوزت مده تعاقدى مع الشركه بشهر وبعتتلهم فاكس على الاداره انى عقدى خلص وانى بعتتلهم قبل كده خطاب بعدم التجديد ومش عاوز اجدد
لكن للاسف حتى وقتنا هذا مفيش اى رد فعل من الشركه ولا اى خطوه اخدتها الشركه بخصوص اجراءات التخريج الخاصه بيا وتصفيتى الماليه بيتعاملوا مع الموضوع باهمال شديييييييييييييييييييييد ولا كأن فيه حاجه حصلت
وانا تعبت جدا وبقالى سنتين وشهر ونفسى انزل والشركه مش بتخلصلى اجراءاتى ومتوقع مدير عام التنفيذ ييجى من السفر يماطلنى فتره برضه ولللاسف لو سبت الموقع ورحت قعدت فى الرياض حيلطعونى فتره كبيره و غالبا مش حيعملوا اى خطوه الا لما مزاجهم يجيبهم وهم اللى يبقوا عاوزين يمشونى مش علشان انا من حقى امشى وعاوز امشى وحيخصموا عليا ايام الغياب دى بمبالغ كبيره زى ما الوزاره بتخصم عليهم تغيب مهندس
انا بس عاوز اسأل سؤال سألته لناس زمايلى كتير واحبطونى
لو الشركه استمرت فى اهمالها وعنادها معايا بالمنظر ده لو رحت لمكتب العمل بالخطاب اللى مستلمه مدير عام التنفيذ وقدمته هناك وقدمت شكوى هل يا ترى ممكن يخلصونى لانى سألت ناس كتير وقالولى لو رحت مكتب العمل مش حيعملك اى حاجه وحتدخل فى دوامه اجراءات ممكن تستمر شهور كتيره ده لو الشركه ما عملتش فيك انت كمان شكوى كيديه علشان تنتقم منك
يا ريت اللى عندهم خبره ينصحونى لانى مش عارف اعمل ايه تعبت نفسيا جدا والشركه عندها عجر فى المهندسين وعلشان كده بتتعنت معانا فى النزول اللى هو من حقنا فعليا ومش عارف اعمل ايه لو وقفت شغل ممكن يفضلوا على نفس المنوال وما يخرجوليش وابقى انا الخسران خصومات لو اشتغلت وكملت شغل حيفضل الوضع على ماهو عليه ان شا الله حتى للابد لو المسأله ازمت اروح مكتب العمل ولا الخيار ده اسوأ من سابقيه يا ريت تفتونى لانى تعبت جدا وحاسس كأنى محبوس
 

مواضيع مماثلة

alhawary

عضو جديد
إنضم
21 أكتوبر 2008
المشاركات
177
مجموع الإعجابات
17
النقاط
0
في كل الاحوال مش قدامك غير مكتب العمل ،، قدم شكوتك هناك واستمر ف العمل لحين الفصل فيها ، ولو عرفت تشتكيهم ف المحكمة والامارة يبقي كويس جدا . بس اهم حاجه السرية ف الاول لحد ما يكتشفوا هما علشان ما ياذوكش .
 

aamm77

عضو جديد
إنضم
4 يناير 2009
المشاركات
13
مجموع الإعجابات
0
النقاط
0
حصلت المشكلة دي مع حد اعرفه والحل الامثل انك تروح لمحامي كويس وهو يخلصلك الموضوع ان شاء الله لكن مكتب العمل مش هيعملك حاجة ابدا وربنا معاك
 

semoo

عضو جديد
إنضم
25 أبريل 2006
المشاركات
276
مجموع الإعجابات
5
النقاط
0
يعنى المحامى حيعرف يخلصلى الموضوع بسرعه ولا حفضل حاطط ايدى على خدى سنتين ولا منى شغال ولا منى فى بلدى ؟؟؟؟؟؟؟؟
 

tahawaked

عضو جديد
إنضم
30 يناير 2013
المشاركات
42
مجموع الإعجابات
7
النقاط
0
والله أظن ان افضل حل انك تحيب وسيط سواء محامي او حد في الشركة نفسها يكون متعاون ومقدر حال الناس.. اظن ان التصعيد ومكتب العمل دلوقتي مش في صالحك .. لو موصلتش لحل معاهم صعدها .. انما من دلوقتي غالبا هيبقى الحق معاهم هناك .

لو انت في الرياض جرب تروح لصندوق رعاية المصريين اللي في السفارة وليه فرع في المربع. بيتصرفوا في حاجات زي دي لو في مشاكل.
 

semoo

عضو جديد
إنضم
25 أبريل 2006
المشاركات
276
مجموع الإعجابات
5
النقاط
0
مهندس طه صندوق رعايه المصريين ده ممكن يعمل ايه ؟؟؟؟؟؟؟؟؟؟؟؟
 
أعلى