سؤال هام فى اساسيات التوصيف فى sap

[مصطفى صلاح الصاوى]

كلنا بنتفق جميعا ان
توزيع الاحمال من البلاطة الى الكمرات حسب نسبة الجساءة الكمرات
عند توصيف قطاع للكمرة نحن نخصم سمك البلاطة
مثال بلاطة سمكها 20سم وكمرة عمقعا 60سم
اذا نوصف عمق الكمرة 60-20=40سم
لوشوفت properity للكمرة ستجد ان الجساءة لقطاع عمقة 40سم مع ان الكمرة عمقها الاصلى 60سم
اطلعت على شرح دكتورنا الكبير عاطف العراقى
وقال بالنص " لعدم اخذ حمل زيادة من البلاطة على الكمرة"
السؤال الذى يطرح نفسة
ما الافضل ان يزيد الحمل على الكمرة(رغم هذة الزيادة مش كتير)
ام اقلل جساءة قطاع الكمرة بهذا المقدار الكبير(خصوصا نحن بنقلل فى depth وليس Width
وهل معنى ذلك
عند توصيف كمرة مدفونة لوخصمت سمك البلاطة سيصبح عمق الكمرة صفر تقريبا

 

[محمد عادل على مصر]

الموضوع ده فى كلام كتير
1-ممكن ندخل الكمره زى حضرتك كده بس اجمع العزوم بتاعت البلاطه عند الكمره اللى فى نفس اتجاه الكمره
2-ممكن تتدخل الكمره بالسمك بتاعها كله وده هيبقى فى تتداخل بين الكمره والبلاطه بس مش كتير ومش هيفرق اوى فى الحل .
والله اعلم

 

[mannshi]

انا رأيي الخاص انك تعملها بعمقها الحقيقي لانك حتى لو هتزود الجساءة بتاعتها شويه لكن قصاد كده انت ناسي انك معرف ال Center line بتاع البلاطه و الكمرة في نفس المستوي......و معني كده انك معرف كأن الكمرة نصها فوق البلاطه و نصها تحتها....و ده طبعا مش حقيقي...و ده بيأدي الى ان الجساءة بتاعة الكمرة بتقل .....يبقي ده قصاد ده نبقي ( تقريبا ) الحل الى عندنا هو الحقيقي بالظبط او فروق بسيطه جدا.....لكن لو عايز تحل بالظبطططططط يبقي لازم تدخل البلاطه في مستوي و الكمرة في مستوي تحتها بنصف عمق الكمرة عشان يبقي بالظبط الحاله الحقيقيه لكن عن تجربه الفروق صغيره جدا و الطريقه معقده الى حد كبير...و موضوع سمك البلاطه ممكن تحله بال factor الى بيبقي موجود علشان الجساءه انك تقلله او تكبره

 

[مصطفى صلاح الصاوى]

منتظر الردود

 

[kotoz99]

انا رأيي الخاص انك تعملها بعمقها الحقيقي لانك حتى لو هتزود الجساءة بتاعتها شويه لكن قصاد كده انت ناسي انك معرف ال Center line بتاع البلاطه و الكمرة في نفس المستوي......و معني كده انك معرف كأن الكمرة نصها فوق البلاطه و نصها تحتها....و ده طبعا مش حقيقي...و ده بيأدي الى ان الجساءة بتاعة الكمرة بتقل .....يبقي ده قصاد ده نبقي ( تقريبا ) الحل الى عندنا هو الحقيقي بالظبط او فروق بسيطه جدا.....لكن لو عايز تحل بالظبطططططط يبقي لازم تدخل البلاطه في مستوي و الكمرة في مستوي تحتها بنصف عمق الكمرة عشان يبقي بالظبط الحاله الحقيقيه لكن عن تجربه الفروق صغيره جدا و الطريقه معقده الى حد كبير...و موضوع سمك البلاطه ممكن تحله بال factor الى بيبقي موجود علشان الجساءه انك تقلله او تكبره

كنت بحثت فى الموضع دة سابقا
وتوصلت تقريبا لنفس النتيجة الى قالها الاخ manshi وكمان لو لاحظت فى شرح دكنور عاطف هتلاقية مخصم سمك البلاطة من سقوط الكمرة
ولكن بعض الطلبة الى كان بيدرسلهم سالوة واعتذر لهم ان دا كان غلط وخلاهم يخدو سمك الكمر كاملة زى ما هوا
هذا والله اعلى واعلم
وانا مقتنع بهذا الراى
طبعا انا خبرتى مش عالية اوى بس اثرت انى اتكلم عن تجربتى البسيطة للافادة وبعد كدة التزم الصمت واتبع باقى المشاركات
واسف للاطالة

 

[مصطفى صلاح الصاوى]

ولكن بعض الطلبة الى كان بيدرسلهم سالوة واعتذر لهم ان دا كان غلط وخلاهم يخدو سمك الكمر كاملة زى ما هوا
هذا والله اعلى واعلم

لوهذا الكلام صحيح
اذا كل الشروحات لمهندسينا الافاضل فى فى هذة النقطة تعتبر
Fital Mistake

 

[مصطفى صلاح الصاوى]

منتظر التعقيب على ما ورد فى المناقشة
خاصا (ما يقال اعتذار دكتورنا الكبير واستاذى فى الكلية عاطف العراقى)
بخصوص الموضوع المطروح للمناقشة ولاستفادة لمن يريد ان يفهم ولا يحفظ

 

[محمد الجيزاوى]

منتظر التعقيب على ما ورد فى المناقشة
خاصا (ما يقال اعتذار دكتورنا الكبير واستاذى فى الكلية عاطف العراقى)
بخصوص الموضوع المطروح للمناقشة ولاستفادة لمن يريد ان يفهم ولا يحفظ

طب هو استاذك فى الكلية ........ اسالة انت واعرف منة الموضوع باستفاضة
​

 

[مصطفى صلاح الصاوى]

طب هو استاذك فى الكلية ........ اسالة انت واعرف منة الموضوع باستفاضة
​

[/quote]
للاسف ان سافرت من فترة طويلة وانقطعت العلاقات من بعد الدراسة

 

[مصطفى صلاح الصاوى]

ما زال الموضوع مطروح للمناقشة

 

[boushy]

الاخ صلاح
انا جربت الحلين وكانت الفروقات في العزوم علي البلاطة بسيطة جدا لكن
علي الكمرة كان هناك فرق مقدر لا يمكن اهماله
و الطريقتين هما ادخال البلاطة كما زكر استاذنا الجليل د/ عاطف عراقي
والطريقة الثانية عن طريق ال insertion point

 

[مصطفى صلاح الصاوى]

الاخ صلاح
انا جربت الحلين وكانت الفروقات في العزوم علي البلاطة بسيطة جدا لكن
علي الكمرة كان هناك فرق مقدر لا يمكن اهماله
و الطريقتين هما ادخال البلاطة كما زكر استاذنا الجليل د/ عاطف عراقي
والطريقة الثانية عن طريق ال insertion point

هل تقصد فى طريقة الدكتور عاطف ان
اخصم سمك البلاطة من عمق الكمرة
طب محنا قولنا الجساءة ضعيفة
وبالتالى الكمرة هتشيل اقل من الحقيقى

 

[sox7000]

خد العمق كلة بالتأكيد
ولو حابب تتفزلك
خصم وزن الكمرة المشترك مع البلاطة عن طريق ال weight modifier بالنسبة دي (H-t) علي H
H is the beam height
t is the slab thickness

 

[نجانجا]

ياريت النقاش فى الموضوع ده يستمر ونستقر على الرائ النهائى وجزاكم الله خير