طبيعه عمل مهندس الميكانيكا فى شركات الاتصالات

احمد-المهندس

عضو جديد
إنضم
7 يونيو 2012
المشاركات
10
مجموع الإعجابات
2
النقاط
0
باشمهندسين انا سئلت من فتره عن طبيعه عمل مهندس ميكانيكا فى شركات الاتصالات عشان كان عندى انترفيو وشغل فى شركه هاواوى بس دلوقتى عرفت التفاصيل فحبيت اقولكم لتعم الفائده :20:

اولا عمل الميكانيكا هناك يكون فى الgenerators أى ال diesel engines لامداد المواقع بالكهرباء فى حال انقطاع او تذبذب التيار .. الاول نزلت تدريب اسبوع بعدين قالى تعيين نزلت تدريب كان المهندس قاعد فى مكتب على الاب مستنى اى ايرور يجيله فيروح مع الفنيين يصلحوه فى أى سايت وكل 10 ايام بنعمل عمره للديزل

بيكون عندنا حاجتين اساسيتين فى الشغل pm و cm صيانه وقائيه وصيانه دوريه الوقائيه كل 10 ايام وهى العمره الدوريه تغيير اى حاجه تتلف او حتقلل كفاءه الديزل زى oil seal .. السير .. مياه الرادياتير .. وكنا كل حاجه بنغيرها بنصور القديم والجديد بكاميرا ونبعتهم فى ريبورت اخر اليوم

الشغل كان من 9 الصبح ل9 بليل ومن 9 بليل ل9 الصبح بنبقى استاند باى يعنى بنبات فى شقق هناك من عندهم وممكن اى وقت يتصلوا بينا لو فيه عطل او سايت وقع فلازم نروح نلحقه

وعشان كده لازم كل واحد يسافر بره محافظته يعنى انا اسكندرانى فبروح محافظه تانيه البحيره -كفر الشيخ ..
المرتب كان 2500 ابتدائى و500 حسب جوده العمل والعقد بيتمضى لمده سنه سنتين وبيتجدد
ومرتب الفنى هناك 1500 و500 حسب جوده العمل أو 2000 و500 جوده .. على حسب كفاءه كل واحد وبقاله كام سنه شغال
 
أعلى