طلب من خريجي هندسة الزقازيق

madny

عضو جديد
إنضم
5 ديسمبر 2009
المشاركات
104
مجموع الإعجابات
13
النقاط
0
انا طالب في تالتة مدني
وفيه مقرر اختياري الترم التاني
المواد كتير ( طرق - هندسة تشييد - ميكانيكا انشاءات - لدونة ومرونة ....)
وانا حابب هندسة التشييد
انتوا ايه رايكو
وهل هيفيدني لو كملت في مشروع ادارة
ارجو الرد سريعا
وشكرا
 

م/اسلام كمال

عضو جديد
إنضم
9 أكتوبر 2009
المشاركات
66
مجموع الإعجابات
5
النقاط
0
انت شكلك هندسة الزقازيق ............انا عن نفسى برضو محتار بين الطرق والتشيد بس اسخرت ربنا وهاخد طرق انشاء الله

ودة كلام لاقيتة فى احد المنتديات نقلتة ليك ممكن ينفعك:
عرض خاص عن هندسة التشييد (2)منهج سنة تالته مدنى مقرر اختيارى
عل البعض يستفيد منه
المنهج مكون من خمسة أجزاء :
حساب تكلفة المعدات
دراسة ال scrapers
دراسة ال crans
تنفيذ الكبارى
تنفيذ الانفاق
لم أذكر فى العرض ءاخر جزئين لانهما يدرسان في الكليه باسفاضة ولهما عروض خاصة

بالتوفيق لكل من يختارهذا المقرر فانه مفيد فعلا وممتع
اليكم الرابط

http://www.mediafire.com/?52ziue57jf3wo83
 
إنضم
13 مارس 2009
المشاركات
310
مجموع الإعجابات
41
النقاط
0
شوف يا هندسة انا اخوك طارق دفعة 2008 ونصحتى ليك خد هندسة تشييد ودة لانك مش بس هتحتاجها فى المشروع لا دى كمان هتفيدك جدا بعد كدة فى الحياة العملية من حصر كميات وغيرة وخصوصا اذا كان الى هيدى المادة دى دكتور سليم دا راجل جامد جدا فى شرحة وعموما كل دكاترة ادارة عندك جامدين
وربنا يوفق
 

eng/mona

عضو جديد
إنضم
27 يناير 2009
المشاركات
6
مجموع الإعجابات
0
النقاط
0
بص يا بشمهندس انا خريجة مدنى الزقازيق 2010 ومشروع تخرجى كان ادارة
اولا بالنسبة للادارة علشان تاخدها كمشروع مش لازم تكون واخد مقرر اختيارى تشييد انما لو طرق مثلا دكتور محمدى كان شارط اللى يدخل مشروع طرق يكون واخد مقرر اختيارى طرق وبتوع structure قالو كده بردو فى الاول وبعدين رجعو فى كلامهم انا كنت واخدة طرق كمقرر اختيارى فى تالتة مقرر سهل جدا والناس كلها كانت جايبة فيه امتيازات والحمدلله ماثرش على المشروع فى حاجة خالص
اما بالنسبة لمشروع الادارة عن تجربة شخصية يعنى هو ممتع جداااا خصوصا لو انت حابب الدراسة فيه ولو دماغك فى الموضوع قوى مفيش مانع تاخد تشييد مقرر اختيارى بس متدورش على تقديرات فيه بقا دكاترة الادارة عندنا عقد قوى بس كويسين ... ركز مع عادل جودة هو افضلهم
وبالتوفيق ان شاء الله
 

eng planner

عضو جديد
إنضم
7 يناير 2011
المشاركات
38
مجموع الإعجابات
4
النقاط
0
انا كمان كنت مدني الزقازيق وكان مشروعي اداره
انا كنت باحب الاداره جدا ولو حضرتك مبتحبهاش يبقى متخدهاش علشان هتتعب في المشروع ده
مشروع اداره جامد جدا وهيفيدك جدا في حياتك العمليه لو اشتغلت فيه بضمير
انا اول ما اتخرجت اشتغلت بلانر مع اني كنت حديثة التخرج ولسه خارجه من الكليه فريش بس الحمد لله أثبت اني كويسه ولحد دلوقت باشتغل مانجمنت ودلوقت انا اللي باسعر المقايسات بمجرد النظر وصاحب الشركه يبص بصه سريعه ورايا بس ده عشان باحب مجالي جدا وباعشق البريمافيرا وفي الاول والاخر ده توفيق ربنا
انا كنت خارجه من الكليه ابيض ستراكشر وخرسانه زي كل الناس
ولما خدت ساب حسيت اني كملت النص الناقص فيا كمهندسه اللي هو الديزاين
والحمد لله بقالي فتره انا اللي شايله شغل الشركه كله سواء ديزاين او مانجمنت
وعيزه اقولك ان مع احترامي لكل المهندسين لكن مهندس المانجمنت بيبقى ليه تقدير مختلف جدا عند رؤساؤه وبيبقى ليه وضع مختلف خالص عن الديزاينر او مهندس الموقع
وكمان ستف المانجمنت في الزقازيق رائع وكلهم ناس محترمين جدا سواء دكتور عادل جوده أو احمد حسين او حسام حسني
وربنا يوفقك للي فيه الخير ليك ان شاء الله
 

سمراء النيل

عضو جديد
إنضم
7 أغسطس 2007
المشاركات
37
مجموع الإعجابات
0
النقاط
0
بص من الاخر الادارة كادارة علم مفيد جدااااااااا بص المشكلة ان دكاتلرة الزقازيق بتوع الزقازيق ومشبيعرفوا حاجة وانا كنت مشروع ادارة 2009 ومش افادوا الواحد باى حاجة وانا دلوقتى design &developing formworks
 

eng abdallah

عضو معروف
إنضم
7 فبراير 2009
المشاركات
6,892
مجموع الإعجابات
446
النقاط
83
الأفضل لك أن تأخذ هندسة طرق

لأنك هتدرس مقرر واحد طرق في رابعة و ده مش كفاية

لازم يكون عندك خلفية كبيرة عن الطرق
 

حاتم حسنى

عضو جديد
إنضم
5 نوفمبر 2009
المشاركات
202
مجموع الإعجابات
2
النقاط
0
ربنا يوفقك صدقنى كل واحد بياخد نصيبه
 

م.إسلام

عضو جديد
إنضم
13 أغسطس 2006
المشاركات
681
مجموع الإعجابات
45
النقاط
0
خد هندسة الطرق مع الدكتور محمدي , عشان تنجح , الأصل النجاح مش حاجه تانيه , و المشروع إلي إنت عاوز تدخله ده ملوش لازمه في الحياه العمليه بعد ما تتخرج , ادخل مشروع خرسانه و لما هتتخرج هتدعيلي ادعيلي
 

Eng Ma7moud

عضو جديد
إنضم
8 ديسمبر 2008
المشاركات
849
مجموع الإعجابات
107
النقاط
0
أنا فى ثالثة مدنى الزقازيق
من أول سنة ثالثة وأنا ناوى أختار ديناميكا المنشأت 3 أنا ناوى أدخل مشروع إستركتشر أو خرسانة
وحابب شغل التصميم وعلم دراسة أحمال الزلازل والرياح
وكمان الدكتور عاطف عراقى هيدرس كورس الديناميكس بالتأكيد هنتعلم منوا
والكورس الدكتور شارحوا فيديو

أنا بحب مواد الإدارة بس إحنا جربنا الدكاترة فى الترم الأول وشكل إمتحانتهم الغريبة
شغل حصر الكميات مهم جدا وأنا إستخدمتوا فى التدريب الصيفى كنت فى مشروع كوبرى
أنا ممكن أذاكر كورس هندسة التشييد فى الصيف وإحنا بنعرف حصر الكميات من سنة تانية
 
التعديل الأخير:

madny

عضو جديد
إنضم
5 ديسمبر 2009
المشاركات
104
مجموع الإعجابات
13
النقاط
0
شكرا يا جماعة علي ردودكم
بجد انا سعيد جدا لاني لقيت مساعدة من ناس اكبر مني
بالنسبة للادارة فانا بعشقها
حاسس اني لاقي نفسي فيها
جبت فيها امتياز السنة دي
وجزء حصر الكميات جبت فيه امتياز ايضا السنة اللي فاتت
فباذن الله هاخد المقرر دا واكمل مشروع ادارة مهما كانت الصعوبات
لا يهمني التقدير علي قد ما يهمني اني ابقي حابب الحاجة اللي بدرسها
وبكرر شكري مرة تانية لاخواني المهندسين
بارك الله فيكم
 

EMAN SAAD

عضو جديد
إنضم
8 أبريل 2011
المشاركات
8
مجموع الإعجابات
0
النقاط
0
شكرا يا جماعة علي ردودكم
بجد انا سعيد جدا لاني لقيت مساعدة من ناس اكبر مني
بالنسبة للادارة فانا بعشقها
حاسس اني لاقي نفسي فيها
جبت فيها امتياز السنة دي
وجزء حصر الكميات جبت فيه امتياز ايضا السنة اللي فاتت
فباذن الله هاخد المقرر دا واكمل مشروع ادارة مهما كانت الصعوبات
لا يهمني التقدير علي قد ما يهمني اني ابقي حابب الحاجة اللي بدرسها
وبكرر شكري مرة تانية لاخواني المهندسين
بارك الله فيكم

بجد يابشمهندس مشروع اداره من المشاريع المهمه جدا ومفيد اوى
ع فكره انا خريجة 2011 مشروع ادارة يعنى لسه من حوالى شهر كده متخرجه
طالما انت حابب المجال ده اهم شىء .....احنا الكل قعد يقولنا مش هتقدروا ومش هتسحملوا
وكان جوانا رغبه ف اننا نتعلم مش ف التقدير وبس ......احنا عندنا جروب كامل من الدكاتره شخصيات محترمه جدا
د/عادل جوده....د/اليمانى....د/احمد حسين......د/حسام حسنى ....وف دكاتره كمان بس دول اللى معروفين شويه وف د/امل اكيد درست لكم واتعاملتم معاها كمان السنه اللى فاتت
وف دكتور لسه راجع من اليابان
يعنى الحمد لله نخبة من الدكارته
وحتى المعيدين شخصيات محترمة جدااااااا
اهم حاجه حط ف دماغك انك فعلا هتتبهدل وهتدور وتروح وتيجى بس هتتعلم وهتنزل تلف ع المعيدين والدكاتره وتسال وتستفاد.

بجد المشكله اللى ممكن تحسها ف مشروع اداره انك بتبعد عن برامج الساب والايتاب وشغل الخرسانات والاستراكشر بس ف بشمهندسه هنا كانت بتقول انها اخدت الساب وذاكرته بعد كده ودلوقتى هيا وضعها احسن
معلش طولت عليك ف الكلام

 
أعلى