مقارنة بين الجنيه المصري وعملات اخري , بهدف تفنيد الادعاءات و الأكاذيب ، و توضيح معلومات و حقائق

علي محمود فراج

عضو تحرير المجلة
إنضم
11 سبتمبر 2007
المشاركات
2,896
مجموع الإعجابات
434
النقاط
83
https://www.facebook.com/Negm30/posts/1165261340183119

مقارنات اقليمية ودولية بين الجنيه المصري وعملات اخري , الهدف هو تفنيد شوية ادعاءات وكذب معتاد بالاضافة الي توضيح حقايق ومعلومات واصل المشكلة ايه وحلولها


- مثلا فيه ناس بتتمني الجنيه اودام الدولار يبقة زي الليرة ب3 بدلا من 9 و11 و12
وكأن قوة الاقتصاد بتُقاس بالرقم كان كبير ولا صغير !

مثلا عندك الدولار = 106 ين ياباني
الدولار = 64 روبل روسي
هل الاقتصادات دى اضعف من الاقتصاد التركي ؟ بلاش تهريج بقة


- فيه ناس تانية بتتكلم وتنتقد وهى قاعدة بالشورت اودام المروحة فى البيت وناسية احنا مرينا بايه ... وخليني افكركم
احنا شعب ماشاءالله بقالنا 5 سنين بيدمر بلده
ثورتين فى خمس سنين يفصل بينهم سنتين ونص فقط ,
طيارتين وقعو وتالتة اتخطفت ,
بعد يناير 2011 الاقتصاد لاول مرة فى تاريخه يدخل فى انكماش ,
الايرادات انهارت ومواردنا الدولارية انخفضت انخفاضات فادحة اهمها السياحة والتصدير والتحويلات ,
اضطرينا نسحب من الاحتياطي لتلبية احتياجاتنا من الاستيراد وتلبية تخارج الشركات من مصر بعد الثورة اللى وصل ل2 مليار دولار سنويا تخارج ولمدة 3 سنين لاحقة دة غير احتياجات السوق ومستحقات الشركات الاجنبية
** محلوظة : النهاردة التخارج ميتعداش رقم 182 مليون دولار وفقا لتقرير الاستثمار العالمي التابع للامم المتحدة
الاحتياطات اللى وصلت ل36 مليار دولار 25 يناير صباحاً ,بفضل جهود الحكومات السابقة
لكن الاحتياطي فضل ينخفض لحد ما وصل ل16 مليار دولار فى يوليو 2014 ومعتمد علي ودائع قطرية بحوالي 7مليار دولار وودائع تركية وليبية بحوالي 4 مليار دولار وودائع خليجية اخري بحوالي 2 مليار دولار والباقي دهب وعملات اخري
يعني من 2011 واحنا احتياطاتنا معتمدة علي الودائع حسب علاقات النظام الحاكم الدولية
- طب دلوقتى الخليج بيمر بازمة مالية لاول مرة فى تاريخهم , الكويت بتقترض عشان تسد عجز الموازنة والسعودية عملت ثورة علي نظامها الاقتصادي عشان تنقذ ما يمكن انقاذه للتحول لاقتصاد استثماري صناعي بدلا من نفطي بعد انهيار اسعار النفط وانكشاف ماليتهم العامة
- هنعمل ايه ؟ مرة سالت السؤال دة لواحد صاحبي راح قايلي : نعتمد علي نفسنا , يلا بينا طيب هنعمل ايه يعني ؟
نزود مصادرنا الدولارية , سهلة اهي بس كدة
ياسلام , الموضوع بسيط اوي كدة وفى يوم وليلة هنصحا نلاقي الاحتياطي بدل 16 بقة 36 46 56 مليار دولار !!
عايشين فى عالم سمسم احنا
دة كلام ينفع لمصاطب السلم او قعدة عالقهوة مع صحابك او بوست ع الفيس كوميك تنزله وتجيب عشرتلاف لايك وتتنافس علي اول تعليق وغيره من التفاهات والسذاجة دى
لكن مش كدة بتُدار الدول والاقتصادات
ولا تحمل مسئولية اقتصاد 90 مليون شيء سهل وبسيط
ومحدش يفتكر انه عنده الحل الخزعبلي الرهيب اللى مفكرش فيه المسئولين عن الاقتصاد فى البلد اللى منهم محمد العريان الاقتصادي العالمي اللى كان بيدير شركة حجم اصولها واستثماراتها توازي كل اقتصادات الشرق الاوسط مجتمعين
الكوميك وكلام المصاطب اللى بالمناسبة خلو الراجل اللى خريج كلية اقتصاد وإدارة أعمال الجامعة الامريكية خريج اداب جامعة القاهرة !!!
حاجة مسخرة والله وزمن مسخرة وفترة صعبة وحجم الظيطة والاسفاف والتفاهة وانعدام وعي الناس وانعدام التثقيف الذاتي او التعلم والتفكير المنطقي وصل لمرحلة الحضيض
بس دة مش عيب الناس العيب ع الحكومة والاعلام اللى مش قادرين يعلمو الشباب ازاي يفكر تفكير علمي ولا بيقومو بدورهم فى تنوير الناس وتثقيفهم
- المهم عشان تبقة بس عارف ... احنا ايراداتنا الدولارية ليها مصادر محددة
1 - السياحة
2 - قناة السويس
3 - التحويلات
4 - التصدير
5 - الاستثمار
--------
1 - السياحة
السياحة انهارت ايراداتها من 12 مليار دولار قبل يناير 2011 و14.9 مليون سايح سنويا
بدانا من سنة84 كان بيجيلنا 1.4 مليون سائح
ووصلنا سنة 94 ل2.5 مليون سائح
وف2004 ل7 مليون سائح
و12 مليون سائح فى 2008
وتكلل مجهودنا اخيرا فى 2010 دخلت مصر نادي العشرين الكبار السياحي لاكبر 20 دولة استقبالا للسياح فى العالم
برقم 14.7 مليون سائح
وكنا رايحين ل22 مليون هدف فى 3 سنين
حصلت الثورة وكل حاجة اتدمرت
ولما بادنا نقترب من التعافي وكسر حاجز ال 10 مليون سائح فى 2014 و 2015
9.9 مليون و9.3 مليون عالتوالي
قبل مباشرة سقوط الطيارة , حصلت المصيبة وجابت السياحة ع الارض
لكن فيه جهود بتبذل وفيه وزارة اسمها وزارة السياحة بتبذل مجهود وبتحاول انقاذ ما يمكن انقاذه ويمكن قريب ترجع السياحة الروسية والالمانية بتطوير امن المطارات والسياح وتحركات دبلوماسية اخري وجهود تسويق وترويج
شوف البوست دة لتفاصيل اكتر : https://goo.gl/eH7Qqi
2 - قناة السويس
فيه اشاعة منتشرة بقالها يومين ان البنك المركزي طلع قال ان القناة خسرت 8 مليار دولار
طبعا مفيش بيان رسمي ولا مصدر محترم بالكلام دة , انا دورت وعرفت ان صحفي مصري عنده احساس بالدونية اسمه احمد فتيحة فى بلومبرج كتب الخبر دة فى اغسطس 2015 وكان يقصد بيه ان مصر اتكلفت 8 مليار دولار لاجراء توسعات فى القناة , لكن التوسعات دى من وجهة نظره غير ضرورية واخد اراء بعض الخبراء الماليين بعضهم وافق وبعضهم اعترض بس هو حط العنوان مضلل وسطحي عشان يخدو كل اللى عندهم شعور بالدونية زيه بتوع اللهم هجرة وكل معارضي النظام ويقولك امسك بلومبرج فضحتكم ! شغل عيال وتهريج وكلام فاضي
المقال هنا : http://goo.gl/9tM8es
هل القناة فعلا ايراداتها قلت ؟
- فعلا حصل انخفاض لكن فقط فى الربع الاخير ل2015 وهو دة الربع اللى تسبب فى كل الظيطة اللى حصلت
فى 2015 بشكل عام القناة حققت اعلي ايرادات فى تاريخها بتجاوزها 40 مليار ج
- حصل تصحيح وارتفاع مستقر من الربع الاول ل2016 مقارنة بنظيره فى 2015
بتحقيق 3.477 مليارفى مارس بدلا من 3.108 مليار فى فبراير
بزيادة قدرها 6.5 %
وعدد السفن زاد بمقدار 2.7 %
بس بردو مش دة المشروع الكامل لقناة , المشروع هو محور القناة والمنطقةا لاقتصادية الخاصة لقناة السويس وتوسعة المجري الملاحي جزء من المشروع
لتفاصيل اكتر فى البوست هنا بمصادره : https://goo.gl/e2eqEg
3 - التحويلات
تحويلات المصريين فى الخارج انخفضت بمقدار الربع تقريبا بسبب المشاكل الاقتصادية فى الخليج , دي حاجة منقدرش نعمل فيها حاجة
4 - التصدير
لازم نزود الصادرات ونقلل خروج الدولار لشراء الواردات
طبعا التصدير انحدر بعد يناير 2011 نتيجة انكماش الاقتصاد وتوقف المصانع والمظاهرات المستمرة وحالة اللفوضي الامنية وخروج المستثمرين والشركات وزاد عجز الميزان التجاري يعني الاستيراد اكبر بكتير من التصدير
فى 2014 بدات شوية ايجابيات فى الملف
بانخفاض العجز فى الميزان التجاري بنسبة 26% فى ابريل اللى فات
تفاصيل اكتر : https://goo.gl/SXvDBG
http://goo.gl/l7tStP
- ونمو الصادرات بنسبة 8.85% فى الفترة من يناير لابريل 2016 مقارنة بنظيرتها فى 2015
- و22.6 % انخفاضا في الواردات فى ابريل 2016
5 - الاستثمار
وفقا لتقرير الاستثمار العالمي الصادر عن الامم المتحدة للعام 2015/16 فمصر زادت فيها الاستثمارات المباشرة والغير مباشرة بنسبة 49% من رقم 4.2 مليار دولار ل6.9 مليار دولار وتعتبر تاني اكبر دولة فى افريقيا تلقت استثمارات (قولي كام دولة كبيرة فى افريقيا مشافتش اللى احنا شوفناه ورغم كدة مصر تجاوزتها زي نيجيريا مثلا و جنوب افريقيا او المغرب والجزائر؟؟؟)
ومصر 2015/16 من اقل 30 دولة فى العالم خرج منها استثمارات ... بحجم تخارج بقيمة 182 مليون دولار فقط
دة الاستثمار الاجنبي بشكل عام
الاستثمار الداخلي , البلد لحد نهاية 2013 كان بيتأسس فيها سنويا 8.5 الف شركة براس مال 10 مليار ج فى 2015/16 بيتأسس فيها سنويا 11 الف شركة براس مال 29.6 مليار ج
لتفاصيل اكتر فى البوست هنا بمصادره : https://goo.gl/jfF2ox
https://goo.gl/m1k16j
كل دة مش كافي وكل المجهود دة مش هيقدر يمنع ارتفاع الدولار ومش هيقدر يمنع وجود السوق السودا ونموها المستمر
لاننا محتاجين تراكم مجهودات زي دي لسنين طويلة عشان الناس تبدأ تحس بتحسنات حقيقية وتبدا العملة وسعر الصرف يستقر شوية
هل تركيا مرت باللي احنا مرينا بيه عشان تخسر 160% من قيمة عملتها المحلية من 2008 ل2016 !!!
هل اليابان اقتصادها ضعيف لمجرد ان فيه حد ساذج فاكر ان كلما كان الرقم اكبر كلما كان الاقتصاد اضعف !! ف كتب بوست بالمعني دة وجاب الاف الشير واللايك !
طب ليه الدولار بعد ما كان ب75 ين فى 2011 بقة ب125 فى اول 2016 !!
هل جنوب افريقيا انهارت فيها السياحة والتصدير والامن والتحويلات والاستثمار وحصل فيها فوضي زينا عشان الدولار يقفز من 6.6 راند ل16.8 راند فى خمس سنين !!!
طب الهند حصل فيها ثورتين عشان الدولار يتحرك من مستويات 44 روبية فى 2011 لمستويات 68 روبية فى 2016 !!!
واستراليا ازاي العملة تفقد 80% من قيمتها من مستوي 0.9 دولار استرالي ل1.4 دولار استرالي مقابل الدولار الامريكي !
والبرازيل من 1.5 ل 4.1 ريال برازيلي !
وروسيا من 27.5 ل82.2 روبية روسية مقابل الدولار !
هل دة انصاف ومنطق مقارنتنا بالدول دى
طب هل انصاف ومنطق التغافل عن الظروف اللى مرينا بيها وانتقاد اي شي والتريقة علي اي حاجة
العالم كله بيعاني والمشاكل الاقتصادية فى كل حتة والاقتصاد العالمي حاليا فى ازمة ركود وتباطؤ والمشاكل كتيرة ومعقدة ما بين النفط للتباطيء الصيني لمشاكل البرازيل للكساد الاوروبي وخروج بريطانيا لرفع الفايدة فى امريكا واثره السلبي عالاسواق الناشئة زينا غير ازمات الارهاب والحرب فى ليبيا والمنطقة بشكل عام , غير مشاكلنا الداخلية وازماتنا ال5 سنين اللى فاتت
كل دة بيديك فكرة عامة عن الدنيا ماشية ازاي بعقل وعلم وانصاف
طب لو الحكومة مش فاهمة حاجة , هل فيه حد عنده بديل ويقدر يتحمل المسئولية ؟ كلو بيجيب ورا لما نخش فى الجد
وكل اللى بيتكلمو ومتصدرين المشهد الاعلامي من اللى اسمهم خبراء اقتصاديين
بيقولو كلام فارغ وعام ومطاط بهدف تحقيق شهرة مش اكتر باللعب علي مشاعر الناس والغلابة والاسعار والفيلم اياه
المسئولين عن الاقتصاد بيحاولو وربنا يوفقهم ويقدرو يصلحو الاقتصاد اللى محدش فكر يقرب لمشاكله المزمنة بما فيهم السادات اللى حارب ورجع سينا !
والحكومة الحالية بدات من سنتين اصلاحات مكنش حد يجرأ يعملها وكنا فى 2015 فى قائمة اكثر 10 دول فى العالم تنفيذا لاصلاحات اقتصادية اللى اخرها قانون القيمة المضافة وتخفيض الجنيه وعلاج العجز والدين العام ومنظومة الدعم
مقدرش افتي ولا اقترح حلول عليهم افضل ماللى هما فكرو فيها ومقدرش اعدل عليهم فى الوقت اللى مؤسسات دولية مالية محترمة جدا بتثني علي قراراتهم وانها ضرورية لاصلاح الاقتصاد واتنفذت متأخر ومازالت بعضها لم تنفذ بعد ويرجع التاريخ المناسب لتنفيذها لاربعين سنة , بس اتمني ان ربنا يعينهم ع الحمل الكبير والمسئولية اللى شايلنها ويوفقهم للقرارات المناسبة فى الفترة الصعبة دي
اللى لو كنا اهتمينا باصلاح الاعلام وملف التسويق مع بعض الشفافية واشراك المجتمع والحوار الحقيقي مع الناس وخطاب جاد وصادق ... مكنتش بقت صعبة نهائيا لاننا اصبحنا فى زمن الشائعات والكسل والغباء وتصديق الاكاذيب , رغم انه فى نفس الوقت اكتر فترة زمنية فى تاريخ الانسان تتميز بسهولة الوصول للحقيقة والمعلومة ودي اصبحت ظاهرة عالمية مش مصرية ولا عربية زي ما بتقول كاثرين فاينر هنا فى تحليل ازاي الناس اقتنعو ان الخروج من اليورو مفيد رغم انه كله مشاكل : https://goo.gl/gLknSs
وزي ما قال محافظ المركزي محتاجين 18 شهر قاسيين علي الاقتصاد عشان نضعه ع الطريق الصحيح ولازم نستكمل الاجراءات الصعبة دى فى الضرايب والعملة والعجز والدعم والدين ومش هتتم بدون دعم الناس "دة لو حلينا مشكلة الاعلام والتسويق"
مش هينفع نخاف تاني زي بقية الحكومات السابقة ونحمل الحكومات التالية المصايب ونفضل شغالين مسكنات كدة كتير من السبعينات للنهاردة , هتتحل جذريا يعني هتتحل وان شاءالله فترة وهتعدي ومش كام قناة علي جرنان هيخضنا ويخلينا نخاف ونشكك ونتوتر ونفقد الامل والصبر والتحمل علي المرور لمستقبل انضف وافضل واقتصاد اقوي باذن الله
كل بيانات العملة والتشارتز من موقع xe.com
 

علي محمود فراج

عضو تحرير المجلة
إنضم
11 سبتمبر 2007
المشاركات
2,896
مجموع الإعجابات
434
النقاط
83
https://www.facebook.com/Negm30/posts/1127728317269755

كشف حساب مصر فى عامين
دة تحليل مالي مقارن , بحلل فيه اللى حصل فى مصر اخر سنتين بما قبله ومدي التغير اللى حصل في عدة قطاعات باستخدام بيانات الموازنة العامة 2015/16 و 2016/17 والاداء الاقتصادي والاجتماعي للحكومة للربع الاول فى 2016 ومقارنته بالارباع الموازية فى السنوات السابقة

• التحليل هيعتمد فقط علي تفنيد ابرز الاشاعات اللى انتشرت الفترة الاخيرة او المبالغات والفبركة والتضليل ... الخ
• قناة السويس بتخسر او تراجعت ايراداتها
• الدين العام وصل لمرحلة مرعبة وهنعلن افلاسنا
• الدولة لغت الدعم
• الدولة غير مهتمة بالفقراء
• الدولة مش بترفع الاجور
• الطبقة المتوسطة بتختفي والغني بيزداد غني
• التسليح والجيش مستحوذ علي كل فلوس البلد
• ارتفاع الاسعار ادي لانخفاض حجم استهلاك الناس ومش لاقيين ناكل
• عجز الموازنة وصل لمستويات خطيرة
• الشركات بتقفل او بتخسر وكلو بيعلن افلاسه وثورة جياع اهي جاية من هناك
• الدولة لسة بتفرط فى ممتلكات الشعب وبتعمل خصخصة
1 - قناة السويس
- فعلا حصل انخفاض لكن فقط فى الربع الاخير ل2015
فى 2015 بشكل عام القناة حققت اعلي ايرادات فى تاريخها بتجاوزها 40 مليار ج
- حصل تصحيح وارتفاع مستقر من الربع الاول ل2016 مقارنة بنظيره فى 2015
بتحقيق 3.477 مليارفى مارس بدلا من 3.108 مليار فى فبراير
بزيادة قدرها 6.5 %
وعدد السفن زاد بمقدار 2.7 %
- بس الشركات والدول هتبتدي تاخد طريق راس الرجال الصالح بدل السويس عشان سعر النفط رخيص ؟
الطريق دة بيعدي عليه 100 سفينة " سنويا "
قناة السويس بيمر بيها نفس العدد بس فى " 48 ساعة "
الحاويات اللى جاية من اسيا وعايزة تروح اوروبا , لو اخدت طريق راس الرجاء
هتوصل خلال 11 يوم
لو خدت قناة السويس هتوصل خلال "11 ساعة"
- بس ليه القناة مش بتنشر الارقام بالدولار من ساعة تخفيض سعر صرف الجنيه امام الدولار ؟
لان دة هيكون تقييم غير منصف لاداء القناة
لان القناة بتحول ايراداتها بالدولار للمالية والمالية بتحولها لجنيه
وبالتالي المنتج النهائي بيكون الجنيه المصري
لكن لو حولتها للدولارهيكون فيه ارتفاع لكن طفيف
ودة هيبقة فرصة لاي حد عايز يشكك فى جدوي توسعة القناة
وبالتالي القناة هتحجب البيانات بالدولار لحين استقرار وتأقلم السوق مع سعر الدولار الجديد وترجع تنشرها تاني
- القناة هتتضاعف ايراداتها ل13.5 مليار دولار بدلا من 5.5 بعد توسعتها ؟؟؟
مفيش اي مسئول رسمي صدر عنه حاجة زي دى
الكلام كان عن 2023 بعد الانتهاء من تنفيذ المشروع المتكامل لمحور القناة والانفاق والمناطق الصناعية والحرة والمواني اللى هتتوسع والمواني الجديدة
- القناة بتستدين لتسديد فوايد الناس اللى دفعت فلوس مشاريع التوسعة/التطوير/المحور ؟
القناة ملتزمة بدفع ارباح/فوايد الناس من ايراداتها اللى رغم ذلك حافظت علي ارتفاعها
القناة بترتفع ايراداتها لكن بمعدل بطيء ؟
بسبب حالة الركود الاقتصادي العالمي خاصة الصين واوروبا ومشاكل الخليج
- اذن تطوير القناة مشروع ليس له اي جدوي ؟
طبعا غلط , الركود فى السوق العالمية خاصة الناشئة "كمثال الصين" دة مش هيقعد ليوم القيامة
الركود فى السوق العالمي"مش المصري"
حسب دراسات عدة لمؤسسات تمويلية ومالية واستثمارية مختلفة هيستمر 3 سنين بيتراجع وينكمش لحد ما يوصل للbreak-even ونرجع للانتعاش العالمي
ومصر طموحها بيبدا من 2023 وعشان كدة كان لازم نبتدي بوقت كافي
- هل هيئة القناة شايفة الركود العالمي والانخفاض ثم الارتفاع ببطيء وواقفة بتتفرج ؟
دة مش مظبوط
هيئة القناة بدأت تتحرك دوليا لعقد اتفاقات مع دول وشركات لاستخدام قناة السويس اكتر من الاول او استخدامها بدلا عن طرق اخري مقابل امتيازات وتخفيضات وعروض
متبعة نظرية sales is the power
يعني مش مهم تخفض السعر طالما هتبيع كميات اكتر لان ساعتها هتحقق ربح اكبر مما لو كنت ثبتت السعر وبعت كميات اقل
اخرها كان الاتفاق مع دولة الكويت بمرور ناقلاتها وسفنها حصرا عبر قناة السويس
والاتفاق دة مكنش عشان احنا اشقاء وبدون مقابل
الاتفاق تم زي اي بيزنس شيء مقابل شيء
الكويت هتمر من قناة السويس لكن هتاخد امتيازات اكتر فى مجال تخزين وتصدير نفطها لاوروبا عبر انابيب سوميد الموجودة فى شمال مصر
الموضوع هشبهه بمثال بسيط عشان لو مش واضح لبعض الناس
كأن عندنا طريق اتجاه واحد
عملناه اتجاهين
عدد العربيات اللى ماشي فيه زاد طبعا
ف زادت ايرادتنا
بعد كدة عملنا علي جانبي الطريق محطة بنزين ومول وسوبر ماركت ومركز صيانة سيارات
زادت ايراداتنا اكتر
بعدها عايزين نبني بيوت للعاملين علي جانبي الطريق
الناس دى عايزة تاكل وتشرب
هنعملهم مزارع سمكية واراضي زراعية وسوق تجاري ومحلات ومسجد وكنيسة
وبالتالي بالتدريج اتحول جانبي الطريق لمجتمع سكني وعمراني وتجاري وصناعي متكامل
هو دة اللى بيحصل فى القناة وهو دة الطموح المصري
2 - الدين العام وصل لمرحلة مرعبة وهنعلن افلاسنا ؟؟؟
الدين المحلي والخارجي وصل لنسبة 91.2% من الناتج المحلي الاجمالي
- هل دة له اي علاقة بقوة الاقتصاد او بيهدد مستقبلنا ؟
اطلاقا بدليل ان فيه دول كتيرة نسبها زينا/اعلي مننا بكتير والاقتصاد مستقر
• اليابان 229%
• امريكا 104%
• منطقة اليورو 90.7%
• بريطانيا 89%
• فرنسا 96%
• كندا 91%
• اسبانيا 99%
• ايطاليا 132%
• بلجيكا 106%
• سنغافورة 104%
اليابان ورغم انخفاض فوايد ديونها لاقل من 1%
الا ان الديون دى بسبب ضخامتها تسبب فى ركود اقتصادي فادح وانكماش خطير دخلت فيه سالب 7.3%
وبالتالي حصل انخفاض حاد فى اسعار المستهلكين وبالتالي تعمقت حالة الكساد
محمد العريان الاقتصادي المصري العالمي بيتكلم عن ديون اليابان "ومع بلوغ الإجمالي العام للديون الحكومية في اليابان نسبة 238% من الناتج المحلي الإجمالي يخشى البعض أن تواجه طوكيو خطر التفكك الاقتصادي والمالي، كما أن فشل تجربتها في السياسات المتبعة ستدفع القطاع الخاص -الذي كان يظهر تقليدياً انحيازاً كبيراً للسوق المحلية- لسحب استثماراته من اليابان"
- الدين المحلي اقل خطورة بكتير من الدين الخارجي
ديننا الخارجي بيمثل 13.5% فقط من دخلنا القومي وترتيبنا ال36 عالميا ودة من افضل التصنيفات اللى مصر ناجحة فيها
ودي نسبة اكتر من جيدة جدا لما تشوف المنطقة والعالم حوالينا بيعاني ازاي من المشكلة دي وبتتفاقم عندهم دون اي قدرة علي كبحها
دول بتتميز بقلة السكان مقارنة بحجم مواردها من النفط والغاز
• البحرين 64%
• قطر 55%
• الكويت 43%
• الامارات 41%
• عمان 16%
باقي الدول
• لوكسمبورج 3443% (3 الاف وربعمية)
• ايسلندا 724%
• بريطانيا 569%
• سنغافورة 408%
• هونج كونج 334%
• هولندا 316%
• فرنسا 222%
• المانيا 145%
• امريكا 114%
• ماليزيا 63%
• اليابان 60%
• تركيا 55%
• تونس 42%
• اسرائيل 33%
• العراق 64%
- متوسط تاريخ بداية الديون دى يرجع لعشرين سنة ماضية
- هل الدين ممكن يكون اداة للتمويل وبالتالي للنمو والتطور لاقتصاد ما ؟؟
دة حقيقي لكن هتصرف فلوس الدين علي مشاريع استهلاكية ولا استثمارية وازاي هتدير الدين وازاي هتسدده ومين هو الدائن ليك وعلاقتك بيه شكلها ايه , دى اسئلة مهمة قبل ما تبدا استخدام الاداة دي
• الدين فى يونيو2011 كان 15.2%
• يونيو 2012 وصل ل12.5%
• يونيو 2013 وصل ل16.4%
• يونيو 2014 15.7%
• يونيو 2015 15.0%
• ديسمبر 2015 13.5%
- وهو دة السبب ورا ان ستاندرد&بورز وفيتش ثبتو تصنيف مصر الائتماني
رغم تخفيض تصنيف دول ضخمة فى المنطقة اقوي من مصر ماليا بكتير زي دول الخليج وتخفيض تصنيف دول اوروبية واسيوية
وكذلك مؤسسات بنكية خليجية واوروبية
ورغم حالة الركود العالمية وتخفيض الجنيه وعجز الموازنة وانخفاض الاحتياطي ثم ارتفاعه ببطيء مؤخرا
- لكن زي ما قالو ان " مصر مازالت قادرة علي الوفاء بالتزاماتها طويلة الاجل بالعملة الاجنبية
وان زي ما فيه مخاطر ومشاكل فيه فرص ونجاحات وعشان كدة زادت الFDI (الاستثمارات الاجنبية المباشرة) وهتستمر فى الزيادة
ومازال الكلام لفيتش :
- توقعت ان الدين الخارجي هيرتفع من 13.5% ل18% فى اخر السنة المالية 2016/17
معظم الدين الخارجي المصري فى وضعية ممتازة
- دي نسبة اَمنة وجيدة جدا خصوصا لو عرفنا ان الديون دى مقدمة بتيسيرات كبيرة من دول صديقة لمصر
- مصر تظل أقوى من أقرانها فيما يتعلق بنسبة السيولة الخارجية بالرغم من تدهورها خلال الفترة الماضية
- عدم وجود إعادة هيكلة للديون يدعم تصنيف مصر
3 - الدولة لغت الدعم
الدعم ارتفع من 102.9 مليار فى 2011 ل231 مليار فى 2015/16
وبيستحوذ قطاع الحماية الاجتماعية علي 20% من مصروفات الموازنة
الدعم تم تخفيضه فقط بنسبة 25%
4 - الدولة غير مهتمة بالفقراء
المساعدات الاجتماعية ارتفعت من 2.4 مليار فى 2011 ل52 مليار فى موازنة 2015/16
شبكة الامان الاجتماعي ارتفعت مخصصاتها من 1.4 مليار فى 2011 ل11 مليار حاليا
واخر مثال برنامج تكافل وكرامة زي ما شرحته فى بوست سابق
5 - الدولة مش بترفع الاجور
الاجور زات من 96 مليار فى 2011 ل 218 مليار فى 2015/16
• 450% هى نسبة زيادة الاجور اخر 10 سنين
• 115% نسبة الزيادة فى اخر 5 سنين
كل دة عشان موظفين معظمهم عبء عالدولة وكسالي وفشلة وفاسدين ومستواهم متردي
6 - الطبقة المتوسطة بتختفي والغني بيزداد غني
ودائع القطاع العائلي "الافراد او الناس العادية" فى البنوك المصرية ارتفعت من 957 مليار ج فى 2011 ل1تريليون و908 مليار
- واخر تقرير للربع الاول ل2016 بيقول ان الرقم دة كسر حاجز ال2 تريليون
- الودائع دي نسبة كبيرة منها اقل من 200 الف جنيه بتودع لاول مرة بالبنوك
يعني الطبقة المتوسطة لا بتنكمش ولا بتختفي ولا بتتزحلق
7 - التسليح والجيش مستحوذ علي كل فلوس البلد
- وزارة الدفاع تم تخصيص 6% من اجمالي مصروفات الموازنة 2016/17
من 43.2 مليار ج السنة اللى فاتت ل47.1 مليار ج السنة دي
بنسبة نمو 9.1%
تخصص لاغراض الامن القومي والدفاع والبحث والتطوير الحربي وخطط الطواريء
التعليم بيتصرف عليه ضعف(12%) وزارة الدفاع
او بمعني تاني التعليم بيتصرف عليه اكتر ما يصرف علي وزارتي الدفاع والداخلية
- وزارة الداخلية تم تخصيص 5% من اجمالي مصروفات الموازنة 2016/17
- السلاح والصفقات دى كلها بتتمول منين ؟؟؟
• جزء منها بيتصرف من خزانة وزارة الدفاع
• جزء من منح الخليج فى 2013/14
• تمويلات ميسرة من جهات تمويلية خليجية او قروض طويلة الاجل
8 - ارتفاع الاسعار ادي لانخفاض حجم استهلاك الناس ومش لاقيين ناكل
- الاستهلاك فى الاسواق الضخمة سكانياً زي مصر بيكون اهم مُحرك للنمو
الاستهلاك مقسم لخاص وعام
الخاص يعني الافراد المواطنين والشركات
العام يعني الحكومي
- الاستهلاك الخاص بيمثل 85% من قيمة الاستهلاك المجمل فى مصر
• الاستهلاك الخاص فى مصر ارتفع من 1.03 تريليون ج فى 2011
• ل 2 تريليون فى 2014/15
• ل2.6 تريليون فى 2015/16
بمعدل نمو سنوي رهيب يقدر ب30%
اكتر بكتير من نمو السكان سنويا 2.5%
بس فعلا احنا مش لاقيين ناكل .. اَه طبعا
9 - عجز الموازنة وصل لمستويات خطيرة
- عجز الموازنة يعني مصاريفنا اكتر من الايرادات ومتقسم لعجز نقدي وكلي
العجز النقدي يقدر حاليا ب9.4% من الناتج المحلي الاجمالي
- 936 مليار ج (مصروفات) - 631 مليار ج (ايرادات) = 305 مليار ج (عجز نقدي)
- العجز الكلي بيوصل ل9.8% لما نضيف له صافي الحيازة من الاصول المالية
حيازة الاصول المالية يعني مساهمات الدولة فى رؤوس اموال الشركات والهيئات واقراض الدولة للغير اللى هو تقريبا 14.4 مليار ج
- فيوصل الاجمالي ل319.5 مليار ج عجز كلي
• 9.8% فى 2011
• 10.1% فى 2012
• 13.0% فى 2013
• 12.1% فى 2014
• 11.5% فى 2015
- لكن دة معناه ايه ؟
• ان الدولة قدرت تقوم نوعا ما بسياسة تقشفية قللت منها المصاريف الغير ضرورية
• واجهت نسبيا فساد واهدار كان بيلتهم مليارات
• زودت الاستثمارات لتحقيق انتاج وبالتالي ايراد اكبر
• حجمت الاستيراد الغير رشيد
• زودت دعم الصادرات للضعف
• انخفض عجز الميزان التجاري(الواردات-الصادرات)22%
10 - الشركات بتقفل او بتخسر وكلو بيعلن افلاسه وثورة جياع اهي جاية من هناك
طبعا فيه ركود فى مصر وكل العالم
شرحتها سابقا اسباب الركود دة
لكن الوضع مش بالسوداوية اللى بيصدرها لينا الاعلام او الخبراء الاقتصاديين
• النهاردة صدر تقرير الPMI المصري عن بنك ENBD
دة تقرير بيصدره بشكل ربع سنوي بنك الامارات دبي الوطني بيعمل فيه اطلاع واستطلاع للقوائم المالية ومديري المشتريات التنفيذيين فى 450 شركة فى مصر
عن طريقهم بيقدر يعرف اد ايه حجم النشاط او الركود فى السوق
• التقرير بيقول ان الركود فى السوق المصري بدا ينكمش بمعدل جيد جدا
تحت عنوان "أبطأ وتيرة لتدهور الظروف التجارية في ثلاثة أشهر"
• وفي إطار تعليقه على نتائج مؤشر PMI الخاص بمصر الصادر عن بنك الامارات دبي الوطني ، قال جان بول بيجات، باحث اقتصادي أول في البنك :
"إنه من المشجع أن نرى دلائل على تراجع الركود المحلي ، حتى ولو كانت هذه الدلائل مؤقتة. لكن نتائج الاستطلاع تستمر في الكشف عن ضعف الطلب بصورة جوهرية على المستوى الاقتصادي ، في ضوء النقص الحالي للعملات الاجنبية ، وهو ما نتوقع استمراره لغاية بدء السنة المالية 2016/2017"
• النتائج الاساسية
- استمرار التراجع مع ضعف قوته
- انخفاضات أبطأ في الانتاج والطلبات الجديدة والتوظيف
- استمرار قوة ضغوط التكلفة بسبب ضعف العملة
• يعني مالاخر الركود فى السوق المصري ابتدي يتكسر ويتراجع لحد ما هيوصل لمرحلة التعادل ونرجع للنشاط تاني فى حدود النصف الاول ل2017
• وزي ما قلنا مسبقا ان معدل الشركات الجديدة فى مصر وحجم زيادات رؤوس الاموال للشركات القائمة بالفعل مرتفع ومبشر جدا وهيحافظ علي تأثر سلبي اقل بحالة الركود المحلي والعالمي دى
• وزي ما متوضح فى الجدول
الضرائب علي الارباح الراسمالية ارتفعت من 84 مليون فى 2009 ل3.5 مليار ف2015
11 - الدولة لسة بتفرط فى ممتلكات الشعب وبتعمل خصخصة
فى الجدول متوضح التغيرات اللى حصلت فى ملف الخصخصة
• صافي حصيلة الخصخصة فى2009 كان 425 مليون ج
• خسائر فى 2013 ب315 مليون ج
• النهاردة الحصيلة صفر
• واتعاد هيكلة وتطوير شركات قطاع الاعمال العام ال8 القابضة وال 125 التابعة وال690 شركة مشتركة والهيئات الاقتصادية
ولاول مرة حققت ربح من 5 سنين
زي ما اكلمنا عنها فى بوست سابق
• بوستات سابقة مرتبطة بالموضوع بتفاصيل اكثر ومصادر اكثر
- مشروع تكافل وكرامة لدعم غير القادرين https://goo.gl/25cziX
- شرح وتفنيد ازمة الدولار https://goo.gl/uEGUwj
- قصة نجاح قطاع الاعمال العام https://goo.gl/jlXX7E
- هل مصر طاردة ام جاذبة للاستثمار ؟ - مؤتمر هيرميس https://goo.gl/8a7QBR
- بعد مرور سنة .. هل فعلا فشل المؤتمر الاقتصادي ؟ https://goo.gl/0wxEdH
- ثاني اكبر صندوق سيادي فى العالم بيتحدث عن سيناء ومحور قناة السويس
https://goo.gl/vpt7SF
- التغيرات الطارئة علي عدد الشركات المؤسسة ورؤوس اموالها من 2007 ل2015 https://goo.gl/MMgmjJ
- اشاعة انخفاض تصنيفنا الائتماني https://goo.gl/yXQ6Kx
- ترتيب الاقتصاد المصري عالميا من حيث الناتج الاجمالي https://goo.gl/n36hj1
- تغير معدلات نمو الاقتصاد المصري من 2008ل2015 https://goo.gl/lA0lC2
- التوزيع الجغرافي للاستثمارات والسياسات التقشفية https://goo.gl/MBC0At
المصادر
http://goo.gl/2xgE2O
http://goo.gl/d8RFwZ
http://goo.gl/BstUq9
http://goo.gl/Nou9Id
http://goo.gl/zCkoki
http://goo.gl/cfcK3A
http://goo.gl/KttXuY
http://goo.gl/AUPezo
http://goo.gl/ws5YyA
http://goo.gl/QpLvtX
http://goo.gl/rY242r
http://goo.gl/9In8Me
http://goo.gl/RykQ1U
http://goo.gl/nV0ffF
https://goo.gl/bU74ql
http://goo.gl/qxXYdQ
http://goo.gl/UhSwA8
http://goo.gl/2MKZ53
http://goo.gl/bu5iqz
http://goo.gl/CwvyKD
http://goo.gl/tsGGuc
http://goo.gl/TmTdl8
https://goo.gl/e1ziRc
http://goo.gl/ZG4t66g
http://goo.gl/r4DmCK
http://goo.gl/8IPhSZ
http://goo.gl/oLFQvy
http://goo.gl/u9PVVO
 

علي محمود فراج

عضو تحرير المجلة
إنضم
11 سبتمبر 2007
المشاركات
2,896
مجموع الإعجابات
434
النقاط
83
أرجو أن لا يتوهم واهم أن هذا الكلام يخص مصر فقط
بل هو يخص أي شعب لأي دولة يراد محاربتها باطلاق الشائعات عن اقتصادها ...
الشائعات ترفع أو تخفض قيمة العملة و تشعل سوق المضاربة عليها .. و تؤثر على البورصة فتحقق مكاسب أو خسائر
و تؤثر على الاستثمار فيُقبل المستثمرون أو يُحجموا ..

و العقلاء من المصريين على وجه الخصوص ، معنيون بأن يكونوا موضوعيين في تعاملهم مع هذا النوع من الشائعات الموجهة لمصر - على الأقل حتى لا يتضرروا هم من تصديقها و الانسياق ورائها ...

و اللهَ أسأل أن يحفظ مصر و جميع بلاد المسلمين من كيد الكائدين ..
 

shagawa2004

عضو جديد
إنضم
27 يوليو 2016
المشاركات
10
مجموع الإعجابات
2
النقاط
0
شكرا يا غالى على المعلومات
 

mh_gy1

عضو جديد
إنضم
23 أغسطس 2016
المشاركات
10
مجموع الإعجابات
0
النقاط
0
بارك الله فيك..
 
أعلى