ماذا تعرف عنا ؟؟؟

[م.محمد الكردي]

بسم الله الرحمن الرحيم


السلام عليكم

أتمنى المرة هذي أكون أتقنت فن جذب القراء لدخول الموضوع مثل المهندسة نورة0 وغيرها من المبدعين في أساليب الشد ولفت النظر:67:


المهم​

ايش الموضوع ؟؟؟؟

في الحقيقة وجدت تميز رائع في طرح المواضيع وقلت أنو لازم أنافس أنا برضوا وبفكرة جديدة ومفيدة + مسلية وممتعة لكن المهم هادفة ومؤثرة




فلسطين كلكم بتحبوها وكلكم بتسمعوا عنها لكن يا ترى:

هل بتعرفوها شبر شبر وبتعرفوا أخبارها الخاصة ؟

هل بتعرفوا وين صارت وايش أحوالها ؟

هل بتعرفوا كيف صارت بعد ما احتلوها اليهود ؟

هل بتعرفوا آثارها ومعالمها - جبالها ووديانها سهولها ومروجها وغيره - ؟

هل بتعرفوا كيف طبيعة سكانها ؟

هل بتعرفوا تاريخها بالتفصيل ؟

هل شفتم أجمل صور طبيعتها وجناتها ؟

هل بتعرفوا سجونها ؟

هل بتعرفوا مغتصباتها ومستوطناتها ؟

هل سمعتم نكت أهلها ولهجاتهم وهل سمعتم أناشيدهم وأشعارهم ؟

إلخ إلخ إلخ ... أنا حاب بمجهودي ومجهود أبناء فلسطين من مشاركي الملتقى نعرفكم عليها أكثر ونقربكم منها أكثر لحتى تعيشوا حالها وتفهموها أكثر :80:

وبكل تأكيد أنتو مدعوين لتناقش حول فلسطين الأرض والتاريخ وأدعوكم لأن تدلوا بدلوكم وتذكروا كل ماتعرفوه وتسألوا عن أي شيء ونحن نحاول ما استطعنا الاجابة



أتمنى نتفاعل مع الموضوع ونستفيد وأنا راح أبدأ الموضوع بصور لأجمل آثار فلسطين سأدرجها لاحقا انشاء الله​

أنتظركم

 

[م.محمد الكردي]

ولتكن البداية في القدس

والمواقع التالية فيها المزيد (صور ومعلومات عن القدس)

http://www.pnic.gov.ps/arabic/alquds/athary.html

http://www.alsairafy.com/picpal/categories.php?cat_id=1&sessionid=51baae1c69a19746f902393f99a69441

http://www.falasteen.com/article.php3?id_article=1682&id_document=3409

وانتظروا المزيد

 

[صناعة المعمار]

من القدس الى نابلس

السلام عليكم

والله يا اخ محمد من العنوان ظننت ان الموضوع له علاقة بمركز صناع الحياة والطاقة المتجددة :68:

لكن الموضوعان(الطاقة المتجددة وفلسطين) في غاية الاهمية................... شكرا لاتاحة الفرصة لنا

لمحة عن مدينة نابلس

يُعد قضاء نابلس قلب فلسطين، إذ يقع في منتصف البلاد فيصل شمالها بجنوبها. ويضم هذا القضاء وحتى عام 1965 مدينة نابلس و130 قرية صغيرة تنقسم إلى مجاميع.
تعد نَابُلُس بلدة كنعانية عربية من اقدم مدن العالم، حيث يعود تاريخها إلى ما قبل 9000 سنة، وقد دعاها بناتها الأوائل باسم "شيكم" وتعني نجد أو الأرض المرتفعة.
تتمتع نابلس بموقع جغرافي هام ، فهي تتوسط إقليم المرتفعات الجبلية الفلسطينية وجبال نابلس، وتُعد حلقة في سلسلة المدن الجبلية من الشمال إلى الجنوب وتقع على مفترق الطرق الرئيسية التي تمتد من العفولة وجنين شمالاً حتى الخليل جنوباً ومن نتانيا وطولكرم غرباً حتى جسر دامية شرقاً، تبعد عن القدس 69كم، تربطها بمدنها وقراها شبكة جيدة من الطرق.
كانت نابلس وما زالت مركزاً للقضاء ترتفع عن سطح البحر 500م ويمتد عمران المدينة فوق جبال عيبال شمالاً وجزريم جنوباً، وبينهما وادِ يمتد نحو الغرب والشرق.
سُميت جبال نابلس (جبل النار) لضروب البطولات والبسالة التي بدت من أهل نابلس، خلال جميع الثورات التي كانت تنطلق لمقاومة المحتلين.:78:
أخذت المدينة بالاتساع عرضاً بعد عام 1945 في عهد تأسس بلدتيها، حيث وصلت مساحتها نحو 5571 دونماً.

وقد شهدت نابلس نمواً غير طبيعي بعد أحداث عام 1948م واغتصاب فلسطين:4: فزاد عدد سكانها ومبانيها وذلك نظراً لتدفق أعداد كبيرة من اللاجئين الذين أقاموا فيها أو في مخيمات حولها، حيث امتدت المباني حتى وصلت إلى قمتي جبل جرزيم وعيبال.

وصارت المدينة تتكون من قسمين هما "البلدة القديمة" في الوسط والمدينة الجديدة على الأطراف المميزة بشوارعها وابنيتها الحديثة.
في عام 1967 نزحت أعداد كبيرة من سكان المدينة فقد كان عدد سكانها عام 1966 نحو (53 ألف) نسمة، انخفض إلى (44) ألفاً عام 1967م. ثم عاد وارتفع حتى وصل 80 ألفاً عام 1983م، وفي عام 1987 بلغ حوالي (1069) ألف نسمة، وفي عام 1996 قُدروا حوالي (102462) نسمة.

ظلت نابلس رغم سياسة الإحتلال مركزاً اقتصادياً هاماً، اشتهرت بصناعة النسيج والجلود والكيماويات والصناعات المعدنية.:20:
تعرضت نابلس وقراها مثل بقية مناطق فلسطين إلى هجمة استيطانية واسعة وقاسية.:73:
فقد بلغ عدد المستعمرات التي أُنشئت في مناطق نابلس وجنين وطولكرم 50 مستعمرة وبلغت مساحة الأراضي التي صادرتها اسرائيل لصالح هذه المستعمرات حوالي (233.254) دونماً. ​

اليكم هذا الرابط عن مدينة نابلس واخبارها (مدينة نابلس الالكترونية)

http://www.nablus-city.net/Default.asp

وهذا الرابط فيه بعض الصور لمدن فلسطين عامة ومنها .....نابلس طبعا:7:

http://www.eyelash.ps/palgate/album.htm

جامعة النجاح الوطنية وكماهو معروف للبعض تقع في نابلس.....اليكم موقعها
http://www.najah.edu/

يقولون: ان طبيعة نابلس واهلها قريبة الى درجة كبيرة من طبيعة دمشق واهلها


لكم جميعا ......تحية عطرة من نابلس:84:

 

[م.محمد الكردي]

نتابع ...

شكرا صناعة المعمار

وفي الحقيقة أنا لن أنسى موضوع الطاقة المتجددة ولا صناع الحياة وراح أضل أزهقم فيهم لما تحبوهم

موقع صناع الحياة فلسطين

www.sona3.ps

أما الطاقة المتجددة والبديلة في فلسطين فيمكن أن تحصلوا عن معلوماتها من خلال مواقع مراكزها وهم كالتالي:

سلطة الطاقة الفلسطينية:77:

http://www.menr.org/


مركز دراسات الطاقة - جامعة النجاح - نابلس:75:

http://www.najah.edu/arabic/Centers/RERC.asp

مركز PEC لبحوث الطاقة والبيئة - القدس:75:

http://www.palnet.com/~perc/index.htm

وقريبا في غزة راح يكون في موقع لمركز الطاقة البديلة لكن الموضوع لسا طازة وفي بدايته

وإليكم صور لأهم المشاريع التي نفذت على مستوى فلسطين في مجال الطاقة المتجددة:10:

أولا : إنارة عيادة كفر ثلث في قلقيلية

وهناكل مجموعة مشاريع إنارة تمت لعدة مناطق وقرى بعيدة عن محطات التوليد في الضفة الغربية

ثانيا: تركيب وحدات من الخلايا الشمسية لتوليد الطاقة في قرية عرب الكعابنة جنوب الخليل

ثالثا: إنارة وادي غزة بالخلايا المشسية

رابعا: مجموعة مشاريع مصغرة قامت بها مؤسسات بحثية
كمشروع استغلال أمواج البحر
ومشروع الغاز الحيوي من المخلفات العضوية

أتمنى تكونوا استفدتوا وأنتظر من أخوانا من الدول الأخرى أن يذكروا لنا وبالصور أهم المشاريع في دولهم في هذا المجال

شكرا

 

[صناعة المعمار]

السلام عليكم

مارأيكم بسماع بعض الامثال الشعبية الفلسطينية:81:​

حط راسك بين الروس و قول يا قطاع الروس

خليها بالقلب تجرح و لا بين الناس تفضح

الدار دار أبونا و اجوا الغرب يطحونا

صاحب الصنعة مالك قلعة

بنت العم بتصبر على الجفا

حلم الجوعان عيش

جوعة على جوعة تخلي القلب لوعة

اللي بسعدها زمانها بتجيب بناتها قبل صبيانها

إللي إِلُه غايب بيظل قلبه ذايب

احترم كبيرك بيحترمك صغيرك

الخط الأعوج من الثور الأبرق

الدعوة بتدور بتدور ع سبع بحور وبترجع لصاحبها

الكبار بتاكل الحصرم والصغار يضرسون

شو دخّلك بيت عدوك ؟ قال حبيب قلبي جواته

العرق يسوس ع سبع جنوس

قيراط بخت ولا قنطار شطارة

من غربل الناس نخلوه

إن قوست (ظهور قوس قزح) صبحية خذ عصاتك والحق الرعية وإن قوست عصرية دوّر على مغارة دفية

مال الحرام ما بيدوم

اللي بيزرع الخير يحصد البركة

الفنجان الأول للضيف والثاني للكيف والثالث للسيف

الخال لولا الشك والد

رب ابنك واحسن أدبه، ما بموت تا يخلص أجله

الإبن الفاسد يجيب لأهله المسبه

الغصن مني ولو مال

سيف الأهل من خشب

اللي يطلع من ثوبه يعرى

أهلك ولا تهلك ​

اللي من دمك ما يخلو من همك

عمر الدم ما صار ميّ

الظفر ما بطلع من اللحم

أصلك يردك

اللي ما لو كبير مالو تدبير

بطيختين بإيد مابينحملوش

بعد ما شاب ودوه ع الكتاب

جارك القريب ولا أخوك البعيد

اللي يزرع زرعين ما يخيب

الباب اللي يجيك منه الريح سدو واستريح

بات مغلوب ولا تبات غالب

يا رايح كثر الملايح

اللي يصبر ينول

العز للرز و البرغل شنق حاله

صبرك على نفسك ولا صبر الناس عليك

اثنين في دار ما يعلم بيهم جار

هين فلوسك ولا تهين نفوسك

التقى المتعوس على خايب الرجا

الحركة ولود والسكون عاقر

الرجال مخابر مش مناظر

اللي يحب الورد يتحمل شوكه

الولد ولد ولو صار قاضي بلد

إبعد عن الشر و غنيله

إذا انت أمير و أنا أميرمين بيسوق الحمير

أكثر من الهم ع القلب

إن عاشرت عاشر أمير وإن إلبست البس حرير و إن عيروك بشي يكون يحرز التعيير

عملوك مسحر خلص رمضان

اللي بقعد مع العوران لازم يعوّر عين

على قد فراشك مد رجليك

خير عادة ما تتعود عادة

قلع الضرس ولا وجعه

البرد سبب كل عله

بزمان الخير ما غنينا يا ليل

دوام الحال من المحال

الأسى ما بينتسى ​

عمر الحية ما صارت خية

عدو جدك ما بودك

العقل زينه واللي بلاه حزينه

البنت بلا حلق، دالية بلا ورق

إذا حصلت المحبة ارتفع التكليف

غناه من مرته وفقره من مرته

خذ الأصيلة ونام على الحصيرة

بنت الرجال عانت واستعانت، وبنت الأنذال حطت راسها ونامت

أهل الميت صبروا والمعزيات كفروا

أوعد اليهودي بالكفن بيموت

القرد بعين أمه غزال

اللي ببلاش كتّر منّه

اللي بغربل الناس ,الناس بتنخله

اللي بياخذ مالك خد روحه

معك قرش بتسوى قرش

المكتوب مبين من عنوانه

احسب العاطلة قبل المليحة

يوم عسل وبصل

كل شيء بأوانه

كول أول العنب وآخر التين

ضرب الحبيب زي أكل الزبيب

الرمان بيملى القلب ايمان

شتي ع البرتقال وصيف ع العنب

الفاضي بيعمل قاضي

جوزت بنتي لارتاح من بلاها أجتني وأربعة من وراها

أعطي الخبز لخبازه ولو أكل ثلاثة أرباعه

ينام اللي ما على قلبه هم

العين بتعلاش على الحاجب

اخطب لبنتك قبل ما تخطب لابنك

يا معمر بغير بلدك ما هو إلك ولا لولدك​

 

[أبوموسى]

الســــلام عـلـيـكـــم
تحية طيبة لأهل الكرم والزيتون والأرض المباركة أهل فلسطين الأحباء /
الحمد لله الذي لا يحمد على مكروه سواه . . فلسطين ياقبلة العالم لله درك ودر سكانك الكرام
لطالما راودني حلم بزيارة القدس وعكا وغزة ونابلس لكن عسى الله أن يبدل الأحوال ونهنى
بمهد الرسالات ومنبع الحضارات .
يفترض بكل عربي أن يكون لديه إلمام بسيط بفلسطين الحبيبة . . وعندي معلومات كثيرة عن فلسطين المباركة . . وجهدكم يا إخوان محمود .

 

[صناعة المعمار]

السلام عليكم ورحمة الله وبركاته

كل الشكر لك ابو موسى على كلماتك الرقيقة....و عذرا على التاخير

وان شاءالله حلمك يصبح حقيقة وبتشرفنا بفلسطين قريبا

شاركنا بمعلوماتك:80:

احترامي ​

[LINE]hr[/LINE]

لجميع الاعضاء​

ماذا تعرف عنا؟؟؟​

 

["مؤمن بالله"]

والله فكره حلوه لتعرفنا عن فلسطين الحبيبه على قلوبنا جميعا اشكرك اخي الكريم

 

[أبوموسى]

السلام عليكم
إخواني الكرام الأفاضل أهل الرباط الجهاد أهل النخوة والكرامة أعانكم الله تعالى . .
لدي إسـتـفـسـار !
هل يمكن زيارة فلسطين بأي طريقة ما . . لمن ليس من ( أهل ) فلسطين ؟
إذا كان ممكن أرجو إعلامي بذلك وجزاكم الله خيراً ســلفاً . .

وبالمناســبة لدي بحث أو مقال - غير منشور - عملته يختص بـشــأن بفلسطين . .

 

[م.محمد الكردي]

يمكن زيارتها نعم

بالأخص غزة

لكن بصعوبة كبيرة جدا

وين باقي الشباب ......... يا شباب الملتقى نحن هنا .............. نتكلم عن فلسطين مش عن الهند

 

[صناعة المعمار]

معقول مابتعرفو شي عن ..............فلسطين​

:59:

 

[م.محمد الكردي]

نتابع في طرح تعريف بدولة فلسطين وهذه المرة لأهم جامعاتها


جامعة القدس
جامعة بيرزيت
جامعة النجاح
جامعة الخليل
جامعة القدس المفتوحة
جامعة بيت لحم
الجامعة الإسلامية بغزة
جامعة الأزهر
جامعة الأقصى
جامعة فلسطين الدولية
الجامعة العربية الأمريكية

وربما هناك جامعات أخرى لم أستحضرها

وهناك مجموعة كبيرة من الكليات
كلية تدريب الأونروا
كلية مجتمع العلوم المهنية والتطبيقية
كلية فلسطين التقنية
كلية العلوم والتكنولوجيا

هذا بغزة أما كليات الضفة فالحقيقة لا أستحضرها لأنني لم أزرها من قبل

وربما تستغربون فعدد الجامعات كبير مقارنة بالمساحة وفعلا هذا حقيقي والسبب هو حرص العائلات الفلسطينية مهما كانت أوضاعها سيئة على تعليم أبناءها وبناتها حتى نهاية التعليم الجامعي

ملاحظة : أتمنى من كل أبناء فلسطين من زوار المنتدى المشاركة بمعلومة مهما كانت بسيطة عن فلسطين

وأتمنى من أعضاء الملتقى المشاركة أيضا

تحياتي لكم

 

[م.محمد الكردي]

معلومات جغرافية هامة

مساحة قطاع غزة: 365 كم2 (3955 فرد / كم2)
مساحة الضفة الغربية: 5788 كم2 (428 فرد / كم2)
مساحة الاراضى المحتلة بعد 1967: 20847 كم2 (293 فرد / كم2)
إجمالى مساحة قطاع غزة والضفة الغربية تشكل 22.8% من مساحة فلسطين التاريخية (27000 كم2)

 

[ميكوو]

نفسي زيارة فلسطين لكن للاسف لاينفع بسبب ما يحدث فيها وارجو من الله ان فلسطين ترجع الي اهلها مرة اخر

 

[AYMAN.SAAD]

جزاك الله خير على التذكير
لعل الذكرى تنفع المؤمنين