رسالة إلى قلب أمي كتبها : عادل الحلبي

أمل عادل

عضو جديد
إنضم
19 أكتوبر 2012
المشاركات
36
مجموع الإعجابات
4
النقاط
0

بمناسبة عيد الام

رسالة إلى قلب أمي
كتبها : عادل الحلبي


كل دقة قلب بتقولك سماح
يانور العين
على عمري اللي راح
ومعرفـتش أوفي الدّين
أنا الولد اللي شغل بالك
وليلي طال
أنا الغـُـلب اللي جبتولك
يهِد جبال
ومع ذلك
نسيتى نفسك .. نسيتى حالك
وشيلتي يا أمي
هـَمِي عن ضهري ليالي طوال
وشَيَلتِك تقيل لـ حمال
لا رديتي عليا بــ ‘‘ لوم ’’
ولا دعيتي عليا ‘‘ يوم ’’
كنتِ فوق كل احتمال
في عز الحر نلقاكي ‘‘ توتة ’’
فاردة ضِل على كل البلاد
تتلم تحتيها الولاد
وتطعمينا ‘‘ بسم الله ’’
لقمة العيش الحلال
وتسقينا م ‘‘ القُـلة ’’
والمية من ‘‘ كفك ’’زلال
وتحَسِـسِـي على شعر العـِـيال
‘‘ عـَـيـِل .. عـَـيـِل .. عـَـيـِل ’’
نغمض عينينا و ‘‘ نقـَـيل ’’
وأما نِفـُوق
تاخدينا ليكي بـ ‘‘ شوق ’’
تلاعبينا تضمينا لأحضانك
وتعدي بينا الساعات بدري
وأما يهل ‘‘ بدرك ’’
ويمسِي عليكي الليل
ننام على ‘‘ حِجرِك ’’
تحكيلنا ‘‘ حدوتة ’’ متذوقة بمواويل
و ‘‘ تِرقينا ’’ بدعاكي
والنهاردة أنا .. جي راجع
كلي مليان بالمواجع
اقبليني واغفري لي
كل يوم ‘‘ قصرته ’’ فيكي
وأدعي تتصرف عني الهموم
وأبـِـر .. بيكي
عسى إن أيامي ‘‘ تروق ’’
وأتحمليني أنا
ماهو إنتي ‘‘ الضي ’’ في عيوني
وإنتي الدفا والوفا وإنتي الشروق
مِدي إيدك .. خُـدي إيدي
قلبي مليان بالجراح
انجديني من هنا
واصعدي بيا .. لفوق لفوق
للسما السابعة ‘‘ البراح ’’
عند جنة ربنا
يا أمي

أشعار الصحفي
عادل الحلبي

منقوله
 

bio-med

عضو جديد
إنضم
3 مايو 2012
المشاركات
57
مجموع الإعجابات
0
النقاط
0
جزاكم الله خيرا
 
أعلى