السلام عليكم
احب اديلك معني feed back system هوه مثلا لو انتا عندك حساس حرارة في غرفة وانتا في غرفة تانية
والحساس بيقيس درجه الحرارة وتروحلك في الغرفة التانية علي الشاشة بتاعتك
ده اسمه feed back يعني بيديلك علم بما يدور في مكان ما وبناءا علي العلم بتاخد قراراتك
غير لو انتا معندكش حساس ومش عارف ايه درجة حرارة الغرفة اللي جنبك كده مفيش feed back
ده المبدا العام تقدر تطبقه علي الرطوبه ونسبه الملوثات وخلافه
طيب ايه قراراتك لو معاك الريموت بتاع الغرفة اللي جنبك طبعا لو الحساس اعطاك قراءة درجه الحرارة(45 مئوية) اكيد هتشغل التكييف ..... كده بناءا علي العلم اللي جالك feed back اخدت قرار تشغيل التكييف
طيب لو الحرارة وصلت 10 مئوية بناءا علي العلم اللي جالك feed back اخدت قرار تطفي التكييف لفترة
طيب لو شلنا سعادتك من المكان وحطينا شريحة الكترونية مبرمجه (مش ارخصلنا) وكتبنالها لو حصل كذا اعمل كذا
يبقي كده النظام بقي كامل
ده معني ال feed back system المفهوم الاساسي منه لما تبدا تقرا يكون ده فكرك هتلاقي مفيش مشكلة فيه انشاء الله
