لمهندسين مصر خاصة..و المهندسين العرب عامة

[مهندس أيمن حسن]

السلام عليكم و رحمة الله و بركاتة

كتير اوي بنقرأ فى اعلانات طلبات الوظائف و خاصة فى المجال الهندسى

ان شركة او مصنع عايز مهندسين خريجى جامعات معينة و غالبا بتبقى جامعات عين شمس او القاهرة

هل فعلا خريجى جامعة عين شمس و القاهرة افضل من باقى الجامعات زى حلوان و اسكندرية و .......؟؟؟.

لية خريجى الجامعتين دول بيفضلوا من جانب بعض الشركات عن باقى الجامعات؟؟؟

و هل المفروض صاحب العمل يحكم على المتقدم للوظيفة من الجامعة اللى متخرج منها

ولا المفروض يبقى فية عوامل تانية كتيرة اقلها الكورسات اللى حاصل عليها و اللغات و الشخصية و اللباقة و ............

 

[eng.hamdy]

اللى اعرفه ان اصحاب الشركات دلوقتى بيهمهم حاجة واحد ...... الخبرة ولا شئ غير الخبرة

 

[zanitty]

الرزق مبيقفش على جامعه
و لو تعبت فى الاول عشان بعض المديرين بيفكروا كده خد قرار انك لما تشتغل فى مكان هتثبت للكل عكس كده
و متنساش
الرزاق موجود دى كله اختبارات
و ده كله كلام فاضى
الاف المهندسين خريجى كل جامعات مصر بيشتغلوا محدش مشتغلش عشان هو خريج هندسه بنى عبيد حتى

 

[أبي عبدالله خالد]

مهندس أيمن هو الموضوع ده مهم للدرجة ديه_انا رايته في قسم الهندسة الميكانيكية_الرزق بيد الله وعلينا انا ناخذ بالاسباب

 

[eng_mun3m]

الكلام ده موجود ويغيظ بجد
لجهل الناس دى ولا ايه مش عارف
شركه كبيرة جدا فى مجال البترول بلاعيم لو ينفع اذكر اسمها عملت اعلان مطلوب مهندسين ميكانيكا عين شمس وقاهرة دكتور من الجامعه عندنا راح قابل المسؤلين وعمل مقارنه ما بين المناهج فى جامعتنا والجامعتين دول واتفق مع الشركه على تدريب مجموعه من الطلبه فى الصيف بعد التدريب والكلام على لسان الدكتور وهوه متدين واحسبه على خير والله حسيبه ان الشركه عينت 18 مهندس من قسم ميكانيكا جامعتنا ومش ها اذكر اسم الجامعه
لكنى حضرت فى سنه تانيه ميكانيكا احد المحاضرات فى احد هذه الجامعات والله وبصراحه لقيت شتان كتبهم سهله جدا وفيها حاجات سهله بالنسبه لمنهجنا يعنى مثلا كنت رايح علشان اشوف كتاب الديزين بتاعهم علشان الدكترة ما بتنزلش كتب شغلنا كله مراجع او محاضرات مفيش اى كتاب بينزل
حضرت محاضرة ماكينات كان عندنا درس اسمه عجلة كريوليس ودى حاجه صعبه جدا قلت يمكن الحكايه عندهم سهله او الاقى كتاب لقيت دكتور الماكينات لسه بيشرحلهم السرعه والعجله النسبيه ولسه هايخش فى ال velocity giagram فى المحاضرة اللى بعديها والكلام ده كنا خلصناة فى سنه اولى ميكانيكا
انا مش قصدى حاجه والله العظيم لكن لما الاقى الاعلان ده بجد بتضايق جدا وبتخنق
خصوصا فى الوقت ده اللى اغلب فرصه للواسطه
ومعلش لو حد هايزعل منى

 

[مهندس أيمن حسن]

مهندس أيمن هو الموضوع ده مهم للدرجة ديه_انا رايته في قسم الهندسة الميكانيكية_الرزق بيد الله وعلينا انا ناخذ بالاسباب

انا بحط الموضوع فى كذا منتدى عشان اشوف اكتر الردود

شكرا يا باشمهندس منعم على ردك و كلامك صح

ممكن تقولى انت جامعة اية؟

 

[eng_mun3m]

الشكر لله يا بشمهندس ايمن
معلش لو كلامى زعل حد بس دى الحقيقه اللى انا شايفها

وعلى فكرة انا خريج جامعة الازهر الشريف

 

[egystorm]

يا جماعة مفيش جامعة احسن من التانية ولكن ممكن صاحب الشغل مثلا عارف ان كان القرص الخاص بعملة جامد فى جامعة عين شمس او خلافة فقط ولكن مفيش فرق بين مهندس من حلوان او عين شمس او.................. كلهم زى بعض كلة يرجع للمهندس وشخصيتة وفكرة

 

[مهندس أيمن حسن]

ولكن مفيش فرق بين مهندس من حلوان او عين شمس او.................. كلهم زى بعض كلة يرجع للمهندس وشخصيتة وفكرة

والله دة رأيي برضة

و شكرا على ردك