سؤال بسيط فى التوتال ستيشن

[emym93]

أنا عندى سؤال فى استخدام التوتال استيشن لانى ما اشتغلتش عليه قبل كده ,, انا عندى كوبرى ستيل مكون من 24 باكيه هايتعمل فى اتجاه معين وعندى نقطه البداية و نقطه النهايه معلومين وعايزة اوقع النقط اللى بينهم .. ازاى اعمل كده بالتوتال بالخطوات لانى عمرى ما اشتغلت بيه وشكرا جدا

 

[emym93]

فينكم يا شباب ,, انا عارفه الموضوع بسيط جدا وممكن يتعمل بالتيودوليت بسهوله , لكن التوتال هو المتوفر عندى وانا عايزه دقه عاليه وكمان ده كوبرى فى البحر فما اقدرش مجرد انى اشد خيط وخلاص لأن كمان الطول مش قليل .. مستنيه ردودكم ..:11:

 

[محمودشيتا]

لازم تحط نقط على الاتوكاد للاماكن المطلوب توقعها وتطلع ليها احداثيات تدخلها للتوتال استيشن وتبدا بتوقعها

 

[الجزيرة للمساحة]

زى مابتقول انك عندك نقطة بداية ونهاية الكوبرى اولا لازم يتم ربط النقطتين الموجدين على الطبيعة بالتصميم من خلال الاوتوكاد وبعدين تقوم بفرض احداثيات لهم ثم بعد ذلك تقوم باستخراج احداثيات النقاط من الاتوكاد ووضعها على التوتال وتوقيعها فى الطبيعة من خلال النقطتين الموجودتين بالطبيعة ويكون التوقيع والعمل بالاحداثيات وذلك لضمان دقة العمل وربط الكوبرى بالطريقة الصحيحة

 

[emym93]

اشكركم شكرا جزيلااااااااااااا :34:

 

[mohey nagy]

السلام عليكم
حضرتك عندك نقطتين باحداثياتهم
وبكده توقف الجهاز على احداهم وتربط على الاخرى تسمى طريقه(station-back sight) وهتدخل احداثيات النقطه اللى واقف عليها وارتفاع الجهاز والعاكس لو هتوقع مناسيب مع الاحداثيات
وكذللك النقطه الخلفيه وتبدا تربط بينهم باقل خطأ وتكون قمت باستخراج احداثيات النقاط من على لوحه المشروع وتبدا توقعهم من برنامج stake out pointعلى التوتل
وممكن تقف فاى مكان غير معلوم بشرط انك تكون مثلث زواياه تقريبا 60 بين النقطه اللى واقف عليها والنقطتين التانيين ودى طريقه ربط resection
وانصحك تستعين بحد من طاقم المساحه بالموقع لان فى فنيات مش هتعرفها الا بالخبره وحضرتك مشتغلتش بالتوتل قبل كده