طلب نصيحه من اخوتى المهندسين

mokh_alsehely

عضو جديد
إنضم
13 نوفمبر 2012
المشاركات
6
مجموع الإعجابات
0
النقاط
0
انا مهندس لسه خريج جديد يجماعه والحمد لله ربنا كرمنى بشغل اليومين دول وهاتستغربو لو قلتلكو ان وظيفتى انى امسك المصنع اللى اتعينت فيه لانى انا المهندس الوحيد اللى فى المصنع يعنى اعلى منصب هناك بعد صاحب المصنع مع العلم انى انا معرفش صاحب المصنع ولا اشتغلت باى وسطه الحمدلله والمطلوب منى انى اكون ماسك المصنع باللى فيه وانى اكون قائد للعمال والفنيين اللى هما شغالين قبل منى فى المصنع بقالهم عشرين سنه وانى مسالش اى حد عن اى حاجه فى الشغل علشان بالبلدى كده محدش يستهتر بيا وسوالى لصاحب المصنع وبس عن اى حاجه ..المشكله دلوقتى انى ازاى اتعامل مع ناس اكبر منى فى السن اللى زى ابويا واللى اكبر منى بعشر سنين واصغر واحد فيهم بيفهم عنى فى الشغل كتير لانو شغال فيه من زمان .. والمهندسين اللى قبلى مشيو علشان معرفوش يتعاملو ..والمطلوب انى اشغلهم صح وفى نفس الوقت ماخسرهمش لانهم اللى هايطلعولى الشغل الكويس ..انا عايز اعرف ازاى اتحكم فيهم من غير مااخسرهم ؟؟ مع العلم انى ممكن اتحكم كويس اوى بس انا مش عايز اخسر عمال علشان ميبوظوش الشغل ..
 

مواضيع مماثلة

م.احمدرمضان

عضو جديد
إنضم
6 أكتوبر 2012
المشاركات
51
مجموع الإعجابات
4
النقاط
0
السلام عليكم ورحمة الله
شوف اخي الكريم
اولا عليك انك علي طول تكون متواجد قدام الشغل وتكون اول واحد يذهب للعمل واخر واحد يمشي منه ولو مش عايز تسأل متسألش وهتلاقي المعلومات بتيجي لوحدها من العمال والفنيين كل اللي عليك انك تراجع المعلومات دي وتشوف مصادر وكتب تتكلم عن نفس الموضوع لان ممكن المعلومة تكون غلط في زهن العامل وانت تعرف الصح اية وتصححها للعمال والفنيين وبكدة تكسب خطوة للامام
ثالثا حاول تكسب ثقة الفنيين القدامي من اصحاب الخبرة والثقة والامانة ودول هيفيدوك كتييير
وحاول في البداية ممتكلمش في امور فنية مع حد بمعني متقولش اعمل الحاجة الفلانية يا فلان لان ممكن يكون توجهك خطأ
طبعا راجع جميع الكتالوجات الفنية للماكينات واعرف اية الجديد وحاول تفهمها كويس ولو استعصي عليك امر ما ضعه علي صفحات المنتدي وكثيرا جدا من المهندسين الافاضل اصحاب الخبرة ممكن يفيدوك
نزل ملفات من النت بخصوص المنتجات اللي بينتجها المصنع وشوف طرق التصنيع لعل يكون في افكار احدث ودا يخليك تساهم في تطوير الفكر المهني للفنيين
لو عايز تتكلم في البداية يكون الكلام في الامور الادارية
علي فكرة كلها ان شاء الله شهر او شهرين بالكتير وهتفهم كل صغيرة وكبيرة في المصنع
 
أعلى