تصنيع الفنيك المطهر من الألف إلى الياء

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
إلى كل من يريد عمل مصنع للفنيك سواء كانت تكلفة المصنع كبيره أو متوسطه أو صغيرة:

إليكم أولا : المعدات المطلوبة فى مصنع الفنيك وهى معدات تكلفتها بسيطة :

1- خلاطة بيضاوية ارتفاعها 2 متر وقطرها 1,5 متر بداخلها ريش متصلة بماتور لتقليب الخامات وممكن الإستغناء عن الماتور بالتقليب اليدووى ولكن الماتور أسرع وأحسن لتقليب الخامات وعموما أى مهندس فى مخرطة لصناعة ماكينات المياة يستطيع تصميم خلاط لك أفضل وسرعته عالية بسعر جيد ولو عرفته أنه الخلاط لتصنيع الفنيك يكون أفضل لأنه ممكن يعملك تصميمات أفضل من اللى ذكرته لك أما الخلاط الذى سذكرته فهو خلاط يسع 4 طن وكذلك تضريبة الفنيك اللتى سأذكرها هى للخلاط اللذى يسع 4 طن ويخرج من هذا الخلاط من الأسفل 4 حنفيات ، 2 منهم كبار بقطر حوالى 5 سم لتعبئة الفنيك السايب فى الجمدانات ، وال2 الآخرين بقطر صغير لتعبئة زجاجات الفنيك .

2- لابد أن تأتى بأربعة شعل كبيرة تعمل فى وقت واحد وبنفس القوة وتثبت تحت الخلاط لأنها تستعمل فى تسخين الخامات .

3- 2 برميل صاج اللذى يسع 200 كيلو ويثبت بهما بكل واحد حنفية من الأسفل .

4- عدد 2 مطرقة كبيرة لتكسير الأ لفونيا ومعهم 2 جارووف كبير بيد طويلة ووعهم 2 جردل كبير لوضع الألفونيا فيه بعد تكسيرها ثم منها على الخلاطة .

ملحوظة : :33: هناك بعض من العدد البسيطة ولكن لاأذكرها الآن وكنى سأترك إيميلى فى الأسفل ليراسلنى عليه من يريد المزيد وليحدثنى على البالتوك إن أراد .


ثانيا : الماد الخام المستخدمة فى صناعة الفنيك : وأماكن وجودها :

1- يوريا : وهذه تأتى بالشكارة ( وهى شكارة لونها أخضر من الخارج وهى 50 كيلو ) وتأتى من شارع الجيش فى القاهرة بجوار العتبة من محلات الكيماويات هناك مثل شركة مروان جروب وشركة الخواجة عيسى وغيرهم الكثير هناك ولا تنسى أن تسأل عند كل هذه الشركات حتى تحصل على أقل سعر .

2- ألفونيا : ( وهذه تأتى فى برميل يسع 225 كيلو والبرميل لونه فضى من الخارج ) وهو يأتى أيضا من الأماكن التى ذكرناها .

3- صودا : ( وهى شكارة الصودا المعروفة التى تستخدم فى صناعة الصابون السائل وأفضلها صودا قشور ) ولكن فى تضريبتنا أى صودا ماشى ، ولكن يستحسن الشكارة الصفراء القشور بتاعة القوات المسلحة أو الماكس .

4- سلفونيك ( أى سلفونيك ينفع سواء الجيد منه مثل الذى يأتى من شركة الإ سماعيلية أو الأقل جودة مش فارقة أهم حاجة يكون سلفونيك لأننا سنستخدم منه كمية قليلة جدا وهو يأتى أيضا من الأماكن التى ذكرناها .

5- فينول كريستال ( هكذا اسمه وهو يأتى فى برميل أيضا يسع 215 كيلو ) وهو يأتى أيضا من الأماكن التى ذكرناها.

6- cmc نباتى أو صناعى ( وأسمه سى ام سى ومنه نباتى أو صناعى والأفضل منه النباتى ) وهو يأتى أيضا من الأماكن التى ذكرناها .

7- زيت كيروزيت ( وهو يأتى فى برميل من شركة فحم الكوك ويأتى بالسجل الصناعى أو يدفع على البرميل مبلغ لو مفيش سجل صناعى ( يعنى مفيش مشكلة فى الإتيان به ) )

8- فنيك خام ( وهو يأتى فى برميل من شركه فحم الكوك ويأتى بالسجل الصناعى او يدفع على البرميل مبلغ لو مفيش سجل صناعى (يعنى مفيش مشكله فى الإتيان به ) )

9- زيت نباتى وهو يأتى من شركه كفر الزيات .


ثالثا : المكونات التى سوف نحتاجها لعمل تضريبه فنيك 4 طن :

(1) نصف برميل زيت كيروزيت ( اى 112 كيلو زيت كيروزيت ).

(2) 65 كيلو زيت نباتى .

(3) برميل كامل ألفونيا ( اى225 كيلو ألفونيا ) .

(4) 30 كيلو سلفونيك .

(5) شكاره يوريا ( أى 50 كيلو يوريا ) .

(6) 3 شكاير صودا قشور ( الشكاره الصفراء ) .

(7) 2 برميل فنيك خام ( أى 450 كيلو فنيك خام أى اضافه برميلين كاملين ) .

(8) 4 جرادل فينول كريستال ( يكون الجردل 20 كيلو ) .

( يتبع )

*************

ملحوظة
أخوانى أعضاء وزوار المنتدى الكرام

لقد تم اعادة صياغة موضوع الفنيك مرة آخرى بداية من صفحة رقم 4 من موضوعى هذا بطريقة تفصيلية وموضحة بالصور للمعدات والخامات وطرق التصنيع
 

مواضيع مماثلة

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
رابعا : طريقة تصنيع الفنيك ( عمل تضريبة فنيك 4 طن ):
ملحوظة : قبل البدء فى عملية التصنيع بساعة يتم احضار برميل ألفونيا كامل ثم ندق عليه من الخارج بالمطرقة جيدا من جميع الجهات حتى يصبح البرميل شبه مطبق ثم يتم فتح البرميل الصاج واخراج الألفونيا من داخله ثم يتم الدق عليها بالمطرقة مرة أخرى ويتم الدق عليها حتى تصبح ناعمة مثل الرملة ثم يتم تجهيزها فى جرادل أو غلقان حتى يأتى دورها ( ونحن قد جهزنا الألفونيا قبل التصنيع بساعة لأنها تأخذ كل ذلك الوقت حتى يتم تنعيمها مثل الرملة ).

(1) يتم ملو 5 براميل ماء ( البرميل الصاج العادى الذى يسع 225 كيلو أو لتر ماء ) ثم نضيفهم فى الخلاط .

(2) يتم اضافة نصف برميل زيت كيروزيت فى الخلاطة مباشرة بعد الماء .

(3) يتم اضافة 65 كيلو زيت نباتى فى الخلاطة مباشرة بعد اضافة الماء والكيروزيت .


(4)ثم يتم تسخين هذه المكونات عن طريق الأربع شعل الموجودة تحت الخلاطة وتكون الشعل شغالة على الأخر ويتم التسخين حتى السخونية المتوسطة ( اللتى مابين الدفء والغليان ) .


(5) ثم يتم رش الألفونيا جردل جردل أو غلق غلق فى الخلاطة وبسرعة حتى يتم رش البرميل الألفونيا كاملا ( ويتم الرش فى الخلاطة كمثل رش الملح على الطعام ) ويتم تشغيل الخلاطة أى ماتور الخلاطة مباشرة بعد اول رشة للألفونيا حتى يتم الآمتزاج للمكونات سريعا مع بعضها البعض ( ويمكن الآستغناء عن الماتور بالتقليب اليدوى عن طريق ريش أو آلة للتقليب ولكن الماتور احسن وأسرع للتقليب )


يتبع :
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
6) ويتم التقليب عن طريق الماتور أو يدوى إلى ان أتأكد من أن الألفونيا دابت كويس مع المكونات .


(7) ثم يتم إضافة 30 كيلو سلفونيك على الخلاط مباشرة بعد دوبان الألفونيا فى الخلاط .


(8) ثم بعد ذلك إضافة شكارة يوريا كاملة ( اللى هى الشكارة الخمسين كيلو ) على الخلاط .

ملحوظة : وأنا بضيف شكارة اليوريا أكون مجهز قبلها 2 برميل اللى هو البرميل الصاج اللذى يسع 225 كيلو وأضع فى كل برميل شكارة صودا كاملة مضافا اليها 3/4 البرميل ماء لدوبان الصودا فيه ويتم تقليب البرميلين جيدا وتركهم لمدة 15 دقيقة حتى تبرد قليلا ( فيكون فى النهاية عندنا عدد 2 برميلين مليان كل واحد منهم 3/4 البرميل ماء وفى كل برميل شكارة صودا ).
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
(9) ثم أضيف برميلين الصودا بعد تجهيزهم بالطريقة اللتى شرحتها فى الملحوظة إلى الخلاطة ثم أترك ماتور الخلاطة شغال للتقليب أو التقليب يدويا كما ذكرت سابقا ويستمر التقليب إلى أن يظهر أعلى الخلاطة فون عالى ( وهى رغوة ستظهر على سطح الخلاطة ) ولما تظهر هذه الرغوة ستكون النتيجة ساعتها أن لون الصابونة ( بنى مسمر ) ( والصابونة هى التضريبة أو الخلطة كل هذه مسميات واحدة ) فإذا حدث كما قلنا بالترتيب : رغوة - ثم لون الخامة أو التضريبة او الخلطة أو الصابونة أصبح بنى مسمر ساعتها أقوم مبطل ماتور الخلاطة أو إذا كنت بقلب يدوى أروح مبطل التقليب وأسيب الشعل شغالة لمدة ساعة إلى ساعة ونصف وهذه المدة تقريبيا وليس تحديديا ( الشاهد أسيب الشعل شغالة لحد أما الرغوة تنزل أى لايبقى رغوة على السطح خالص ( معن ذلك أن الصابونة قد استوت أى أصبحت جاهزة لإستقبال الخامات الباقية )) ساعتها أبدأ أطفىء النار أى أبطل الشعل ثم

يتبع:
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
(10) ثم بعد ذلك اضع عدد 2 برميل الفنيك الخام اللتى أحضرتهم من( شركة فحم الكوك ) فى الخلاط ثم أشغل الماتور للتقليب.

ملحوظة : ( وهذا الفنيك الخام يؤدى إلى إستحلاب قوى جدا ورائحة جيدة ( ويمكن استبدال الفنيك الخام أن يوضع بدل منه ( قطفة ) ولكنها تأتى بصعوبة من شركة فحم الكوك لإزدحام الشركات عليها وميزتها أنها تجعل الفنيك أسرع استحلابا ورائحته قوية جدا ولكن الفنيك الخام الذى ذكرناه يؤدى الغرض المطلوب )

(11) ثم أضع مباشرة بعد الفنيك الخام 4 جرادل ( فينول كريستال ) يكون الجردل يسع 20 كيلو أى نضع 80 كيلو فينول كريستال فى الخلاط كل ذلك مع التقليب بالماتور أو يدوى .

ملحوظة : طريقة تحضير الفينول كريستال :
قبل البدأ فى التضريبة بنصف ساعة بأتى ببرميل الفينول كريستال وهو مقفول وأثبته فى مكان آمن وأضع تحته شعلة ثم أوقد النار حتى يسخن جيدا وليكن لمدة ساعة تقريبا ( المهم أنه بيأتى مجمد مثل مادة الزفت فأنا بوقد عليه النار حتى يصير الفينول كريستال من مادة مجمدة إلى مادة سائلة ) ساعتها أخذ منه وهو سائل لأضعه فى آخر خطوات التضريبة 4 جرادلمن البرميل كما قلنا ثم نغطى البرميل ونتركه إلى مرات اخرى .

(12) ثم بعد ذلك أكمل الخلاط ماء ( المهم أن يكون الخلاط فى النهاية بعد تكملته بالماء أقل بحاجة بسيطة من ال 4 طن ( آى لا اجعل الماء يغطى الخلاط بحيث لايكون الخلاط مليان على آخره ) . وعموما وضع الماء فى الخلاط حسب تركيز الخامة اللتى أريدها أنا .

(13) ثم بعد ذلك أحضر نصف شكارة صودا أى 12.5 كيلو صودا وأقسمهم على جردلين ماية ( أى جردل يسع 20 كيلو مليان ماء عليه 6.250 كيلو صودا ، وجردل آخر يسع 20 كيلو مليان ماء أيضا عليه 6.250 كيلو صودا مع تقليبهم جيدا فى الماء حتى الذوبان ثم أضيفهم فى الخلاط مع التقليب كما قلنا عن طريق الماتور أو يدوى ثم بعد ذلك أبطل الماتور وبذلك نكون قد انتهينا من طريقة صناعة الفنيك و أصبح عندنا الآن خلاط فيه 4 طن فنيك سوبر .

يتبع :
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
وبذلك نكون قد انتهينا من طريقة صناعة الفنيك و أصبح عندنا الآن خلاط فيه 4 طن فنيك سوبر .

ملحوظة : هناك خطوة مهمة وأخيرة قبل التعبئة من الفنيك السوبر الذى بالخلاط :
وهى أن الفنيك السوبر الذى بالخلاط يكون فى أول يومين تركيزه عالى جدا ثم ما يلبث أن يخف ( والمقصود بالتركيز عندما يقال هذا فنيك مركز عالى التركيز أنه بيكون ثقيل جدا مثل العسل الأسمر قوامه ثقيل )
ولعلاج ذلك : أنك بعد الإنتهاء مباشرة من التضريبة اللتى شرحناها سابقا تأتى بالأتى :
مادة الcmc اللتى ذكرناها فى المواد المستخدمة فى صناعة الفنيك وهو عبارة عن مادة بيضاء مثل البودرة ويأتى بالكيلو ومنه النباتى ومنه الصناعى والأفضل منه النباتى .
نحضر منه 6 كيلو ثم نضعهم فى برميل صاج الذى يسع 200 كيلو ثم نملىء البرميل بالماء إلى قبل آخره بشىء بسيط مع التقليب المستمر من لحظة وضع ال cmc فى البرميل ثم يترك البرميل مفتوحا معرضا للهواء ويترك يومين إلى أن يفك ويصبح مثل النشا السائل ثم يقلب مرة آخرى جيدا ثم يوضع فى الخلاط الذى به الفنيك ثم يشغل الماتور للتقليب أو يقلب يدويا إلى أن يذوب فى الخلاط مع الفنيك وهكذا يصبح عندك قوام الفنيك عالى جدا مثل العسل الأسمر الذى ضربا به مثالا .

يتبع
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
الأن أصبح عندك فى الخلاط فنيك سوبر وإذا أردت أن يكون عندك فنيك شعبى ( أى فنيك مخفف أقل تركيزا ) فلتتبع الخطوات التالية : وليكن مثلا نريد برميل 200 كيلو فنيك شعبى :


(1) أن نملىء نصف برميل فاضى من البراميل اللتى تسع 200 كيلو فنيك سوبر من الذى بالخلاط .


(2) ثم نكمل النصف الفاضى فى البرميل بالماء ( إذا أصبح عندنا برميل نصفه فنيك سوبر ، ونصفه ماء وهذه النسبه تسمى : 1 : 1 ) .
ملحوظة : تستطيع أن تركب نسب كما تريد مثل نسبة 2 سوبر : 1 ماء ) وغير ذلك كما تريد .
(3) ثم تملىء نصف شفشق من الصودا أى حوالى نصف كيلو من الصودا وتذوبهم فى جردل به ماء قدر الصودا مرتين ( اى بنسبة نصف كيلو صودا : 1 لتر ماء )
(4) ثم تضع الصودا بعد ذوبانها بالماء فى البرميل مع التقليب المستمر وبسرعة .
(5) ثم بعد التقليب جيدا تنظر إلى لون الفنيك فإذا وجدته بنى غامق مثل لون العسل الأسمر فهذا هو المطلوب وإلا تضيف صودا أخرى بنفس الطريقة اللتى قلنا عليها ولكن كمية أقل ( كوب صغير مثلا ) المهم إلى أن يصير إلى اللون الغامق ( اللون الطبيعى للفنيك ) .
وبهذا يكون عندك فنيك سوبر وفنيك شعبى .

ثم بعد ذلك نتكلم على طريقة التعبئة والتسويق


يتبع :
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
أولا : طريقة التعبئة :
سنتكلم عن تعبئة الفنيك السوبر ، وتعبئة الفنيك الشعبى :
أولا : يجب أن يكون متوفر عندك زجاجات تكفى لتعبئة 100 كرتونة لكل نوع من الفنيك السوبر ، ومن الفنيك الشعبى ، ولكل نوع له زجاجة خاصة متعارف على شكلها فى السوق أن هذه للفنيك السوبر وهذه للفنيك الشعبى وعندك فى مصر فى شارع الجيش فى منطقة درب القطة تجد بتوع الزجاج هناك ولكن أرجوا أن تسأل عند كل واحد قبل أن تشترى ( وزجاجة الفنيك السوبر تسمى عندهم عروسة ومنها كبير ومنها صغير منها 1/2 لتر ومنها 1/4 لتر وأيضا زجاجة الفنيك الشعبى تسمى بيرة ومنها كبير ومنها صغير 1/2 لتر ومنها 1/3 لتر وعنهم اسأل على غطيان هذه الزجاجات )
( والغطيان أنواع منها :
1 - غطاء لونه أصفر بلاستيك يسمى غطى بلفر وهذا يصلح لزجاجات الشعبى الكبيرة والصغيرةوهذا لا يحتاج إلى ماكينة لكبسه بالزجاجة ولكن يكبس باليد .
2 - غطاء كازوزة وهذا يحتاج إلى ماكينة كبس الكازوز وثمنها تقريبا 100 جنيها وهذا أيضا لزجاجات الشعبى .
3 - غطاء ألمونيوم كبس مثل غطاء زجاجة الدواء وهذا لايصلح إلا على زجاجات السوبر ولكن اللتى برقبة قلا ووظ وماكينة كبسه تباع فى سوق العصر فى القاهرة وثمنها حوالى 2000 جنيها وهى بماتور ومنها ما هو يدوى ويصنع عندهم بحوالى 500 جنيها .

يتبع :
 

aymanabdeen

عضو جديد
إنضم
29 يناير 2006
المشاركات
13
مجموع الإعجابات
1
النقاط
0
السلام عليكم ورحمة اللة وبركاته
السيد ممدوح الجيار
انا اسكن فى محافظة الجيزه
ولم اسمع عن درب القطة ابدا
ولا سوق العصر إلا الخاص بالكومبيوتر
فأين هم
ولكم الشكر:)
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
عنوان درب القطة : شارع الجيش _ ميدان باب الشعرية ـ كلودبيه ـدرب القطة ( هناك بتوع الزجاج والغطيان ومن عندهم اسأل على الماكينات _ بس ياريت تسأل عند كل بتوع الزجاج قبل أن تشترى علشان تحصل على سعر كويس .
 

aymanabdeen

عضو جديد
إنضم
29 يناير 2006
المشاركات
13
مجموع الإعجابات
1
النقاط
0
السلام عليكم ورحمة الله وبركاته

شكرا يا أستاذ ممدوح على الرد على سؤالي
ولكن ينقص الجواب عن سوق العصر ؟

وشكرا:)
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
السلام عليكم ورحمة الله وبركاته

بإذن الله ترقبوا إعادة صياغة موضوع تصنيع الفنيك بشكل جديد تفصيلى أكثر من ذلك فيه كيفية فتح مصنع للمنظفات والفنيك وطريقةالتصنيع بشكل تفصيلى أكثر مما ذكر مع ذكر وصف دقيق للمصنع من الداخل مدعما بالصور لكل جزئية فى المصنع وأدواته مع ذكر طرق عملية للتسويق وسيكون هناك متابعة منى بإذن الله لمن سيبدأ فى هذا المشروع مجانا لمن يرغب فى ذلك فأنا أحب هذا المجال وباشرته بنفسى تصنيعا وتسويقا وأريد أن ينفع بى الله عز وجل أخوانى فى هذا الملتقى

وجزاكم الله خيرا على ردودكم
والسلام عليكم ورحمة الله وبركاته
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
بسم الله الرحمن الرحيم
توكلنا على الله سبحانه وتعالى

أولا : معذرة لإننى سأكتب الموضوع متفرق لإنه سيستغرق وقت طويل هذا أولا ثم ثانيا لإنشغالى بأمور أخرى ولكن أعدكم أننى سوف أجمع كل ما سأكتبه مرة ثانية فى موضوع مستقل حتى يتيسر على القارىء ويسهل
وثانيا : أنا سأترك الكلام بالعربية وسأتكلم بلغة بلدنا مصر لغة الناس العامية لإن الكلام كتير هذا أولا ولإن هذا أسهل لعرض كل المعلومات المخزونة فى الذهن
.................................................. .................................................. ..............................

فى كتير من الشباب بيفكر فى مشروع مربح ويبقى بداية له ومدخل فى عالم المنظفات يعنى يبقى فتح لباب رزف تانى وكبير لمنظفات كتيرة أقوله مشروع الفنيك هو بوابة كل المنظفات اللى هيفتحلك طريق عند العميل هو الفنيك يعنى طريق انك بعد كده تعبى منظفات أخرى أو تتاجر فى المنظفات زى الكلور والسلفونيك وماية النار والصودا وبودرة السلخ و............... إلى أخره
طيب واحد هيقولى اشمعنة الفنيك بالذات طيب مش ممكن يكون الكلور أو السلفونيك أو .........أو أو ........... مش ممكن يكون أى حاجة تانية تبقى هى بوابة ومدخل لمنظفات تانية كتير أقولك على سبيل التجربة بس من غير ما أصرح باسم شركات علشان محدش يزعل منى انا كنت بعمل مع ناس أصحابى هما 5 شركاء كان واحد فيهم قبل اما يتجمعوا مع بعض ويعملوا شركة كان واحد فيهم بيتاجر فى الخل اول ما الشركاء اتجمعموا وعملوا شركة باع الواحد اللى كان فيهم اللى كان بيتاجر فى الخل وبيعبى خل نصيبه فى الخل لقريبه وشارك الأربعة صحابه وقرروا انهم يتاجروا فى الخامات بس قابلتهم مشكلة ان فيه ناس كتير بتاجر فى الخامات وان الخامات دية كده كده بتجاب من مصادرها ففكروا طيب احنا لما نتاجر فى الخامات طيب ايه اللى هيميزنا عن الشركات التانية ويخلى لينا اسم وسطيهم خاصة انهم لسه كانوا جداد فى الكار والشركات اللى حوليهم ليها اسمها من زمان فقرروا انهم يبدأوا بالفنيك تصنيع وتعبئة ويبقى ليهم منتج اسمه فنيك كذا يميز الشركة وسط الشركات فى السوق ويسهل لهم بيع الخامات التانية من المنظفات اللى كل الناس دلوقتى بتاجر فيها بس مش أى حد برده بيكبر فيها هما برده عرفوا ينقوا مصدر للسلفونيك الصح والكلور الصح وال.......... و ال............كل الخامات الصح اللى مبتتغشش وفى نفس الوقت سعرها مقارب أغلى بسيط جدا من اللى بتتغش بس يكفى انها تركت أثر عند العميل بمصداقية هذه الشركة وفعلا بقوا من الشركات المعروفة فى السوق وليها رواج فى كل المحافظات وشعار الشركة بتاعتهم اسم الفنيك يعنى العملاء يمكن مايعرفوهم إلا باسم الفنيك بتاعهم من كتر شهرته الأن شهرة الفنيك بتاعهم يعنى خاصة المعبأ منه ودول صراحة الناس اللى اتعلمت منهم وهما قدوة للى عايز يكبر لإنهم يا إخوانى اول مابدأوا بدأوا صغيرين وبعربية واحدة ورأس مال صغير يمكن لا يتعدى ال 30000 جنيه لكن وبعد 5 سنين من بدايتهم فى السوق بقوا من الشركات الكبيرة والمعروفة ومبقاش فنيك بس بقوا يوفروا لك كل ما يحتاجه محل المنظفات من الإبرة للصاروخ زى ما بيقولوا ودول أصحابى ومثلى الأعلى وليهم فضل بعد ربنا سبحانه وتعالى عليه لإنى اتعلمت منهم كتير قوى من ضمن الحاجات اللى اتعلمتها منهم واهم شىء هى ( الفكرة اللى فى دماغك واللى ممكن تكون حلم لو صممت وعزمت الأمر وتوكلت على الله هتبقى حقيقة ) وفعلا هما قدوة لأى شركة عايزة تنجح وتكبر فى وقت قصير وتحقق حلمها فى وقت قصير
المهم مش هما دول بس برده انا اعرف ناس بس مش شغالين غير فى الفنيك بس تعبئة و بيعه سايب بالطن والعملية بدأت معاهم بطن وبقت دلوقتى بال3 وال4 طن بيع شهريا وممكن لعميل واحد خلاف طبعا القطاعى والمعبأ يعنى ممكن يبيعوا 10 طن شهريا محدش يستغرب لأ لما تنزل وتجرب بنفسك هتلاقى اللى يطلب منك بال2 طن وال 3 طن خاصة من تجار المنظفات الكبار والأن هما مش ملاحقين على السوق من كتر الطلبات عليهم يعنى ال10 طن بيع شهريا بقى بالنسبة ليهم رقم عادى ودلوقتى دخلوا برده فى بيع الخامات الأخرى من المنظفات زى السلفونيك والكلور وغيره وغيره بس برده مستواهم مش زى الشركة الأولى اللى قلت لكم عليها لإنهم 5 شركاء بينزلوا السوق بنفسيهم ومعاهم برده كذا مندوب بس هما اساتذة المناديب لإنهم مازالوا بينزلوا بنفسيهم حتى بعد ما كبروا والنقطة التانية إنهم مبيبخلوش على المشروع من التمويل وده أهم شىء مع التسويق يعنى مرة انا سمعت رقم من واحد فيهم والكلام ده من سنة تقريبا ان راس مالهم وصل ل300000 جنيه خامات فنيك وغيره وطبعا العربيات مش محسوبة لإنه كل الشركات بتجيب جديد وقسط فبقت العربيات مش مشكلة والشركة التانية اللى بقول لكم عليها برده بدل ما كان عندهم عربية بقى 3 عربيات كله بيقلد كله المهم النجاح والمنافسة الشريفة وربنا يرزق الكل بمنه وفضله وكرمه المهم خد القاعدة : الفكرة اللى فى دماغك حولها لحقيقة فى الواقع وحولها لحقيقة وسط الناس بتسويقها صدقنى بإذن الله هتكبر وهتنافس كمان منافسة شريفة طبعا
واللى مجرب الفنيك بنفسه وشغال فيه هيعرف انا ليه قلت ان الفنيك بوابة ومدخل لجميع المنظفات
يتبع
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
طبعا فيه ناس عايزة تقولى ايه يا عم الحاج هو فيه ايه انتا عمال تتكلم وخلاص ولا فيه دراسة جدوى ولا حاجة وكلامك كله متناقض مرة تقول فى موضوعك اللى كتبته من فترة ممكن تبدأ ب 15000 جنيه ومرة تقول 30000جنيه ومرة نلاقيك بتتكلم عن عربيات وخامات تانية و100000 جنيه و300000 جنيه وطالع وكلامك كله متناقض ولا فيه دراسة جدوى ولا حاجة
أقول لكم أبشر تعال ندردش شوية فى الهمم العالية قبل اما نتكلم عن مشروعنا
ببساطة كده وبدون مقدمات انتا عايز ايه تقعد تمصمم فى شفايفك وواقف محلك سر وعمال تبص للى حواليك وكأنهم عملوا معجزة وتبص للى حواليك وانتا مستغرب وتقول مش ده اللى كان على قده ده بص شوف بقى ايه مش ده اللى كان فاتح محل منظفات بس دلوقتى مصنع وتوزيع وعربيات هو فيه ايه وتتعجب وكأنه عمل معجزة وتقول وتعيد وتزيد وملكشى شغله غير الكلام على الناس والحسد والعيب فيك انتا انك مش متوكل على الخالق الرزاق سبحانه وتعالى ومش عملى ولا عالى الهمة يبقى ليك حق تستغرب
أما اصحابنا اللى نفسهم يبقوا حاجة ونفسوا يكبر ويكبر أهله وعياله معاه وأقاربه ويشغل أصحابه ومعارفه ويفوق بقى من النوم العميق ومص الشفايف وكأنه من كوكب تانى والناس اللى نجحوا وعملوا مشاريع مخلوقات فضائية معاها معجزات
ايه يا عم فوق الله يخليك يا بخت من بكانى وبكى عليه ولا ضحكنى وضحك الناس عليه انتا مش عايز تنفع بلدك وأهلك وناسك وتأمن مستقبل أولادك بعد ارادة الله سبحانه وتعالى طبعا وتوفيقه
لازم يبقى عندك هدف تعيش علشانه انك تنفع نفسك واهلك واولادك واصحابك وتكبر وتكبر الناس معاك وتدى فرصة لغيرك يقلدك ويكبر زيك علشان نساعد بعضنا ونكبر بعضنا
يبقى قوم اغسل وشك من علق دنو الهمة على الوجه وتوكل على الله سواء كان مشروعى او مشروع غيرى فى مجالنا او فى اى مجال تانى معاك 10000 او 5000 حتى جيب على قدك واجرى فى السوق وعافر ونافس هتقع مرة واتنين بس صدقنى هتكبر التالتة هتخربش فى السوق والسوق يخربش فيك شوية بس هتتعلم وتحقق هدفك اللى انتا لازم تعيش من اجله ايه كلامى كان متناقض معاك ولقيت فيها عربيات و العملية وسعت وبقى فيها راس مال ضخم ايه يعنى ابدأ انتا على قدك بمالك اللى معاك وعافر شوية فى السوق وزود تسويقك شوية هيطير النوم من عينك وهيزيد تفكير وهتنفد جهودك بس هتلاقى نتيجة ذلك بعد كده وهتنسى كل التعب اللى تعبته فى حياتك لما هتفرح بنجاحك انزل بقى السوق وابدأ وصاحب الناس وكبر فكرتك ومشروعك حتى لو هتبدأ على أدك و تأجر عربية فى البداية او تشوف حد زيك كويس وهمته عالية وتشاركه وتكبر وتكبره معاك وتوكلوا على الله وسوقوا مشروعكم بنفسكم فى الأول واجروا وعافروا فى السوق واشتغلوا وادوا مشروعكم وحلمكم كل ما تملكوا من مال ومجهود فى سبيل تحقيق الهدف صدقنى إن شاء الله بمنه وفضله وكرمه سبحانه وتعالى القادر على كل شىء وبالدعاء لله هتكبر وتكبر غيرك معاك وياما ناس وانتا خبير بكده كانت ملهاش اصلا زى ما بيقولوا فى الطور ولا فى الطحين وملهاش اصلا فى الشغل مدلعين وبقوا من اصحاب الشركات وياما ناس مكنشى ينفع يبقى مندوب وكل اما يروح لشركة ترفضه وبتوفيق الله وبالعزيمة والإرادة بقى من احسن المندوبين فى السوق ومعروف وله اسمه فى السوق المهم فكرتك اللى فى خيالك وحلمك تحققها وتخليها واقع بين الناس علشان تنجح اما انك تقعد تقول المجال ده مش مجالى يا عم ده انا اشتغل عند الناس احسن واحط الإرشين اللى معاية فى البنك واعيش وربى عيالى يا عم محدش عارف بكرة فيه ايه
اقولك يا عم سيبك من الكلام الفاضى ده اللى لا يودى ولا يجيب وبعدين هو انتا اللى بترزق نفسك ايه انتا هتخرف ولا ايه ده ربنا هو الرزاق ورزقك كده كده مكتوبلك زى موتك تمام انتا ما عليك إلا إنك تسعى وربنا إن شاء الله مش هيضيع جهدك طالما نيتك كويسة ومالك حلال وبتحب أهلك وعيالك والناس وبتحب الخير لكل الناس توكل على الله وادخل فى مشروعى او مشروع غيرى فى مجالنا او فى اى مجال وحط الهدف وادعى ربك وتوكل عليه وابدأ وهتلاقى خير إن شاء الله ماكنت ابدا تحلم بيه عارف ليه لإنك متوكل على الخالق سبحانه وتعالى

يتبع إن شاء الله
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
نبدأ فى مشروعنا على بركة الله
طبعا أى مشروع فى الدنيا بيحتاج لمكان وأى مكان بيبقى ليه مواصفات تختلف من نشاط لأخر
ومشروعنا طبعا عايز مكان يتم فيه التصنيع والمكان عايز مواصفات بس فيه سؤال ممكن يدور فى ذهن كل واحد مننا وهو هل مشروع مثل الفنيك بيتعمل داخل المدن والقرى ولا لازم يكون خارج المدن فى المناطق الصناعية أقولك طبعا ده حسب البلد اللى انتا فيها والمحافظة التابع لها ونظام المجلس المحلى او مجلس المدينة اللى انتا فيها ومتطلباته فكل مكان بيختلف عن الأخر فى نظام مجلسه المحلى اللى فيه وقوانينه يعنى مثلا عندنا فى الأرياف وفى كذا محافظة قريبة من بعض
شركات كتيرة كبيرة ومعروف منتجها فى السوق منتج الفنيك يعنى ومصنعها جراج تحت عمارة وداخل القرية وفى شارع ضيق ووسط سوق أكثر من 5 شركات على هذا النظام ومرخصين طبعا زى صور جايبهالكم لمصنع من الشركات دية سوف ارفع لكم صوره هتلقوه تحت عمارة وعبارة عن جراج
فنرجع ونقول ده قلنا حسب نظام مجلس الحى او المدينة اللى انتا فيها وقوانينه فكل بلد وليها نظامها وأيضا كل مجلس وليه نظامه لإنه قد يكون داخل المدينة الواحدة او القرية الواحدة مجلسين او اكثر مثل حى اول حى تانى حى تالت فكل حى داخل المدينة الواحدة او داخل القرية الواحدة وله نظامه وهكذا فكل مجلس وليه نظامه وكل موظف وليه نظامه ممكن يكون موظف معقد وموظف طيب ومتساهل المهم كده كده إن شاء الله فيه رخص لمشروع الفنيك علشان تتطمن المهم اسعى انتا فى الرخصة علشان بتاخد وقت شوية من 4 إلى 6 شهور وممكن تزيد شهر ولا شهرين كمان كل ده برده حسب نظام الحى او المجلس اللى انتا فيه فى بلدك وحسب موظفينه كمان متساهلين ولا معقدين وطبعا برده مسألة الرسم الهندسى للمصنع اللى بيتعمل فى المجلس المحلى برده والمعاينة اللى بتطلع معاك ويطلب منك حاجات داخل المصنع برده ده بيختلف من بلد لبلد وبرده تبع نظام المجلس اللى فيها ونظامه وحسب الموظف اللى هيعاين المكان ويرسملك رسم هندسى ويقلك عايز كذا هنا وعايز كذا هنا افتحلى منفذ تهوية او متفتحش كل شخص وليه نظامه وكل بلد وليها نظامها المهم :
طبعا انا مش متذكر اوراق الرخصة وإجرائتها بس اللى فاكره انك
خطوات الرخصة كالأتى
صورة عقد الإيجار _ صورة البطاقة الضريبية _ كشف ربط العوايد من الضرائب العقارية _ صورة البطاقة الشخصية _ رسم هندسى _ كشف تكاليف والجهات الحكومية اللتى هتروح لها علشان ترخص منها هى 1_ إدارة الاستثمار بالموافقة وقبول طلب الإقامة فى حالة ما اذا كان المكان المراد انشاء المشروع فيه داخل المجتمعات العمرانية
2_ إدارة التراخيص بالموافقة وقبول طلب الإقامة فى حالة ما إذا كان المكان المراد انشاء المشروع فيه داخل المدن او المحافظات
اما بالنسبة للأوراق المطلوبة انا مش متذكر ولكن انا هأنقل لكم كلام الأخ أكرم السابق تقريبا هو نقل كل شىء عن الترخيص وما يتعلق به بالنص

كلام الأخ : أكرم
أول حاجة بتعمل بطاقة ضريبية وسجل تجارى وخطواتها هى :
كيفية استخراج البطاقة الضريبية

المستندات المطلوبة لاستخراج البطاقة الضريبية :
1_ طلب استخراج البطاقة الضريبية ( لدى الوحدة )
2_صورة من عقد الإيجار أو التمليك مثبت به التاريخ أو موثق من الشهر العقاري
3_صورة البطاقة الشخصية /العائلية /الرقم القومي لصاحب المنشأة وللشركاء إن وجد
4_صورة من عقد الشركة إن وجد
5_صورة من إيصال تأمين عداد الكهرباء

على أن تقدم أصول جميع المستندات للإطلاع.
خطوات استصدار البطاقة الضريبية :
1_ يتقدم صاحب المنشأة بطلب الحصول على الخدمة إلى موظف الاستقبال ( الطلب موجود لدى موظف الاستقبال) وهو مجانى ثم ملء بياناته ثم يرفق بالطلب صورة ضوئية للمستندات المذكورة عاليه

2_يقوم موظف الاستقبال بتسجيل بيانات صاحب المنشأة وتوجيهه إلى مندوب مصلحة الضرائب داخل الوحدة

3_يقوم صاحب المنشأة بملء نموذج طلب إصدار البطاقة الضريبية ويرفق به المستندات المطلوبة

4_يقوم مندوب مصلحة الضرائب بمراجعة الطلب والمستندات ويحدد موعداً لتسليم صاحب المنشأة شهادة تفيد فتح الملف الضريبي للتعامل بها لحين إصدار البطاقة الضريبية

5 _ يتم فتح ملف ضريبى يعطى له رقم وهو ذات الرقم الذى يسجل على البطاقة الضريبية

6_يراجع صاحب المنشأة الوحدة خلال شهر لاستلام البطاقة الضريبية بعد إصدارها




كيفية استخراج السجل التجاري

المستندات المطلوبة لاستخراج السجل التجاري :
1_ طلب استخراج سجل تجارى ( لدى الوحدة )
2_صورة من عقد الإيجار أو التمليك مثبت التاريخ أو موثق من الشهر العقاري

3_صورة البطاقة الضريبية أو شهادة تفيد فتح ملف ضريبي

4_صورة البطاقة الشخصية /العائلية /الرقم القومي لصاحب المنشأة وللشركاء إن وجد

5_صورة من عقد الشركة إن وجد
6_شهادة المزاولة من الغرفة التجارية وهو ترخيص بمزاولة التجارة
على أن تقدم أصول جميع المستندات للإطلاع.
خطوات استصدار السجل التجاري :
1_ يتقدم صاحب المنشأة بطلب الحصول على الخدمة إلى موظف الاستقبال ( الطلب موجود لدى موظف الاستقبال)
2_يقوم موظف الاستقبال بتسجيل بيانات صاحب المنشأة وتوجيهه إلى مندوب مصلحة السجل التجاري داخل الوحدة

3_يقوم صاحب المنشأة بملء نموذج طلب إصدار السجل التجاري ويرفق به المستندات المطلوبة

4_يقوم مندوب مصلحة السجل التجاري بمراجعة الطلب والمستندات ويحدد موعداً لتسليم السجل التجاري لصاحب المنشأة

5_يتقدم صاحب المنشأة للوحدة بعد المدة التى حددها فى الخطوة السابقة لاستلام السجل التجارى

للحصول على ترخيص المصنع يستلزم الاتى:
1- الحصول على السجل التجارى
2- الحصول على صورة من عقد الإيجار أو التمليك مثبت التاريخ أو موثق من الشهر العقاري
3- الحصول على بطاقة ضريبية
ويتم تقديم طلب للحصول على الموافقة الى ادارة التراخيص وسيتم خلال 24 ساعة الحصول على الموافقة المبدئية وبعد فترة سيتم الحصول على الموافقة النهائية

يتبع إن شاء الله
 
إنضم
15 أكتوبر 2007
المشاركات
51
مجموع الإعجابات
0
النقاط
0
جزاك الله عنا خير علي المعلومات الجميلة وانا والله كنت عوز اعرف منين تاتي المواد المصنعة للفنيك والحمد لله عرف
شكرا علي المجهود ده
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
أرجوا أن يساعدنى أحد فى كيفية رفع الصور الموجودة على جهاز الكمبييوتر إلى المنتدى لإنى حاولت أن أرفع لكم الصور المتعلقة بمصنع من مصانع الفنيك ولكن دون فائدة
أرجوا الرد سريعا حتى يكون موضوعى الذى أكتبه فى تسلسل
وجزاكم الله خيرا
 

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
طيب هذه صورتين إحاطة بمصنع من مصانع الفنيك على سبيل تجربة رفع الصور على الموقع وإن نجحت سأرفع لكم باقى الصور
وهذا المصنع عبارة عن مخزن معقول المساحة مساحته تقريبا 70 متر تحت مبنى سكنى فى أحد القرى مكون من جزئين كما ترى فى الصورة الأولى عبارة عن جزء خارجى يوضع فيه الكراتين والعبوات الفارغة اللتى فى الشكاير كما ترى ويوضع فيه أيضا الكراتين الفارغة والكراتين بعد تعبئتها
والجزء الثانى الداخلى للمصنع يتم فيه التصنيع والتعبئة كما ترى فى الصورة الثانية

الصورة رقم ( 1 )

hhhhhhhhhhhcu4.jpg



الصورة رقم ( 2 )


reco0029oc8.jpg


 
التعديل الأخير:

ممدوح الجيار

عضو جديد
إنضم
6 مايو 2006
المشاركات
134
مجموع الإعجابات
9
النقاط
0
المعدات المطلوبة فى مصنع الفنيك :

أولا : يا إما هنعمل خلاطة نضرب فيها كما ذكرتها قبل ذلك فى موضوعى السابق وكده كده إن شاء الله هتكلم عليها تانى بشىء من التفصيل مع رفع صور لها هنا
ثانيا_ ويإما هنضرب فى براميل لإنى لجأت إليها فى الأخر بعد أما الخلاطة الماتور بتاعها اتحرق وكانت عايزة شوية تظبيط من جوة والبراميل هتبقى مجدية للى لسه بادىء فى هذا المشروع هتديله خبرة جامدة فى التصنيع وعن تجربة.
يبقى المعدات المطلوبة هى :
1 _ براميل صاج مجلفن اللى هى البراميل الفضية أو البراميل العادية اللى بيتعبى فيها فازلين او بتاعة الزيت بتاع العربيات جيب اللى تقدر عليه البرميل بيسع 200كيلو وزيادة شوية قول بتاع 220 كيلو المهم هتجيب نقول مثلا 16برميل ولا حاجة مش هيخسر طبعا هما بيجوا مقفولين بالطبات بتاعتهم بنجبهم من اى بنزينة أو من بتوع غيار الزيت للعربيات او من اللى بيتاجروا فى البراميل والجراكن والعبوات الفارغة بعد اما ياخدوها من المصانع ويغسلوها بيبعوها المهم فيه منهم براميل بتيجى مقفولة بطباتها واحنا بنفتحهم زى براميل زيت العربيات او بنجيب براميل مفتوحة جاهزة بالغطيان بتاعتهم والأفيز بتاعهم زى براميل الفازلين المهم هناخدهم نشطفهم كويس من جوة بماية سخنة او نملاهم ماية ونغليها على النار علشان تسيح المواد الى فيه ونسيبهم فى الشمس علشان لو كان فيهم حاجة من جوة غير الزيت تسيح وتنزل المهم نشطفهم كويس فى الآخر بأى طريقة المهم ينظفوا من جوة وتكلفة البرميل انتا وشطارتك فى السعر سواء جبتهم من بتاع زيت العربيات من بنزينة من اللى بيبيع البراميل والجراكن انا عامة جبتهم ب60 جنيه الواحد وطبعا انتا مش هتجبهم كلهم مفتوحين او لو جبتهم كلهم مقفولين مش هتفتحهم كلهم علشان مش كل البراميل هنفتحها فى الشغل فيه هنفتحه خالص علشان هنضرب فيه زى اللى فىالصورة رقم (1)
وصورة رقم (2)
فيها برميل مفتوح كان متعبى فيه فازلين بيجى بالغطاء بتاعه وده أفضل براميل اشتغلت فيها
وفيه من البراميل اللى هنجيبه مقفول زى ما هو بطباته علشان هنجيب فيه خامات من شركة الكوك كما فى صورة رقم (3 ) ورقم ( 4 )

صورة رقم (1)

49132648zh6.jpg


صورة رقم (2)


derereuy0.jpg




صورة رقم (3 ) ورقم (4 )


fffffffffffffffffffffffvf6.jpg



hhhhhhhhhhhcu4.jpg

 
أعلى