افضل طريقه لصب الاعمده في مصر

[اسراء اسامه]

ارجو من اصحاب الخبرات كيف يتم صب الاعمده بحيث تحقق عامل السرعه والدقه
انا شوفت كذا طريقه
1-بالقصعه
2-بالبرويطه ان النجار بيعمل سكه للبرويطه تمشي عليها
بس انا حاسه ان الطريقتين لهم عيوب خصوصا الانفصال الحبيبي والايام دي العمال مش زي الاول في القصعه .هل يوجد طريقه تكون احسن طبعا مش متوفر بامب ........اتمني اعطاء الراي في هذا الامر

 

[usama_usama2003]

الصب عن طريق المضحات concrete pump لدي اي شركة خرسانة جاهزه

 

[اسراء اسامه]

الصب عن طريق المضحات concrete pump لدي اي شركة خرسانة جاهزه[/QUOTE
حضرتك قرات السؤال الاول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[مصعب الممصعب]

سلام
افتحي فتحه من جانب علي ارتفاع مناسب وكل شويه تغييري او تقفلي في الفتحه دي.

 

[مصعب الممصعب]

بي جركانه 18 لتر مقطوعه تسمى باغه في السودان .

 

[maaam5831112]

طريقة الصب باستخدام "القصعة" الخرسانة حتكون ناشفة لان العامل عايز "يكوم" اكبر قدر ممكن من الخرسانة علشان يخلص لان الطريقة دي بتاخد وقت كبير
طريقة الصب بالبرويطة كويسة بس المشكلة ان الخلطة حتكون "شربه" اقصد كمية الماء فيها كثيره لضمان سرعة الصب وعلشان العامود يطلع حلو fair face
الحل في رأي يكمن في شخصية الباشا "المهندس" اللى واقف على الصب سواء بالطريقة الاولى او التانية المهم الخرسانة تكون صح
تحياتي

 

[اسراء اسامه]

طريقة الصب باستخدام "القصعة" الخرسانة حتكون ناشفة لان العامل عايز "يكوم" اكبر قدر ممكن من الخرسانة علشان يخلص لان الطريقة دي بتاخد وقت كبير
طريقة الصب بالبرويطة كويسة بس المشكلة ان الخلطة حتكون "شربه" اقصد كمية الماء فيها كثيره لضمان سرعة الصب وعلشان العامود يطلع حلو fair face
الحل في رأي يكمن في شخصية الباشا "المهندس" اللى واقف على الصب سواء بالطريقة الاولى او التانية المهم الخرسانة تكون صح
تحياتي
[/QUOTE
طب القصعه كده حلوه لان كل ما قل محتوي الماء مقاومه الخرسانه تزيد .اما البرويطه فعلا بتكون شوربه لان ساعات لما يكون عمود صغير او عايز حاجه بيسطه بيسخدم جردل
المهندس يعمل ايه في الموضوع ده وهيكون غصب عنه

 

[مصعب الممصعب]

ابدا سيب القصعه وهي على ما اعتقد القدح . وجيبي جركن بتاع زيت 18 لتر قصيه من اعلا . بيكون ضبط الخلطه علي يدك انت كمهندس . وبتحددي زيادة مويه او اضافات او اي حاجه حسب رغبتك.
الحموله مناسبه مهما كانت شوربه ولا عصيده .

 

[Eng.hossam safwat]

والله يا بشمهندسه انا شايف ان استخدام القصعه افضل بكتير حتي لو الخلطخ ناشفه شويه بس دا افضل هتتجنب حدوث انفصال حبيبي وف نفس الوقت مقاومه اعلي بس مش للدرجه برضه عشان التعشيش وبعدين العمال صحتهم ف النازل الله وكيل يعني كتر خيرهم :4:

 

[طلعت محمد علي]

ارجو من اصحاب الخبرات كيف يتم صب الاعمده بحيث تحقق عامل السرعه والدقه
انا شوفت كذا طريقه
1-بالقصعه
2-بالبرويطه ان النجار بيعمل سكه للبرويطه تمشي عليها
بس انا حاسه ان الطريقتين لهم عيوب خصوصا الانفصال الحبيبي والايام دي العمال مش زي الاول في القصعه .هل يوجد طريقه تكون احسن طبعا مش متوفر بامب ........اتمني اعطاء الراي في هذا الامر

على حسب عدد الاعمدة وحجم كل عمود والكمية المطلو بصبها والمنشا عباره عن ايه وكام دور ؟؟ يتحدد الجواب

 

[اسراء اسامه]

المنشا عباره عن فيلا بدروم وارضي واول وسطح مساحتها 170م و24 عمود معظمهم 30*60 ارتفاع 3م .
طب نفترض برج 12 دور ونفس عدد الاعمده والمساحه فيه فرق

 

[طلعت محمد علي]

المنشا عباره عن فيلا بدروم وارضي واول وسطح مساحتها 170م و24 عمود معظمهم 30*60 ارتفاع 3م .
طب نفترض برج 12 دور ونفس عدد الاعمده والمساحه فيه فرق

اذا كانت مساحة مقطع العمود كبيره كان يكون 1.5 * 0.35 مثلا وعدد الاعمدة كبير ابتداءا طريقة القصعه او الطريقه اليدويه البدائية مش هتنفع .
ولو برج طبعا 12 دور مش هينفع طريقة القصعه بتاتا .
ولو مش متوفر بامب متحرك لاى سبب من الممكن استخدام البامب الثابت .
ولو مش متوفر محطه خرسانة مركزيه من الممكن عمل محطات بدائية جدا وتكاليفها قليله اذا كان حجم المشروع كبير .

وابتداءا دعينا نقارن التكاليف فى حالة استخدام خرسانه جاهزة ( محطه + بامب ) بتكاليف الصب اليدوى
** تقريبا نفس التكاليف اذا كانت الكميات متوسطه . حاليا اسعار المحطات تتراوح ما بين 350 الى 380 جنية / م3 لجهد 250 كجم / سم2 والسعر شامل كل ما يلزم من بامب وعربات وخلافة .
** بحساب تكاليف الصب بالطريقة اليدويه تقربا تكون نفس التكاليف اذا كانت الكميات متوسطه فى حدود ( من 50 الى 100 م3 يوميا ) اما اذا قلت الكميات المصبوبه عن ذلك لتصل الى رقم 12 م3 ( كمية صب الاعمدة التى ذكرتيها ) وبحساب تكاليف الصب سواء قصعه او خلاطه وبراويط فالتكاليف اعلى بكثير وقد يصل تكلفة المتر الواحد الى 450 جنيه او اكثر

وطبعا ده من الناحية الاقتصادية اما من الناحية الفنية فلا مجال للمقارنه بين الطريقتين

اما اذا تعذر استخدام محطه خلط مركزيه لاى سبب وكانت المقارنه بين استخدام القصعه او البراويط
فمن الممكن ملاحظة الاتى

** من الناحية الاقتصادية والسرعه فاستخدام البراويط ارخص واسرع

** من الناحية الفنية
- استخدام الخلاطات افضل من ناحية التحكم فى نسب المواد لخلطة الخرسانية ( رمل وسن وماء واسمنت وخلافه ) مع ملاحظة اصعب ما فى ذلك التحكم فى كمية الماء .
- استخدام البراويط ( خصوصا الحجم الكبيرة ) يحدث حركة كبيره للشده الخشبية ويحتاج الى تدعيم اكثر ( خصوصا النهايز ويتم عمل النهايز فى اتجاه عكس اتجاه الصب )
-الصب باستخدام البراويط يحدث تصادم بين الخرسانه وجسم العمو ( الخشب ) مما قد ينتج عنه ميل للعمود اثناء الصب ويتطلب ذلك مراجعة الميول بعد اتمام الصب مباشرة
- الصب باستخدام القصعه ليس له اى مميزات سوء خرسانة ذات محتوى ماء مناسب جدا . ولكن لا تستطيعين التحكم فى اى نسب خلط او كميات اسمنت ( صعوبه ذلك )

 

[اسراء اسامه]

مشكور جدا جدا م طلعت
يعني ايه محطه بدائيه جدا لو فيه تفاصيل اكتر ممكن ننفذ هذا الامر ان شاء الله لو مش مكلفه كما ذكرت حضرتك

 

[طلعت محمد علي]

مشكور جدا جدا م طلعت
يعني ايه محطه بدائيه جدا لو فيه تفاصيل اكتر ممكن ننفذ هذا الامر ان شاء الله لو مش مكلفه كما ذكرت حضرتك

دى فكرة فى الاساس قائمة على استخدام عربات ترانس ميكس ( والتى تقوم بخلط وتقليب مكونات الخرسانة اثناء دوران الحله ) دى الفكرة الاساسيه مع استخدام اى وسيله لوضع مكونات الخلطه التصميمه داخل هذة العربه ( ممكن استخدام ماتور كهربائى متصل بسير فى نهايته قادوس او مخروط ) ويتم وضع السن مثلا باستخدام اللودر داخل المخروط او القادوس ورفعه باستخدام السير لينزل فى النهاية داخل العربة
وهذة المحطات معروفة جدا فى الوسط بالنسبة للقدامى من المهندسين وذلك قبل انتشار المحطات المركزيه
وتكلفة انشاءها فى حدود 70 الف بخلاف العربات الترانس ميكس التى من الممكن شراءها مستعمله او تاجيرها
تحياتى ...

 

[محمد سنبله]

الشكر لمهندسنا الفاضل طلعت علي مجهوده

 

[اسراء اسامه]

هستفيد من خبره حضرتك في
ما هي مهمه مشرف الموقع خصوصا المهندسين الجدد زي حلاتي كده المشرف ده حاجه غريبه وصعب حديث التخرج السيطره عليه لاسباب حضرتك عارفها
1-ما هي وظيفته
2-كيفيه التعامل معه خاصه المهندسين الجدد
**لان احد المهندسن ترك العمل بسبب مشرف

 

[abonaif007]

شو القصعة وشو البرويطة؟؟؟؟

ممكن الاسماء اللغة العربية بعد اذنكم؟؟

 

[طلعت محمد علي]

هستفيد من خبره حضرتك في
ما هي مهمه مشرف الموقع خصوصا المهندسين الجدد زي حلاتي كده المشرف ده حاجه غريبه وصعب حديث التخرج السيطره عليه لاسباب حضرتك عارفها
1-ما هي وظيفته
2-كيفيه التعامل معه خاصه المهندسين الجدد
**لان احد المهندسن ترك العمل بسبب مشرف

وظيفة المشرف باختصارهى تنفيذ كل ما يكلف به من المهندس المسئول عنه والهيكل الوظيفى لاى مشروع يتكون من مدير مشروع يتبعه مديرين تنفيذ . كل مدير تنفيذ يتبعه عدد من المهندسين وكل مهندس يتبعه مشرف او اكثر بالاضافة الى الفنيين والعماله
ووظيفة مشرف الموقع هو تنفيذ كل ما يكلف به فقط ليس الا ...
وتحديد مسئوليته والاعمال التى يقوم بها يختلف من مشروع لاخر حسب طبيعة المشروع . نوعه . الاعمال المطلوب تنفيذها ... وهكذا

اما من ناحية التعامل بين المشرف والمهندس الحديث التخرج لابد العلاقة تكون قائمه على الحب والموده والاحترام المتبادل .. ولا بد من الاخذ فى الاعتبار ان حديث التخرج (او غيره حتى الخبرة ) يحتاج الى مجهود كل من معه ..( وليس من المستحب طريقة فرد العضلات من المهندس على من حوله خصوصا اذا كان ذلك المهندس فى بداية حياته المهنيه ويحتاج الى كل معلومه وتفصيله فى كل شيىء )
وليس معنى هذا ان ينعكس الوضع كان يتحكم المشرف فى المهندس وفى قراراته
والمدير الناجح هو من يوائم بين ذلك كله ويضع المهندس الحديث معه مشرفين خبره ( والمهندس العصبى معه مشرفين هادىء الطباع ...) وهكذا
مع تمنياتى لكى ولكافة اعضاء المنتدى بالتوفيق

 

[اسراء اسامه]

معلش لو بطول علي حضرتك كتير لاني لسه نازله تنفيذ من كام اسبوع لسه
ماذا يفعل المهندس في حاله ما اذا اراد المشرف انه يمشي كلامه علي المهندس وايضا في حاله المشرف اعطي اوامر للعمال بتنفيذ شئ لم يطلبه المهندس

 

[اسراء اسامه]

موضوع صب العمود بالبرويطه زي ما تفضلت نتيجه الضغط ممكن العمود يميل وهوزنه بعد الصب طب يعني لو مايل هنعدله يعني وازاي .هل ممكن نشترط علي مقاول الصب انه ياخد من البرويطه بالجردل ويرمي في العمود افضل