إستشارة ترميم سقف بدروم

mecko

عضو جديد
إنضم
3 أبريل 2015
المشاركات
3
مجموع الإعجابات
0
النقاط
0
السلام عليكم يا باشمهندسين

انا مش مهندس وعندي استفسار

ذهبت لإستشاري هندسي علشان اعرض عليه مشكلتي (بعد ما رفض يجي يعاين) وهي:

مكان المشكله: (حمام ومطبخ وطرقه في باكيه واحده وحوائط الفصل غير مدعومه بأكمار طبعا) عمرها اكتر من 15 سنه
المشكله: تصدع في ارضيه باكية الحمام والمطبخ من الاسفل (سقف البدروم) للدور الاول علوي (الدور الثاني) والتصدع كبير لدرجة ان الحديد المسلح ظاهر من الوسط ومقطوم منه سيخين (بفعل الميه من الحمام وقدم المبنى نسبيا، عمر البناء حوالي 30 سنه)

وطلبت من المهندس يقولي على حل بحيث يتوفر فيه التفضيلات الاتيه:
حل سريع، لا يجب ان يدوم طويلا (هنزيل خلال بضع شهور قلت او زادت) غير مُكلف نسبيا، ومش مهم نعمل عمدان (جمع عامود) في البدروم نهائيا
فقالي قدامك حلين
2عامود 4 طوبه يصل للسقف وينتهي من الاعلى بصفيحه حديديه 2×2 للمطبخ، و2×1 للحمام، سمك 5 ملم في منتصف الحمام ومنتصف المطبخ، وحوائط حامله اسفل الحوائط غير المدعومه بكمره

او 2 عامود مسلح ينتهي من الاعلى ببلاطه مسلحه بنفس الابعاد ونفس السمك بدون حوائط حامله اسفل الحوائط غير الدعومه

لما سألته عن السعر قالي معرفش والاسعار متغيره ورفض يديني حتى اسعار تقريبيه

السؤال بقى:
هل الحلول دي كويسه ولا في حل تاني؟
بالنسبه للاسعار التقريبيه لكل حل هيتكلف كام تقريباً؟

مشكورين مقدما وربنا يجعله في ميزان حسناتكم يارب
 
التعديل الأخير:

مواضيع مماثلة

Civil Ahmed Ragab

عضو معروف
إنضم
15 أغسطس 2009
المشاركات
3,193
مجموع الإعجابات
1,903
النقاط
113
كم ابعاد باكية الحمام او المطبخ او الطرقة ؟
 

allam habsa

عضو جديد
إنضم
2 يونيو 2009
المشاركات
29
مجموع الإعجابات
4
النقاط
0
سلام عليكم اخى السائل الكريم .. طبعا مفيش حد يقدر يحل المشكلة بدون معاينة ولكن اجتهادا من كلام حضرتك ده صدأ حديد نتج عنه انفصال الغطاء الخرسانى اسفل حديد التسليح وظهور شبكة الحديد وعلى حسب كلام حضرتك ان الصدأ وصل الى درجة كبيرة حتى ان الاسياخ انفصلت .. من وجهة نظرى الحل الامثل هو ازالة السقف الذى به صدأ وترك طرف رباط فقط من شبكة الحديد القديمة مع صنفرة الحديد القديم ودهانه بمادة عازلة ومانعة للصدأ وعمل شبكة حديد جديدة وصب السقف مرة اخرى فى رائى اى حل اخر هو مجرد مسكنات وربنه يوفقك ويقويك حيث التكلفة تكون كبيرة لانها العمل كله بيتاخد مقاولة او مقطوعية مفيش تكيب ولا سعر محدد للمتر
 

mecko

عضو جديد
إنضم
3 أبريل 2015
المشاركات
3
مجموع الإعجابات
0
النقاط
0
السلام عليكم،
قبل اي شئ حابب اشكر جميع المهندسين اللي شرفوني بالرد وربنا يجعل المساعده دي في ميزان حسناتكم
انا رجعت اتصلت تاني بالمهندس الفاضل ألح عليه يجي يعاين وعرضت عليه مقابل فوق المجزي، لكن الظاهر انه مشغول جدا وربنا يكون في عونه وعوني وعون كل الناس يارب..

الحمد لله انا صورت النهارده السقف من البدروم

بالنسبه للباشمهندس: الحاج فوزي البنا وللجميع الصور في اخر الرد

بالنسبه لإستفسار الباشمهندس: Ahmed Ragab فالابعاد التقريبيه هي:
الباكيه ككل حوالي 5×5، فيها كمره طوليه لإنشاء الطرقه ولكنها غير مستغله (مش مبني تحتها حائط، الحائط مبني جنبها لتوسعه المطبخ)
المطبخ فقط حوالي 3×3.5 اذا مكنش اصغر شويه
الحمام حوالي 5×2
الطرقه تنتهي عند باب الحمام ودي 3×1.5

بالنسبه للباشمهندس: allam habsa
اكيد يا باشمهندس ده الحل الامثل والاسلم، لكن ارجو تكون حضرتك تنبهت للتفضيلات في الحلول المطروحه، وخصوصا ان البيت على وشك الازاله، بنتكلم في شهور زادت او لم تزد، يعني في خلال 3 سنوات على اقصى تقدير هنكون عزلنا وتمت ازاله العماره بالكامل
فأعتقد ان الحلول المسكنه (فقط لإعطاءنا الفرصه للمغارده) هتكون احسن في الوقت والمجهود والمال

الصور اهي يا باشمهندسين:
i.imgur.com/gzZoARF.jpg
i.imgur.com/AB4Ost7.jpg

انا ممنوع من اضافه الروابط لاني لسه مسجل جديد، بستسمح حضراتكم تاخدوا الروابط نسخ ولصق (Copy and paste)

اخيرا: حابب اضيف ان الوضع ساء ببطئ لاكتر من 10 سنين، ولولا ستر ربنا البيت قديم، استحمل الوضع ده والحمد لله كما مبين في الصور قدام حضراتكم موصلناش لمرحة هبوط الارضيه (او سقف البدروم) من المنتصف

منتظر مساعدتكم، وشاكر مسبقا لكل واحد من حضراتكم يجازيكم عني وعن الجميع خير وفضل من عنده اللهم امين يارب
 

Civil Ahmed Ragab

عضو معروف
إنضم
15 أغسطس 2009
المشاركات
3,193
مجموع الإعجابات
1,903
النقاط
113
gzZoARF.jpg


AB4Ost7.jpg


اعتقد انك ممكن تستخدم راى الاستشارى .. بعمل عمودين من الطوب - ارخص شوية .. العمود الخرسانة هيبقى بهدلة .
وحاول تلاقى نوعية كويسة من الطوب تشيل احمال شوية..
ولكن من وجهة نظرى بدل الصفيحة . حاول تدور على كمرة حديد وتكون فوق العمودين بحيث انها تشيل السقف شوية .

10544418_434166173414295_8998699240856498231_n.jpg


Steel-IBeam.jpg


وبرده وحوائط حامله اسفل الحوائط غير المدعومه بكمره .. او تحمل الكمرة برده على كمرة حديد

10544418_434166173414295_8998699240856498231_n.jpg


10405399_434166146747631_8278044540205817167_n.jpg


ووجهة نظرة بره ارجع للاستشارى ده .. وصور صور كويسة وواضحة واطبعها الوان وراجع ليه .. بس ليطمئن قلبك ..
والحل تكلفته مش هتكون كبيرة ان شاء الله .. وطبعا لو الازالة يفضل ان تكون فى اقرب وقت .
 
إنضم
13 يناير 2009
المشاركات
599
مجموع الإعجابات
59
النقاط
0
الموضوع سهل وبسيط
ازالة الحديد والخرسانة المتضررة
عمل عمل تسليح كالموضح بالصور
المهم هو زرع shear stud لمقاومة القص بين السقف الجديد والقديم
وهي عبارة عن اسياخ قطر 16 ملم تزرع راسيا بالايبوكسي ببلاطة السقف القديم بواقع 20 قطعة بالمتر المربع
يتم تلبيش السقف بمونة اسمنت ورمل وسن 3/16 علي عدة طبقات
Picture1.jpgPicture2.jpgPicture12.jpg
 

mecko

عضو جديد
إنضم
3 أبريل 2015
المشاركات
3
مجموع الإعجابات
0
النقاط
0
الساده المهندسين الكرام، جزاكم الله عني وعن الجميل الف خير، والله انكم بفضل الله فرجتوا كربي وهمي بعد ما كانت الدنيا اسودت في وشي

الباشمهندس: Ahmed Ragab هطبع الرد بتاع حضرتك بالصور وبتاعت الباشمهندس الحاج فوزي البنا وهرجع للإستشاري تاني كما نصحتني
وبشكر حضرتك جزيل الشكر على تكبد عناء الرد، وعلى النصائح الغاليه ووضع الصور في الرد، وربنا يكرمك يارب اللهم امين
وعندي استفسار لحضرتك وارجو اني مكنتش بأُثقل عليك،
هل ينفع اجيب مثلا عدد 3 كمرات بطول كبير بحيث يتم زرعها في الكمرات المسلحه، وتحتها ادعم كل كمره بعامود طوب من النوع الكويس زي ما حضرتك نصحتني؟، ولا عامودين باطوال قصيره نسبيا فوق عامود (لتشكيل شكل بيه بحرف T) الطوب يكفي؟

الباشمهندس: الحاج فوزي البنا، ده هيحتاج عمال انواعهم ايه؟، لاني كفكره مبدئيه فكرت اني استعين عامل بناء فقط، ولو مشيت برأي الباشمهندس Ahmed Ragab فأعتقد ان عامل البناء يقدر يحط الكمرات الحديديه، لكن اعتقد ان حل حضرتك محتاج اكتر من تخصص، فياريت تتكرم بإفادتي بالعمال المطلوبين
وطبعا بشكر حضرتك جزيل على تكبد عناء الرد وعلى تقديم الحلول ومحاولة المساعده، وربنا يجزايك عني كل خير يارب اللهم امين
 

حسين الصغير

عضو جديد
إنضم
12 ديسمبر 2008
المشاركات
176
مجموع الإعجابات
6
النقاط
0
السلام عليكم
ممكن حضرتك تشوف هو الصدأ وصل لكام % من قطر السيخ .. يعنى هتشوف فرشه سلك وتصنفر واحد من الاسياخ علشان دا هيفرق
وبعدين عاوز اوضح لحضرتك حاجه لازم تعالج المشكله اللى خلت السقف يحصل له كدا لانك بعد ما تدعم هيحصل نفس اللى حصل تانى للسقف
ودا اكيد بسبب مشكله رشح المياه
 
أعلى