ما الذي يميز مضخات (الحريق) عن مضخات المياه العادية ؟

[مهندس علوان]

السلام عليكم و رحمة الله
لاحظت ببعض المشروعات بمصر و مشروع واحد بالسعودية إستخدام مضخات مياه عادية كمضخات حريق فقط يتم دهانها باللون الأحمر
هل هذا يخالف إشتراطات الدفاع المدني المصري ؟
و ما الفرق أصلا" بين مضخات (الحريق) عن مضخات المياه العادية ؟

 

[fayek9]

مبدئيا الكيرف الخاص بطلمبات الحريق بيبقى flat وكيرف طلمبات المياه بتبقى steep وده معناه ان طلمبه الحريق بتوصل ل operation points الطلمبات العادية متقدرش توصلها كما نص NFPA 20 ألا وهى 150 % فلو عند 65 % هيد و 140 % هيد عند shutoff أو 0 فلو

 

[fayek9]

طلمبات الحريق يتم طلبها و تزويدها ب Accessories لايتم تزويد طلمبات المياه مثل air release valve و pressure relief valve وغيرهم من الاكسسوارات المطلوبة ف NFPA

 

[fayek9]

وفى المشروعات ال حضرتك بتتكلم عليها بيجيبوا طلمبات مياه عشان طلمبات الحريق سواء UL/FM أو LPC أو حتى NFPA 20 وال بتكون factory assembly بتبقى غاليه عشان كده بيلجأوا لطلمبات المياه. وبالنسبه للدفاع المدنى ف مصر مبيهتمش باعتماد الطلمبات المهم وانت بتجربها تشتغل كويس و يوصل ضغطها لأبعد منطقة.

 

[مهندس علوان]

شكرا جزيلا على المعلومات المفصلة.

 

[toktok66]

مضخات الحريق المعتمده مصممه ومصنعه من مواد تتحمل ضروف قاسيه مثل الزلازل والفيضانات والاعاصير و الانفجارات ويتم تركيبها واختبارها بشروط خاصه بها ولها اكسسوارات ملحقه تركب معها كما اضاف الزميل فايق وتجهز البمب لذلك -
ولامانع من استخدام مضخه مياه عاديه بشرط ان لاتزيد تدفق الشبكه عن 500 جالون في الدقيقه وان تكون ul وتحقق شروط كيرف مضخات الحريق كما اضاف الزميل

 

[مهندس علوان]

وفى المشروعات ال حضرتك بتتكلم عليها بيجيبوا طلمبات مياه عشان طلمبات الحريق سواء ul/fm أو lpc أو حتى nfpa 20 وال بتكون factory assembly بتبقى غاليه عشان كده بيلجأوا لطلمبات المياه. وبالنسبه للدفاع المدنى ف مصر مبيهتمش باعتماد الطلمبات المهم وانت بتجربها تشتغل كويس و يوصل ضغطها لأبعد منطقة.

شكرا" جزيلا" يا بشمهندس و الرسائل الخاصة عندي معطلة للأسف
و بخصوص نوع

طلمبات حريق باعتماد انجليزى أو nfpa 20 هل حضرتك بترشح أنواع معينة أو برضو محابس معتمدة و سعرها أفضل ؟​

 

[مهندس علوان]

مضخات الحريق المعتمده مصممه ومصنعه من مواد تتحمل ضروف قاسيه مثل الزلازل والفيضانات والاعاصير و الانفجارات ويتم تركيبها واختبارها بشروط خاصه بها ولها اكسسوارات ملحقه تركب معها كما اضاف الزميل فايق وتجهز البمب لذلك -
ولامانع من استخدام مضخه مياه عاديه بشرط ان لاتزيد تدفق الشبكه عن 500 جالون في الدقيقه وان تكون ul وتحقق شروط كيرف مضخات الحريق كما اضاف الزميل

شكرا يا بشمهندس عل المعلومة

 

[fayek9]

شكرا" جزيلا" يا بشمهندس و الرسائل الخاصة عندي معطلة للأسف
و بخصوص نوع

طلمبات حريق باعتماد انجليزى أو nfpa 20 هل حضرتك بترشح أنواع معينة أو برضو محابس معتمدة و سعرها أفضل ؟​

نفس المورد بتاع الطلمبات UL/FM ممكن يجبلك نفس الطلمبة LPC بمعنى ارمسترونج مثلا أو peerless عندهم طلمبات LPC وبسعر أقل

 

[fayek9]

ومن أفضل الأنواع
patterson,peerlesspump,Armstrong,KSB,Ingers oll Dresser

 

[مهندس علوان]

نفس المورد بتاع الطلمبات UL/FM ممكن يجبلك نفس الطلمبة LPC بمعنى ارمسترونج مثلا أو peerless عندهم طلمبات LPC وبسعر أقل

شكرا لرد حضرتك يا مهندس فايق ... لكن ما المقصود بمضخة LPC .. هل هو إعتماد مثل ul/fm

 

[fayek9]

شكرا لرد حضرتك يا مهندس فايق ... لكن ما المقصود بمضخة LPC .. هل هو إعتماد مثل ul/fm

هو اختصار Life prevention code وهو اعتماد للطلمبات حسب الكود الانجليزى و يستخدم فى كثير من الدول
ولكن اعتماده ليس بنفس قوة UL/FM بمعنى انه ممكن يتغاضى عن بعض المتطلبات و خصوصا فى لوحات الكونترول

 

[عمران احمد]

جزاكم الله كل خير و الى الامام دائما و بالتوفيق للجميع
ان شاء الله

 

[مهندس علوان]

هو اختصار Life prevention code وهو اعتماد للطلمبات حسب الكود الانجليزى و يستخدم فى كثير من الدول
ولكن اعتماده ليس بنفس قوة UL/FM بمعنى انه ممكن يتغاضى عن بعض المتطلبات و خصوصا فى لوحات الكونترول

تمام جدا" طب سؤال : تقريبا التخفيض في قيمة المضخة الكاملة باللوحات بنسبة كام في المئة في حالة اعتماد lpc

 

[محمد بن الموصل]

موضوع جميل
شكرا لكل من ساهم في نشر الموضوع وتوضيح الفرق بين المضخات
بارك الله فيكم جميعا

 

[fayek9]

تمام جدا" طب سؤال : تقريبا التخفيض في قيمة المضخة الكاملة باللوحات بنسبة كام في المئة في حالة اعتماد lpc

فى الضغوط الكبيرة ابتداء من 150 psi تقريبا بيبقوا متقاربين فى السعر اما فى الضغوط العادية بيبقى من 30 الى 35 %

 

[مهندس علوان]

فى الضغوط الكبيرة ابتداء من 150 psi تقريبا بيبقوا متقاربين فى السعر اما فى الضغوط العادية بيبقى من 30 الى 35 %

تمام .. شكرا" يا بشمهندس فايق .. للأسف المضخة المعنية ضغطها 9 بار عند 750 جالون للدقيقة (واحدة كهرباء و واحدة ديزل) فواضح إن ال lpc مش هتوفر فيها كما حضرتك ذكرت بخصوص مضخات الضغوط الكبيرة ... لكن هل حضرتك ليك رأي برضو بخصوص التوفير في هذه المضخة

 

[fayek9]

تمام .. شكرا" يا بشمهندس فايق .. للأسف المضخة المعنية ضغطها 9 بار عند 750 جالون للدقيقة (واحدة كهرباء و واحدة ديزل) فواضح إن ال lpc مش هتوفر فيها كما حضرتك ذكرت بخصوص مضخات الضغوط الكبيرة ... لكن هل حضرتك ليك رأي برضو بخصوص التوفير في هذه المضخة

أنا رأييى ان حضرتك تتصل بكام مورد و تتطلب منهم عرض سعر عشان يبقى الكلام ادام عينك لو انت ف مصر قولى وانا ابعتلك الكونتكت بتاع كام شركة

 

[مهندس علوان]

أنا رأييى ان حضرتك تتصل بكام مورد و تتطلب منهم عرض سعر عشان يبقى الكلام ادام عينك لو انت ف مصر قولى وانا ابعتلك الكونتكت بتاع كام شركة

كلام حضرتك زي الفل أنا فعلا في مصر و أكون شاكر جدا جدا لإهتمامك و الله

 

[fayek9]

بعت لك الكونتاكت بتاع الموردين ف رسالة خاصة برجاء التأكيد عند وصول الرسالة