عاجل لجميع المهندسين

الحالة
مغلق و غير مفتوح للمزيد من الردود.

الدماغ

عضو جديد
إنضم
14 مايو 2007
المشاركات
1
مجموع الإعجابات
0
النقاط
0
لدى قطعة ارض باسيوط الجديده بمصر مساحة 600م2 والبناء على 60% ذات طبيعهه رمليه مفككه من اعلى ومتماسكه من اسفل واود حفرها 600م2 فى عمق 4م لعمل بدروم فكم تكلف ماديا وزمنيا باستخدام لودر حفر ولودر دك بعد الحفر او باستخدام العمال فقط بدون الاله اهما افضل؟؟؟؟؟؟؟؟؟؟ماديا وزمنيا


ولدى استفسار اخر : لبناء من 5-8 ادوار لعماره سكنيه على مساحة البناء 300م2 فى اسيوط الجديده بمصر ارض رمليه ....... ما هو الاكثر مناسباّ والاقل فى التكلفه بدون الاعتماد على جسه للارض ولا على مهندس استشارى او تصميم والاعتماد على خبرة المقاول فقط​

فهل الاعمال الخرسانيه تكون :

1-قواعد منفصله عاديه وفوقها قواعد منفصله مسلحه وربطها بسملات وميده فى نفس مستوى القواعد المسلحه ثم اعمده مسلحه ....ام
2-قواعد منفصله عاديه وفوقها قواعد منفصله مسلحه وربطها بسملات وميده فى مستوى اعلى من مستوى القواعد المسلحه ثم اعمده مسلحه ....ام.
3-لبشه عاديه وفوقها قواعد منفصله مسلحه وربطها بسملات وميده فى نفس مستوى القواعد المسلحه ثم اعمده مسلحه ......ام
4-لبشه عاديه وفوقها قواعد منفصله مسلحه وربطها بسملات وميده فى مستوى اعلى من مستوى القواعد المسلحه ثم اعمده مسلحه ......ام
5-لبشه خرسانيه مسلحه سميكه فقط ثم اعمده مسلحه .........ام​

6--لبشه عاديه ثم فوقها لبشه خرسانيه مسلحه سمك قليل فقط ثم اعمده مسلحه
ولكم جزيل الشكر يا باشمهندسين
 
 ​
 ​
 

مواضيع مماثلة

romio_201085

عضو جديد
إنضم
11 سبتمبر 2007
المشاركات
101
مجموع الإعجابات
10
النقاط
0
شوف يا اخي
تمت ممكن اوافقك علي كل كلامك برغم الخطأ الوارد فيه
لكن انا عمري موافقك علي انك تبني من غير متعمل جسات نهاااااااااااااااااااااااااااااااااااااااااااااااااااااااااائي

انت هتصرف في حدود2 مليون .......... وسدقني الفلوس دي كلها هتروح لو انت كسلت تعملا لجسات اللي هتكلفك 700 جنيه

مش كده وبس
انت هتتسجن انت والمقاول بتاعك لو لقدر الله حصل حاجه وفي ارواح اتأذت بسببك

اعمل الجسات واوعي تستخسر فيها وتخلي المقاول ياكل دماغك ويقلك يا بيه المنطقه كلها بنية بنفس الطريقه وكلهم زي الفل بيوت لو قنبله ذرية فرقعت فيهم محدش هياخد باله وكلام الناس الجهله ده
لان كده كده المقاول هيدبسك في لبشه ودي تكلفتها اعلي بمراااااااااااااااااحل من القواعد العادية بس هيقلك عشان نأمن نفسنا وتبقي في السليم

فنصيحة لوجه الله.... اعمل جساتك وبعد كده نتكلم ولو عاوز توفر ارجوك وفر في اي حاجه تانيه الا دي
وتقرير الجسات هو اللي هيقلك تستخدم انه نوع اساسات

شكراااااااااااااااااااااا
 

Civil.Eng 2010

عضو جديد
إنضم
28 مارس 2010
المشاركات
21
مجموع الإعجابات
0
النقاط
0
السلام عليكم و رحمه الله و بركاته
اخى الكريم ..،
اولا : لابد من عمل جسات للتربه و هى مش هتكلفك كتير انته راجل هتبنى عماره مش تكلفه الجسه هى اللى هتفرق معاك ...
ثانيا : معلومات عن الجسات لتدرك اهميتها :

توزيع و عدد الجسات طبقا للكود المصرى للأساسات :
- الحد الادنى للجسات :
يمكن عمل جسه كل 300 متر مسطح و بحيث لايقل عن جستين لكل موقع .

- المنشات الخفيفه ذات المساحات الكبيرة :
يتم عمل اربع جسات على الاقل عند الاركان و جسات داخليه عند اماكن الاساسات بحيث لايقل عدد الجسات عن جسه لكل 1000 متر مسطح

- المنشات الكبرى ذات الأساسات المتقاربه :
يتم عمل الجسات بحيث تبعد كل جسه عن الأخرى مسافه ( 15 الى 20 متر ) فى كلا الاتجاهين .


و بعد الانتهاء من الاختبارت المعمليه يتم اعداد التقرير النهائى للتربه و الذى يتضمن الاتى :
1 – مقدمه والجهة الطالبه للتقرير .
2 – وصف عام للموقع و المناطق المجاورة
3 – عدد الجسات و عمقها و نوعها .
4 – وصف عام لطبقات التربه
5 – نتائج الاختبارات الحقليه و المعمليه
6 – حاله منسوب المياه الجوفيه ونتائج التحليل الكيميائى
7 – توصيات التأسيس والخلاصه
8 – كروكى الموقع العام واماكن الجسات عليه
9 – قطاع بالجسات الموجودة بالتقرير
10 – جداول الاختيارات و منحنيات التدرج

ويلاحظ ان قبل البدء فى التنفيذ لابد من المراجعه الدقيقه لتقرير التربه وخاصة الجزء الخاص بتوصيات التأسيس حيث تتضمن المعلومات التاليه :
1 – منسوب التأسيس المقترح
2 – اجهاد التربه المسموح
3 – نوع الاساسات المناسب
4 – نوع الاسمنت المستخدم
5- طرق الحفر وسند الجوانب و نزح المياه الجوفيه .

اعتقد انك فهمت اهميه الجسه و التى لاتعتمد تماما على خبره المقاول ...

ثالثا .. ازاى تبنى بدون تصميم من مهندس ؟!!
لازم تفهم ان المقاول دا مهما كان فاهم فهو راجل فاهم عمليا شغل التنفيذ مش فاهم علميا هندسيا .
خبره المقاول هى خبره تنفيذيه فقط لاغير هو شغله الاساسى انه يستلم لوحه تصميم انشائى و يقوم بتنفيذها تحت اشراف مهندس منفذ و من المستحيل ان يقوم هو بالتصميم بنفسه .
نصيحه لوجه الله تعالى ... لازم مهندس يعمل تصميم انشائى يكون سيف و آمن على ارواح الناس اللى هتسكن فى العماره ... بعيدا عن جهل المقاولين و ادائهم بالمعرفه .
اتمنى تكون فهمت وجه نظرى
 

اقليدس العرب

عضو معروف
إنضم
5 سبتمبر 2009
المشاركات
1,488
مجموع الإعجابات
278
النقاط
83
الاخ دماغ...........اجيب عن استفساراتك بتسلسل
1.بشكل عام انت عندك 2400 م3 ناتج حفر.............كمية كبيرة لا تتصور يحل الموضوع بالعمال
2.اضم صوتي للاخوة 2010 وروميو وارفع الكارت الاحمر بوجه هذا الطلب
 

mohy_y2003

مشرف سابق وإستشاري الهندسة المدنية
إستشاري
إنضم
11 يونيو 2007
المشاركات
9,639
مجموع الإعجابات
1,009
النقاط
0
ما هو الاكثر مناسباّ والاقل فى التكلفه بدون الاعتماد على جسه للارض ولا على مهندس استشارى او تصميم والاعتماد على خبرة المقاول فقط

اعتقد السؤال ده عيب ان حضرتك تسأله في منتدي مهندسين !!!!!!!!!!!! السؤال ده ممكن تساله في قهوة او علي مصطبه او في اي حته تانيه الا هنا ,,,,,,,,,,,, فعلاً ماحدش فاهم حاجه:70::70::70:
 
التعديل الأخير:

romio_201085

عضو جديد
إنضم
11 سبتمبر 2007
المشاركات
101
مجموع الإعجابات
10
النقاط
0
من غير متدايق نفسك يا بشمهندس موهي.......... هو واضح ان صاحب الموضوع مش مهندس وهو مسجل في المنتدي مخصوص عشان يسال سؤاله

واكيد ربنا وقعه في مقاول حسسه انه دكتور مهندس استشاري :) واحنا كلنا عوزين نوفر علي قد منقدر في اي حاجه بنعملنا

(( اللهم لا تأخذنا بما فعل السفهاء منا))
 

mohy_y2003

مشرف سابق وإستشاري الهندسة المدنية
إستشاري
إنضم
11 يونيو 2007
المشاركات
9,639
مجموع الإعجابات
1,009
النقاط
0
من غير متدايق نفسك يا بشمهندس موهي.......... هو واضح ان صاحب الموضوع مش مهندس وهو مسجل في المنتدي مخصوص عشان يسال سؤاله

واكيد ربنا وقعه في مقاول حسسه انه دكتور مهندس استشاري :) واحنا كلنا عوزين نوفر علي قد منقدر في اي حاجه بنعملنا

(( اللهم لا تأخذنا بما فعل السفهاء منا))

يا اخي الفاضل الموضوع غريب - واحد عاوز يعتمد علي خبرة المقاول فقط بدون الاستعانه بمهندس من اي نوع ولا حتي يعمل جسه !!!!!!!!! يبقي ايه اللي جايبه منتدي هندسي ويسال المهندسين فيه ؟؟؟؟؟؟؟؟؟؟؟؟؟

هو فاكر نفسه بيوفر كده - لكن لما يلاقي انه لبس في الحيط وصرف دم قلبه والبنايه كلها مشاكل ساعتها هايندم حيث لا ينفع الندم - واول واحد ها يبيعه المقاول الخبير اياه - والكلام ده عن واقع عملي ياما حصل الكلام ده - والفتايين كتير واحنا مش معاهم :7:
 

al_maroof

عضو جديد
إنضم
6 أبريل 2010
المشاركات
8
مجموع الإعجابات
1
النقاط
0
...الأخوة المشاركون في الموضوع ...

يبدوا أننا في القرن الواحد والعشرين ومازال البعض

يفكر بطريقة " إللي يحب النبي يزق ..!!!"

شغل المساطب والقعدات البلدي ....

ومع ذلك ولنقص الخبرات في المجتمع كان لزاما"

علينا نحن معشر المهندسين المدنيين أن نكون أكثر تحملا"

لهذا الجهل وتكن ردودنا على الآخر في شيء من الكياسة

واللياقة للإقناع ولنشر الوعي الهندسي بين المالكين من

غير أهل المهنة ..وكذا المقاولين غير المهندسين .

وسيظل الصراع قائما" بين الرأي الفني والرأي السوقي

وسيظل المقاولون غير المهندسين حجر عثرة في طريق

تطبيق الأسس الهندسية الصحيحة في التنفيذ...

على رأي المثل العامي ..:

نكلف الأكلة مائة جنيه ونستخسر بقرش ملح ...!!!!

عموما" المستقبل للعلم والأسس الصحيحة ولا يصح

إلا الصح ...

يحتاج الأمر فقط اللياقة والإقناع من جانب المهندسن الذين يملكون الخبرات

وسوف تطرد العملة الجيدة تلك الرديئة من السوق ولكن الصبر..

تحياتي للجميع .

:14::14::83::14::14:
 
التعديل الأخير:

علي عبد الجواد

عضو جديد
إنضم
21 فبراير 2010
المشاركات
6
مجموع الإعجابات
0
النقاط
0
السلام عليكم ورحمة الله وبركاته
علي العموم.طبعا انت هتستخدم معدات :15:لانك لو معملتش كده عمرك ما هتبني
:7:ثانيا ومتزعلش هما الاساىطه كده.انا اسيوطي وعارف
 
إنضم
3 مارس 2010
المشاركات
1,052
مجموع الإعجابات
151
النقاط
63
لازم تعمل جسات وتلتزم بتقرير الجسه والتوصيات الوارده فيه ونوع الأساس الموصي به في التقرير ويلزم عرضه على مهندس استشاري للدراسه وإبداء الرأي والتصميم الإنشائي والإشراف على التنفيذ والعمل بشكل نظامي وفقا للقوانين المعمول بها والمعايير الهندسيه السليمه ... هذا هو الطريق الصحيح وإن كان غير ذلك فلن تحصد إلا الندم
ولا تسمع كلام مقاول يقولك إنه كان مصاحب مهندس أيام زمان وكان بيحكي له وبيتعلم منه وألأرض جامده زي الحديد ويخبط له برجله في الأرض (أنا شفت ده بنفسي) ولو جبت مهندس ها يخرب بيتك ويعطلنا. أو له صاحب على القهوة من اللي حاطين الختم في الشراب (الجوارب) وهو سأله وكانت أتعابه حجرين معسل و2 شاي في الخمسينه.
زي ما اللي بيتعب بيروح للدكتور اللي بيبني لازم يستشير مهندس

دمتم في طاعه الله
 

سنا الإسلام

عضو شرف
إنضم
20 يونيو 2008
المشاركات
10,475
مجموع الإعجابات
740
النقاط
0
السلام عليكم ورحمة الله وبركاته

هذا الملتقى لتبادل الخبرات المختلفة بين فئات المهندسين لكن ما تطلبه حضرتك يعتبر عمل خاص فاذا كان حضرتك تقتنع بان المقاول يغنى عن المهندس كما ذكرت بالموضوع

ما هو الاكثر مناسباّ والاقل فى التكلفه بدون الاعتماد على جسه للارض ولا على مهندس استشارى او تصميم والاعتماد على خبرة المقاول فقط

فلما تستعين بسؤال المهندسين بالملتقى بوضع هذا الموضوع واذا كان حضرتك مقتنع باهمية الراى الهندسى وبضرورة استشارة المهندسين وانه لا يكفى فقط وجود مقاول للتنفيذ فيمكن الاستعانه بمهندس يقوم لك بالاشراف على الاعمال

اما الملتقى فهو لتبادل الخبرات فقط بين فئات المهندسين وليس للاستشارات الهندسية المجانية والتى يتقاضى المهندس عليها اجرا
ولكنك تفضل الاستعانة بالمقاول بأجر واستشارة المهندسين دون اجر

الموضوع مغلق​
 
التعديل الأخير:
الحالة
مغلق و غير مفتوح للمزيد من الردود.
أعلى