أرجو الأفاده من محترفي الأتوكاد

[عباس عبدالجواد]

السلام عليكم ورحمة الله وبركاته
أنا مبتدء في الأتوكاد وبقوم برسم الإستملاكات الخاصه بمشروع الطرق اللي بأعمل فيه
ولكن بتقابلني مشكله صغيره أنا مش عارف حلها وهى إن لما أرسم خطوط متقطعه على هيئة مثلثات لحساب مساحتها
وأغلق الرسمه وعند فتحها مره تانيه ألاقي التقاطعات اللي رسمتها من قبل بدأت تختلف قليلاً لما أعمل عليها zoom
وابدا في التصحيح مره أخرى ويبدأ الإختلاف مره تانيه وبالتالي بتختلف المسافات وبالتالي المساحه
فياريت تفيدوني بالحل والله الموفق للجميع​

​

 

[hosh123]

السلام عليكم
انت يتستخدم الــ object snap وانت شغال ولا لأ

 

[كبل]

انت لازم تشغل osnapبس على انواع المصطلحات اللي تستعملها يعني لو عاوز تلقط نهاية خط شلها لوحدها واطفي الكل وهكذا المميزات اضغط زر ماوس يمين على osnapوااختار منها قائمة الستينغ وضع اشارة صح علي انت عاوزه وبس ​

 

[عباس عبدالجواد]

السلام عليكم ورحمة الله وبركاته
والله يا باشمهندس هشام أنا بأستخدم ال object osnap لما اوصل النقاط اللي بتبقى في نهاية الخط
اما لو هاعمل تقاطعات مع الخطوط فبأفصل ال object osnap
وبأوصل الخط للأخر
وبعدين بألاقي الإختلافات في عدم وصول الخط المرسوم مع الخط الاساسي اللي عايز أعمل عليه تقاطعات والصوره المرفقه بتبين المشكله اللي عندي

 

[guendouzi2]

كل ما عليك عمله هو الضغط على كلمة View وتختار بعد ذلك Regen all

 

[عباس عبدالجواد]

السلام عليكم ورحمة الله وبركاته
المهندس guendouzi2
أعمل regen all
دا بعد الرسم وقبل قفل الرسمه ولا لما ألاقي الإختلافات بعد القتح مره تانيه
ياريت التوضيح بعد إذنك

 

[guendouzi2]

كل ما عليك عمله انو تقوم بالشيء الدي ورد مني ولعلمك الرسم تبعك محفوظ بجميع انواع الخطوط التي رسمت بها لكن الاتوكاد بحد ذاته يقوم بايراد الخطوط المستقيمة لكن في الاصل لا تزال كما هي بعد الاقفال والعودة
...........
ملاحظة : تستطيع بطريقة تانية ان تسترجع الخطوط المتقطعة بلمسة خفيفة انك تعمل مسح ثم عمل رجوع ستجد ان شاء الله انو عملك مازال مثل ما تركته عند آخر حفظ....

 

[عباس عبدالجواد]

شكراً لجميع الباشمهندسين ولكن لا يوجد حل أخر
وهل ال object osnap له إستخدام في حل هذه المشكله الصغيره
أكرر شكري مرة ثانيه وأأسف على الإطاله

 

[hosh123]

السلام عليكم
هى الخطوط اللى انت شغال عليها لها مناسيب مختلفة ؟؟

 

[hosh123]

الافضل كمان امك ترفع لنا ملف من الملفات بتاعتك عشان نشوفه معاك

ومبدئيا دول درسين خاصين بالـ object snap أنصحك تشوفهم الاول عشان ممكن تكون المشكلة فى إختيار الايقونة الصحيحة لأن فى الصورة بتاعتك أنا شايف أنك المفروض رابط على الخط جهة اليسار .......وفى حالة الربط على أى جزء من الخط بتختار nearest وممكن تكون انت لم تستخدمها

http://www.youtube.com/watch?v=bFIFpxj-kP4

http://www.youtube.com/watch?v=u2cyQBXz8so

 

[عباس عبدالجواد]

السلام عليكم ورحمة الله وبركاته
والله يا باشمهندس هشام إني احبك في الله
فعلاً أنا لقيت حل المشكله اللي عندي في الفيديو التعليمي الخاص بحضرتك
لأني لم استخدم
nearest
في الرسم
ولك ولجميع من ساهم في الموضوع كل الشكر ومن تقدم لتقدم إن شاء الله

 

[hosh123]

السلام عليكم
أحبك الله الذى احببتنى له .... احنا تحت امرك فى اى وقت