• مهم : ولأول مرة الآن يمكنك استخدام وتجربة تقنية الذكاء الاصطناعي في ملتقى المهندسين العرب ، كل ماعليك هو كتابة موضوع جديد في أي قسم من أقسام الملتقى ووضع سؤالك أو مناقشتك ، وسوف يجيب عليك المهندس الذكي مباشرة ، كما يمكنك اقتباس رد الذكاء الاصطناعي (المهندس الذكي ) ومناقشته وسؤاله لمزيد من التوضيحات.

ارجو المساعدة من فضلكم

إنضم
26 أغسطس 2007
المشاركات
8
مجموع الإعجابات
1
النقاط
0
ما هي الخطواط عمل خرسانة فير فيس
وكيفية عمل الشدادت الخشبية و كيفية المعالجة بعد الصب و ما هي المواد المستخدمة في المعالجة
وكيفية استلام الحوائط والشدة الخشبيية من النجار
وماهي الاشياء التي يجب تجنبها في الشدة الخشبية

كما اريد سؤال ثاني ما هي السمنت الرغوي و كيفية عملها و ما هي الاشياء التي يجب اتباعها
 

kotoz99

عضو جديد
إنضم
27 نوفمبر 2008
المشاركات
1,308
مجموع الإعجابات
138
النقاط
0
ما هي الخطواط عمل خرسانة فير فيس
وكيفية عمل الشدادت الخشبية و كيفية المعالجة بعد الصب و ما هي المواد المستخدمة في المعالجة
وكيفية استلام الحوائط والشدة الخشبيية من النجار
وماهي الاشياء التي يجب تجنبها في الشدة الخشبية

كما اريد سؤال ثاني ما هي السمنت الرغوي و كيفية عملها و ما هي الاشياء التي يجب اتباعها

السلام عليكم ورحمة الله وبركاتة
حضرتك اثرت تساؤلات كتير جدا يحتاج كل منها الى موضوع خاص .... ولكن ساعطى لحضرتك نبذة عن كل موضوع واتمنى ان تبحث على جوجل لو تريد التعمق
1- عمل خرسانة فير فيس ..... بسيط جدا انك تعمل اى شئ ناعم السطح عن طريق انك تصبة فى اناء سطحة الداخلى املس ... نفس الفكرة فى الخرسانة .. فى الخليج عشان تعمل مثلا عمود او سقف فير فيس بتستخد الواح ذات سطح املس اسمها الواح بولى وود .. فى مصر مثلا بنستغنى عن الالواح دى لغلو ثمنها باننا نعمل شدة خشبية عادية من الواح التزانة .. ثم نبطنها من الداخل بالواح ابلكاش

2-المعالجة بعد الصب ... بحر كبير جدا يتوقف على امكانيات الشركة الى انتا فيها وكمان ظروف المناخ عندك ... بتبدأ لو ظروف الشركة مش اد كدة والطقس معقول ( مش حر اوى .. زى مصر مثلا).. بتعالج بانك ترش مية على العنصر المراد معالجتة مرتين فى اليوم قبل الفجر وبعد العصر بتنفذ الكلام دة لمدة 7 ايام

#الطريقة الثانية من حيث الانتشار برضة ... المعالجة بالخيش المبلل .. ودى غاليا بتتعمل للعناصر الراسية زى العمدان لان المية لما بترشها مبتثبتش عليها .. وكمان بنستخدمة لما يكون الطقس حار جدا فلو رشينا مية هتتبخر بسرعة فبنلجا للخيش ونغطى بية العنصر المراد معالجتة ثم نرشة مية لانة بيحتفظ بالمية خلالة ...طبعا الطريقة دى تستخدم على السقف عادى لكن الخيش مكلف انو يغطى السقف ... ففى ناس تقوم فارشة رمل على السقف ... ثم ترشة مية وتسيبة لحد فترة المعالجة تنتهى ويزال الرمل
# الطرق الاخرى طرق مكلفة وغير منتشرة ... زى المعالجة بالبخار .. واستخدام مواد كيميائية معينة للمعالجة ودا بحر طوييييييييييييييييل بنلجأ لية تحت ظروف خاصة
#### قبل ما اقفل النقاش قى نقطة المعالجة .. احب انوة لمعلومة مهمة جدا ... لو تلاحظ انى لما ذكرا اوقات المعالجة قلت (( ترش مية على العنصر المراد معالجتة مرتين فى اليوم قبل الفجر وبعد العصر)) ... الكود نص على المواعيد دى مش اعتباطا كدة ... يعنى اية ؟؟ يعنى المعالجة بتتم فى وقت بيكون فيها الجو درجة حرارتة قليلة ودا لان لما بترش مية على العنصر الخرسانى جزأ منة بيكمل تفاعلة وبينتج عنة حرارة ... فلو انتا بقى نسيت تعالج قبل الفجر وجيت تعالج مثلا سقف الظهر والدنيا ولعة .. السقف والع وانتا بترش علية مية... هيعمل تششش .. التش دى مش هينة ... دى معناها ان هيحدث تشكلات حرارية تظهر فى صورة شقوق ... فخد بالك المعالجة تتم فى الاوفات الى الكود نص عليها

3- استلام الحيطة زى استلام العمود بس بتهتم اوى فى الحيطة بالتقويات
يعنى بتستلم مكان الحيطة اولا وقفا للوح واكساتها ... تستسلم ابعاد الحيطة ... تستلم راسية الحيطة بميزان الشاغول (ميزان الخيط فى مصر) ...تستلم الشدة الخشبية وتشوف خشبها حلو ولا مكسر ولا فية فتحات ... لازم يكون هناك زراجين على مسافات لانزيد عن 0.5 متر وتزيد حسب راى المهندس وتقديرة لخطورة الصب ... سعات نستخدم نهايز مايلة لسند الحيطة من الطرفين وتقويتها

4- تستلم السقف ... دا يختلف حسب اذا كنت انتا بتتكلم على سقف مشدود بعروق خشب ولا بقوايم ستيل ..... لو بعروق خشب يبقى تنزل تحت السقف اولا وتعمل الاتى
.................1- لو بتشد الشدة على الارض(سقف دور ارضى) لازم تحط تحت العروق حاجة اسمها فروشات عبارة عن عروق قديمة وسقالات عشان عروق الشدة متغورش جوا الارض
.................2- تتاكد من ارتفاع الدور .. تاخد شرب موحد على كل العروق ويكون بعدة 1 م من ارضية السقف القديم ... وتقعد تقيس من الشرب دة لحد بطنية السقف الخشب .. وتشوف هل البعد صحيح(بعد ما تكون خصمت سمك الخشب وال 1م طبعا من ارتفاع الدور الحر ) ... وتشوف سقوط الكمر
.................3- تتاكد ان المسافة بين كل عرق والتانى لاتزيد عن (0.7 الى 0.8 م) من كل النواحى
.................4- لو السقف عالى والعروق قصيرة يبقى هتعمل وصلات بين العروق .. لازم الوصلات دى تكون متقوية بحاجة اسمها الضفدعة (قطعة خشب صغيرة .. كمال بالصورة فى المرفقات) .. وكمان تكون متقمطة (قمطة)
.................5- تتاكد من مكونات الشدة ... عروق ثم برندة سفلية ثم تتكرر البرندة كل 1.9 الى 2م حسب ارتفاع الشدة عندك (فى شغل الابراج ارتفاع السقف بيكون غاليا 2.9م فبيكون عندك برندتين فقط سفلية وعلوية)... ثو بعد البرندة فى حمالات وفوقيها فى الاتجاة المعاكس عراقات ثم تطريح تطبيق ... ولو السقف تقيل بتجوز الحمالات .. يعنى بتخليهم لوحين فوق بعض على سيفهم ... ولو السقف تقيل اوى سمكة 30سم فما فوق بتجوز الحملات وتعمل حمال عكس تحتة كمان
.................6- تتاكد ان الشدة من تحت مفيهاش فتحات ولو فى بتسددها بخشب يقفلها
.................7- تقويات الكمر الى على الحدود الخارجية بعروفق اسكندرانى
#######################################
بعد كدة نيجى لمرحلة استلامة ما اعلى الشدة
.................1- بتتاكد من اماكن الكمرات وايعادها وعرضها وسقوطها وتقويتها بشنابر للكمر الخارجى
.................2- بتشد خيط على الكمر وتتاكد من انة على خط واحد ولا لاعب
.................3- بتتاكد من علاقة الكمر بالعمود ... يعنى الكمرة جاية فى نص العمود ولا على احد اطرافة وفقا للوح
.................4- تتاكد ان التطبيق متثبت صح ولو فيى حاجة مقوسة ولا ضاربة تخلى النجار يثبتها كويس
.................5- تنصب ميزان القامة وتشيك على السقف وتشوف هل كل مية واحدة ولا فى حتت طالعو ونازلة وهل مايل ولا عدل (( الخطوة دى بتبقى سهلة اوى بعد استلامتك لسقف من تحت لان لو فاكر احنا شيكنا على ارتفاع السقف من تحت.. بس لازم برضة من فوق نشيك )
بس خلاص كدة يا هندسة انتا كدة الشدة عندك تمام باذن الله وفى حجات تانية هتكتشفها وتكتسبها بنفسك بس دى الاساسيات والمهم جدا

5 - الخرسانة الرغوية عبارة عن خرسانة خفيفة تستخدم فى عمل الميول و كمان للعزل الحرارى
ولمزيد من المعلومات اليك البحث التالى نزلة واقراة هيفيدك
http://www.4shared.com/get/Z88SlRCL/__online.html

اتمنى اكون افادتك بالمعلومة ... ولو عاوز تستزيد اسال وكمان ممكن تبحث على جوجل هتلاقى كتير جدا وهتستفاد وتلاقى كتب مصورة تشرح كل حاجة .. لكن مش كل حاجة من الى انا كاتبها فى الكتب لان فى خبرات ومعلومات تكتسبها بالممارسة .. فياريت تاخد كلامى وتكمل قراية علية هتستفيد اكتر باذن الله
...
نفعكم الله جميعا بالخير .... تحياتى م/أحمد النقيب
19169318.jpg
 
أعلى