خطوات تركيب الكونسيلد .... بالمختصر المفيد و الصور concealed split unit

سامر السعدني

عضو جديد
إنضم
16 يوليو 2008
المشاركات
533
مجموع الإعجابات
243
النقاط
0



بسم الله الرحمن الرحيم .. و الصلاة و السلام على اشرف الانبياء و المرسلين ...........


مشروع تركيب تكييف كونسيلد .......... بالصورة ......




المرة دي انا هافترض ان سيادتك عمرك في حياتك ما اشتغلت كونسيلد ....




102949063.jpg
[/URL][/IMG]






و هافترض ان جاتلك سبوبة ( مصلحة يعني ) انك تكيف فيلا سكنية ( علشان تلحق تتجوز ..... لانك لو فضلت مستني تحوش من المرتب علشان تتجوز ...... يبقى هاتتجوز انت و هيا في دار مسنين .....طبعا انا بتكلم على المهندسين الي شغالين في دولة زي مصر....)

691602574.jpg
[/URL][/IMG]




المهم يا سيدي انت قعدت مع العميل (
بعد لما لبست الحتة الي عندك ... البدلة و الكرافتة ال slim fit و الساعة الي مش عارف ايه و الحتة الاي فون و لا يستحسن تروحلوا بالاي باد ........ و تشوفلك اي عربية بي ام من اي حد من اصحابك ......صدقني لو ما عملتش كده الراجل مش هايقتنع بيك حتى لو قولتلوا ان انت الي اخترعت التكييف المركزي .....)

399951088.jpg
[/URL][/IMG]




لما تقعد مع العميل خليك تقيل اوي ..... و كل كلمة محسوبة .....



بص يا ريس ......



الراجل و لله الحمد اقتنع بيك .......و بشركتك ( لو ما عندكش ......
. قولي و انا اديك سجل وبطاقة تشتغل بيهم المشروع ....... ما تكبرش الموا ضيع ..... الدنيا سهلة .... بس لازم تأخذها ببساطة ...)


هاتطلب من العميل و انت قاعد معاه 3 حاجات :



اول حاجة :
الرسومات المعمارية و الانشائية .....

ثاني حاجة :
عمل معاينة للفيلا او القصر.......( خدوا بالكوا العك الي عمال أحكيه ده على عميل عليه القيمة .... اما ده لو زبون مش لاقي ياكل و شاري الارض من الجهاز و طلع السعودية كام سنة .. و بناها بالعافية ...... ما تتعبش نفسك .... ده اخره سبليت يونت وول ماونتد و شكرا .....)

ثالث حاجة :
تطلب منه يعرفك على المعماري و الانشائي و مهندس الكهرباء و المشرف على الفيلا ......
كده انت خلصت اهم خطوة يا هندسة (
فرصة سعيدة يا اكسلانس ...... انا اسعد و الله ..... انا هابعت لحضرتك العرض الفني و المالي بعد اسبوع )


اوعى تتسحب من لسانك و تقول اي سعر و انت قاعد مع الراجل .....مش اتفقنا انك تخليك تقيل .......


بعد ما تطلع من عند الباشا ...
تعمل معاينة على طول ( المعاينة دي مهمة جدا علشان تعرف الوضع ... هل هما صبوا الادوار كلها و لا لأة و هل اشتغلوا مباني و لا لسة ..... لان الحاجات دي بتفرق كتير اوي في السعر الي انت هاتحطه ....)


المهم يا سيدي ...... هاتعمل خطوة مهمة اوي ....



هاتحسب الاحمال الحرارية ( بالطريقة البلدي ...... علشان تسعر عليها من غير ما تبذل مجهود علشان لو العملية طارت ما تبقاش بذلت مجهود جامد )

بس و تقدم العرض الفني و المالي ....


الف مبروك عليك العملية ......نبتدي الخطوات الجد بعد لما سيادتك أخذت الدفعة المقدمة طبقا للعقد الي انت عاملوا معاه ( ما تنساش النسبة بتاعتي يا ريس ...)

على فكرة التسعير و كيفية التسعير محتاج موضوع لوحدوا ممكن نتكلم عليه بعد كده ......

خطوات تركيب الكونسيلد .........


1-
الاطلاع على المعماري ( ذاكروا كويس علشان تبقى مالي نفسك في الاجتماعات ...)


2- حساب الاحمال الحرارية بأي طريقة من الطرق الي انت عارفها ( مش عارف تحسبها ..... اديها لاي حد و اديلوا مصلحتوا و اخلص )




3- ها تعمل سلكشن للمكن و سلكشن للماركة ( يستحسن في الكونسيلد تشتغل يورك .... علشان الاستاتيك بتاع يورك بيوصل لحد 100 باسكال اما كارير على قدها غلبانة ....)



4- هاتطلب meeting مع المالك و المعماري و الكهرباء و الصحي .......... و ها تطلب من المعماري الاتي ....



تحديد اماكن الوحدات الخارجية .....



تحديد مكان كل و حدة داخلية .... و السقوط المطلوب في السقف الساقط


تحديد نقاط الصرف مع مهندس الصحي .....



تحديد مسارات مواسير الفريون مع مراعاة المسافات الا تزيد عن الحد المطلوب ( خد معاك كتالوج المكن في الاجتماع علشان تعرف تتكلم في المسافات بتاعتة المواسير و ابعاد الوحدات الداخلية و الخارجية )



تحديد اماكن ابواب الكشف ( دي ليها طرقتين اتنين نقولهم في الاخر )

تحديد مسارات الصاج و السقوط المطلوب للسقف



تحديد شكل الجريلات و اماكن الجبسمبورد




تحديد
مستوى الجريلات من الفنش فلوور





و تتفق مع مهندس الكهرباء ان انت ها تقدملوا اللوحات و الاحمال علشان يخلص شغلوا هو كمان......




طبعا المالك ليه شوية طلبات برضوا هايقولها ..... ( اربط التكييف مطرح ما صاحبه عايز )





5-
ها تقدم ال proposal بتاعك ( تكون رسمت فيه الصاج و حددت اماكن الوحدات الداخلية و الخارجية و نوع الجريلات و مقاستها ..... تخلص شغلك على الورق ....) و تعمل meeting تاني مع نفس الاطراف ( ما تجيبش بتاع الانشائي على اساس ان السقف ان شاء الله فلات سلاب لو مش فلات سلاب ... هاتوا و اطلب طلباتك )




6-
المهم اتفقتوا على كل حاجة على الورق .....يبقى كل واحد يمضي على اللوحات ( اوعى تجامل في النقطة دي علشان ما تخسرش صحتك و فلوسك .... و هاتكره شغلانة المقاولات و مش هاتكمل فيها )




7- بس يا ريس لازم يكون في العقد بتاعك ان اي تغيير عن اللوحات المتفق عليها ها يكون في variation في الفلوس .... لان الصاج لو اتفصل و المكن اشتريته ..... كل سنة و انت طيب




8-
اطلب المكن من شركة يورك او اي شركة وكيل ليها ......






9-
هات مقاول الصاج و خليه يعمل معاينة و يبتدي يفصل الصاج و اتفق معاه على السعر بالطن ( اوعى يشتغلك و يقولك دي مقطوعية يا بيه و مش هاتجيب همها و يبتدي يشحتلك ..... سيبك من الحركات دي .... بس ده على افتراض ان الفيلا او القصر في شغل صاج مش بطال .... اما لو مشروع صغير اوي .... احسبهالوا مقطوعية ....)




ابتدي فصل الصاج و اتفق على ميعاد التوريد ....... ( و تقولوا ليلتك سوده لو اتأخرت ..... خذها نصيحة مني ....مقاول الصاج خليك ماسكوا بالفلوس لاخر لحظة .... علشان ما يلعبش بيك .....)




10- في نفس الوقت تكون طلبت المكن ( لازم يكون في الفيلا مكان امن و واسع تخزن فيه البلاوي السودة دي )



11- اعمل حصر بالعزل الداخلي و الخارجي المطلوب و هاتها من شركة قباء ( وكيل ايزو كام التركية )


12- بعد لما عملت حصر باطوال المواسير النحاس ممكن سيادتك تنزل تشتريها من العتبة ( هاتكسبك مبلغ مش بطال )

984032502.jpg
[/URL][/IMG]


او تريح دماغك و تركز في شغلك و تغلي المورد يجيبها بس هايحسبلك المتر ب 110 جنيه لحد المكن ال 3 طن على ما اظن و بعد كده ب 160 جنيه المتر ....




13- كده احنا وردنا المكن و مواسير النحاس ( كل حاجة تدخل الموقع باذن تسليم وتمضي( بتشديد الضاء) المشرف علشان لو في حاجة اتسرقت تشيلها للبواهات ...( البواهات جمع بيه )) ..... وكمان وردنا العزل الداخلي و الخارجي و ال Canvas





14- ابتدي عملية صب قواعد المكن الخارجي تدي الانشائي ديتيلة للقواعد ..... ( او تعلقوا على كوابيل ... علي حسب الموقع ) طبقا للشوب دروينج الي انت اعتمدتوا من المعماري ......




15- ابتدي ركب الوحدات الداخلية في الاماكن المتفق عليها


520514812.jpg
[/URL][/IMG]



16- ابتدي ركب مواسير الفريون طبقا للمسارات المتفق عليها .



290507184.jpg
[/URL][/IMG]

604616289.jpg
[/URL][/IMG]
.

841060783.jpg
[/URL][/IMG]





17- ورد الصاج في الموقع


516251828.jpg
[/URL][/IMG]



18 - بداية مرحلة تجميع الصاج ....

544712083.jpg
[/URL][/IMG]




19- تفتيح المباني ( علشان الصاج يعدي من الحوائط ) و يا سلام لو عرفت تركب الصاج قبل أعمال المباني و الطوب .....

587792833.jpg
[/URL][/IMG]




20- عمل حلوق خشب للفتحات

162809470.jpg
[/URL][/IMG]


C:\Users\samer\AppData\Local\Temp\msohtml1\01\clip_image004.jpg


21- تعليق خطوط الصاج


495204152.jpg
[/URL][/IMG]






22- عزل الصاج داخليا و خارجيا



253951637.jpg
[/URL][/IMG]




23- ربط الصاج بالمكن ( ماتنساش الكنفز)


788709079.jpg
[/URL][/IMG]

23- تفتيح الصاج .......( نكمل تفتيح الصاج و باقي الموضوع المرة الي جاية )








 
التعديل الأخير:

مواضيع مماثلة

engtamer83

عضو جديد
إنضم
15 سبتمبر 2009
المشاركات
14
مجموع الإعجابات
10
النقاط
0
موضوع اكثر من رائع
فى انتظار الجزء الثانى
 

engtamer83

عضو جديد
إنضم
15 سبتمبر 2009
المشاركات
14
مجموع الإعجابات
10
النقاط
0
انا متابع كل مواضيعك الرائع يا بشمهندس و جزاك الله كل خيرعلى اهذا الموضوع الرائع
 

سامر السعدني

عضو جديد
إنضم
16 يوليو 2008
المشاركات
533
مجموع الإعجابات
243
النقاط
0
انا متابع كل مواضيعك الرائع يا بشمهندس و جزاك الله كل خيرعلى اهذا الموضوع الرائع


ربنا يخليك ليا يا بش مهندس تامر ....أشكرك على زوقك

جميل اوى الشرح :)
تسلم يا باشا
جزاك الله كل خير

و جزاكم الله كل خير يا بش مهندس يا حالم

مع ان نفسي أسألك سؤال ..... كلمة حالم دي تقصد بيها ايه و ايه سبب التسمية ....؟؟؟؟؟؟؟!!!!!!
 

مهندس عموره

عضو جديد
إنضم
29 يوليو 2011
المشاركات
114
مجموع الإعجابات
8
النقاط
0
تمام اوى ...........والله المستعان ........والف شكر على المجهود
 

أكرم حمزه

عضو جديد
إنضم
27 يوليو 2006
المشاركات
269
مجموع الإعجابات
32
النقاط
0
بارك الله فيك أخي مهندس سامر السعدني

أسلوب رائع ولطيف يابش مهندس سامر لقد اتحفتنا بهذا الأسلوب الجميل (دمك خفيف وحلو) بارك الله فيك وياريت تكمل الموضوع مع تعزيزه بالصور
 

moha.saeed11

عضو جديد
إنضم
29 ديسمبر 2006
المشاركات
127
مجموع الإعجابات
9
النقاط
0
المهندس الفاضل مهندس سامى
رمضان كريم عليك ولاسره الكريمه
الامتياز والابداع فى كل مواضيعك
ننتظر ان نكمل الموضوع لتركيب للشيلرات بالموقع
شكرا للتفضل بالرد
 
التعديل الأخير:

ahmed_sherif1981

عضو جديد
إنضم
4 أغسطس 2011
المشاركات
197
مجموع الإعجابات
117
النقاط
0
موضوع اكثر من ممتاز مع اسلوب رائع احسنت يا هندسه منتظرين التكمله
 

سامر السعدني

عضو جديد
إنضم
16 يوليو 2008
المشاركات
533
مجموع الإعجابات
243
النقاط
0
موضوع اكثر من ممتاز مع اسلوب رائع احسنت يا هندسه منتظرين التكمله

ربنا يجزيك كل خير يا ابوحميد و ان شاء الله نكمل......

أسلوب رائع ولطيف يابش مهندس سامر لقد اتحفتنا بهذا الأسلوب الجميل (دمك خفيف وحلو) بارك الله فيك وياريت تكمل الموضوع مع تعزيزه بالصور

أشكرك على زوقك يا اكرم بيه و ان شاء الله نكمل الموضوع ( بس انت عارف الوقت في رمضان بيركبه 100 عفريت ) ...
المهندس الفاضل مهندس سامى
رمضان كريم عليك ولاسره الكريمه
الامتياز والابداع فى كل مواضيعك
ننتظر ان نكمل الموضوع لتركيب للشيلرات بالموقع
شكرا للتفضل بالرد


كل سنة و انت طيب يا بش مهندس محمد....
بس بالنسبة لموضوع التشيلرات .... أنا رأيي ان يكون في موضوع مستقل .... علشان نقفل موضوع الكونسيلد ( لان على قد ما هو تركيبه يبان سهل ....لكن صدقني متعب جدا في تركيبه لان الفلل السكنية بيبقى المعماري معقد شوية ....(الي عامل تصميم كلاسيك و الي مش عايز سقف ساقط . .... ) و يمكن حد يحتاج المعلومة في يوم من الايام ...
 
إنضم
1 يونيو 2007
المشاركات
197
مجموع الإعجابات
20
النقاط
0
بارك الله فيك مهندس سامر بالفعل الكونسيلد تركيبه سهل لكن به مشاكل مع الحيز المراد تركيبه عليه مثلما تفضلت نتمنى التكملة وشكرا
 

سامر السعدني

عضو جديد
إنضم
16 يوليو 2008
المشاركات
533
مجموع الإعجابات
243
النقاط
0
بارك الله فيك مهندس سامر بالفعل الكونسيلد تركيبه سهل لكن به مشاكل مع الحيز المراد تركيبه عليه مثلما تفضلت نتمنى التكملة وشكرا


انت تأمر و أنا أنفذ ........
 

ml1988ml

عضو جديد
إنضم
20 أغسطس 2011
المشاركات
39
مجموع الإعجابات
2
النقاط
0
بارك الله فيك يابشمهندس مجهود رائع
 

كاسر

عضو داعم للملتقى
عضو داعم
إنضم
20 يونيو 2003
المشاركات
737
مجموع الإعجابات
249
النقاط
0
بارك الله فيك

مبدع كعادتك... جزيل الشكر
 

دكتور صبرى سعيد

مشرف وإستشاري الهندسة الميكانيكية
إنضم
1 مايو 2009
المشاركات
3,807
مجموع الإعجابات
828
النقاط
0
السلام عليكم و رحمة الله و بركاته
رمضان كريم أعاده الله عليكم باليمن و البركات و الصحة و السعادة و العتق من النار
زادك الله من فضله
موضوع الشرح بالصور انت بدأته و بداية محمودة و ربنا يجعله في ميزان حسناتك و يزيد من أستاذيتك
أكرمك الله بكل بكسل بذلت فيه مجهود
الصور منتقاة
طلب بسيط ياريت بعد الشرح الجميل ده تجمع لنا الصور في فولدر و ترفقه و ما تنساش الصور اللي كانت قبل كده
و دائما موفق و متميز
 

alarefmohamed

عضو جديد
إنضم
8 أكتوبر 2011
المشاركات
74
مجموع الإعجابات
10
النقاط
0
السلام عليكم ورحمة الله ----- سؤال واحد عايز اعرف اجابته انت بتجيب الافكار المدهشة دى والابداع ده منين هو رزق من ربنا زى ما قلتلك ربنا يبارك لك ويزيدك
 

ibrahim1hj

عضو جديد
إنضم
28 أغسطس 2006
المشاركات
379
مجموع الإعجابات
25
النقاط
0
موضوع رائع جدا و الشرح جدا مفيد ,, جزاك الله خير .. متابعك للجزء التالي لنشوف بقية الموضوع وشكرا
 
أعلى