بصو لقصه المقابله الشخصيه دي و قول رأيك ....

[hamada_top1]

يا اخواني جالي عقد عمل في الدوحه و انا من مصر
فراجل قال لي علي الشروط من هنا وقال لي طلع الباسبور و ارجعلي
المهم طلعت الباسبور قلت له هات العقد نمضيه و اوثقه من السفاره القطريه من هنا في القاهره
قال لي لاء العقد هنمضيه في الدوحه متزاكر الطياران و التأشيره عليا فأكيد هتلاقي هناك كل الحجات اللي اتفقنا عليها علشان انا هدفع فلوس
السؤال دلوقتي


هل اسافر مع الراجل ده و اصدقه ؟
لو انا طلعت قطر ازاي اوثق عقدي هناك في قطر ؟
وايه النصائح اللي تنصحوها لي ؟
علي فكره الشركه اسمها (الالفي) للتشطيبات و الرخام ولها فرع في مصر و القطر و الامارات

لرجو الرد السريع لانه عايز ياخد صوره الباسبور النهرده

اه نسيت اقول حاجه : قال لي سعر العقد 4000 دينار فيهم 1500 بدل سكن فانا زي الاعمي دلوقتي لاني معرفش الاستديوهات هناك هتبقي بكام
​

 

[مصطفى عمود]

قصدك ريال قطري على فكرة الشركة دي فلست وبتشطب وأمرها مبهم

 

[eng_msasa]

4000 شامله السكن غير كافى
المعيشه فى قطر مرتفعه عن السعوديه
كما انه لا يوجد سكن داخل الدوحه مستقل ب1500 هذا الرقم ستكون مشاركا مع شخص فى السكن

 

[Eng. Ammar]

ايش 4000 ؟؟؟


يارجال خلك في بلدك احسن لك والله حرام تروح لقطر بهالمرتب

 

[hamada_top1]

طيب دلوقتي ما ينفع اضمن حقوقي لو انا رحت الدوحه ؟ لانه مش راضي يمضي هنا بمصر
م انه له فرع هنا بمصر
وهو كلمني النهرده علشان اروح اديله صوره الباسبور بس انا خايف من النصب فقلت اسأل يا اخواني بدل متبهدل ...

 

[hamada_top1]

ده الموقع بتعها http://www.elalfyco.com/main.HTML يمكن حد يتعرف عليها اكثر

 

[hamada_top1]

قصدك ريال قطري على فكرة الشركة دي فلست وبتشطب وأمرها مبهم

شكرا اخي للرد و ده الموقع http://www.elalfyco.com/main.HTML بتاع الشركه فهل دي اللي انت تقصدها ؟؟

 

[مصعب الممصعب]

اصلا العقد ما ممكن يكون الا معاك من وزارة العمل المصريه او وزارة عمل بلدك .حتسافر كيف.؟.؟
في السودان لو شنو وشنو ما ممكن تسافر

 

[engineer.medo43]

يابشمهندس نصيحة اخ لاخوه انسى العرض ده ولا كانك شفته ......انا لسه ساحب اوراقى من مكتب اسمه الرحمه لالحاق العماله فى شارع القصر العينى بالتحرير عشان قعد اكتر من شهر واسبوع يقولى التاشيره كمان يومين وفى الاخر رحت لقيت مهندس مدنى خريج 2011 زيى جاى يسال على الاستاذ محمد عبد الوهاب اللى هو اتصل بيا من البدايه واتفق معايا .......باختصار المكاتب اليومين دول شغالين لعب بعقول المهندسين حديثى التخرج بسبب فرصهم الضئيله واحتياجهم للشغل .......اتصل بالراجل اللى اتفق معاك ده وقوله مش عايز اسمع صوتك تانى واقفل فى وشه السكه .......انزل تدريب فى اى مكان انا نازل بكره باذن الله اتدرب فى موقع وكلها 4 شهور وتبقى مهندس خبره سنه ويبقى مرتبك اعلى من كده بكتير .......وتحياتى ليك

والسلام عليكم ورحمة الله وبركاته

 

[WAMI XXX]

يا اخواني جالي عقد عمل في الدوحه و انا من مصر
فراجل قال لي علي الشروط من هنا وقال لي طلع الباسبور و ارجعلي
المهم طلعت الباسبور قلت له هات العقد نمضيه و اوثقه من السفاره القطريه من هنا في القاهره
قال لي لاء العقد هنمضيه في الدوحه متزاكر الطياران و التأشيره عليا فأكيد هتلاقي هناك كل الحجات اللي اتفقنا عليها علشان انا هدفع فلوس
السؤال دلوقتي


هل اسافر مع الراجل ده و اصدقه ؟
لو انا طلعت قطر ازاي اوثق عقدي هناك في قطر ؟
وايه النصائح اللي تنصحوها لي ؟
علي فكره الشركه اسمها (الالفي) للتشطيبات و الرخام ولها فرع في مصر و القطر و الامارات

لرجو الرد السريع لانه عايز ياخد صوره الباسبور النهرده

اه نسيت اقول حاجه : قال لي سعر العقد 4000 دينار فيهم 1500 بدل سكن فانا زي الاعمي دلوقتي لاني معرفش الاستديوهات هناك هتبقي بكام
​

اهم حاجة مش العقد
اهم حاجة انك تتأكد من المكان اللى انت رايح له
عن طريق حد يكون هناك
او بمساعدة من ملتقى زى ده
او دور و نعكش عنه فى النت و دور عليه

و العرض قليل لانه مشتمل السكن
السكن فى قطر غالى جدا جدا
و مصاريفك الشخصية كمان هتكون كبيرة لان العيشة على ما اعرف غالية فى قطر

لو عايز تروح و تجرب مش هتخسر السفر فى حد ذاته خبرة و تجربة كبيرة و خطوة مهمة
بس قله تذاكر الطيران عليه و حتى لو هيخصمها منك لما تروح هناك مش مشكلة
المهم انك تضمنه و تضمن جديته و انه مش نصاب
عشان لو رحت و لقيت النظام هناك مش عاجبك باسبورك معاك
تركب اول طيارة لمصر
يبقى انت هتكلف تذكرة رجوعك بس ب 1500 جنيه مثلا
و الخسارة مش كبيرة
و لو النظام حلو يبقى فل اوى و كمل معاهم

انا عملت كده و انا مسافر
و لما روحت و عجبت الراجل اللى شغال معاه
ما كلمنيش فى حق التذكرة اصلا
اللى هى المفروض كانت عليا و هتتخصم منى لما اسافر

و ربنا يوفق

 

[WAMI XXX]

يابشمهندس نصيحة اخ لاخوه انسى العرض ده ولا كانك شفته ......انا لسه ساحب اوراقى من مكتب اسمه الرحمه لالحاق العماله فى شارع القصر العينى بالتحرير عشان قعد اكتر من شهر واسبوع يقولى التاشيره كمان يومين وفى الاخر رحت لقيت مهندس مدنى خريج 2011 زيى جاى يسال على الاستاذ محمد عبد الوهاب اللى هو اتصل بيا من البدايه واتفق معايا .......باختصار المكاتب اليومين دول شغالين لعب بعقول المهندسين حديثى التخرج بسبب فرصهم الضئيله واحتياجهم للشغل .......اتصل بالراجل اللى اتفق معاك ده وقوله مش عايز اسمع صوتك تانى واقفل فى وشه السكه .......انزل تدريب فى اى مكان انا نازل بكره باذن الله اتدرب فى موقع وكلها 4 شهور وتبقى مهندس خبره سنه ويبقى مرتبك اعلى من كده بكتير .......وتحياتى ليك

والسلام عليكم ورحمة الله وبركاته

المكتب ده ابن تيت
مكتب زبالة
و حتى لو مش نصابين فعروضهم زبالة
انا لما كلمونى زمان و رحت و يا ريتنى ما رحت
من قبل ما اخش المقابلة الهبلة بتاعهم و انا لسه قاعد بره
قلت انا ايه اللى جابنى يا خسارة وقت المشوار و فلوس المواصلات
و ربنا انا كنت همشى قبل ما ادخل المقابلة
بس قلت اما استنى و اشوف نظامهم ايه انا جيت خلاص
و دخلت على المقابلة العظيمة
و لقيت واحد شكله ............(يلا بلاش اغلط) بيقولى بتعرف تتشتغل اوتوكاد و اسئلة هبلة بنفس الطريقة ديه و انا عمال اضحك و اقول لنفسى يا ريتنى خدتها من قاصرها و مشيت
و ديه كانت اول و اخر مرة اشوف فيها المكان ده

 

[Eng.Ahmed-Nabil]

العرض سئ وفية تحوير.....بلاش احسن

 

[mohamedmadeh1]

يابشمهندس الراااااااااااااااااااااتب زباله . مش عشان حديث التخرج . الراتب ده المفروض مايوافقش عليه طالب تالته مدنى . هنفترض 1500 سكن . باقى 2500 تمام . 1000 طعام + سجاير لو بتدخن+ 500 تليفونات لمصر + نت . باقى 1000 نفترض عايز تشترى قميص بنطلون تشترى اى حاجه + مخالف مروريه من اللى مابيرحموش . باقى 500 اضربها فى 12 شهر الناتج 6000 اخصم مصاريف المكتب اللى دفعتها فى البدايه وهافترض معاك لاب توب من مصر بس لازم الهدايا ياسيدى انت بقالك سنه بتعبى فلووووووووس كتييير . دا غير انت عايز تروش نفسك لبس ونضارات وساعات ( مش مهندس) لازم كل ده . تنزل معاك 2000 جنيه مصرى . يتسرقوا منك فى المطار (ههههههههههه) . باختصااار الراتب مش كويس والمهندسين قالوا انها شركه تعبانه . اصرف نظر .

 

[mohamedmadeh1]

يابشمهندس حديث التخرج المسافر للسعوديه لا يوافق على اقل من 3500 ريال اساسى +( سياره او بدل تنقل + بدل مكالمات + سكن او بدل سكن + تذاكر سنويه + شهر مدفوع الاجر ) . وعلى فكره حديث التخرج يستحق اكتر من ذلك ولكن استعجال الشباب على السفر هو اللى عامل مصيبه والله . وانا بقول الراتب ده ليه علشان انا كنت شغال هنا من سنتين اول ماتخرجت كنت باخد 3000 ريال والكفيل عين واحد سعودى يتابع المهندسين ب 4000 ريال . والله مايعرف حاجه عن الهندسه . مش هنسى سؤاله ليا قبل صبه السملات مباشره ( احنا هنصب هنا ولا هنا ؟ ) قلتله يعنى احنا لو مش هنصب هنا الحديد ده حطناه ليه . كان بيشاور على اماكن الغرف .

 

[mos]

أخى الكريم
هذا المرتب مخجل من وجهة نظر السوق
طالما لن توقع العقد بمصر فهى مؤسسة ضعيفة إن لم يكن هناك ترعب.

لاتجعل الظروف الغير مطمئنة تدفعك إلى بداية مشاكل أخرى.

مع تمنياتى بالتوفيق

 

[NDFSAJFDFF]

أنا معروض عليا عقد موثق للسعودية
مكتب مدارات للإستشارات الهندسية
مش هتكلف حاجة تقريباً يعنى لا مكتب سفريات ولا الكلام ده كله

بس المرتب تعبان موت 2700 ريال

بصراحة مع الوضع ده أنا بفكر اوافق

 

[محمد النواري]

يا اخي العقد قليل جدااااااااااااااااااااا جدااااااااااااااااااااااا السكن غالي جدا في قطر وكمان المصاريف غاليه اووي اغله من السعودية بمراحل فكر كويس ومتستعجلش والراجل ده مش تمام علشان يطل مهندس من بلده ب 2500 ريال ده انت هتتكلم بس اتصالات ب 500 ريال احسبها كويس يا هندسة

 

[محمود علام]

لا تسافر

 

[مصطفي الوزير]

انتا برنس

 

[engnieer_moh]

عارف دبى فى الامارات اهى الدوحة زيها
يعنى ربنا يساعدك بالمرتب ده