طلب مساعده من مهندسينا الكرام

احمد المصرى25

عضو جديد
إنضم
15 مايو 2011
المشاركات
7
مجموع الإعجابات
0
النقاط
0
السلام عليكم ورحمه الله وبركاته

انا مهندس مدنى حديث التخرج معروض على العمل
بمكتب الحسنية للاستشارات الهندسية ب ابها السهودية

عن طريق شركه الرياده للتوظيف - جسر السويس ,,,,,

ياريت لو حد من حضراتكم تعامل مع مكتب الرياده من قبل يعرفنى نظامه ايه وهل لازم المكتب ياخد 1000 جنيه تامين ضمن الحساب بحجه جديه السفر ؟ ؟

ولو فى اى معلومه عن"
مكتب الحسنية للاستشارات الهندسية ب ابها السهودية" اكون شاكر جدا لحضراتكم ,,,,

 

مواضيع مماثلة

max moment

عضو جديد
إنضم
9 يوليو 2011
المشاركات
349
مجموع الإعجابات
82
النقاط
0
السلام عليكم أخى الكريم
ان شاء الله انت هتشتغل تصميم ولا تنفيذ عشان اقدر افيدك عن مكتب الحسنية
عشان انا اعرفه كويس جدا
 

احمد المصرى25

عضو جديد
إنضم
15 مايو 2011
المشاركات
7
مجموع الإعجابات
0
النقاط
0
اخى العزيز شكرا لمتابعه الموضوع
ان شاء الله هاشتغل تنفيذ ,,,,
بس انا كنت طلبت منه انى اشتغل تصميم وقالى لما يشوف شغلى الاول
ياريت حضرتك توضحلى الفرق بين ان كنت هاشتغل تصميم ولا تنفيذ ,,
 

max moment

عضو جديد
إنضم
9 يوليو 2011
المشاركات
349
مجموع الإعجابات
82
النقاط
0
اولا بالنسبة لمكتب الحسنية فرعه الرئيسى موجود بمدينة خميس مشيط وليس أبها
وملهوش فروع فى ابها
بس عادة الناس تعرف ابها عن خميس مشيط فعشان كده بيربطوا المؤسسة او الشركة او المكتب بابها
لكن متقلقش خميس مشيط احسن وافضل من ابها 100000 مرة
وكمان خميس مشيط بلد كبيرة وفيها حركة وتحب تعيش فيها عن ابها
يعنى الخلاصة كويس ان الحسنية ملهاش فرع فى ابها
بالنسبة للشغل : هجيبلك من الآخر
كويس انك هتشتغل تنفيذى .........ليه بقى ؟
لأن الشغل فى التصميم هنا مش هيفيدك كتير من ناحية الخبرة لأن معظم التصميم هنا على فلل او شقق من دورين او ثلاثة ( ولو قابلتك حاجه خمس ادوار يبقى كل سنه مرة )
يعنى التصميم اسهل ما يمكن ومفيش مكاتب فى خميس مشيط كلها بتستخدم الساب او اى برنامج تصميم , والشغل كله عبارة عن نماذج محفوظة وبتتحط فى كل شغل جديد
طبعا لو فيه مشروع مهم بيتصمم بالساب او السيف او غيره ( بس زى ما بقولك كل كام سنة لما يجيلك حاجه بتتصمم بالساب او غيره )
ولما بجيلك حاجه محتاجه برنامج تصميم هتكون نسيته
هههههههههههههههه
فلو هتشتغل تنفيذى هيكون احسن لك
بالنسبة لمدير المكتب :
اسمه مهندس اسامة وهو راجل جااااااااااااد ( وركز على جااااااااااد )فى شغله
الدقيقة تأخير بتتحسب عنده تأخير
والدقيقة اوفر تايم بتتحسب اوفر تايم
يعنى بتاخد حقك كامل مكمل ( اللى ليك واللى عليك)
بالنسبة للرواتب :
مفيش رواتب بتتأخر , وأى فلوس ليك هتاخدها
وأى استفسارات انا تحت أمرك يا باشا



 

max moment

عضو جديد
إنضم
9 يوليو 2011
المشاركات
349
مجموع الإعجابات
82
النقاط
0
نسيت اقولك
المسافة بين ابها وخميس حوالى 40 كلم
يعنى حوالى نص ساعة بالسيارة
 
أعلى