مهندس جديد

[abdelrahman_ab]

انا طالب في كلية الهندسة وعايز اسأل عن مشكلة شفتها في بيت فيه خارجة البلكونة (نصف متر)مصبوبة لوحدها وسألت صاحب البيت عن الحديد لقيت ان الشوكة مدخلتش الباكية (يعني مرة ونصف عرض الكابولي)
عايز اعرف خطورتها وتحملها لوزنها ؟؟؟؟
وحل هذه المشكلة ؟؟؟؟؟؟؟
وسامحوي على السؤال!!!!!

 

[sherif_2007]

انا طالب في كلية الهندسة وعايز اسأل عن مشكلة شفتها في بيت فيه خارجة البلكونة (نصف متر)مصبوبة لوحدها وسألت صاحب البيت عن الحديد لقيت ان الشوكة مدخلتش الباكية (يعني مرة ونصف عرض الكابولي)
عايز اعرف خطورتها وتحملها لوزنها ؟؟؟؟
وحل هذه المشكلة ؟؟؟؟؟؟؟
وسامحوي على السؤال!!!!!

المشكلة دى فكرة مشروع التخرج بتاعى السنة دى ...

معروف طبعاً إن مادام الحديد العلوى مدخلش الباكية (مرة و نصف طول الكابولى ) فـده خطر جدا لأن الحديد كده وقف فى منطقة عزوم , ولو تحملت وزنها فأكيد مش هتقدر تشيل أحمال إضافية عليها
و هتنهار ...

الحل بتاعها

لو الكابولى مش مهم أوى ممكن تكسره و تسلحه من جديد و خصوصاً إنه مبنى سكنى و طول الكابولى صغير ... و ده حل هيبقى معقول بالنسبة للحالة دى .

أما لو الكابولى فعال و حيوى و لا يمكن تكسيره .. فممكن تستخدم الإجهاد الخارجى .. بأسياخ خارجية توضع فوق الكابولى و يتم شدها لتعمل عمل الأسياخ العلوية المدفونة فى الكابولى و الحل ده مكلف نسبياً لأن طريقة الإجهاد الخارجى بتحتاج حديد خاص و طريقة تثبيت عن طريق Plate حديد .

إختار إنت الأنسب لك ,, و طبعاً ده مجرد إقتراح و لو أنا مخطىء أتمنى باقى المهندسين يصلحوا ..

شكراً
​

 

[abdelrahman_ab]

اولا شكرا على مرورك يا بشمهندس شريف بس انا فكرت في حل وش عارف ينفع ولا لأ وهو نعمل كمرة مقلوبة محمولة على العمدان وندَخل الحديد في الكابولي (البلكونة)بحيث يشيلها وفي كلتا الحالتين هنكسر في الكابولي
ياريت تكون فكرتي وصلة... بس مش عارف تنفع ولا لأ

 

[smarttil]

اولا شكرا على مرورك يا بشمهندس شريف بس انا فكرت في حل وش عارف ينفع ولا لأ وهو نعمل كمرة مقلوبة محمولة على العمدان وندَخل الحديد في الكابولي (البلكونة)بحيث يشيلها وفي كلتا الحالتين هنكسر في الكابولي
ياريت تكون فكرتي وصلة... بس مش عارف تنفع ولا لأ

بهذه الطريقه سوف يزيد وزن الكابولى وبذلك يزيد moment -ev(العزم العلوي)
وبكده راح تزيد الاجهادات الواقعه على الحديد العلوي الى هوه فى خلل فى طول الداخل فى البايكه

الحل حسب علمى البسيط
عمل ركائز على شكل مثلث يتم تثبيتها اعلى العمود عند التقائه بالسقف
ولكن بشرط ان يتم تثبيتها بالعمود بشكل جيد
لان الفكره هي عباره انى اكبر مقطع العمود عند السقف وبذلك تزيد مسافه الحديد الداخله فى البايكه المجاوره لكابولى
اتتمنى ان تكون الفكره قد وصلت وشكرا