مطلوب من أهل الخبرة ولكم جزيل الشكر

[ellias]

بسم الله الرحمن الرحيم
حبيت فى اول موضوع انى اطلب منكم استشارة وأسف لو هتعب حد فيكم بس طلبى لانى شفت مواضيع كتير بتلبوا فيها طلبات الناس
انا أعمل فى مجال الكيماويات المساعدة كنت مندوب لمدة 5 سنوات والان اريد ان استقل بحالى و يوجد مواد كثيرة لا أجدها لسببين لأما ان البائع مش عارف أسم المادة العلمى لأما ارتفاع الأسعار ووجود النوعية الصينى دائما
من أمثلة المواد :1- هيدرو سلفيت الصوديوم
2-تراي كلورو أيثيلين
3- صوديوم تراي بولى فوسفات
4- ميثايل سلسليت
5- بولي اكريليت
6- فاتى أسيد (نون أيونيك )
7- توين 80
8- نفثالين سلفونيك أسيد .. ايجونال سلفونيك أسيد
9- أمونيوم بير سلفيت
10 - أسترات صوديوم
أرجو منك الأسم التجارى ولو أمكن لو حد يعرف شركات بتبيع المواد ده منشأ غير الصين ويكون سعرها كويس
أسف لو باتعبكم معايا
جزاكم الله كل الخير

 

[ellias]

لا حول ولا قوة الا بالله 47 مشاهدة وما حدش كلف نفسة يرد حتى ... أين مديرين المنتدى؟؟

 

[احمد عثمان 59]

الصوديوم تراي بولي فوسفات اسمه التجاري stpp و يوجد مصنع بالمنطقه الصناعيه امام ميناء الادبيه و هو مشهور تستطيع السؤال عنه هناك اما كربونات الصوديوم اسمه التجاري صودا اش و يوجد مصنع بمنطقة المكس بالاسكندريه و له نفس اسم المنتج . هذا ما اعرفه و ليساعدك الاخوه الزملاء في باقي المواد مع تمنياتي لك بالنجاح و الترفيق

 

[عبدالقادر2]

بارك الله فيك يا باشمهندس احمد
هيدروسلفيت الصوديوم ---------اجزا ودى الموجود صينى
تراى كلورو ايثيلين------------سولفنت دراى كلين شركة داو
صوديوم تراى بولى فوسفات-------تراى بولى
فاتى اسيد نون ايونيك-----------سوفت نونايونك
توين 80 -----هو ده الاسم التجارى وهو ايملسفاير
نفتالين سلفونيك اسيد-----------ديسبرس
امونيوم بير سلفات -----------كتاليست انيشياتور للبوليمرات المستحلبة
استرات الصوديوم------------ملح ليمون
بولى اكريليت-------------- اسمه بولى فى السوق

موجود اغلبية المواد عند مروان او نيرول عدا البيرسلفات موجود فى كيماويات المعامل بشركة الجمهورية

 

[عبدالقادر2]

اذا كنت لسه متابع يا اخى وحبيت تسال على اى شىء فى مجالك حتى فى تصنيعه انا تحت امرك

 

[احمد عثمان 59]

دايما صاحب فضل و سباق في الخير باشمهندس /عبد القادر

 

[ابو ابراهيما]

ممكن احد مهندسى الموقع يخرج زكاة علمة بعمل شريط اكسل به مايعرفة من اسماء ومصطلحات كميائية ومقابلها الاسم التجارى لها ويكمل علية بافى الاخوة مايرونه زيادة
م احمد عثمان - م عبد القادر اللى حضرتكم بتعملوة فى المنتدى ادعو الله ان يكون فى ميزان حسناتكم وخالص لوجهه الكريم وان تروا ثمرة ذلك فى حياتكم الدنيا

 

[عبدالقادر2]

شكرا اخى