سؤال عن التصميم

الحالة
مغلق و غير مفتوح للمزيد من الردود.

hitman1988

عضو جديد
إنضم
21 يوليو 2006
المشاركات
147
مجموع الإعجابات
5
النقاط
0
السلام عليكم
انا مازلت طالب في السنه التانيه مدني وان شاء الله اريد عندنخرجي ان اعمل في التصميم الانشائي وذلك لانني احب التصميم واعرف اشتغل علي بعض برامج التصميم كما انني جيد والحمد لله في التصميم المعماري واعمل عليها منذ سنوات طويله علي الحاسب والسؤال هو:
1-ما هي المتطلبات المرجوه للعمل كمهندس تصميم
2-هل هناك استفاده من المواد التي ادرسها في الكليه في التصميم الانشائي واذا وجد استفاده ماهي تلك المواد حتي اركز عليها وابذل مجهودي لفهمها
3-انا في سنه تانيه زي ماقلت قبل كده وان شاء الله التخصص عندي هيكون في سنه تالته السنه الجايه ان شاء الله وعندي في الكليه التخصص بيكون
ا-عام:وبدرس فيه هندسه الطرق والكباري والري والهيدروليكا والشواطيء والموانئ وغيرها
ب-انشاءات:دراسه تصميم الخرسانه وميكانيا التربه والمنشآت المعدنيه وغيرها
وقيل لي انه لكي تعمل مهندس تصميم وتلم باسس التصميم ادخل انشاءات افضل فهل هذا الكلام صحيح؟؟وهل اذا دخلت تخصص عام لن استطيع ان اعمل كمهندس تصميم
4-هي استطيع ان استفيد من معرفتي ببرامج التصميم المعماري في عملي في التصميم واشتغل برضه في التصميم المعماري
معلش انا عارف اني اسئلتي كتيره اوي بس اعذروني انا بجد محتاج الاجابه عليها من ناس ذي خبره زيكو
وشكرا
 

مواضيع مماثلة

mohy_y2003

مشرف سابق وإستشاري الهندسة المدنية
إستشاري
إنضم
11 يونيو 2007
المشاركات
9,639
مجموع الإعجابات
1,010
النقاط
0
السلام عليكم ورحمة الله وبركاته
اخي الفاضل لكي تعمل مهندس انشائي لابد وان تدخل قسم انشاءات توفيرا لجهدك لانك لو دخلت قسم عام وجيت تشتغل ها ترجع تاني تدرس كل المواد الانشائيه اللي في قسم انشاءات وطبعا اهمها هو الانشاءات او التحليل الانشائي لان التصميم الانشائي هو انك تصمم قطاع يتحمل احمال معينه واقعه عليه ولكي تقوم بالتصميم لابد وان تعرف الاجهادات المؤثرة علي القطاع وذلك طبقا للنظام الانشائي المفترض لهذا المنشا وبمجرد ان تصل لهذة المعلومه اصبح التصميم عبارة عن معادلات طبقا للكود المقترح للتصميم وطبعا الكلام ده بيتعمل للمنشات الخرسانيه والمعدنيه وللاساسات
يعني الانشاءات هي العلم الام لكل التصميمات حتي منشات الري تتبع هذة النظريه
يعني لازم تدخل انشاءات علشان تشتغل تصميم انشائي وساعتها ممكن تشتغل بسهوله في الطرق والري الخ انما لو دخلت عام ممكن تشتغل برضه انشائي بس مش بسهوله هاترجع تاني تذاكر العلوم الخاصه بالتحليل الانشائي وكمان ترجع تدرس خرسانه علشان تعرف تتعامل مع المنشات الخاصه لان المباني مش كلها سكنيه وفيلل والكلام البسيط ده طبعا في منشات صناعيه وفي ليها طابع خاص وممكن تلاقي مبني سكني فيه فكرة معماريه صعبه التنفيذ في الموقع وطبعا انت كانشائي المسئول عن عمل النظام الانشائي اللي يخليها امنه واقتصاديه ومتوافقه مع المعماري
خلاصه القول يا اخي الفاضل الانشاءات ثم الانشاءات ثم الانشاءات ده لو انت عاوز تبقي مهندس انشائي وطبعا لازم تستفيد من دراستك في الكليه بقدر الامكان لان عندك الاساتذة اللي بتسالهم وبيجاوبوك يعني لازم تستغل دي كويس جدا جدا علشان يبقي عندك خلفيه كويسه في الموضوع
اما بالنسبه لبرامج الرسم المعماري انا مش عارف قصدك ايه هل قصدك الاوتوكاد مثلا لو كان قصدك كده .الاوتوكاد ياعزيزي مش برنامج معماري ده برنامج رسم يعني ممكن يستعمله مهندس انشائي او معماري او ميكانيكا او كهربا او .....الخ
التصميم المعماري ها يفضل الي الابد هو الفكرة اللي بتطلع من دماغ المعماري وبعدين تترسم باي وسيله
وشكرا اخي الفاضل
 

hitman1988

عضو جديد
إنضم
21 يوليو 2006
المشاركات
147
مجموع الإعجابات
5
النقاط
0
والله يا اخ محي انا مش عارف اشكرك ازاي كل ما اسال سؤال الاقيك في الحال بترد عليا لا وباجابات مقنعه جدا وثريه بالمعلومات واحب اقولك الف شكر علي ذلك المجهود الجبار وربنا يكتبهولك في ميزان حسناتك يا رب
وبالنسبه لبرامج التصميم المعماري فانا اعمل علي برامج الثري دي ماكس والفوتوشوب واستطيع رسم المناظير ايضا ده انا حتي والحمد لله ساعات برسم مناظير احسن من اصحابي اللي ف قسم عماره فهل يمكنني ان اعمل في التصميم المعماري بجانب التصميم الانشائي وسؤال اخر هل لو دخلت انشاءات هعرف اصمم الكباري والطرق وغيرها من الاشياء التي تدرس في القسم العام ولا هضطر ان اذاكر برضه مواد الكباري وهندسه النقل والطرق؟؟؟؟؟؟
والف شكر مره اخري يا اخ محي علي مجهودك وردودك واتمني من بقيه الاعضاء المشاركه حتي تعم الفائده من تلك الاسئله علي الجميع خاصه الطلبه
 
التعديل الأخير:

mohy_y2003

مشرف سابق وإستشاري الهندسة المدنية
إستشاري
إنضم
11 يونيو 2007
المشاركات
9,639
مجموع الإعجابات
1,010
النقاط
0
الاخ الفاضل hitman1988
التصميم المعماري اساسه هي الفكرة المعماريه للمشروع يعني الشفافات اللي بيرسم عليها الفكرة الابتدائيه يعني المساقط وبعدين يبدء يشتغل في الواجهات برضه شفافات وكل مرحله من دول يبدء يعمللها الاخراج بتاعها بواسطه البرامج اللي بتقول عليها دي وده ممكن يتعمل برسامين محترفين في هذا الموضوع لكن طبعا مافيش مانع انه يجيد هذة البرامج لكي يستطيع ان يعبر عن عمله بالالوان والاخراج اللي يخدم فكرته لكن المعماري المصمم اساسه الفكرة يعني يضيع وقته في التفكير علشان يعمل منتج (فكرة كويسه )
وبالنسبه لتصميم والكباري هي الكباري عبارة عن ايه غير احمال وتعمللها تصميم خرسانه برضه وساعتها لما تيجي تشتغل فيها ها تلاقي عندك خلفيه كويسه في الانشاءات تعرف تمكنك من العمل فيها وبعدين انت لازم تتابع التطور في مجالك من برامج وتعديل في الكودات .....الخ
يعني ها تذاكر ها تذاكر
وربنا يوفقك في حياتك الدراسيه والعمليه ان شاء الله
 

hitman1988

عضو جديد
إنضم
21 يوليو 2006
المشاركات
147
مجموع الإعجابات
5
النقاط
0
الف شكر يا اخ محي علي ردك مره اخري وعلي تلك النصائح الغاليه
وان شاء الله انا بعد كده هبقي لما اسال اي سؤال هبقي مطمن لاني هلاقيك بترد عليه (وبسرعه كعادتك)
وشكرااااااااااااااااااا
 
الحالة
مغلق و غير مفتوح للمزيد من الردود.
أعلى