سؤال فى المولدات الكهربائيه

a_adel41

عضو جديد
إنضم
10 ديسمبر 2011
المشاركات
11
مجموع الإعجابات
0
النقاط
0
عندي مولد توقف عن العمل وعند الفحص وجد فلتر جاز فاضي والاخر به جاز مش نضيف ركبت فلاتر جديده والمولد مشتغلش فكيت سحب طلمبه الجاز وحطيت ايدي علي فتحه السحب وشغلت محصلش شفط من الطلمبه والفولت بتاع البطاريات كويس انا شاكك ان العيب ف طلمبه الجاز بس عاوز اتاكد قبل ما اشتري واحده جديد
وياريت لو حد عنده اقتراح ممكن تكون المشكله فين يقولي انا محتاج الرد ف اسرع وقت
 

عماد الحمادى

عضو جديد
إنضم
14 مارس 2014
المشاركات
139
مجموع الإعجابات
37
النقاط
0
موضوع الجاز الوسخ ... ممكن تكون الرشاشات اتأثرت
طلع الرشاشات بره واربطهم فى المواسير ودور مارش وشوف حالتهم
وياريت تدور من مصدر خارجى ...يعنى تجيب جاز نظيف وتحط خراطيم السحب والراجع فيه وتحضر جاز وتدور
وبرضه شوف جريدة الجاز ممكن تكون قفشت
وممكن كباسات الطلمبه تقفش
امشى ورا الجاز نقطه نقطه
 

a_adel41

عضو جديد
إنضم
10 ديسمبر 2011
المشاركات
11
مجموع الإعجابات
0
النقاط
0
انا مشيت ورا الجاز واللي ظاهر عندي ان الطلمبه مبتسحبش خالص انا فكيت طرد الطلمبه وكتمتها بايدي وشغلت ولا اي ضغط طالع
عموما انا لو حبيت افك الطلمبه سهله ولا صعبه
 

عماد الحمادى

عضو جديد
إنضم
14 مارس 2014
المشاركات
139
مجموع الإعجابات
37
النقاط
0
طلمبة التحضير منها تروس ومنها ديافرام... لو تروس أظن متنتظرش منها سحب بدون تحضير جاز
أما الديافرام أشبه بكمبروسر الهواء على كامه
لو عندك مولد تانى ممكن تنقل طلمبة التحضير وتجرب
خلى بالك مره حصلت معايا فى عربيه تويوتا بنزين فكيت طلمبة البنزين لقيت تحت البلف حاجه زى الشعره نظفتها والمشكله زالت
موضوع سهولة الفك من عدمه أصلا ما أعرفش نوع المحرك لكن مثلا لو كتربلر أو فولفو أو كيس...الموضوع سهل
دول صلحتهم قبل كده... وغالبا حيكون ديافرام ومحتاج تنظيف... ولو حاجه غيرهم ياريت الإخوه يفيدوك
وبإذن الله الموضوع سهل
طيب قبل التشغيل حضرت جاز؟خلى بالك الموضوع مش هلامى فى موضوع الجاز لو تروس مش حتبوظ فى لحظه وحيبان فى السيلات
وبيعملك دمبر (فيوز)علشان سيلات الترانسفير
الموضوع نظافات غالباً
الله الموفق
 

a_adel41

عضو جديد
إنضم
10 ديسمبر 2011
المشاركات
11
مجموع الإعجابات
0
النقاط
0
اعرف منين ان كانت طلمبه الجاز تروس ولا ديافرام دا موديل الطلمبهfuel pump 6560-51-9712
 

عماد الحمادى

عضو جديد
إنضم
14 مارس 2014
المشاركات
139
مجموع الإعجابات
37
النقاط
0
أولا أنا بأتكلم عن طلمبة التحضير transfer pump
طلمبة التحضير بتبقى منفصله عن طلمبة الجاز مثبته فيها أو على البلوك أحياناً على كامه

ثانياً حضرتك موصفتش المشكله بدقه يعنى وصلت فين ...
هل حضرت جاز بالكاركه للرشاش وبعدها دورت مارش وما رفعتش جاز؟
 

a_adel41

عضو جديد
إنضم
10 ديسمبر 2011
المشاركات
11
مجموع الإعجابات
0
النقاط
0
مفيش كاركه اساسا
 

عماد الحمادى

عضو جديد
إنضم
14 مارس 2014
المشاركات
139
مجموع الإعجابات
37
النقاط
0
يعنى بتحضر جاز بالمارش؟
طيب تانك الجاز عالى ولا تحت المولد؟لو عالى بمجرد فتح المحابس بيحضر جاز
بعد التشييك على خطوط الجاز حتى طلمبة التحضير فك الخرج وشوف الجاز
الموضوع بسيط جداً لما بعد طلمبة التحضير يعنى لو التانك عالى حتلاقى الجاز واصل للرشاشات
تدور مارش يتدفق الجاز ولو ربطت اللواكير العداد بيرفع بعدها نشوف موضوع الرشاشات لو مدارش
اكتب بيانات المحرك وياريت تصوره بوضوح
 
أعلى