عقد عمل

[ENG_M9M_SADEK]

السلام عليكم

من فضلكم ايه رايكم فى عقد العمل ده لمهندس ميكانيكا 2011

 

[engnieer_moh]

يا اخى حرام عليك نفسك
ده عقد عمل لعامل وليس مهندس وحتى لو كان خريج 2014
قوله الراتب الاساسى لا يقل عن 3.5 اة 4 الف ريال والسكن والمواصلات عليه

 

[sherif_2007]

2000 ريال !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

 

[ENG_M9M_SADEK]

حسبى الله و نعم الوكيل .

الاتفاق كان على 3 و الانتقال و السكن عليهم

انا كنت عاوز اخد رايكم فى البنود المكتوبه لان انا شايف انها مش محدده حقوقى خالص

 

[محمدجابرمحمد]

نصيحه مني ارفض هذا العقد كله دون تفاوض - وحاول تبحث عن شركه وليس مؤسسه - وبعدين يعني ايه 500 ريال بدل سكن قليل طبعا - ولو انت هتشتغل في موقع اكيد طبعا هتحتاج سياره لازم هو يوفرها لك - والشرط الجزائي مرفوض - وبالنسبه للتامين الطبي وتذاكر الطيران مجبش سيرتهم ليه - نصيحه انت لو جيت المؤسسه دي هتتعب - وربنا يوفقك للاحسن

 

[ENG_M9M_SADEK]

فعلا حضرتك معاك حق انا ملقتش فى العقد اى بند بيوضح حقوقى

كل العقد عباره شروط و بنود بتحفظ حقوق الموسسه فقط منهم لله

بس للاسف انا كنت كشفت و خلصت كل الاجرات و كنت منتظر العقد لان اتفاقى معاهم كان غير كده خالص

 

[شادى اليمانى]

انا اخوك شادى مهندس مدنى بالمدينة المنورة دفعة 2011 وكنت مقيم فترة بالرياض هقولك نصيحة لوجه الله العقد ده اوعى اوعى اوعى تطلع عليه السعودى الى يعملك عقد زى ده هيخليك تكره الحياة وتضرب نفسك 100 جزمة انك جيت عليه وهقولك ليه فى عدة نقاط اولا : بدل السكن ده مش قليل ده اقل من القليل ده هيخليك اصلا متعرفش تجيب سكن حتى زى بتاع العمال الهنود والبنجالا البدل ده بالعافية ممكن يجبلك سرير فى غرفة مكونة من اربع افراد وحمام مشترك مع يجى 3 او 4 غرف وفى اعفن حتة فى الرياض بلنسبة لاسعاراليومين دول ؛ ثانيا : بدل الانتقال ده هيخرب بيتك فى الرياض لان اقل ليموزين هباخد من 10 الى 15 ريال فى المشوار ده لو شغلك قريب من بيتك وممكن يوصل ل 30 و 40 لو شغلك بعيد يعنى على الاقل لو هنعتبر انا بيتك قريب من شغلك 15 * 2 رايح جاى = 30 ريال * 26 يوم بدون الاجازات = 780 ريال ده اقل واجب هنا مفيش مواصلات والكلام ده ليكون معاك عربية لتاخد ليموزين ؛ ثالثا : وديه المصيبة الاكبر المرتب ده ميحطوش غير واحد ملوش ملة مهندس ميكانيكا 2011 المفروض مرتبك لايقل عن ( 4000 - 4500 ريال وده نظرا للظروف التى تمر بها بلادنا مصر لو فى وقت عادى المفروض اكتر من كده كمان ) ؛رابعا : ولا فيه بند بيتكلم عن التامين الطبى وما ادراك ما التامين الطبى هنا اقل كشف ب 150 ريال لو معكش تامين وغير انه لم يذكر اى شى عن تذاكر الطيران ؛ ده طبعا غير البنود الى فيها شروط جزائية وديه مرفوضة تمام طبعا ان متفهم المشكلة دلوقتى انك دخلت النت وعملت الكشف الطبى وده كلفك تقريبا 1000 جنية اقسملك بالله ان الى هتشوفه هنا من الانسان الى اتفق معاك على العقد ده هتقول يا ريتنى كنت ضحيت بال 1000 جنية ومعملتش فى نفسى كده انا كمان الى مضايقنى من العقد ان السعودى الى عامله اكيد هيكون انسان مش كويس لان بيحاول يستغفلك وبعدين دور يمكن تلاقى عقد تانى قبل مدة صلاحية الكشف ما تخلص وتبقى ال 1000 جنية مارحتش عليك

 

[mr x]

اوعي تطلع ياهندسة هتتبهدل وهيقعدك 3 شهور التجربة وهيمشيك

 

[ENG_M9M_SADEK]

انا اخوك شادى مهندس مدنى بالمدينة المنورة دفعة 2011 وكنت مقيم فترة بالرياض هقولك نصيحة لوجه الله العقد ده اوعى اوعى اوعى تطلع عليه السعودى الى يعملك عقد زى ده هيخليك تكره الحياة وتضرب نفسك 100 جزمة انك جيت عليه وهقولك ليه فى عدة نقاط اولا : بدل السكن ده مش قليل ده اقل من القليل ده هيخليك اصلا متعرفش تجيب سكن حتى زى بتاع العمال الهنود والبنجالا البدل ده بالعافية ممكن يجبلك سرير فى غرفة مكونة من اربع افراد وحمام مشترك مع يجى 3 او 4 غرف وفى اعفن حتة فى الرياض بلنسبة لاسعاراليومين دول ؛ ثانيا : بدل الانتقال ده هيخرب بيتك فى الرياض لان اقل ليموزين هباخد من 10 الى 15 ريال فى المشوار ده لو شغلك قريب من بيتك وممكن يوصل ل 30 و 40 لو شغلك بعيد يعنى على الاقل لو هنعتبر انا بيتك قريب من شغلك 15 * 2 رايح جاى = 30 ريال * 26 يوم بدون الاجازات = 780 ريال ده اقل واجب هنا مفيش مواصلات والكلام ده ليكون معاك عربية لتاخد ليموزين ؛ ثالثا : وديه المصيبة الاكبر المرتب ده ميحطوش غير واحد ملوش ملة مهندس ميكانيكا 2011 المفروض مرتبك لايقل عن ( 4000 - 4500 ريال وده نظرا للظروف التى تمر بها بلادنا مصر لو فى وقت عادى المفروض اكتر من كده كمان ) ؛رابعا : ولا فيه بند بيتكلم عن التامين الطبى وما ادراك ما التامين الطبى هنا اقل كشف ب 150 ريال لو معكش تامين وغير انه لم يذكر اى شى عن تذاكر الطيران ؛ ده طبعا غير البنود الى فيها شروط جزائية وديه مرفوضة تمام طبعا ان متفهم المشكلة دلوقتى انك دخلت النت وعملت الكشف الطبى وده كلفك تقريبا 1000 جنية اقسملك بالله ان الى هتشوفه هنا من الانسان الى اتفق معاك على العقد ده هتقول يا ريتنى كنت ضحيت بال 1000 جنية ومعملتش فى نفسى كده انا كمان الى مضايقنى من العقد ان السعودى الى عامله اكيد هيكون انسان مش كويس لان بيحاول يستغفلك وبعدين دور يمكن تلاقى عقد تانى قبل مدة صلاحية الكشف ما تخلص وتبقى ال 1000 جنية مارحتش عليك

شكرا جزيلا لحضرتك و كلامك صح جداا انا فعلا ندمان ان عملت الكشف الطبى و النت و انى كنت مرتب حجات كتير على موضوع السفر ده

لكن الحمدلله انها جات على كده و هحاول اشوف عقد تانى قبل انتهاء مده الكشف الطبى و ربنا معايا

 

[ENG_M9M_SADEK]

اوعي تطلع ياهندسة هتتبهدل وهيقعدك 3 شهور التجربة وهيمشيك

تقريبا هو ده اللى هيحصل و الحمدلله على كل حال

 

[yaseenbamatraf]

الله يوفقك