أريد مساعدة ضروري في الساب

[AngelOfTears]

ارجو المساعدة من ذوي الخبرة في رؤية الملف المرفق و اعطائي النصيحة الملف عبارة عن تصميم سقف Flat slab بواسطة ساب 2000 v.14.2 و لوحة معماري للسقف و تصميم الاعمدة

 

[max moment]

ملف الساب مبيفتحش يا هندسة ........ولازم تبعت الفايل كله عشان يفتح
وللعلم انا مسطب ساب 14​

 

[م/السيد الشيخ]

بعض الملاحظات السريعة على فايل الساب
1- ليس كل الكمرات عليها احمال
2- راجع البلاطات عند مركز الجزء المثلث لان التقسيم فيه خطأ
3- قسم الكمرات مع تقاطعها مع البلاطات
4- السلم غير مكتمل
5- المفروض السلم مايدخلش مع السقف لانه بالوضع ده سوف يؤثر على العزم فى البلاطة لانه سيجعلها مستمرة وهى فى الطبيعة منتهية عند السلم كذلك الكمرة حول السلم بذلك انت تجعلها تحمل بلاطة السلم وبلاطة السقف وهى فى الطبيعة تحمل فقط السقف
6- يمكنك تعديل modifiers m11,m22,m12 لبلاطة السلم واجعلها مثلا 0.01 بذلك سوف تتخلص من استمرارية العزم مع البلاطة لكن اعرف انك لم تتخلص من نقل حملها للكمرات
7- الافضل تحذف السلم ولما تخلص حل زود كل عمود للسلم 2 طن وده يعنى كتير جدا
8- اظبط modifiers m11,m22,m12 لبلاطة السقف 0.25

وتقبل تحياتى

 

[م/السيد الشيخ]

ملحوظة اخرى ملف الساب ينقصه جزء من الدوران المجاور للبلكونة المستطيلة ان كان هذا الملف لهذا السقف

 

[AngelOfTears]

شكرا جدا على المساعدة م/ السيد الشيخ هو الغرض كله من التصميم اني اعرف الاحمال المؤثرة على الأعمدة ومن ثم اصمم القواعد المسلحة ... بصفة عامة هل من الضروري ادخال هذه التعديلات ؟؟

 

[م/السيد الشيخ]

الموضوع بسيط جدا كل اللى هاتعمله انك تحمل الكمرات اللى مفيش عليها احمال
وتظبط البلاطة اللى فى الدوران
وده كفاية ان شاء الله