وحشتووووووووووووووووووووووووووووونى

[لندا محمد]

السلام عليكم بجد وحشنى الموقع جدا وطريقة الحوار الراقية انا تغيبت فترة بسبب امتحاناتى ولسة مخلصة اليوم ادعولى ربنا يكرمنى فى النتيجة ياااااارب .وياجماعة انا كان اخر مشروع عندى مشروع مطافى وطلبت مساعدة ومحدش قدر يساعدنى .فانا اريد ان اعرض مشروعى والمعلومات اللى وصلتلها عشان لو حد تعرض لنفس الموقف اللى كنت فيه فيقدر يستفيد منها .لكن للاسف لا اعلم كيف :4: اعرضها وكيف اضغط الملفات.ياريت احد البشمهندسين يكتبلى الخطوات بالتفصيل .لان عندى مشاريع نفسى افيد بها الملتقى.وشكرا لكم
والسلام عليكم ورحمة الله

 

[سامر كمال]

مبروك انتهاء الامتحانات وان شاء الله نسمع النتائج المبهرة ولا تنسي الحلاوة

 

["مؤمن بالله"]

اولا السلام عليكم ورحمة الله وبركاته
ثانيا بص ياسيدي المساله سهله جدااااا وبسيطه خالص
اولا قبل ما اشرحها في موضوع مثبت اسمه اضافه صور في المشاركات للاخ فيصل الشريف وهو موضح بالصور كيفية الاضافه وهو كويس جداااا
ده علشان ما ابخسهوش حقه لانه اللي علمني ازاي
لكن انا هقولك برضه بكل بساطه
انتي لما تحبي تعملي موضوع جديد بتختاري الايكونه اللي فوق اللي مكتوب عليها موضوع جديد ماشي ولو عايزه مثلا في موضوع وعايزه تكملي عليه بالصور هتضغطي جوه الموضوع على اضافة رد
يبقى كده ليكي الحريه في الموضوع الجديد الخاص بيكي او اللي تم وضعه من قبل
بعدين هتظهرلك شاشه حوار هتكتبي فيها عنوان موضوعك
وبعدين ممكن تكتبي اي حاجه عايزها عن موضوعك تحت براحتك يعني
وبعد كده انتي عايز تضيفي الصور بقى تعملي ايه
هتلاقي في ايكونه كده عليها كمبيوتر صغير شاشه يعني اللي هي رابع ايكونه عالشمال من الاخير لونها ازرق وفيها سهم طالع لفوق
هتضغطي عليها هتظهرلك شاشه بتقولك برووز يعني اختار الصوره اللي انت عايز تنزلها من جهازك هتضغطي على برووز دي وبعدين تروحي للديسك توب بتاعك او المكان اللي فيه الصوره وتختاري الصوره وبعدين تقوليله الرفع ( والرفع ده هتلقيها ظهرتلك بعد ما تختار الصوره لوحدها يعني )
وبعدين هتستني شويه حسب سرعة الانترنت عندك لغايه ما يتحمل وبعدين هيديكي رساله يقولك فيها تم التحميل وتحتها العوده
تضغط على العوده علشان تكون كده نزلتها خلاص
ولو في صور تانيه اختار الشاشه تاني وهكذا
بقى شيء واحد لو الصوره حجمها اكتر من 300 كيلو بايت تعملي ايه
انزلي تحت هتلاقي في نفس الموضوع الجديد اللي انت اختارته وكتبتي عنوانه هتلاقي في حاجه اسمها ادارة المرفقات دي هتفتحيها هتظهرلك شاشه هتعملي فيها ايه هتلاقي تلاته بروووز هتختار الاول وتختار الصوره من جهازك والتاني وهكذا وبعد التالته الرفع وخلاص هيحمل وبعدين كده الصور اترفعت ودي لما تكون احجامها كبيره او ملفات مضغوطه مثلا وهكذا
يارب اكون قدرت اساعدك وعموما انا منتظر بقى مشاركتك ان شاء الله

 

["مؤمن بالله"]

اه نسيت والضغط طبعا ببرنامج win rar عادي وتحوليه وانتي بتضغطي لzipلانها الطريقه اللي بتتحمل في المنتدى هنا

 

[المهندسة مي]

اهلا بيكي لندا .. وربنا ان شاء الله هيوفقك ..

 

[لندا محمد]

بجد بشكركم جدا واشكرك يا بشمهندس مشاكس على هذه المعلومات القيمة وان فعلا دخلت على الموضوع المثبت با سم الاخ فيصل الشريف واستفدت منه وانت ايضا فهمتنى الموضوع وهحاول اجرب ان شاء الله ولو قابلتنى مصاعب هقول عليها ولكن مش هضع صور مشروعى الان لانى وجدت انى فقدتها من على جهازى ولكن هجرب فى مشاريع اخرى اريد ان اعرضها.

 

[لندا محمد]

جربت يابشمهندس مشاكس والحمد لله نجحت ولكن عايزة اسالك هى ليه الصور مش بتظهر معروضة تلقائى بدون الضغط على الرابط وكمان لما باجى اضغط على ايكونة الكمبيوتر مش بتفتح ولكن بنزل الصور من ادارة المرفقات. معلش انا اثقلت عليك ولكن عندى كمان سوال لما باجى اعمل اطار للكلام بيطلع اثناء الكتابة ولكن بعد ذلك بيبان حتة صغيرة على جنب ليه؟

 

[troy_119]

مبرووووووووووووووووك ليندا و يا رب عقبال النتيجه لانانا كمان لسه مخلص امبارح ... ادعولنا و النبى

 

[mohamed aseer]

بالنسبه للجزء الخاص بحكايه ليه لما تضغطى على ايكونه كمبيوتر مش بيظهر شئ ، السبب قد يكون انك بتستخدمى برنامج تانى غير الانترنت اكسبلورر ، و بتستخدمى متصفح نت اخر ( مثل فاير فوكس مثلا) ، و المشكله ديه اكتشفت انهاعندى برده ، و بالنسبه لموضوع الاطار ، مش عارف انا ماحاولتش استخدمه قبل كده حقيقه .
مبروك تروى ، و يارب بالتوفيق لينا كلنا .

 

[لندا محمد]

شكرا يا بشمهندس وان فعلا باستخدم برنامج تانى غير الانترنت اكسبلورر:4: .شكرا انك وضحتيلى الموضوع ويارب يوفقنا جميعا.يارب يكلل تعبنا بالنجاح.

 

[لندا محمد]

بشكركم جميعا على المرور..................................

 

["مؤمن بالله"]

الحمد لله محمد اسير قالك عالمشكله لانها كانت برضه عنده لكن الطار انا برضه والله ما جربته
مش لازم اطار يعني عديها كده
عموما ياريت مشاركاتك توصلنا ان شاء الله

 

[لندا محمد]

بشكرك يابشمهنس مشاكس وبشمهندس محمد وبشمهندس تروى وربنا يوفقك وبشمهندسة مى وبشمهندس سامر وان شاء الله اكون عند حسن ظنك يامشاكس وشكرا بجد على المعلومات اللى افدونى بها .

 

[فراس إبراهيم]

بصراحة أنا افتكرت وردة حتغني فدخلت اسمع
لقيتك عاملة مظاهرة و انتي داخالة المنتدى
:68:
عموما أهلا برجوعك
و أتمنالك التوفيق في امتحاناتك
ناجحة بتفوق ان شاء الله
تحياتي

​