أنا جالى سفر للسعودية ممكن حد يقولى كام المرتب دلوقتى؟

[Al Ahly]

بسم الله الرحم الرحيم
الحمدلله على كل شيئ
قدامى فرصة سفر للسعودية دلوقتى كمهندس مشتريات وانا دفعة 2003 فكام متوسط المرتبات دلوقتى لدفعتى؟ لأنى مش عايز أقول سعر يكون أقل من سعر السوق فأقلل من سعرنا بره وكمان مش عايز يكون فيه تغيير فى المرتبات بسبب الثورة وظروف البلد فيكون المبلغ المطلوب كبير
مستنى مساعدتكم يا جماعة ضرورى

 

[إسلام علي]

ما طبيعة تخصصك وخبرتك أخي الكريم
على العموم راتبك يقع بين 7 و 15 ألف ريال حسب الظروف مع تأمين سكن ورعاية طبية وتنقلات

 

[Al Ahly]

ما طبيعة تخصصك وخبرتك أخي الكريم
على العموم راتبك يقع بين 7 و 15 ألف ريال حسب الظروف مع تأمين سكن ورعاية طبية وتنقلات

مابين 7 و15 فيه فجوة كبيرة
انا عايز اقولك انى طلبت 10 فى كذا شغل وبسبب كده متقبلتش لان فيه مقدمين بأقل من كده وكل واحد يسمع 10 الاقيه اتصدم مش عارف ليه ويقولى ماينفعش تنزلهم شوية وانا مش عايز انزل ل 9 عشان غيرى هينزل وشوية هانلاقى نفسنا كلنا عمالين ننزل بمرتباتنا

 

[إسلام علي]

موقفك سليم تماما
لو واثق من إمكانياتك لا تتنازل أبدا العملية مش فصال
وللأسف كتير من المهندسين بينزل من نفسه وبيأثر على سمعة غيره ويجعلنا سلعة رخيصة

 

[Al Ahly]

موقفك سليم تماما
لو واثق من إمكانياتك لا تتنازل أبدا العملية مش فصال
وللأسف كتير من المهندسين بينزل من نفسه وبيأثر على سمعة غيره ويجعلنا سلعة رخيصة

والله يا أخى أنا واثق من نفسى الحمدلله بس المشكلة إنى نهيت شغلى فى الشركة اللى أنا فيها وكنت عايز أوصل الشغل مش عايز أقعد أستنى الظروف مش مضمونة فى البلد وقلقان إنى إذا قولت مرتب وإستغلوه (رغم ده المرتب الطبيعى) إنى أقعد أدور على شغل فترة وبالذات إن الظروف فى البلد مش مبشرة بالخير خالص وليا زمايل كتير مرتباتهم نزلت ومنهم اللى ساب الشغل
فمش عارف أعمل إيه بصراحة

 

[العلم والايمان]

السلام عليكم ورحمة الله وبركاته
انا معك يا اخى فى كلامك لابد لنا من ان نتمسك بقيمتنا الحقيقيه فى العمل وان يتم تقديرنا على ما يجب ولكن ايضا ممكن ان نقول ان فى السفر لاول مره لابد من تقديم شيء من التنازل من باب (تحط رجلك) وبعد اثبات الذات من الممكن ان يتغير الوضع

 

[mokh]

من 8 الى 10 مع السكن والبدلات مناسب جدا
اقل حاجه 8000 ريال
بالتوفيق

 

[محسن سعيد]

الله يعينك

لا تقبل اقل من 9000 ريال والرزق على الله

 

[Al Ahly]

up

 

[weehdaty]

اخوي اذا انت في مصر
اقبل بأي شيء
السعودية استقرار والشغل فيها خبرة ممتازة وراتب اعتقد جيدة وكمان اهم شيء كل شيء رخيص هناك عكس بقية دول الخليج

 

[هانى حميده]

10000

 

[مهندس سمير]

الرواتب الآن متدنيه ولم تعد مثل زمان .......المهم ان تعلم ان رواتب مكاتب الاشراف ليست كرواتب المقاولات هذا من جهه ومن جهة اخرى تاكد بان هذا الامر هو رزق من الله تعالى فاحيانا يكون العمل مع مكاتب وشركات كبيره ورواتب عاليه رغم ان الخبره لدى المهندس ليست كبيره .......واحيانا العكس
على العموم وحسب معلوماتي ان سنوات الخبره التي لديك هي بحدود 8000 -1000 ريال في المقاولات و 6000- 8000 في الاشراف طبعا بالاضافع الى تامين السكن والمواصلات خلال العمل والاجازه السنويه شهر (احيانا 3 اسابيع ) وتذكرة السفر ذهابا وايابا
بعد كل هذا ضع امام عينيك ان المبلغ الكبير قد يكون خلفه نوايا للنصب ......فقد اقول لك انا اريدك للعمل براتب 25000 ريال ولكني لن اعطيك الراتب الا بالقطاره وبما يكفيك للاكل والشرب والدخان .......ما العمل عندها ........كل ما ارغب بقوله هو ان تتاكد بان الرزق هو من الله جل في علاه وكن حذرا .......وفقك الله