سؤال من هندسة مدني للوحوش في ري

مصطفى حجيجة

عضو جديد
إنضم
15 يوليو 2011
المشاركات
7
مجموع الإعجابات
0
النقاط
0
السلام عليكم
أولا أنا مش عارف السؤال ده يخص حضراتكم أم لا
عندي قطعة أرض صحراوية بمنطقة تسمى كوم أوشيم في الفيوم هي أراضي مستصلحة والمسئولين عاملين قناة تقريبا بعرض 5 متر بس المشكلة أن الميه قليلة جدا وسطح الميه على مسافة تقارب 4 متر من سطح الأرض الزراعية والمياه ليست متوفرة دائما عشان كده عايز أكشف عن مياه جوفية أزاي أقدر أخرجها وفي حد يعرف شركات ممكن تعمل ده في القاهرة وأزاي أعرف أن الميه دي صاحة
وشكراااا للوحوش
 

مواضيع مماثلة

sang

عضو جديد
إنضم
20 ديسمبر 2010
المشاركات
204
مجموع الإعجابات
13
النقاط
0
أول حاجة شوف جيرانك عاملين ايه ، يعني لو في حد جنبك بدأ يرزع شوفوا .. بالنسبة لدق البير ( ده المصطلح الدارج لاستخراج المياه الجوفية ) فهي عملية هتتوقف على عمق الوصول للمياه الجوفية و دي طبعا بتختلف من منطقة لأخرى

أنا كنت شغال في وادي النطرون و كان عمق الوصول 190 متر و بالتالي كانت تكلفة الحفر عالية جدا .. أنصحك بإنك تشوف جيرانك الأول عاملين أيه و لو كان كلهم زيك :) يبقى تطلع على أقرب محطة بحوث زراعية للأرض بتاعتك و أكيد هتلاقي عندهم الإجابة
بالمناسبة لازم تحدد قبل ما تروح عندهم نوع المحاصيل اللي هتتزرع لإن ممكن تكون أرضك لا تصلح لزراعة مثل هذه المحاصيل و كمان نوعية مياه الري هتحدد نوع المحصول
أنا لو كنت في مصر كنت قدرت أفيدك بس للأسف .. على العموم إن شاء الله مشكلة بسيطة
 
إنضم
3 أكتوبر 2011
المشاركات
7
مجموع الإعجابات
0
النقاط
0
زى ما تفضل المهندس sang ممكن حضرتك تشوف اقرب حد ليك دق بير و تشوف هو على عمق اد ايه بالظبط و فى الغالب العمق عندك هيكون قريب بس الأفضل أنك تروح محطة بحوث زراعية او جيولوجيا تعرف المياه الجوفية على عمق اد ايه و لو نويت أنا ممكن أوصلك لمقاول دق آبار ممكن يفيدك
أتمنى اكون قدرت افيدك
 
أعلى