مناقشات .. تشطيب مبنى خرسانى ..

إنضم
15 سبتمبر 2008
المشاركات
48
مجموع الإعجابات
0
النقاط
0
سلام عليكم .. بداية .. الموضوع عبارة عن خواطر وأسألة مهندسين حديثى الخبرة .. ونرجو التفاعل من جميع المهندسين .

الموضوع عن تشطيب مينى ( فندق مثلا ) بعد انتهاء مرحلة الخرسانات .

طبعا لو مهندس حديث تخرج كان فى موقع زى دا .. وحصل ان المهندس الأكبر ترك العمل .. بيبقى هوا المسئول لفترة أو علطول ..

للأسف مش بيكون عارف خطوات التشطيب بالظبط وإيه المفروض يخلص قبل إيه
ياريت أحد المهندسين يرتبلنا خطوات التشطيب الأمثل عشان متحصلش أخطاء أو تعديلات

فرضا إن المبنى فندق متكامل وفى تكييفات وميكانيكا وكهرباء إلى آخره .. والمهندس المدنى لازم يكون عارف حاجة عن كل حاجة

أنا بفترض إن أول حاجة إنو لازم يشرب ( يوقع منسوب التطيب ) على جميع أدوار المبنى
وعلى أساس الشرب هيشتغل عامل البناء .. وبكدا نقدر نحدد عتب الباب تبعا لإرتفاع الباب وسمك الحلق
1 - توقيع منسوب التطيب لجميع أدوار المبنى .
الصحيح على ما اعتقد إنو يبدأ من الدور الأول وبعدين يحسب إرتفاع الدور فيقد يجيب منسوب الدور أعلاه والدور أسفله .. وبكدا يكون صافى ارتفاع درج السلم صحيح من منسوب تشطيب دور إلى الدور التالى
2 - أعمال البناء
بنحدد إرتفاع عتب الباب .ز تبعا لإرتفاع الباب الصافى المطلوب + سمك الحلق + الحلق الزفر عند طلبه + خلوص 2 سم
بنحدد إرتفاع الشبابيك وغيره ( لو فى أى إجراءات أخرى ارجو توضيحها

بعد أعمال البناء ممكن يشتغل السباك .. والكهربائى .. والنجار

للحديث بقيه

أرجو التعليق على الموضوع .. تصحيح أى اخطاء .. وكذلك توضيح الطرق المختلفة للإستلام
كذلك كيفية استلام اعمال البناء

ممكن نسمى الموضوع ( سنة أولى خبرة بالتشطيبات )

أرجو التفاعل من الجميع .ز جزاكم الله خيرا



 

احمدبكالوريوس

عضو جديد
إنضم
14 ديسمبر 2009
المشاركات
130
مجموع الإعجابات
5
النقاط
0
موضوع جميل والفكره حلوه اوى خصوصا انى بردك سنه اولى تشطيب
انت بعد ما بتستلم المبنى على الخرسانه بتبدا مرحله التسطيبات اللى فى رايى انها اتقل من الخرسانه نفسها
طبعا اول واحد بيشتغل بعد الخرسانه هو بند المبانى وده اللى بيترتب عليه معظم الشغل كهربا عزل محاره دهانات اسقف ساقطه سيراميك نجاره .... الى اخره
فى بنوده تانيه طبعا ملهاش دعوه بالمبانى زى التكييف لو عندك تكييف مركزى فى الموقع
ومعظم البنود اللى بتبقى موجوده فى اغلب الشغل هى

المبانى
العزل
الكهربا
المحاره
السيراميك
النقاشه
الصرف والتغذيه
النجاره
الالومنيوم
اسقف معلقه
وبنود تانيه كتير بس بتختلف من مشروع لاخر
 

ayman adel ali

عضو جديد
إنضم
9 فبراير 2011
المشاركات
1
مجموع الإعجابات
0
النقاط
0
اتمنى ذلك لانه هيفيد جدا بس ياريت مرعاة التفسير لمعنى الكلام
مثل الحلق الزفر
ماهو الحلق الزفر؟
شكرا يارب يحوذ الاهتمام
 

احمدبكالوريوس

عضو جديد
إنضم
14 ديسمبر 2009
المشاركات
130
مجموع الإعجابات
5
النقاط
0
اتمنى ذلك لانه هيفيد جدا بس ياريت مرعاة التفسير لمعنى الكلام
مثل الحلق الزفر
ماهو الحلق الزفر؟
شكرا يارب يحوذ الاهتمام

هو عباره عن حلق من الخشب الموسكى بيركب بعد اعمال البناء علشان يتم المحاره على اساسه يعنى سمك المحاره لازم يبقى نهايه الباب بتتقال يكون مخدم مع الحلق علشان لما تركب الباب بعد كده ميكونش حلق الباب غاطس لجوا او بارز لبرا والحلق الزفر بيتثبت فيه حلق الباب
 

العبد لله

عضو جديد
إنضم
23 يوليو 2006
المشاركات
369
مجموع الإعجابات
17
النقاط
0
الخطوات بالترتيب
1- المباني الطوب
2- الكهرباء والسباكه
3- البؤج والاوتار
4- حلوق النجاره ( باب وشبالك )
5- البياض
6- الارضيات
7- الدهانات
 
أعلى