موضوع يخص كل من يتردد على منتدى العماره

mohamed aseer

عضو جديد
إنضم
3 أبريل 2006
المشاركات
449
مجموع الإعجابات
3
النقاط
0
السلام عليكم و رحمه الله و بركاته
انا محمد مصطفى طالب بالبكالوريوس جامعه عين شمس قسم العماره
انا مشترك قريب فى هذا المنتدى ، و سعيد جدا باشتراكى فيه ، لان الغريب انه خلق جوايا نشاط غريب فى المشاركه و وضع مواضيع و مشاركات قيمه و مفيده
يمكن السبب ان الدراسه بالنسبه ليا قربت تنتهى ، و حاسس انى مقدرتش اظهر قدراتى كويس فى الكليه ، و عايز اعوض ده فى هذا المنتدى
بالتالى انا عايز اقول رأيى فى المنتدى و اقول اقتراحات يا رب تفيد الجميع
المنتدى الصراحه رائع فى اعضائه ، اللى بحس فيهم الاحترام و الاهتمام و حب المساعده
لكن بالنسبه للمواضيع و هوا ده اللى عايز اتناقش معاكم فيه
المواضيع اغلبها مواضيع عامه ، مش متخصصه ، بمعنى انها مواضيع عن صور لمبانى او منشأت ، و ما الى ذلك
و المواضيع المتخصصه فقيره الى حد ما فى المعلومات او الاسكتشات
و كمان المواضيع الثابته اللى فيه قليله جدا ، و من وجهه نظرى ليست بالقوه اللى يقال عنها انها مواضيع ثابته
و كذلك لاحظت ان المنتدى اقرب الى انه منتدى للطلاب بنسبه اكبر ( و مش قصدى ان ده عيب بل بالعكس ده رائع جداااا)

و بالتالى انا اقترح ان ليه لا نقوم بعمل بعض التخصصات ؟
يعنى ممكن نقسم المنتدى الى عده اقسام بكيفيه معينه
مثلا
قسم للعماره ، و اخر للتصميم الداخلى ، و اخر للتخطيط و تنسيق الموقع
و تحت كل قسم تخصصات اكثر
مثلا قسم العماره
ممكن نقسمه الى قسم للاتجاهات المعماريه ، يناقش فيه الاتجاهات المعماريه
و اخر لتاريخ العماره
و اخر عن و اخر عن و اخر عن ...... و هكذا
طبعا ده هايتطلب مجهود جبار من الاعضاء و من الاداره للتنسيق
لان انا ملاحظ ان المنتدى ده يصلح جدا انه يكون مرجع للطلبه
بالتالى ممكن الاداره تقوم بالتنسيق ده ، و نبدأ ندخل تخصص جديد لكل موضوع يستحق فعلا انه يوضع له تخصص
مثلا لو حد عنده بحث عن اتجاه معمارى جديد او قديم ممكن يبعته و يضعه فى موضوع
و تقوم الاداره بوضع تخصص جديد و يبدأ بذلك الموضوع
و هكذا ، ويستمر باقى الاعضاء فى ذلك
اتمنى ان اكون قد وضحت وجهه نظرى ايه ، و ايه اللى انا أمله لمستقبل هذا المنتدى
و بالنسبه ليا
فاول موضوع هاشارك فيه هوا مشروع تخرجى باذن الله
و انا بفكر يكون الموضوع ده فى قسم العماره و التخطيط ، تخصص العماره ، تحت باب اسمه مشاريع التخرج
و يكون الباب ده خاص بمشاريع الاعضاء بوجه عام
يبدأ كل عضو فيه يناقش مشروعه فى موضوعه
يعنى مثلا انا ناوى باذن الله لو الفكره لاقت قبول
انى اعمل موضوع عن مشروعى و تسلسل المشروع يكون كالاتى
اعمل موضوع اعرض فيه مراحل المشروع بتاعى خطوه بخطوه و انا بعمله
مرحله الدراسه و وضع الفكره و التصميم حتى تسليم المشروع و مناقشه الدكاتره كمان و فى الاخر التقدير
و ابدأ اعرض فى موضوعى دراستى للمشروع و فكرتى فى التصميم و التصميم نفسه
و الاعضاء تشاركنى ما توصلت اليه و تستفيد منى و تفيدنى بارائها و معلوماتها
و هكذا

اسف انى طولت عليكوا
و عارف انى بسبب انى طولت كده احتمال ماحدش يرد عليا بس اتمنى انى احقق شئ فى المنتدى ده
و انه يكون مستقبلا مرجع رائع لخبرات و معلومات الطلبه و انه يكون حلقه وصل بين طلبه العماره فى الوطن العربى
 

مواضيع مماثلة

معمارية طموحة

عضو جديد
إنضم
19 فبراير 2006
المشاركات
289
مجموع الإعجابات
4
النقاط
0
بالعكس فكرة رائعة وسوف تسهل من عملية البحث والمشاركات والاراء وسوف تثري المنتدى.
انا متفقة معك تماما وحاول تنشر الفكرة للتصويت.

معمارية طموحة
 

troy_119

عضو جديد
إنضم
24 فبراير 2006
المشاركات
416
مجموع الإعجابات
3
النقاط
0
فكره رائعه جدا جدا و مثلما قالت الاخت -- معماريه طموحه -- اطرح الموضوع للتصويت و انا معاك ان شاء الله
 

mohamed aseer

عضو جديد
إنضم
3 أبريل 2006
المشاركات
449
مجموع الإعجابات
3
النقاط
0
متشكر ليكى جدا على ردك يا اخت طموحه و ماكنتش متوقع انى الاقى رد بالسرعه ديه
و اتمنى الاقى ردود كتير و ناقده للموضوع عشان اضع له استفتاء
بالذات من اداره المنتدى
 

mohamed aseer

عضو جديد
إنضم
3 أبريل 2006
المشاركات
449
مجموع الإعجابات
3
النقاط
0
متشكر اخى العزيز تروى و الصراحه انت و الاخت معماريه طموحه من اهم اربع او خمس شخصيات (غير المديرين للمنتدى ) اللى يهمنى بشده رأيهم
 

troy_119

عضو جديد
إنضم
24 فبراير 2006
المشاركات
416
مجموع الإعجابات
3
النقاط
0
mohamed aseer قال:
متشكر اخى العزيز تروى و الصراحه انت و الاخت معماريه طموحه من اهم اربع او خمس شخصيات (غير المديرين للمنتدى ) اللى يهمنى بشده رأيهم
اخى محمد اعتز جدا جدا بهذا الكلام الجميل و مشكور ليك جدا
 

معمارية طموحة

عضو جديد
إنضم
19 فبراير 2006
المشاركات
289
مجموع الإعجابات
4
النقاط
0
mohamed aseer قال:
متشكر اخى العزيز تروى و الصراحه انت و الاخت معماريه طموحه من اهم اربع او خمس شخصيات (غير المديرين للمنتدى ) اللى يهمنى بشده رأيهم

اضيف صوتي لصوت اخي تروي وانا اعتز بشهادتك ويهمنا رأيك ايضا والمزيد من التقدم ونحن معك.

اختك
معمارية طموحة
 

فيصل الفديع الشريف

الإدارة
الإدارة
إنضم
11 أكتوبر 2001
المشاركات
1,012
مجموع الإعجابات
54
النقاط
0
السلام عليكم ورحمة الله وبركاته ،،
أشكر لكم جميعا إهتمامكم ، كما اشكر للزميل محمد حرصه على تطوير الملتقى ..
الحقيقة أن ما طرح من افكار جميلة يستحق العناية والاهتمام ،، الاشكال هو في فتح باب التصنيفات في الملتقى ،، سوف لن ينتهي الامر ،، ففي كل تخصص عدد كبير من التصنيفات والتخصصات الفرعية الكثيرة التي لو تم تم تقسيم العمارة الى تصنيفاتها لاحتجنا الى ان نقسم الاقسام الاخرى ، وهكذا ،، بدلا من ان تدخل الى عشرة اقسام رئيسية سوف نحتاج الى الدخول الى مائة قسم فرعي .. وعلى العموم فإنني سوف انقل هذه الاقتراحات الى إدارة الملتقى لنرى امكانية عملها.

ما أود ان اشير اليه ، ان هذه التقسيمات ولاتصنيفات وغيرها كثير والخاصة بالعمارة بالذات ، تم تفعيلها في موقع بيت المعماريين العرب www.arch.arab-eng.org والذي يهدف الى تكوين مكتبة علمية معمارية او قاعدة بيانات يرجع اليها العمرانيين والمهتمين بالمجالات العمرانية ليجودا فيها ما يرغبون فيه في جميع التخصصات الفرعية ،، ويمكن زيارة البيت للإطلاع على هذه التصنيفات وتفعيل المشاركة به ،، ما نلاحظه هو ان الافكار الجميلة لا يمكن ان يتم تنفيذها بدون تعاون الجميع ،، ومع ان بيت المعماريين استطاع النهوض والوقوف على قدميه بمساعدة بعض المعماريين والاخوة الافاضل ، الا انه مازال بحاجة ماسة لمشاركة وتعاون الجميع حتى يحقق كامل الاهداف التي يطمح لها ،، وهي بالمناسبة دعوة لزيارة البيت والاستفادة منه والمشاركة بما لدى الاعضاء فيه.

هنا أمر آخر فيما يخص التوثيق والتصنيف ،، تعكف شبكة المهندسين العرب هذه الايام على تصميم وبرمجة موقع هندسي شامل آمل ان يرى النور قريبا ، وسيكون رديفا لهذا المنتدى ليكون مركزا للمعلومات وارشيفا للمواضيع ومكتبة هندسية شاملة ،، ادعو الله ان يوفق العاملين عليه لإنهائه بأسرع وقت ممكن لنستفيد جميعا مه.

للزميل محمد وللجميع ،، التحية والتقدير.
 

troy_119

عضو جديد
إنضم
24 فبراير 2006
المشاركات
416
مجموع الإعجابات
3
النقاط
0
نامل جميعا هذا اخ فيصل شكرا كتيييير لردك بس فى استفسار ....... ليه (( بيت المعماريين العرب )) لا يحتوى على اى تعديلات بمعنى ان المواضيع ثابته و لا تتغير ؟؟؟؟؟؟؟
 

mohamed aseer

عضو جديد
إنضم
3 أبريل 2006
المشاركات
449
مجموع الإعجابات
3
النقاط
0
اشكرك لاهتمامك و ردك يا استاذ فيصل ، بس ليا تعليق بسيط
ايه علاقه الموقع اللى تفضلت بيه علينا بهذا المنتدى ؟
انا بتكلم على المنتدى نفسه ، الموقع اللى حضرتك ارسلته رائع فعلا ، بس انا بتكلم على تطوير المنتدى ، بس يمكن انت معاك حق فى ان المجهود المطلوب لعمل تصنيف هايكون كبير فعلا
بالتالى انا عندى فكره ليها نفس الهدف بس باسلوب مختلف ، بس هاتتطلب مجهود من المديرين برده
ممكن فى قسم العماره نقوم بتثبيت مواضيع متجدده
و كل موضوع يكون تحت عنوان ( اهم المواضيع بخصوص .............. )
و يبدأ الموضوع مثلا بخمس مواضيع قيمه عن فرع من فروع العماره
مثلا لو تم ايجاد خمس مواضيع قيمه و مفيده عن تاريخ العماره
يتم تثبيت موضوع متجدد (لاضافه المواضيع الجديده لنفس الفرع) تحت عنوان ( اهم مواضيع تاريخ العماره )
و هكذا
و يبقى كده برده عملنا نوع من التصنيف بالجهود الذاتيه زى ما بيتقال ، و يمكن نبقى قدوه للفروع الاخرى فى المنتدى
و فى عموم الاحوال ، انا اتمنى اقدم شئ لكل الطلبه و لنفسى ، و اتمنى بغض النظر عن موضوعى او افكارى ان يتم عمل نهضه فى مستوى المعماريين العرب اللى يبدأ بالطلبه اكيد
و اشكر كل من اهتم
و شكر خاص للعزيز طروى
 

فيصل الفديع الشريف

الإدارة
الإدارة
إنضم
11 أكتوبر 2001
المشاركات
1,012
مجموع الإعجابات
54
النقاط
0
السلام عليكم ،،
الزميل troy_119 يسأل (ليه (( بيت المعماريين العرب )) لا يحتوى على اى تعديلات بمعنى ان المواضيع ثابته و لا تتغير ؟؟؟؟؟؟؟) والاجابة على هذا السؤال ان المواضيع ليست ثابته ، تتم الاضافة بشكل يومي تقريبا ، المواضيع التي يمكن تصنيفها بالمهمة او الجديدة او المرتبطة بوقت وزمن معين توضع لها إشارة في الصفحة الاولى ،، وبقية المواضيع تحت تصنيفاتها ،، وكل مادة موجود أمامها تاريخ رفعها للموقع ، ونأمل بتعاون الجميع ان يتم رفع مواد اكثر بشكل يومي لمنفعة الطلبة والمعماريين والمهتمين أيضا برفع ثقافتهم العمرانية.

الزميل mohamed aseer يسأل (ايه علاقه الموقع اللى تفضلت بيه علينا بهذا المنتدى ؟) والحقية ان بيت المعماريين العرب جزء لا يتجزأ من شبكة المهندسين العرب التي تضم ملتقى المهندسين وبيت المعماريين ومواقع أخرى في الطريق ان شاء الله ،، ولم يتم إيجاد بيت المعماريين العرب الا لأن القائمين على هذا الملتقى شعروا بالحاجة للإجابة على طلباتك السابقة بوجود تصنيف وارشيف ومكتبة الكترونية وموقع توثيق حسب التصنيفات المتنوعة والمرتبطة بالعمارة لذلك تم إيجاد بيت المعماريين العرب لتحقيق الاهداف التي ذكرتها وللإجابة على الاسئلة التي سألتها ،، والملتقى والبيت كلاهما واحد ولو تلاحظ ان هناك تكامل بين الموقعين حتى ان ابرز المشاركات هنا يتم نقلها و تصنيفها في بيت المعماريين العرب تحت (مشاركات من الملتقى).

آمل ان اكون قد اجبت على استفسارتكما ، ولكما التحية والتقدير.
 

mohamed aseer

عضو جديد
إنضم
3 أبريل 2006
المشاركات
449
مجموع الإعجابات
3
النقاط
0
شكرا اخى العزيز فيصل على توضيحك
 
إنضم
23 فبراير 2006
المشاركات
97
مجموع الإعجابات
0
النقاط
0
هلا ازيكم يا شباب انا بقالي كتييييييييييير منقطعة عن المنتدى وهذا بسبب انشغالي لاني في اخر سنة زي ما انتوا عارفين لازم شغل من نااااار
انا باشجع mohamed aseer على المبادرة وابداء رأيه في المنتدى بكل وضوح وباشكرك على الاهتمام بالمساعدة والاشتراك في المنتدى و انا متفقة معك في هذا
اتمنى ان تلقى المزيد من الأراء
وشكرا لعرضك هذا اخي mohamed aseer
 

mohamed aseer

عضو جديد
إنضم
3 أبريل 2006
المشاركات
449
مجموع الإعجابات
3
النقاط
0
مشكوره لردك و تشجعيك مهندستنا الكريمه
و مش عارف اقولك ايه اكتر من شكرا على دفعك لينا ده ؟
( سؤال بسيط: ليه مكبله ؟ )
 

troy_119

عضو جديد
إنضم
24 فبراير 2006
المشاركات
416
مجموع الإعجابات
3
النقاط
0
mohamed aseer قال:
مشكوره لردك و تشجعيك مهندستنا الكريمه
و مش عارف اقولك ايه اكتر من شكرا على دفعك لينا ده ؟
( سؤال بسيط: ليه مكبله ؟ )
ههههههههههههههههههههه اه صحيح ليه مكبله ؟؟؟؟؟
 

troy_119

عضو جديد
إنضم
24 فبراير 2006
المشاركات
416
مجموع الإعجابات
3
النقاط
0
الاخ فيصل انا مشكور ليك كتيييير على الرد و انا اتفق معك فى كون بيت المعماريين العرب رائع بلا شك و المواضيع فيه تم تقسيمها بطريقه سهله و نامل ان ان شاء الله بالمشاركات انه يحتوى على الكثير ... بس منين نجيب الوقت .؟؟؟؟
 

"مؤمن بالله"

عضو جديد
إنضم
6 مايو 2005
المشاركات
659
مجموع الإعجابات
44
النقاط
0
الحقيقه انا احب اشترك في الموضوع ده لاني من اشد المعجبين بالملتقى والاعضاء الموجودين فيه واللي بحبهم جداااااااااااااااا
لدرجة اني في بعض مشاركاتي اتمنى انه يكون فيها رد من ناس معينين دول بقى بعشق ردهم جداااااااااا
الحقيقه علشان مهما قلت في الملتقى واعضاؤه مش هوفي بس علشان مطولشي عليكم انا احب اقول اني اتمنى فعلا انه يكون في اكثر تخصص في الملتقى يعني زي ما في تخصص للاقسام يكون في العماره والتخطيط برده تخصصات ودي مش هتقلل من قدر بيت المعماريين العرب طبعا لكن انا بحب اجد كل حاجه هنا داخل الملتقى فياريت يحصل كده وبسرعه
كمان كنت عايز اقول للاخ العزيز محمد مصطفى انا اشكرك على الاقتراح لكن كان في حاجه صغيوره جدا بحب اقولها ان المواضيع المثبته ممكن من وجهة نظرك مش بالقدر المطلوب لكن في وجة نظر الغير مهمه جدا فاكيد في وجهات نظر ترجح ذلك
كمان حبيت اشكر طبعا المهندس الراااااااااااااااااااائع فيصل الشريف على رده وده المعتاد منه دائما وكان ودي طلب منه ياريت يتحقق وهو ليه لما نخش الملتقى ما يكنش في وصله او ماشابه للقران الكريم بحيث يمكننا التصفح ونحن نستمع لافضل ذكر اتوقع ان المساله هتكون افضل
ده مجرد اقتراح ممكن يكون في اعتراض من جهة ان القاريء للمنتدى ممكن ينشغل عن القران لكن ممكن يكون القران للي يحب يستمع مش شغال دايما يعني ارجوا تكونوا فهمتوا قصدي وشكراااااااااااااا
 
إنضم
6 نوفمبر 2005
المشاركات
669
مجموع الإعجابات
16
النقاط
0
فعلا فكرة اكثر من رائعة كثير ما فكرت في طرح فكرة مشابهه لها ولكني كنت اتراجع خوفا من اني لا اجد ردود ولكن انا معكم باذن الله تعالي وساشارك بكل ما لدي من معلومات وبمشروع تخرجي ان شاء الله اذا تم تنفيذ هذه الفكرة واذا لم تتم ساشارك ايضا بكل ما لدي وبمشروعي لعله يفيد الاخرون

وربنا معاكم جميعا

واشكر الزميل mohamed aseer
علي فكرتة وقوة ارادته وتمسكه بعرض رايه
 

mohamed aseer

عضو جديد
إنضم
3 أبريل 2006
المشاركات
449
مجموع الإعجابات
3
النقاط
0
متشكر جدا اخ مشاكس على ردك ، و يمكن انت اضفتلى نقطه مهمه ، فعلا المواضيع المثبته ممكن تكون مش قويه بالنسبه ليا بس بالنسبه للاخوه الاعضاء تكون مهمه و جدا كمان ، معاك حق و انا طبعا احترم كل وجهات النظر ، و مشكور لردك

الزميله جودى انتى تالت واحده من اللى كنت مهتم و مستنى ردهم عليا
و الصراحه ردك كتير عليا ، و متشكر ليكى جدا على ردك الجميل ده و دفعك للاراء البنائه
جزاك الله كل خير

و يمكن انتى شجعتينى اكتر انى اعمل موضوع عن مشروع تخرجى ، و اخليه (موضوع على الهوا) امشى فيه خطوه بخطوه مع مشروعى ، و ان شاء الله اعمله ، واتمنى انه يكون موضوع جيد

شكرا لكل من مر و شارك ، و الصراحه انا سعيد بتواجدى فى المنتدى و تعرفى على شخصيات رائعه كتير
 
أعلى