طلب مساعدة عاجلة بخصوص طريقة تنفيذ القواعد العادية والمسلحة

I.R.S

عضو جديد
إنضم
23 يوليو 2011
المشاركات
45
مجموع الإعجابات
0
النقاط
0
السلام عليكم ورحمة الله وبركاته
مهندسينا الافاضل ارجو من حضراتكم اذا سمحتم شرح خطوات تنفيذ القواعد العادية والمسلحة حيث اني اقوم بالاشراف ولاول مرة علي تنفيذ مبني بيت اهالي من تخطيطي والحمد لله قمت بتوقيع المحاور وتخطيط القواعد وتم الحفر واستلامه وتكعيبه وغدا سيبدأ تنفيذ القواعد العادية والمسلحة وارجو معرفة خطوات التنفيذ لهذه المرحلة بمعني مثلا اول شئ قبل صب الخرسانة العادية يتم قياس عمق القواعد العادية بالمتر من القاع ووضع العلامة ام يتم ذلك بخرطوم الماء وما هي مكونات الخلطة التي يجب استخدامها ( مثلا 6 مقاطف زلط و 4 رمل مع 1 شيكارة امسنت ام 5 زلط و 3 رمل مع 1 شيكارة اسمنت في كل قلبة للخلاطة) وباقي هذه الامور وبالنسبة للقواعد المسلحة كيف يتم تأكيس اشاير الاعمدة بها هل يتم شد محاور القواعد مرة اخري وتنزيل القواعد طبقا للمحاور وبعدها علي نفس المحاور يتم تأكيس اشاير الاعمدة بعد خصم 2.5 سم سمك الغطاء الخرساني وكل هذه الامور ارجو توضيحها لاني لم اجد شرح في كتاب او موضوع لهذه الخطوات كلها لخطوات الاستلام فقط وياريت المهندسين الذين قاموا بتنفيذ مباني اهالي يرشدوني لهذه الخطوات بالترتيب وجزاكم الله كل خير
 

مواضيع مماثلة

م/السيد الشيخ

عضو جديد
إنضم
10 ديسمبر 2006
المشاركات
753
مجموع الإعجابات
146
النقاط
0
السلام عليكم ورحمة الله وبركاته
الاخ الفاضل يبدو من سؤالك انك مازلت تدرس وان كان كذلك او لم يكن فهناك شيئ احب ان اوضحه
اولا : ازاى تاخد قرار انك تشرف او تحط نفسك فى الموقف ده من غير مايكون عندك سابق علم بالموضوع على الاقل اعرف الاساسيات واتحك منها
ثانيا : يعنى ايه سيبدء تنفيذ القواعد العادية والمسلحة
شغل الاهالى الذى ليس له علاقة بالهندسة يشد الحديد ويرفع الحديد بقالبين طوب يقولك دى العادية علشان المقاول يصب كله فى يوم واحد ويحاسب الغلبان صاحب البيت على ان كل التكعيب مسلحة لزيادة المكسب

انا اعتقد ان المالك جالك واستعجلك وقالك احنا هدينا وعايزين نخطط القواعد بكره العيال قاعدين فى الشارع وكلام كتير كده خلى بالك الامور دى هاتوقعك فى محاظير كتيره
1- ربما يكون هناك خطأ بالتصميم سواء معمارى او انشائى لانه لم يتم مراجعته جيدا
2- ان ظهر خطأ فسوف يقلل من مكانتك فى الوسط العملى
3- ان استمررت على ذلك فستكون عرضة دائما لامثال هؤلاء( اقصد الذين لا يطبقون المبدء الهندسى) وستشوه صورتك وسمعتك وستجد نفسك فى مستوى هندسى متدنى

انا لا اقصد بكلامى هذا ان احبطك او اقلل من عزيمتك انا واحد من الناس صممت ونفذت وانا فى سنة تانية ولكن لابد ان تحافظ على نفسك كمهندس طالما قبلت التحدى قبل ان يكتمل نموك

بالنسبة لموضوع الاسمنت وكميات الرمل والزلط
هناك موضوع مثبت بعنوان حملة دعم المهندسين الجدد ستجد بها شرح للمهندس اسامة نوارة بها الاجابة الكافية والشافية على سؤالك هذا

بالنسبة للمحاور فهى للاساس للاعمدة ويستنتج منها القواعد وليس هناك محاور للاعمدة ومحاور للقواعد المحاور شيى رئيسى وثابت

واليك بعض المواضيع التى ستفيدك ان شاء الله

ملف وورد به تجميع كل المشاكل التنفيذيه وحلولها اهداء الى مهندسنا رزق الحجاوى
http://www.arab-eng.org/vb/showthread.php?t=284142&highlight=%E3%E6%D3%E6%DA%C9+%C7%E1%CA%E4%DD%ED%D0
موسوعة البقري في التنفيذ في المواقع كاملة على الميديا فاير
http://www.arab-eng.org/vb/showthre...ight=%E3%E6%D3%E6%DA%C9+%C7%E1%CA%E4%DD%ED%D0

خـــبرات التنفـــــــيذ بالمواقع الانشائية
http://www.arab-eng.org/vb/showthre...ight=%E3%E6%D3%E6%DA%C9+%C7%E1%CA%E4%DD%ED%D0متجدد:موسوعة المهندس المدنى فى عالم التنفيذ ( عشرات من كتب وفيديوهات التنفيذ فى موضوع واحد )
http://www.arab-eng.org/vb/showthre...ight=%E3%E6%D3%E6%DA%C9+%C7%E1%CA%E4%DD%ED%D0

التنفيذ بالموقع من الألف إلى الياء
http://www.arab-eng.org/vb/showthread.php?t=85453&highlight=%E3%E6%D3%E6%DA%C9+%C7%E1%CA%E4%DD%ED%D0

موسوعة عالم التنفيذ للمهندس المدنى و المعمارى مدعومة بمئات الصور
http://www.arab-eng.org/vb/showthre...ight=%E3%E6%D3%E6%DA%C9+%C7%E1%CA%E4%DD%ED%D0

وتقبل تحياتى
 

I.R.S

عضو جديد
إنضم
23 يوليو 2011
المشاركات
45
مجموع الإعجابات
0
النقاط
0
اولا احب ان اشكرك مهندس السيد الشيخ علي اهتمامك وردك علي الموضوع

ثاينا انا خريج دفعة 2011 ولكن للاسف كل مواقع التدريب اللي نزلتها مش تسمي تدريب نهائيا لان مش كان فيها الفائدة المرجوة رغم ان كان مرة منهم في هيئة الابنية واخري مع مكتب دكتور في الكلية واخري في المقالون العرب

المهم بالنسبة لتنفيذ القواعد العادية والمسلحة فهي زي ما قلت بينفذوها مع بعض في يوم واحد ولكن العادية بسمك 40 سم وليس رفع الحديد علي قالبين طوب ولكن كما تعرف ان شغل الاهالي ليس كشغل الشركات من ناحية توافر المعدات المطلوبة او المهارات بالاضافة انني كما ذكرت لم اري تنفيذ الاساسات من قبل ولكن كل خبرتي فيها من خلال الانترنت والكتب والمنتدي هنا وكما تعلم يكون الشرح علي شغل لشركات وهيئات وليس شغل اهالي وكنت اسال عن هذه المعلومات لعلي اجد بعضها او اجد ما ينقصني وانا اعتبر هذه الفترة كفترة تدريب ولو بعض الشئ احتكاك بمجال العمل والعمال حتي اعرف موقفي من التجنيد يعد اسبوعين ان شاء الله
 

م/السيد الشيخ

عضو جديد
إنضم
10 ديسمبر 2006
المشاركات
753
مجموع الإعجابات
146
النقاط
0
اخى الفاضل
خلى بالك من اللى قولتلك عليه
اخوك خبرة فى التعامل مع النوعية دى كل اللى عايزك تهتم به هو انك تحافظ على نفسك كمهندس ذو شخصية الشغل اللى مش عاجبك ارفضه اوعى تقدم تنازلات او ترضى ان حاجة تتنفذ غلط

وبالنسبة للخرسانة العادية لو هاتنفزها الاول يبقى المفروض انك استلمت منسوب الحفر وعلشان تريح نفسك تاخد وزنات لتحديد منسوب الخرسانة العادية وذلك باستخدام الميزان لو موجود او ميزان خرطوم
تاكد من الخطوة دى قبل الرمى علشان وانت بتصب تكون مستريح ومركز للخرسانة بس
وده بيتم بدق خوابير فى مكان القواعد او ممكن خابور واحد لان اظن القواعد صغيرة

ولما تخلص العادية بتاعتك تشد المحاور تانى تطلع منها مكان القواعد بالظبط
وللتسهيل النجار بيرسم القاعدة على الخرسانة باللاكيه او اى شيء اخر والعملية دى بيسموها توشيح
ودى اهم مرحلة انت تقف فيها لانها بتريحك بعد كده وكمان معظم النجارين مابيعرفوش يحسبوا
يبقى بتعلم القاعدة وبالمرة بتعلم العمود

وتمام زى مانت ذكرت اشاير العمود بيتم تثبيتها بعمل حطة فوق القاعدة ابعادها هى ابعاد الحديد او بمعنى اخر ابعاد العمود مطروح منه الغطاء الخرسانى من جميع الجهات

وخلى بالك من نظافة القواعد
رفع حديد القواعد لتوفير الغطاء الخرسانى
عدم صب اى جنب مباشرة على ردم دون وجود شدة
وخلى بالك كمان ان الفورمجى بيمسك اشاير العمود ويهز فيها علشان الدمك خلى بالك علشان تفضل راسيى وفى مكانها لانك ممكن لما تيجى تشد الاعمدة تلاقى الاشاير متحركة

واللينكات اللى كتبتهالك هاتلاقى فيها ان شاء الله كلام اكثر من كده بكتير
وربنا يوفقك
 
إنضم
5 مايو 2010
المشاركات
181
مجموع الإعجابات
5
النقاط
0
بالتوفيق يا هندسة...عليك معرفة وادراك الية تنفيذ الخنزيرة او الشبلونة وكيفية استلامها والتأكد من ابعادها ومعرفة الصفر المعماري واعتقد ان الملتقى حافل بالمراجع والمشاركات التي استفدت انا منها جدا
 

I.R.S

عضو جديد
إنضم
23 يوليو 2011
المشاركات
45
مجموع الإعجابات
0
النقاط
0
شكرا ليك اخي الاكبر مهندس السيد الشيخ علي هذه النصائح والتوجيهات والتي كنت اريد ان اتاكد منها والحمد لله انك اكدتها لي

وبحمد الله انا لا اقدم تنازلات ابدا في العمل لاني اي شئ خطأ يحدث في العمل يقلل من شاني في مجال عملي ويكون ضميري غير مرتاح

والحمد لله انا قريت اغلب المواضيع المتعلقة باسألتي من المنتدي ومن اللينكات اللي حضرتك كتبتها بس كنت محتاج تأكيد لبعض الخطوات وتسلسلها

شكرا ليك مرة تانية مهندس السيد الشيخ والشكر موصول للمهندس حسام حسني
 
أعلى