كيف يتم تحديد ضرب العمود واتجاهه

[no_way]

السلام عليكم ورحمة الله وبركاته

اخوانى المهندسين عندى سؤال محير

عند تصميم بيت مثلا فعند وضع الاعمده

على اى اساس يتم تحديد اتجاة وضرب العمود

وطلب اخر عندى منزل كما بالرسم هل وضع الاعمده بهذه الطريقة صحيح ام ماذا
​

 

[romio_201085]

الاعمدة بتاعتك زي الفل واتوكل علي بركة الله

وموضوع ضرب العمود ده المهندس هو اللي بيتحكم فيه طبقا للــ inertia بتاعة المبني اللي شغال فيه يعني لو شغال في بيت او عمارة مثلا شبه مستطيله يعني 15* 8 او 15* 9
بيعمل ضرب اغلب الاعمدة في اتجاه البعد ال 9 متر عشان ضرب العمود يزود ال nertia بتاعة البيت في الاتجاه ده لان زي منت عارف انها بتبقي الموازي * العمودي تكعيب / 12

لكن انت عندك البيت بتاعك شبه مربع فالموضوع ده متقلقش منه خااااااااااااااااااااالص

وشكراااااااااااااا

 

[civileng5]

اضيف الى المهندس روميو انه بالاضافه الى الانرشيا انه يتم تحديد ضرب العموج واتجاهه على 3 اساسيات سأذكرهم في نقاط:
1 - moment of inertia زي مالعضو الكريم وتفضل .
2 - على حسب المعماري plan مثلا مينفعش اعمل ضرب العمود في اتجاه الباب اقفل بيه باب او شباك او اعيق بيه الحركة جوه البيت او جوه التصميم المعماري بتاعي ...
3 - طبعا علشان اقلل ال span يعني احط ضرب العمود في اتجاه البحر الطويل طبعا بشرط انه يحقق الشرط التاني عشان اقلل البحر على اد مقدر
واقلل المومنت وبالتالي اوفر في التسليح M=WL2/8 ....

 

[حمزهههههه]

كلام المهندسين الزملاء كافي جدا وشكرا

 

[eljumbazy143]

شباب هذا موضوع مهم جدا ياليت بأمثلة عملية وشكرا!!!

 

[eng_maged]

السلام عليكم
جزاكم الله خيرا فعلا هذا الموضوع شيق ياريت لو مزيد من التفاصيل اكثر

 

[م محمد عبدالله حسن]

جزاكم الله خيرا

 

[struct-eng]

جزاكم الله خيرا

 

[hasan86]

ممكن توضيح اكثر في هالموضوع المهم، بالنسبة لـــ (inertia) على اي محور المقصود؟
مش فاهم والله ليه تكون موازية للبعد الاصغر، وما علاقة inertia بالموضوع ؟

 

[engabogabr]

كما قال المهندس محمد سليم .....................
1 - moment of inertia زي مالعضو الكريم وتفضل .
2 - على حسب المعماري plan مثلا مينفعش اعمل ضرب العمود في اتجاه الباب اقفل بيه باب او شباك او اعيق بيه الحركة جوه البيت او جوه التصميم المعماري بتاعي ...
3 - طبعا علشان اقلل ال span يعني احط ضرب العمود في اتجاه البحر الطويل طبعا بشرط انه يحقق الشرط التاني عشان اقلل البحر على اد مقدر
واقلل المومنت وبالتالي اوفر في التسليح M=WL2/8 ....

 

[hasan86]

عفوا اخي العزيز ممكن تفصل اكثر شويه في موضوع inertia للعمود وعلاقتها مع المبنى الموضوع مازال مبهم

معلش استحملني شويه

 

[eljumbazy143]

شباب ممكن مثال عملي ..الموضوع بغاية الاهمية
وشكرا جزيلا

 

[dodomoody]

يا ريت تعطى أمثلة فعلية بالرسومات التوضيحية المبسطة

 

[م/ سمو الامير]

حضرة المهندس بالنسبة سؤالك عن الاعمده في التصميم هل الخطوط التي تم عمل الاعمده عليها خطوط

( center ) ام هي خطوط تبين الحائط ؟؟

فاذا كانت تبين خطوط ال ( center ) او خطوط تبين بانها حائط فلا اعتقد بانها ممتازه .. علما بان افضل طريقة

لعمل الاعمدة هي عن طريق تنصيفها بحيث اذا صممت الحائط فسوف تتماشى معها الاعمده ولا تكون بارزه ولها ميزة

بانها تزيد من مساحة الغرف اذا كانت متماشيه مع الحائط .. ارجوا ان يكون مفهومي وصل .

وشكرا

 

[halim82]

كلام المهندسين تمام

 

[ايمن امين ابو زيد]

سلامي للمهندس الصديق / محمد سليم

أعتقد أن شرحه قد أوفى بالمطلوب ، وأنا أؤيد آراءه ومشورته في الاستفسار الحالي ، جزاه الله خيرا.

أخوكم / أيمن أمين أبو زيد

 

[mohy_y2003]

السلام عليكم ورحمة الله وبركاته ​

اخوانى المهندسين عندى سؤال محير ​

عند تصميم بيت مثلا فعند وضع الاعمده ​

على اى اساس يتم تحديد اتجاة وضرب العمود ​

وطلب اخر عندى منزل كما بالرسم هل وضع الاعمده بهذه الطريقة صحيح ام ماذا ​

السلام عليكم ورحمة الله وبركاته

اولا وقبل كل شئ يتم تحديد اماكن الاعمده بما لا يتعارض مع المعماري -ويجب موافقة المعماري علي اماكن الاعمده

ثانياً بعد تحديد اماكن الاعمده يتم تحديد ضرب العمود بما يخدم النظام الانشائي اذا كان غير مقيد اتجاه العمود باتجاه واحد حسب المعماري

ثالثاً اذا كان متاح للعمود ان يتم تحديد ضربه في اي اتجاه من الاتجاهين والنظام الانشائي ايضاً يتقبل الاتجاهين فيفضل ان يتم تحديد ضرب اتجاه العمود في اتجاه المبني القصير لان بكده هايكون طول العمود وهو الاتجاه الاكثر جساءه سيضفي قوة للمبني في هذا الاتجاه تساهم في متانة المبني في حالة وجود اي قوي افقيه - لان الاتجاه الاخر للمبني وهو الطويل تكون مقاومته اعلي من الاتجاه القصير بحكم الابعاد - يعني مبني مثلاً ابعاده 20*10 يكون من الافضل توجيه ضرب العمود موازي للاتجاه القصير وهو 10 متر لتحسين مقاومة الاحمال الافقيه ان وجدت للمبني ككل حيث ان هذا الاتجاه اقل في المقاومة من الاتجاه الاخر بحكم ابعاد المبني فقط ( وبغض النظر عن الانظمه المقاومة للاحمال الافقيه التي سيتم تصميم المبني عليها )

والله اعلي واعلم

م محيي الدين محمــــــــــد

 

[م/محمد حكور]

الف شكر يابشمهندسين وجزاكم الله خيرا
ولكن حضرتك يابشمهندس محييى بتقول انو يفضل ان يكون ضرب العمود فى الاتجاه القصير
يعنى لو مثلا المبنى 10*20 وأبعاد قطاع العمود 30*60 مثلا
فيكون البعد 30 موازى للبعد 10 ولا ايه ؟؟؟؟؟؟؟؟؟؟؟؟

أرجو الافاده وشكرا جزيلا

 

[تامر عبدالعظيم]

تفضل ياخي
روابط النظام الانشائى
من وضع الاعمدة والكمرات وهذا للمبتدئين فى التصميم

الجزء الأول

http://www.mediafire.com/download.php?nwwynnyqynwhttp://www.mediafire.com/download.php?nwwynnyqynw

الجزء الثانى

http://www.mediafire.com/download.php?i1wwtudk3hz

الجزء الثالث

http://www.mediafire.com/download.php?zjzladyjrzf

الجزء الرابع

http://www.mediafire.com/download.php?wtdyjzwwguz

 

[م/محمد حكور]

الف شكر يابشمهندس تامر
وجزاكم الله خيرا