كيفية أستخلاص الفضة من الأشعة ومحاليل الأشعة

م/المهدى بكر

عضو نشط
إنضم
3 مايو 2009
المشاركات
361
مجموع الإعجابات
97
النقاط
28
السلام عليكم ورحمه الله وبركاته.........
أخى الفاضل......​
موضوع أستخلاص الفضة من افلام الأشعة أو سوائل الأشعة هو موضوع مربح
لكن مش بينفع مع أى شخص لانه موضوع كبير جدااااااااااااا
انا الحمد لله بفضل منه سبحانه وتعالى كنت بستخلص معدن الفضة من أى شىء من أفلام أشعة
سوائل التحميض الأشياء المطلية فضة وكنت بستخلص الدهب من الاشياء المطلية بالدهب برده
بالنسبة لموضوع حضرتك هابدأ معاك نقطة نقطة ..............
عسى الله ان يتقبل منا هذا العمل وان ينفعنا بهذا الكلام فى الدنيا والأخرة.........
...............................................................................................................
أهم نقطة فى موضوع أستخلاص الفضة ان حضرتك تعرف
أزاى تحصل على مصدر للفضة وهو أفلام الأشعة ومحاليل الأشعة أو الأشياء المطلية فضة
يعنى بالنسبة لأفلام الأشعة ومحاليل الأشعة هيكون مصدرهم المستشفيات الحكومية والخاصة
ومعامل الأشعة المنتشرة فى بلدك .....
بالنسبة لأفلام الأشعة دية بتجمع فى المستشفيات و بيتعمل عليها مناقصات على وجود 4 طن او أقل
أو اكثر وبالمثل على المحاليل ايضا او بيبقى فى متعهد معاهم هو اللى بيشيل الحاجات دية
فلازم حضرتك تكون على علم بالمناقصات دية لان الشغلانة دية كويس جداااااااااا فى الكميات بتاعتها
مش معقولة انى هشتغل على 40 كيلو ويخلصوا فارجع أدور على كمية تانية وشغلى يقف
فلازم حضرتك تظبط مصادرك الأول علشان تشتغل كويس بأذن الله تعالى
سواء فى المستشفيات او معامل الاشعة .........
.............................................................................................................
نقطة هامة جدااااااااااااااااااااااا فى الموضوع وهى ببساطة شديدة جدااااا
اولا كلنا عارفين شكل افلام الأشعة بيكون لونها أسود وفيها جزء فاتح وهوالجزء اللى بيظهر فيه القدم او الذراع
أوالصدر او غيره.........
فالجزء الأسود دة بيكون فيه ذرات الفضة متناثرة فيه و عندما تسقط عليه الأشعة فيحدث له تأين........
فيقوم فنى المعمل بأخذ هذة الأشعة وتكون سوداء كما هى بعد التصوير ويضعها فى محلولين
المحلول الأول وهو المظهر فيظهر الجزء الفاتح اللى أحنا بنشوفه فى الأشعة والجزء الأسود بيسقط فى
محلول المظهر بذرات الفضة ثم يأخذ الأشعة ويضعها فى المحلول الثانى وهو المثبت
وبالتالى فان محلول المظهر دة هو اللى مهم لأنه يحتوى على كمية الفضة اللى بتسقط من كل أشعة
والمحلول دة يا أخى بيتغير كل فترة لأنه بعد فترة كفاءته بتقل وبيصبح عديم الفائدة فى أظهار الأشعة لأن المحلول
اتشبع بالفضة
فيقوم فنى المعمل بتغير محلول المظهر بكمية أخر
المهم انك بتشترى برده محاليل المظهر من المعامل وتخلى بالك يا أخى انها ممكن تكون متزودة مياة للغش
فلازم يكون معاك ورقة أختبار للفضة فى المحاليل "​
silver test" وهى ورقة زى ورقة الph بتاعت الصابون
بتعرفك تركيز الفضة فى المحلول المظهر قبل ما تشتري
.................................................................................................................
نقطة هامة جدااااااااااااااااااااااااااا بردة تستنتج من الكلام السابق
وهى أفلام الأشعة فكلما كانت افلام الأشعة سوداء والأجزاء الفاتحة او المتصورة فيها قليلة تكون نسبة الفضة فيها كتيرة......
والعكس صحيح............
لتوضيح أكتر أخى الفاضل.........
مثلا اشعة الصدر بيكون الجزء المصور فيها هو القفص الصدرى مثلا وهو بياخد معظم الأشعة
وبالتالى بيكون الجزء الفاتح كبير يعنى بيمثل مثلا
80% من الأشعة وبالتالى فأن افلام الأشعة الخاصة بالصدر هيكون نسبة الفضة فيها قليلة بالمقارنة
مع أشعة الذراع او الساق فأن الجزء المتصور هيكون مساحته بسيطة وبالتالى فأن الأشعة هتكون سوداء الى حدا ما
وفى أشعة خاصة بشركات البترول ودية بتتميز بأنها بتحتوى على نسبة عالية جدا من الفضة
والأجزاء المتصورة فيها او بمعنى أخر الأجزاء الفاتحة بتكون قليلة جداااااااااااااا
..............................................................................................................................
كيفية أستخلاص الفضة من الأشعة ومحاليل الأشعة.............
أولا من افلام الأشعة..........اولا يا أخى الفاضل...........
الطبقة السوداء هى اللى بتحتوى على الفضة زى ما شرحت سابقا
والطبقة دية بندوبها بواسطة الصودا الكاوية "هيدروكسيد الصوديوم" أو بواسطة "هيدروكسيد البوتاسيوم"
وهى سهلة جدااااااا فى خروجها
وانصح حضرتك بأنك تستخدم الصودا الكاوية لأنها رخيصة فى سعرها عن هيدروكسيد البوتاسيوم
حضرتك بجيب برميل بلاستيك وتضع فيه حوالى 60 كيلو مياة مع 2 كيلو صودا كاوية قشور
ويتم وضع أفلام الأشعة فى البرميل لمدة ساعة ثم يتم أخراجها ودعكها بواسطةفرشاة فتلاحظ خروج الطبقة السوداء الملتصقة
بسهولة تامة ويتم وتجميع هذا المادة السوداء فى أناء بلاستيك وغسلها بالماء وتترك حتى تجف أو يتم وضعها فى فرن البوتجاز
بعد تسخينه حتى تجف تمام ثم يتم وضع كربونات صوديوم على هذة العجينة ويتم صهرها فى الصاغة أذا كنت لم تمتلك فرن صهر
فتحصل بمشيئة الله على فضة نقية جداااااااااااا
أما البلاستيك المتبقى فيمكنك بيعه بالطن أن شاء الله تعالى
ولازم يا أخى تعمل شيشن او أختبار على افلام الأشعة اللى انت هتشتريها يعنى علشان تشوف
الكيلو اشعة بيعطى كام جرام فضة وهل مجازى معاك ولا لأة
....................................................................................................................
ثانيا محاليل الأشعة .............
وزى ما شرحت سابقا ان حضرتك هتشترى المحلول المظهر فقط لأنه هو اللى بيحتوى على الفضة
ويكون معاك أهم حاجة شريط أختبار الفضة علشان تتأكد من تركيز الفضة فى المحلول ويكون غير مغشوش

موضوع استخلاص الفضة من المحاليل انا هحاول أبسطه لحضرتك جداااااااا
اولا المحلول المظهر دة بيحتوى على ذرات الفضة اللى وقعت من الأشعة
فأنا اول حاجة بضيف حامض نيتريك "​
nitric acid" علشان يدوب الفضة
اللى موجودة فى المحلول ويحولها الى نترات الفضة ودية بتكون ذائبة فى المحلول
عندى فبضيف حامض الهيدروكلوريك "
hydrochloric acid" او المعروف بأسم hcl

علشان يرسب الفضة فى صورة كلوريد الفضة ودة بيكون راسب لونه أبيض زى اللبن المتجبن
والراسب دة عندما يعرض الى الضوء فيتحول اللى اللون البنفسجى والرمادى
فيتم تصفية هذا الراسب وغسله بالمياة عدة مرات للتخلص من أثار الحمض ويوضع فى ماء نظيف
ويتم وضع برادة حديد فى الماء مع كمية بسيطة من حامض الكبريتيك لتسريع التفاعل
وهنا سوف يتم تحويل كلوريد الفضة الى الفضة الخام وهى بتكون فى صورة ترابة لونها رمادية اللون
تصفى وتجفف جيدا ثم يتم صهرها فتتحول الى فضة​
pure عيار 999
................................................................................................
ملخص الموضوع انك لازم تدوب الفضة أولا ثم يتم ترسيبها فى شكل راسب علشان أقدر اتعامل معاه
وهو كلوريد الفضة ونظرا لان الحديد بيسبق الفضة فى السلسلة الكهروكيميائية فأنه بيحل محلها فى املاحها
يعنى هيتكون كلوريد الحديد والفضة هتترسب فى شكل راسب رمادى اللون وعندما تسبك سوف يتم تحويلها
الى معدن الفضة النقى..................
.......................................................................................
أسأل الله العلى العظيم ان يوفقك ويوفق الجميع لكل خير فى الدنيا والأخرة ,,,, آمييييييين
والسلام عليكم ورحمه الله وبركاته...........
"زكاة العلم أخراجه"

 

1خالد يونس1

عضو نشط
إنضم
23 سبتمبر 2009
المشاركات
501
مجموع الإعجابات
39
النقاط
28
أستاذنا الكبير الفاضل أعجز عن الكلام فمهما تكلمت وأثنيت عليك فلن أوفيك حقك ولكن علمنا رسول الله صلى الله عليه وسلم أن من صنع لكم معروفا فكافؤه وهكذا عودتنا على صنع المعروف وأقل ما أستطيع فعله هو أن أدعوا الله عز وجل أن يؤتيك كل خير وان يجنبك كل شر وأن يرزقك السعادة فى الدنيا والدار الاخرة وأن يظلك الله فى ظله يوم لا ظل الا ظله وأن يحشرك مع النبيين والصديقين والشهداء وحسن أولئك رفيقا اللهم امين أحب أن أعرفك أخى الكريم أننى من مصر وأن مصادر شراء الاشعات ومحلول المظهر متاحة وكثيرة بالنسبة لى وبالاطنان ولكن سأثقل عليك ببعض الاستفسارات أولا من اين أستطيع الحصول على ورق الاختبار وكيف يتم الاختبار بالنسبة لمحلول المظهر ثانيا كم نسبة كربونات الصوديوم التى ستوضع على العجينة ثالثا كم نسبة خامض النيتريك وايضا الhcl رابعاوأخيرا كم نسبة برادة الحديد وحامض الكبريتيك بالضبط وجزاك الله خيرا كثيرا وجعله الله فى ميزان حسناتك أخى الكريم أعتقد أن جميع الاخوة وبلا استثناء على هذا المنتدى وفى هذا القسم خاصة يشعرون بارتياح شديد جدا عندما تتواجد هنا فأرجوا ألا تغيب علينا فترة كبيرة نحن نعلم جميعا أنك مشغول وأعانك الله على عملك ولكن نطمع فى أن يكون لنا نصيبا من وقتك ودزاك الله خيرا كثيرا والسلام عليكم ورحمة الله وبركاته
 

محمد 122

عضو جديد
إنضم
1 مايو 2007
المشاركات
57
مجموع الإعجابات
4
النقاط
0
السلام عليكم
جزاكم الله خيرا على الشرح الوافي
ولكن عندي سؤال عن ما هي الحالة التي يوجد عليها الفضة في المحلول المظهر هل هو ايون ام ذرات
وجزاكم الله خيرا والسلام عليكم
 

1خالد يونس1

عضو نشط
إنضم
23 سبتمبر 2009
المشاركات
501
مجموع الإعجابات
39
النقاط
28
الاخ الكريم الفاضل ما زلت بانتظار الرد
 

chemist_hossam

عضو جديد
إنضم
5 أغسطس 2010
المشاركات
12
مجموع الإعجابات
0
النقاط
0
جزاك الله الف خير حقيقي انا عايز اتعرف عليك بجد يا ريت ترسل لي رقم تليفونك او ايميلك الشخصي انا اسمي حسام عزت من مصر:12:
 

jassim78

عضو جديد
إنضم
24 مايو 2006
المشاركات
767
مجموع الإعجابات
11
النقاط
0
شكرا جزيلا على الموضوع
 

بيسبس

عضو جديد
إنضم
1 فبراير 2008
المشاركات
1
مجموع الإعجابات
0
النقاط
0
مشكوووووووووووووور انا عندي جهاز اشعة شكرا لك
 

adel111

عضو جديد
إنضم
1 ديسمبر 2010
المشاركات
2
مجموع الإعجابات
0
النقاط
0
بارك الله فيك
وجزاك الله كل خير
 

أمين نصار

عضو جديد
إنضم
8 يونيو 2008
المشاركات
45
مجموع الإعجابات
7
النقاط
0
كل عام وأنت بخير بمناسبة العام الهجرى الجديد ,,,,,
 

امواج الخليج

عضو جديد
إنضم
2 نوفمبر 2010
المشاركات
28
مجموع الإعجابات
0
النقاط
0
اخي الفاضل
تقبل مروري ولك شكري وتقديري
علي هذه المعلومات القييمه
ولك فائق الاحترام
امواج الخليج
 
أعلى