اول يوم مهندس موقع تكيييف محتاج نصايحكم ضروررررررررررررري

[محمووود فتحي]

السلام عليكم يا بشمهندسين
انا مهندس ميكانيكا خريج 2011 اول يوم ليا كمهندس موقع محتاج دعواتكم بجد علشان اثبت نفسي بسرعة

- ايه مهمام مهندس التفيذ بالظبط مطلوب منه ايه ؟؟

- ازاي اتعامل مع العمال والفورمان ؟؟ خصوصا ان دي اول مرة في المجال واول مرة اتعامل مع عمال وخبرتهم اكبر مني خبرتي بالتاكيد

- لو انا مش عارف حاجة اسال الفورمان عادي ولا لا ؟؟

- ازاي احافظ علي العلاقة اللي بيني وين الفورمان بحيث يكون الفورمان فورمان والمهندس مهندس مع العلم انه اكبر مني (40 سنة )

- تنصحوني اقرأ ايه علشان اطور من نفسي ؟ كتب معينة علشان تفدني كمهندس تنفيذ ؟؟

- - علشان اكون مهندس تنفيذي ناجح ازااااي بجد ؟؟

بجد ياريت تردو عليا ربنا يكرمكم يارب ان شاء الله

 

[zanitty]

اولا مبروك الشغل الجديد و ربنا يقدرك و يعينك عليه
اول و اهم نصيحه من وجهه نظرى انك تثق فى نفسك و فى قدراتك و تبقى عارف تفرق بين نقص الخبره و نقص العلم ... انت عندك هلم بس لسه معندكش خبره فمتخليش اى حاجه تقف فى وشك تهزك
تانى حاجه لازم تفهم ان 90% ان لم يكن اكتر من شغل مهندس الالكتروميكانيك عامه و الميكانيكا خاصه مدرسناهوش فى الكليه لا من قريب و لا من بعيد
تالت حاجه لازم تبقى فاهم الفرق بين مهام المهندس و مهام الفورمان ... يعنى متسيبش نفسك تشتغل شغل الفورمان من غير ما تحس بانك تطلع تشغل انت العمال و خلافه
انت دورك 90% منه تنسيقى مع الاستشارى و مع مدير مشروعك و مهندسين باقى الاقسام بحيث انك ترتبوا خطه عمل المرحله اللى جايه بحيث تظبطوا ايه الاعمال المتعارضه و ايه المشاكل اللى ممكن تقابل كل واحد فيكوا مع التانى ...
لازم تبقى متابع مشتريات المواد بحيث تبقى عارف انت محتاج ايه المرحله اللى جايه و محتاج منه كميه قد ايه و اللى انت حتشتريه ده معتمد و اللا لا
انت اللى حتقابل مندوبى البيع للمواد ... حاول تلم منهم معلومات فنيه عن منتجاتهم على قد ما تقدر و بعدين اتفاهم معاهم فى الاسعار دى مقدور عليها و لو عندك فى شركتك مكتب فنى مش حتبقى دى مهمتك و حيبقوا هم االمسؤولين عن كده
خلى العلاقه بينك و بين الفورمان متوازنه بحيث ميحسش انك جاى تتعالى عليه لان فرق خبرته (حاليا) و فرق السن بينك و بينه حيبقوا عاملين له حاجز نفسى فى التعامل معاك فخليك ذكى و اكسر الحاجز ده بانك تحسسه باهميه دوره فى المشروع
و قبل ده كله لازم تتعامل مع الجميع عموما و اللى تحت منك خصوصا بشكل انسانى محترم ... حتى لو فيه حد غلط يتحاسب باحترام
بالنسبه للقرايه اقرا كل حاجه تيجى فى وشك ... تصميم - تنفيذ - صيانه (ده فى المجال) و اقرا اى حاجه برا المجال ... ادب - علوم - معرفه - دين

نصيحه اخيره ...
فى بدايه حياتك اسال زى ما انت عاوز مهما كانت الاسئله تافهه ... لانك حيجى عليك وقت حتبقى محرج تسال (على الرغم من انى شايف ان مفيش حد كبير على السؤال مهما بلغ قدره)

 

[محمووود فتحي]

ربنا يجازيك خير ياررررررررررررررررررررررررررررررررررررررررررررررررررررررررررررررررررررررررررررب ويرزقك رزق حلال

ياريت بجد لو حد عنده معلومة تاني يفدنا

 

[عمران احمد]

بالتوفيق ان شاء الله و الى الامام دائما

 

[nofal]

مبروك أولا على الوظيفة وثانيا ضع المشروع في مخيلتك واعرف أولويات العمل وما يتعلق بها من أنشطة والفترة المطلوبة للتنفيذ وعدد العمالة المطلوبة لكل نشاط والمواد المطلوبة وسعرها وموردها ولم استخدمت وبدائلها وكيفية عمل الsubmittalsو ادرس المواصفات والمخططات وحضر جيدا لآى اجتماع وكن على علاقة طيبة مع الجميع واكسب الناس بأخلاقك وليكن شعارك قول الرسول عليه الصلاة والسلام ان الله يحب اذا عمل أحدكم عملا أن يتقنه أو كما قال عليه الصلاة والسلام . وربنا يوفقك

 

[تامر أمين محمد]

ربنا يوفقك يا رب