اليكم منظور مشروعى فى الترم الاول وعندى مشكلة

[كريم مسعود قطب]

ناس كتير بتقولى انها شافت المشروع بتاعى قبل كده فلو حد شافه يقول شافه فين
على فكرة ده مشروع مركز ثقافى متحفى ( متحف فن النحت )
الفكرة الفلسفية هى تجريد الطائر لكونه اسرع وسائل النقل للتعبير عن سرعة نقل الثقافة من المركز الى كل مكان ولذلك تم اختيار الموقع فى جزيرة .
ولا هو طبع فى طالب العمارة لما يشوف مشروع لازم يقول انه شاف مشروع شبيه قبل كده

...........
​

 

[رونان]

لا يا كريم دة بش طبع فى الطالب المعمارى دة بيكون جهل من الطالب المعمارى (طبعأ بش كل الطلاب)
على العموم مشروعك حلو وجهد مشكور علية عقبال مشروع الترم التانى

 

[كريم مسعود قطب]

شكرا رونان على المرور

 

[soso2006]

كريم : المشروع دة شبه مشروع (احمد صبح) التخرج لو تعرفه .... ولو جيت المناقشة عندنا السنة دى هتلاقى كوبى من المشروع دة .....

 

[بسنت]

المشروع حلو وانا ماشفتوش قبل كده

 

[بسمات]

مشروع فكرته التصميمية رائعة

تمنياتي لك بالتوفيق

 

[RBF]

المشروع فعلاً شبه مشروع المعماري العظيم أحمد ميتو " مجلس قياده الثوره"
ولكن شبه من بعيد، ممكن تكون متأثر به، وده مش عيب، عموماًشكلك ليك مستقبل حلو في العماره

 

[كريم مسعود قطب]

هو مشروع احمد صبح ده كان متحف ولا ايه على كده كل مشاريع بورسعيد متاحف

 

[كريم مسعود قطب]

ياريت يا سوسو تحددى هو شبيه له فى ايه بالظبط مش معقول يعنى فى كل حاجة
وكمان هل الشبه ده ممكن يكون صدفة ولا ايه
والمشروع كان مشروع ايه بالضبط هو مش السنة اللى كان المشروع اوبرا

 

[كريم مسعود قطب]

سؤال اخير هو كوبى من مشروع احمد صبح ولا شبه احمد صبح والكوبى ده مشروع معاكم فى الدفعة ويا ترى مشروع احمد صبح ده موجود فى الجامعة عندكم ولا ايه

 

[soso2006]

احمد صبح دفعة من 4 سنين متخرج ومشروعه كان شبيه بالكتلة دى لكن الوظيفة مختلفة ، لكن المشروع اللى بقولك عليه السنة دى لمتحف فى دفعتنا واخد نفس شيب الكتلة بتاعتك ...

 

[كريم مسعود قطب]

حكاية اربع سنين ممكن يكون الشبه صدفة لكن مش عارف اللى فى دفعتكم ده ممكن يكون ازالى صدفة
على فكرة انا عمرى ما رحت بورسعيد

 

[المازن]

المنظور حلو مرة مشكور

 

[كريم مسعود قطب]

بما انك يا سوسو اكلمتى عن الوظيفة اذن فهذه المساقط الافقية والفكرة بوضوح

المسقط الافقى للدور الارضى والمسقط الافقى للدور المتكرر واسكتش الفكرة الاساسى للتجريد وهذا واضح فى المنظور وليس فى المسقط فقط والمشروع يتكون من الادارة ومتحف فن النحت و3 معارض و2 قاعة سينما وقاعة هوايات وقاعة متعددة الاغراض ومسرح وصالونات ومركز معلومات .

 

[حليف الليل]

بصراحه انا شفت في احدالمنتديات شكل شبيه له وكان عباره عن متحف للبياه

 

[كريم مسعود قطب]

عموما تطابق الفكرة والحلول الوظيفية والتشكيل بيأكد انى لم اتأثر بأى شئ

 

[رونان]

بص يا اخ كريم انت تاعب نفسك فى حاجة بش هتوصل لحاجة منها لان كل واحد بيقول انا شفت الفكرة دة فى كذا....والتانى يقول حاجة تانية .......والتالت يقول حاجة تالتة............وهكذا
انت واصق من نفسك والمشروع الى انت عملتة خلاص انسى كل الكلام
عشان بش هتوصل لحاجة وهتوه بين المشاريع ............

 

[أم نبيل]

ماشاءاللة عليك تسلم يدك ان شاء اللة دوم في التقدم ياريت ياخوي رسم المخطط بالقلم الرصاص لو ممكن

 

[arc_sherif_81]

الحل الداخلي ضعيف و السبب في التشكيل الغريب الذي اضاع الوظيفه

 

[أنا معماري]

أخي الكريم كريم

مشروعك مميز بما فيها المساقط و المنظور
فكرة المبني المستوحة من شكل الطائر أستخدمت في مشاريع كثيرة و ليست حكر علي أحد
المهم الحل المعماري داخليا و خارجيا
لا تتأثر بأراء الطلاب لأن قد يكون بعضها يتأثر بحماس المنافسة أو الغيرة.
ممكن المشروع يكون محتاج فقط لبعض الشفافات لمحاولة أذا كان الحل يمكن تطويره أكثر ليصبح المبني أكثر أنسيابية و تجانس.
رأي : أن تبقي الشكل الخارجي كما هو فهو مميز ( ممكن يحتاج تعديل بسيط ) , تجتهد في تظبيط الشكل الخارجي لللمساقط أكثر ليتجانس مع بعضه
بحيث لا تتأثر المساقط 100% بالشكل الخارجي للمنظور , فمن الممكن وجود فرق بين حدود المسقط و تغطية المسقط.