يا جماعه انا مهندس مدني حديث التخرج ارجو افادتي بمقر واماكن شركات المقاولات في مصر

[eng_wezo]

بسم الله الرحمن الرحيم


انا مهندس مدني حديث التخرج دفعه 2009 جامعه القاهره وانا دخلت انترفيوهات كتير بس للاسف الكلمه المعتاده هنكلمك خلال يومين ومفيش اتصال بيحصل والوظايف ديه كنت بجبها من الاهرام والوسيط فكان عندي كام استفسار :

1. هل طريقه ان احصل علي عمل عن طريق الجرائد ديه الحل الامثل ولا ادور علي وسايط ولا اروح اقدم في الشركات الكبيره ولا اعمل ايه

2. كنت عايز اعرف لو حد يعرف مقر اي شركه مقاولات يكتبلي عنوانها في مصر وانا اروح ارمي السي فيه بتاعي

 

[hossameno]

بص ياباشا اهم حاجة الخبرة وانت حديث التخرج فحاول متجرش على الفلوس الخبرة اولا

 

[م / احمد عصام]

اتفق مع راى م / hossameno

اعتقد شركه اسكندريه كانت لاخر وقت عايزه مهندسين المهم موقفك من التجنيد

ربنا يوفقك

 

[حمزهههههه]

ممكن تقولنا شركه اسكندريه دي اميلها ايه او عنوانها

 

[عزام عبدالناصر]

دور في الجرايد وروح قدم وان شاء الله هتلاقي شغل كتير انت دور علي الخبره دلوقتي

 

[ايهاب عيادة]

الاخ العزيز
افضل طريقة للحصول على عمل بالاضافة للمرور على مكاتب بعض الشركات المعروفة وترك السى فى بها هو متابعة جريدة الاهرام وخصوصا اهرام الجمعة ستجد بة الكثير من الفرص عليك ان تقدم اوراقك بهذة الشركات المعلنة وتنتظر الرد
انا شخصيا عملت بهذة الطريقة
هذا ايضا بالاضافة الى بعض المعارف والمهندسين الخبرة والذين بالضرورة يعرفون بعض الشركات والمكاتب التى تحتاج مهندسين
ونصيحتى ايضا لا تركز كثيرا فى البداية على الراتب فانت محتاج خبرة والعمل باى شركة سيضاف بالضرورة الى السى فى الخاص بك .... ليس معنى كلامى القبول باى راتب والسلام ...ولكنى اقصد المعقول
وفقك اللة

 

[engms2009]

ربنا يوفقك

 

[ay_416_an]

بص يا باشمهندس انا مش مع اى راى يؤل تلف على الشركات وتسيب السى فى بتاعك ده لسببين
1- ان الشركه لو محتاجه مهندسين هتعمل اعلان يتقدم من خلاله مهندسين كتيير وهيختار الانسب منهم
2- انت مهندس حتى لو حديث التخرج برده مهندس وبعد فتره هيكون عندك الخبره ومع الوقت هتزيد زينا
من راى حاجه تانيه لو بتقدم لشغل 1-حاول تقدم فى اللى يناسبك بمعنى الشركه اللى تكون طالبه مهندس حديث التخرج
2-فى المقابله خلى عندك ثقه فى نفسك اوى لانها بتفرق كتيييير حتى لو حدبث التخرج بس خلى بالك فى فرق كبير بين الثقه وانك تقع فى الغرور
3-حاول تنمى مهارات الكمبيوتر عندك حتى لو هتشتغل تنفيذ لان اى صاحب شركه بيفضل اللى بيعرف حاجات اكتر حتى لو مش محتاجها بس يمكن يحتاجها بعد كده

 

[mohammedshaban]

عايز رايى الشخصى لو بتفكر للسفر قدام يباه ده انسب وقت تحاول تشوف فرصه عمل للخارج وتاخد الخبره فى المكان اللى هتشتغل فيه
اما لو كنت ناوى قاعده فى مصر حاول اجتهد وادخل الشركات وقدم فى شركه ايجيكوا هى طالبه مهندسين على ماعتقد
وربنا يوفقك

 

[eng_wezo]

طب يا جماعه معلش هتعبكم لو تعرفوا اماكن شركات مقاولات وعناوينها ياريت تكتبوها هنا عشان اروحها

 

[civilengz]

انا كنت عايز ابعتلك رساله خاصه لكن معرفتش للأسف لأني لسه جديد
ياريت تبعتلي رساله فيها ايميلك ونتكلم ع الماسنجر

 

[م / احمد عصام]

اخ الكريم

شركه طلعت مصطفى ( الاسكندريه)

اعمل فيها لكن لى زمايل بيها ...علمت منهم انها تحتاج الى مهندسين مدنى

المهم موقفك من التجنيد

وتحت امرك اذا اردت العمل بيها...اوصلك بزمايلى هناك

وفقك الله

 

[hamadota]

ده موقع ممتاز تقدر منه انك تعرف مكان اى شركة وعنوانها عن طريق كتابة اسمها بس وهو هيبينلك موقعها عالخريطة .. يارب اكون افدتك .

http://www.yellowpages.com

مثال توضيحى

http://www.yellowpages.com.eg/profile-ar/MTIzMjU2/United-Engineering-Co.-For-Contracting.html

 

[عاصم هليل]

اتصل علي الرقم ده الامارات 0097192242811

 

[محمد دهشورى]

اتصل علي الرقم ده الامارات 0097192242811

ممكن توضح ايه الرقم ده بتاع مين ومين هيرد علينا ؟
المعلومات كده ناقصه جدااااااااااااااااااااااااااااااااا
وعموما مشكور على الافاده

 

[ahmed shahat]

يا مهندس المهندسين الافاضل قدموا وقالوا كل شى باقة عليك انك تركز فى الكلام وانا مع راى المهندس فى موضوع اهرام الجمعة اما بالنسبة لموضوع السفر للخارج حاليا خليك اشتغل سنة فى مصر على الاقل وربنا يوفقك ان شاء الله بس حاول تجتهد فى شغلك ومتقلقش من موضوع الخبرة هتيجى معاك بمرور الوقت اهم حاجة اجتهادك انت والله الموفق

 

[arch yasmeen]

m /ahmed's opinion is right
i think so

 

[EAM]

دليل المكاتب الاستشارية

http://www.eea.org.eg/mail/office.aspx

 

[م احمد عيسي]

الاخ العزيز
افضل طريقة للحصول على عمل بالاضافة للمرور على مكاتب بعض الشركات المعروفة وترك السى فى بها هو متابعة جريدة الاهرام وخصوصا اهرام الجمعة ستجد بة الكثير من الفرص عليك ان تقدم اوراقك بهذة الشركات المعلنة وتنتظر الرد
انا شخصيا عملت بهذة الطريقة
هذا ايضا بالاضافة الى بعض المعارف والمهندسين الخبرة والذين بالضرورة يعرفون بعض الشركات والمكاتب التى تحتاج مهندسين
ونصيحتى ايضا لا تركز كثيرا فى البداية على الراتب فانت محتاج خبرة والعمل باى شركة سيضاف بالضرورة الى السى فى الخاص بك .... ليس معنى كلامى القبول باى راتب والسلام ...ولكنى اقصد المعقول
وفقك اللة

مع احترامى الشديد لك ولكن ما هو الحد المعقول ممكن تقولنا عليه

 

[م احمد عيسي]

يا مهندس المهندسين الافاضل قدموا وقالوا كل شى باقة عليك انك تركز فى الكلام وانا مع راى المهندس فى موضوع اهرام الجمعة اما بالنسبة لموضوع السفر للخارج حاليا خليك اشتغل سنة فى مصر على الاقل وربنا يوفقك ان شاء الله بس حاول تجتهد فى شغلك ومتقلقش من موضوع الخبرة هتيجى معاك بمرور الوقت اهم حاجة اجتهادك انت والله الموفق

فعلا انا مع حضرتك انا برضو يا بشمهندسين حديثى التخرج وبحاول اخلص ورقى فى الجيش لكن صدقنى انا نفسى اسافر الخارج النهارده قبل بكره بس لزم اشتغل فى مصر و افهم الدنيا فيها ايه
عايز اقولك ان فى ناس كتير قالتلى ان السفر مش كل حاجه فى ناس بتسافر بترجع ابيض ياورد فأنا مع المهندسين الى بينصحو انك تفضل فى مصر على الأقل سنه صدقنى تفهم الدنيا هنا فيها ايه علشان ما تتعكش هناك وتتخنق
وربنا يوفقك