اقتراح للتصويت للعماره

["مؤمن بالله"]

ليه مايكونش عندنا ملتقى عام خاص بينا احنا المعماريين نتناقش فيه مع بعض وكمان ممكن نضيف لمساتنا الخفيفه فيه بس يكون لينا احنا داخل قسم العماره والتخطيط
طبعا انا اقترحت امثله مشابهه لكده من زمااااااااااااان وطبعا محدش عبرني بال...........
ولا بلاش

تمنيت ان احد المشرفين حتي يرد عليا ويقول[blink] لا[/blink] لكن الحمد لله لاني بحبهم جدااا وبحترمهم وبقدرهم محدش رضي يقولهالي حتى

لكن ليه ما نحاولش تاني ممكن يسمعونا حتى ويردوا علينا لما يكون اكتر من واحد يشارك ويرغب
ده اذا كان مرغوب فيه اصلا
ممكن الملتقي ده يكون للدردشه مع بعضنا بدل ما بنزيد المشاركات داخل اي موضوع ويكون فيه عبارات خاصه ببعضنا يمكن هنا نقولها لبعض
ممكن نتناقش فيه عن اي موضوع يخصنا كلنا في العماره او في خارجها من مجريات الامورحولنا
انا هطرح الموضوع للتصويت ولكم الحريه في الاختيار

 

["مؤمن بالله"]

طبعا نيتكم بتقول بال............
معناها فاهمينه انا قصدي بالرد يعني اكيد فاهمين انا اقصد ايه

 

[ahmedarc2000]

انا معاك ويرب اقدر اسعدك

 

["مؤمن بالله"]

ahmedarc2000
اشكرك احمد وياريت يتفاعل الاعضاء الاخرين سواء بالقبول او الرفض

 

[mohamed aseer]

ازيك يا مشاكس ؟
فكرتك حلوه اكيد
بس المنتدى ده فى الاساس موجود لتبادل المعلومات بين الاعضاء ، و لكن اكيد ده مايمنعش انه يبقى فيه حوارات خارج الهندسه ، و من هنا وجد الملتقى العام ، و فكرتك فى ايجاد ملتقى عام يجمع بين كل الاعضاء المعمارين فى مواضيع مختلفه ، اعتقد فى رأيى انها تتعارض فى ايجاد ملتقى (عام) و لكنه (خاص) ببعض الاعضاء ، و اذا الاداره وافقت على كده ، هايبقى فيه ملتقى عام خاص بهندسه الطيران ، و المدنى ، و الميكانيكا ، و و و و و ......... ، اعتقد بقى كده مابقاش ملتقى عام ، كده اصبح ملتقى خاص ، و انا كانت فكرتى ليه مايبقاش كل عضو له اهتمامات غير العماره ، ممكن يشارك بيها الاعضاء من خلال موضوع واحد فقط لا غير يضع فيه و يناقش ما يريد ، و لكنى ايضا لا اعلم ما هى سلبيات تلك الطريقه ، شكرا لموضوعك مشاكس و لمشاركاتك الفعاله .

 

[soso2006]

مشاكس انا من راي محمد اسيير ، كدة الحكاية هتكبر وتوسع ، وبعدين انا لما عملت موضوع جلسة سوسو الاجتماعية الاسبوعية دة كان بغرض وضع مثل هذه الموضوعات الخارج نطاق العمارة وعدم اخذ مساحة اكبر من اللازم فى الصفحة الاولى / وبالنسبة لحكاية الحرب والكلام دة ، انا مش بحارب حد لكن انا مش بحب الهجوم لمجرد الهجوم مثل بسنت ...

 

[سامر كمال]

يا شباب ليه فاصلين امنتدى العمارة عن بقية منتدي المهندسين العرب اللي فيه الملتقى العام
وعايز تعمل ملتقى عام تاني .
اللي هيدخل على الماتقى العام الخاص بالعمارة ممكن يدخل على الملتقى العام اللي موجود حاليا
ده رد على السريع وأعتذر عن الكتابة باللهجة العامية

 

[RBF]

اللي سبق أكل النبأ :2:
سوسو عملتها الأول :31: يا مشاكس
تعيش و تحاول يا عم مشاكس .....و بعدين لو كانت سوسو سبقت:14: ، ....... فكلنا سوسو :68:

 

[monaliza]

انا راي من راي محمد اسير .. :81:
ومن رأي ان زيادة المشاركات الخاصة داخل اي موضوع ...
يعني ممكن تكون بتحلى الموضع:2: .... (دون زيادة عن الحد )
لأن تلقى المعلومة كدة احلى .. بدل الملل وكبس المعلومات :3:
وشكرآ ....

 

["مؤمن بالله"]

خلاص براحتكم مع اني كنت افضل يكون في مكان خاص لينا نتناقش فيه براحتنا في اي مواضيع تقابلنا مش شرط اننا نكون داخل اطار العماره فقط
لاني لا افضل الكتابه في المشاركات باي كلمات خارج نطاق العماره
ومنها مثلا هبعتلك الورق مع مش عارف مين
وانت عامل ايه دلوقت رجعت امتى
وغيرها من المشاركات المليئه بمثل هذا النوع من الكلام
علشان كده حبيتانه يكون في زي شات عام وليس خاص لنتحاور فيه مع بعض او صفحه خاصه ممكن نتحاور فيها مع بعض باسلوبنا دون الدخول في اطار الالزاميات
وعموما انا احترم جميع ارائكم وشكراااااا
واخص بالشكر rbf ماشي ياعم

 

[mariam ID]

مش لما ينعمل قسم خاص بالهندسة الداخلية الاول

 

[mohamed aseer]

خلاص براحتكم مع اني كنت افضل يكون في مكان خاص لينا نتناقش فيه براحتنا في اي مواضيع تقابلنا مش شرط اننا نكون داخل اطار العماره فقط
لاني لا افضل الكتابه في المشاركات باي كلمات خارج نطاق العماره
ومنها مثلا هبعتلك الورق مع مش عارف مين
وانت عامل ايه دلوقت رجعت امتى
وغيرها من المشاركات المليئه بمثل هذا النوع من الكلام
علشان كده حبيتانه يكون في زي شات عام وليس خاص لنتحاور فيه مع بعض او صفحه خاصه ممكن نتحاور فيها مع بعض باسلوبنا دون الدخول في اطار الالزاميات
وعموما انا احترم جميع ارائكم وشكراااااا
واخص بالشكر rbf ماشي ياعم

رأيك سليم يا مشاكس ، ليس عليه اى غبار
بس يا اخى اذا كان الكليه نفسها ( مش موقع الكترونى بقه لا ده مؤسسه كامله ) ، انت اللى طالب فيها و بتروح اساسا عشان تتعلم ، بتتعرف فيها على اصحابك ، و تحب فلان و تكره فلان ، و تتناقش مع فلان ، و تتفق مع فلان انكو تتقابلو فى الكليه عشان تخرجوا سوا ، و ...... و ........ و ........
مع انها مكان اساسا وجد للتعلم الا انها مكان بيتم فيه نشاطات و حوارات اجتماعيه اكتر من اللى بتحصل فى بيتكو نفسه
يبقى يا اخى هل يعقل ، انه لما يبقى منتدى ، انت بتدخله و انت قاعد فى بيتكو بهدوم البيت ، مش هايحصل فيه حوارات ثانويه ؟؟؟؟؟؟؟؟؟؟؟
ماتضحكش على نفسك ، شئ طبيعى ومنطقى انه يحصل فيه حوارات ثانويه ليس لها علاقه بهدف المنتدى ، و لكنها بتخدم الهدف ده , هاقولك ازاى ؟

لما تلاقى فلان بيكلم فلان و يسأل عليه و يبعتله ورق مع فلان تانى ، اعرف ان المنتدى ده ناجح جدا ، لان الاعضاء بتوعه هايرجعلوه تانى ، لان لو كل الردود فى العماره بس ، بمجرد ما تنتهى ( مصلحتى ) من المنتدى خلاص مش هافتحه تانى ، و عشان كده هتلاقى فيه الالاف الاعضاء اللى ليس لهم اى مشاركه ، ( احنا مش الالات بتقوم بعمليات ، احنا بشر ، كائن اجتماعى) .

 

["مؤمن بالله"]

حبيب قلبي محمد انا معاك والله في اللي بتقوله تماااااااااااااام
لكن انا بجد بحس في اوقات اني نفسي اكلم حد يفهمني مش حد خارج نطاق مهنتي بمعني انه لو في موضوع نتشارك فيه كلنا بس ممكن خارج العماره هيكون ردودكم عليا قريبه من مستوى تفكيري علشان كده حبيت الفكره دي لكن بالنسبه للاضافات داخل المواضيع بحس انها بتزيد الموضوع بس لكن مالهاش فايده
طب انا مالي لما بقرا رد احدهم على مشروعي مثلا وفي اخر الرد الاقيه بيقول لواحد تاني هاقابلك بكره انا مالي انا
انت عارف لو بيكلمني ماشي لكنه اصلا مش قاصد يكلمني ده داخل يرد بناء على انه لقى زميله رد قبله وهنا عرف انه هيرد عليه وخلاص
ياريت حد يفهمني

 

[mohamed aseer]

اها
انا فهمتك تقصد ايه ، اه فعلا معاك حق ، هيا فعلا بايخه جدا الحكايه ديه .
بس فى نفس الوقت العيب ده فى العضو نفسه ، هوا اللى مش بيحدد الكلمه ديه تتحط فين و امتى و ليه و ازاى ؟ (ماكذبش عليك انا بعملها ساعات )
بس احنا بنحاول نعالج مشكله المواضيع نفسها اللى ليس لها علاقه بالعماره ، مش الردود الغير مناسبه للموضوع ، اعتقد ديه مشكله و ديه مشكله تانيه .

مش ملاحظ حاجه ، احنا بقالنا فتره بنتكلم مع بعض كاعضاء و نتناقش ، بقالنا حوالى يومين بدون مشاركات معماريه فعاله .
اولا :انا سعيد بكده ، حاسس يا اخى ان فيه حياه فى المنتدى ، حتى لو كانت خلاف فى وجهات النظر.
ثانيا : المشرفين بيمتحنوا ولا ايه ؟ فين ردودهم علينا ؟؟؟؟؟؟؟؟؟؟؟!!!!!!!!!!!!!!

 

["مؤمن بالله"]

معاك حق والله شكلنا احنا الاتنين اللي في المنتدى داحنا رغايين بشكل
مش عارف المشرفين ممكن بمتحنوا معقوله ليه لا ولا شكلهم بيقولوا سيبكوم من الاتنين الرغايين دول وخلينا نشوف اخرتها معاهم ايه
طبعا بهزر
لاني بحب مشرفينا الرائعين

 

[mohamed aseer]

:68::68::68::68:
مش بقولك دمك خفيف ، انا تعبت من كتر الرغى برده ، نستنى يا سيدى يمكن نلاقى مشاركات تانيه ( ناس راغيين تانيه) بس ياريت يكون منهم مشرف ..

 

[سامر كمال]

صحيح ، فينكم يا مشرفين ، ما هو رأيكم في هذا الموضوع

 

[بسنت]

فكرتك حلوة يا مشساكس
يا جماعة دخول مواضيع غير المواضيع المعمارية بجد تضييع وقت رايي ان مكانها يبقي في الملتقي العام
وفعلا الردود لازم تخص الموضوع وغير كده يبقي في رسايل خاصة الموضوع

 

[بسنت]

اهه انا رغاية جديده معاكم يا اسير ههههههههههههههه

 

["مؤمن بالله"]

وانضمت بسنت لقائمة الرغايين يلا وماله
ههههههههه
لعلمكم والله الملتقى في الصيفيه بيكون فاضي ويحصل فيه ركود علشان كده لو دخلنا ندردش مع بعض يعني هنعمل منظر فيه
بالطبع هنرغي يعني