مشروع استاد من تصميمي عاوز رايكم بصراحه

["مؤمن بالله"]

:79: المشروع ده كنت عملته السنه اللي فاتت وانا في سنه تالته والحقيقه كان تاني مشروع ليا في الماكس وانا بقى عايز زي ما نقدت الكل في مشاريعهم تنقدوا مشروعي ده بصراحه
:80: بهزر معاكم طبعا هو انا ناقص
الحقيقة الصور كانت كبيرة الحجم علشان ازيد من نقائها علشان كده هتكون في المرفقات
بس يارييييييييييييت قبل ما تحكموا شوفوا الصور كلها وبعدين طلعوا اللي جواكم

 

["مؤمن بالله"]

تابع باقي الصور

 

["مؤمن بالله"]

اخر صور وبعد كده مين اللي هيبدا الرد :5:
مع العلم ان الصور دي من الماكس وقبل ما تخش فوتوشوب علشان السما والشمس والكلام ده لكن انا حبيت اوريكم الماكس بس

 

[محمودعبدالرؤف]

ولله بجد مشروعك روعة

 

["مؤمن بالله"]

اشكرك اخي محمود عبد الرؤف على ردك الجميل ورفعك لمعنوياتي كاول رد ايجابي
وربنا يسهل في باقي الردود

 

[روميروالمصرى]

تمام وجميل مشروعك يا مشاكس احنا شكلنا ان شاء الله حانتعلم منك حاجات كتيرة حلوة وبالتوفيق دايما ليك ولينا بأذن الله

 

[sara zorzor]

يا سلام لو تعرض كمان المساقط الافقيه علشان نقدر نحكم بجد

 

[monaliza]

مشروعك عجبني قوي تصميمه جميل
انتا بتختار شكل المشروع على اى اساس

 

["مؤمن بالله"]

روميروالمصري
اشكرك جدااا على مرورك وده كتييييييييييييييييييير جداااااااا عليا وانا تحت الطلب في اي وقت ان شاء الله حد يطلب شيء انا موجود

sara zorzor
اشكرك وانا حبيت اقدم الماكس الاول وبعدين المساقط دي بعدين كلام في سرك ومحدش يعرف في سرك هه انا مش عايز اعرضهم خلينا في الماكس احسن

monaliza
انت بقى حاجه تانيه خالص مدياني امتياز ولا بلاش نفضح حد انا اشكرك جداااااا
ولعلمك الافكار دي بتيجي لوحدها او ممكن من خلال انك تشوفي مثلا امثله مشابهه لكن مع مرور الوقت كل حاجه بتكون احسن لانك بتغيري حسب متطلبات مشرعك

 

[miro1_6]

اكيد لا تعليق............ الاستاذ لا يطلب التقدير من تلامذته

 

["مؤمن بالله"]

اشكرك ميرو جدااااااا والله ده كتييييير عليا جداااا رفعتى من روحي المعنوية والله
ده من ذوقك ربنا يوفقك ان شاء الله

بس محدش رد بنقد لاذع انقد انا نفسي ولا ايه يا مسهل اديني مستني

 

[م . أبو بكر]

حتكلم مصري عامي بأه .

يعني لما كنت بأتصفح اللوحات الفنية الرائعة و المشغولة بعناية و روعة فنية ملفتة ..

كنت أقول ( الله يعين اللي حيدرس إنشائي ) الحمد الله إني ساكن بسورية .

لأنه حضرتك رسمت و صممت على الورق على الماكس مش مهم .. ربنا يديك على أد نيتك يا شيخ .. و سقف متحرك كمان ... يا لهوي .. :86:

يعني اللي حيدرس إنشائي حيدعيلك .. دعوات ياما .:73:
ده مش حينام الليل و هو بيدعيلك ..

و لسه اللي حيدعيلك أكثر مهندس الميكانيك اللي حيدرس تحريك سقف أد كده ..:5:

أخي مشاكس .. نعود للعربية الفصحى .

تصميم رائع .. مدهش .. فني .. :12:

دعواتي لك بالتوفيق و الفلاح ..

أخوك : م . أبو بكر

 

["مؤمن بالله"]

اخي العزيز ابو بكر يسعدني ويشرفني جدااا مرورك على الموضوع وازداد شرفا بمعرفتك
ثانيا ردك جميل جدااااااااا ومليء بالمواقف المرحه والحقيقه عندك حق ان مهندس الانشائي دائمااااا محظوظ لما بيكون ورانا خصوصا ورايا يعني وكما ن مهندس الميكانيكا امااااااااااااااال كلهم طبعا هيدعولي زي ما انت عارف
لكن الواحد في التصميم بيحب الابتكار والتغيير علشان يكون في ابداع علشان كده العماره الحديثه كل يوم بتتغير وعلشان كده حضرتك شوفت اللي انا عامله
لكن اتمنى اني مكنش سرحت بخيالي قوي
واشكرك مره اخرى لمرورك وردك الجميل اللي هعتبره وسام على صدري

 

[mohamed aseer]

يا بختك يا عم انا كان نفسى اخد المشروع ده فى تخرجى
انا قريت فى كتاب لدكتور ماجد خلوصى عن القرى الاوليمبيه كلمه عجبتنى جدا

فى هذا العصر يمكن اعتبار الالعاب الاوليمبيه حدثا هندسيا اكثر منه رياضيا ، و هذا الحدث يهدف لاقامه مبانى رياضيه تشكل اهميه كبرى بالنسبه للوطن ، و هذه المبانى تعطى صوره واضحه عن مدى تقدم البلاد

( زى الاهرمات كده و برج بيزا المائل )
و بالتالى من حقك تعمل مبنى فعلا تعقد فيه الانشائى و مصمم الميكانيكا بل انه واجب عليك كمان(مش قصدى تعقدهم) .

نيجى بقى للنقد
انا حاسس انك متأثر جدا باستاد the eye تقريبا لكيشو كيروكاوا ، و انت غيرت خامه التغطيه و اظهرت العناصر الانشائيه بوضوح .
انت رائع فى ده
لكن
اعتقد انك مالحقتش تدرس علاقه اماكن تثبت التغطيه بالمدرجات ، و كذلك اعتبارات تصميميه كتير ، غالبا المشروع ده ماخدش وقته فى الرسم ، بالتالى انت قدمت اسكتش بدائى جدا جدا للمشروع و مش مدروس بصوره كامله ، لكن كفكره الحقيقه رااااائعه
اوعى تكون فهمت انه مش عاجبنى
انا عايز اقول انه ناقص دراسات كتير جدا ، وانت بمفهوم الطلبه (قلبته بسرعه) .
لو اخد وقته معاك كنت حليته اقوى فعلا
عايز منك يا بطل لما ان شاء الله اعرض الاسكتش المبدئى لمشروع التخرج بتاعى (منتجع سياحى) تعصرنى بنقدك ، و هاستناك اول واحد بس ادعيلى اوصل لاسكتش محترم

 

["مؤمن بالله"]

ربنا يوفقك يا محمد يارب في المشروع بتاعك ونفس الدعاء بدعيه لنفسي انا برضه في مشروع التخرج محتاااااااااااااس مابين دكتور مؤيد واخر معارض يلاحال الدكاتره اليومين دول ههههه
الحقيقه ردك جميل جداااا وكنت مستني الرد ده بص اولا ده مشروع كان بالنسبه لينا حاجه فظيعه ووقته كان ضيق جداااا ومعاك حق في فكرة اني ممكن اكون قلبته بسرعه لكن انا بذلت قصارى جهدي اني اوصل للفكره وحل الانشائي وبعدين شوف القطاع بقى وزوايا الرؤيه وبعدين هتحط ايه تحت المدرجات وفين الخدمات وبعدين فين المخارج والمداخل لكل فئه يعني بعيد عنك كان موال
لكن الحمد لله مشاريع زي دي والله بتديك ثقه في نفسك جدااا انك قادر على المشاركه في تنفيذ اي مشروع صعب في اي وقت
اما بالنسبه للتغطيه فانا سالت فيها مهندس مدني عندنا لان الدكاتره كانوا مصرين على تقبل المشروع ولكن بشرط اخذ موافقة المهندس الانشائي الاول والحقيقه هو ذكر ليا ان ترابط العناصر مع بعضها في هذا القوس الكبير وحتى الوصول الي الارض في الجانبين صحيح ويمكن ذلك
وبناءا على ذلك تم التنفيذ لكن تخيل بقى عدد المحاولات التي تمت للوصول الى ذلك وتخيل انك تعمل البلانات مثلا وتفاجا ان تغيير بسيط يغير زوايا الرؤيا طوالي وبكره المشروع مرفوض وهكذاااا
داحنا عانينا في المشروع ده بصراحه مش هقولك لكن الحمد لله
مره تانيه اشكر لك ردك الجميل وانا كنت مستني من زمان
ومستني مشروعك ان شاء الله بفارغ الصبر

 

[mohamed aseer]

على فكره انا يمكن اتكلمت من واقع الصور بس ، و الصور فى الماكس مش موضحه اوى علاقه التغطيه بالمبنى ، ويمكن فيه صوره داخل فيها القوس مع المدرجات ، و عشان كده انا قلت انك قلبته بسرعه ، وطبعا انت مش هاتحكيلى عن مشاكل تصميم المدرجات ، لانى اخدت المشروع ده فى التصميمات التنفيذيه ، و طبعا كان صاله مغطاه صغيره مش بالحجم ده كله ، وعارف برده من خلال قرأت سريعه مشاكل التصميم للاستادات ، وكان نفسى انى اعمل المشروع ده فى التخرج ، بس حقيقى واضح ان كليتكو مستواها رائع جدا ، و ابعت لينا بقى البلانات و القطاعات ، عشان مانظلمكش فى الحكم تانى ، و ان شاء الله هابدأ فى وضع اول اسكتش للمشروع بتاعى فى خلال اسبوع ، وربنا يستر بقى ، لانى بقالى شهر اهو مش عارف اثبت على اسكتش مبدئى و اكمل عليه ؟ ربنا معانا فى الايام ديه

 

["مؤمن بالله"]

اشكرك يا محمد ولكن صدقني انت مظلمتنيش لا انا فعلا مستني حد يرد بالنقد لاني فعلا بحب كده
ولعلمك انا برضه افضل اللي حتي يرفض مثلا يذكر ليه لان حتى لو ما اتعلمتش انا منه غيري هيتعلم من الكلام ده وهيحطه في اعتباره عند التصميم مستقبلا ولعلمك انا مبزعلش ابدا من الرد مهما كان قاسي بس في مثلا اشخاص صوتوا على المشروع بانه مش كويس ولم يذكروا السبب انت عارف بحس كانهم مثلا دخلوا يلا نعمل ايه نختار ده مع احترامي الشديد لهم ولكني كنت اريد رايهم جدااا لانه سيفيدني جدا ممكن بشكل كبير يكونوا اكثر مني خبره في الماكس فاستفيد ويستفيد غيري لكن يتجاهلوني هنا انا اشعر بحزن ليس والله على تصويتهم لانه لن يزيد في ولن يقلل مني والحمد لله ولكن ردهم على المشروع ولو بكلمه سيؤثر على في زياده مهراتي بالماكس
وعلى العموم انا منتظر اسكتشاتك باذن الله وربنا معاك ومعانا ومع الجميع

 

[mohamed aseer]

انت طموح و تحب تتعلم ، ان شاء الله هاتوصل لمستوى كويس ، وانا برده باذن الله ، و ربنا يوفقنا .

 

[Farisq]

حلو بس الإخراج تعبان

 

["مؤمن بالله"]

Farisq
فعلا معاك حق في دي بس انا لما كملت العمل ده فوتوشوب وبعدين في الاجازه عملت فيه بالماكس كملت الاضاءه على القوسين للداخل والخارج صدقني كان جميل لكن للاسف مش لاقي الصور دي فاكيد انت هتتخيلها معايا
لكن عموما اشكرك على ردك الجميل