تجربة امتحان pmp ناجحة ...it's easy ....you can do it ...trust your self

أبو الهمايم

عضو جديد
إنضم
20 أغسطس 2009
المشاركات
14
مجموع الإعجابات
1
النقاط
0
السلام عليكم ورحمة الله وبركاته ..
الحمد لله الذي بنعمته تتم الصالحات .......من فضل الله عز وجل اجتزت الأاسبوع الماضي امتحان pmp

بصراحة أكل مني الكثير من الجهد والاعداد ...تقريباً ثلاث اشهر عمل متواصل ....ولكن لذة النجاح والشعور بالإنجاز رااااااائعة .....يذهب بعدها ألم الجهد والتعب ويتحول للذة .......


وضعت الشهادة هدف لي ....لن أتنازل عنه .....جعلته هدف واضح ومكتوب ...علقته في غرفة نومي ..وخلفية سطح الكمبيوتر الشخصي ...
جهزت طاولة دراسة مع جو دراسة خاص في المنزل ......
كل يوم أرجع من العمل ..قيلولة صغيرة .وأبدأ بالدراسة من بعد صلاة العشاء حتى الثالة فجراً تقريباً .....
ربما أخذت الدراسة جهد مني أكثر من بعض الزملاء المشاركين هنا في المنتدى ....لسبب اللغة .....
أنتهزتها فرصة لرفع مستوايي باللغة .....بصراحة فرصة راائعة لرفع المستوى باللغة الانكليزية ....ريتا شغلة كبيرة اسلوبا رااااااائع ..........


نصيحة لا تشتت حالك ريتا بتكفي وبتوفي ...وكما يقال بالعامية ..(الحجة ريتا عاملة بهالمجال متل شيخ الكار) ....فليش لتشتت حالك ......خلص خود من النبعة فوراً ....

ريتا وبي ام بوك كافين .......بس لازم دراسة عميقة ....
أنا بصراحة فصفصت ريتا ...ولخصت الكتاب كاملن بأسلوبي .....مع الدمج بالبي ام بوك .........
سمعت سي دي ريتا الصوتي شي مليون مرة .....حطيتو بالسيارة وكل يوم ع طريق شغلي عم اسمعا لحتى عششت بعقلي الباطن من جوا .......وبصراحة كتير استفدت منو ووفرت عليي كتير أوقات للدراسة ....نصيحة مفيد جدن..
ما حليت كتير اسئلة متل ما الكل نصحني .....وماعملت ولا اختبار حقيقي بنفس المدة متل ما الكل بيحكي .....وما دفعت ولا فرنك حق اسئلة وبنصح الكل يعمل هيك ...مابدا الشغلة ...ركز ع الكواليتي تبعت دراستك واسئلتلك أكتر من الكوانتتيتي ..مع إنو الكوانتتي مهمة أكيد ..


اسئلة ريتا pm fast track 7 كافية ووافية .........مانك بحاجة لغيرا ...

لازم تحدد موعد الامتحان وتدفع مشان تحس بالدافع وتلتزم ........
الزم نفسك بموعد الامتحان ولا تتردد كتيييير ...ولا تفكر تغيرو .بس لازم تكون منتقي الموعد بعناية ...بحيث لا يتعارض مع مواعيد شغلك ......
حاول يكون بمنتصف الأاسبوع ..أنا عملت الامتحان الاثنين ...ما كان في غيري بقاعة الامتحان مع شخص تاني .......
هاد عامل مهم جدن بالتركيز وقت الفحص ........صدقن وقت يفتح الباب انزعج من كل قلبي وافقد شوي من التركيز ..ما بالكون لو في كتير عالم بدون يقدمو ...ممكن جدن يأثرو ع تركيزك ..........أغلب الناس بتفكر تاخد الامتحان يا بنهاية الاسبوع يا بأولو مشان يستفيدو من ايام العطلة بالشغل ..وهاد الشي يلي بيعمل زحمة وبيزعجك ....


البي ام بي ...مهمة جدن ...وإنتي بذلت جهد كبير مشانا ...مستاهلة تاخدلك إجازة كم يوم مشان تحق هالانجاز الهام بحياتك العملية والمهنية .. أنا أخدت بس يومين بالأإضافة للخميس والجمعة ....


أنهيت دراسة المنهج كامل مع التلخيص ..المصدر فقط ريتا وبي ام بوك ...وشوية دروس فيديو ل كورنيليوس فيشنر ....هالشي معبى ع النت ...يعني بس بالشغلات يلي بتحسا مستعصية عليك بالفهم .......أنا بصراحة ال procurements ,risk كانو أمقت شي بالنسبة إلي لإنو بشغلي ما كتير متعامل معون ....أنا كان إلي احتكاك الكواليتي من قبل فما واجهت فيا صعوبة ...وأكيد التايم بالنسبة لمهندس والجدولة يفترض يكون مألوفة .....

وسبحان الله معظم الاسئلة أجتني من الريسك والمشتريات .....
بس الحمد لله رب العالمين الله يسرا ......

المهم ....نصحيتي لأخواني ...أثناء الدراسة وقبل الامتحان :

1-خلي حماسك عالي وابتغي الأأجر من الله ونشر هالعلم بين أخوانك ...لا تتنزال عن هدف الشهادة ...للأاسف أنا بعرف كذا شخص من أصدقائي راغبين بالشهادة وتحصيلا منون خضعو للدورة وتحملو تكاليفا ...ومنون بلشو فعلن بالدراسة بس ما كملو وتراخو وبردت الهمة ....خلي حماستك مشتعلة وأخلق جو دراسة حواليك ..واربط الانجاز بجدول زمني ..
2- قرا تجارب الناجحين بتحمسك ..واستفيد من أخطاء الفاشلين ...بصراحة هالموقع والمنتدى كتير فادني الله يجزيكون الخير ...طبعت كذا موضوع ومشاركة لأشخاص نجحو أو فشلو ...وصرت أقراهون كل يوم أو كل ما فترت همتي مشان أرجع اشحن حماسي مرة تاني ..

3- استمتع بالدرس يلي عم تدرسو ..علم رائع بيرفع مستواك وبيرقيك ...وهالشي رح ينعكس ع بلدك وأمتك إنشالله ...
4- خليك شجاع وقدم الامتحان ...ما ضروري تكون جاهز مليون بالمية قبل الامتحان ......شو أسوأ شي ممكن يصير؟؟ ...ترسب بالامتحان وتخسر الخمسمية دولار!! ...طز بالخبر بتكون كسبت خبرة مهمة وصدقني ربحك أكبر من خسارتك ......

5- لا تشتت حالك ..ريتا بتكفي ...مع البي ام بوك ..أنا البي ام بوك ما قريتو كلو بصراحة ..بس كنت قارن ريتا معو وقت حس في شي منقصتو ريتا أقرا من البي ام بوك .....وخصوصي المدخلات والمخرجات ريتا مخربطتون ببعض بالبي ام بوك مصنفين ومرتبين ..بعدين حاول تعمل حفظ مبدئي للمدخلات والمخرجات ...ما المطلوب منك حفظ بصم ..بس لازم يكون في شيء من الحفظ البسيط مع الفهم العميق بيوفر عليك وقت تحليل بالامتحان ..أحيانن بكون استدعاء معلومة حفظية أسرع من تحلي منطقي للوصول للجواب ...

6- بشكل عام المعادلات يلي بتجي سهلة ..لا ترتهق منا وتخاف ...ونفس الشي الجداول ....
7- رفيقي قدم قبلي الامتحان بكم يوم ..قلي إجتو الاسءلة قصيرة ...سبحان الله أنا إجتني جرايد ....الحمد لله ...الله هداني لطريقة بالامتحان ...وقت شوف السؤال جريدة وطويل روح اقرا نص السؤال بالعربي ...بعدين أقرا الخيارات بالانكليزي ...لإنو في الغالب السؤال الجريدة بكون ما كلو لازملك وللتشتيت فلا تروح وقتك فيه ..العربي بيعطيك الفكرة العامة ..بعدين بترجع بتقرا آخر سطر من السؤال مع الخيارات بالانكليزي .....

8- لا تعتمد خلال تحضيرك نهائي ع العربي أو مواد عربية نصيحة ...لإنو للأسف مانو متعوب ع تعريب هالعلم صح وفي خلاف كتير بالمصطلحات( اصحاب المصلحة stakeholder , بالفحص ترجمتون كانت المعنيين ) لذلك العربي ممكن يشتتك لا تعتمد عليه ..بس متل ما قلتلك بحالة الاسئلة الجرايد الطويلة قد يكون مفيد لتوفير الوقت فقط وخصوصي إذا كانت حالتك شروا حالاتي القراءة بالانكليزي بتاخد معك وقت أكتر من العربي ...أما إذا انكليزتك قوية نار لا تروح وقتك بالعربي بيضيعك ......
يعني في كتير حالات لما اقرا السؤال بالعربي اختار إجابة ....لما اقرا بالانكليزي فورن غير الاجابة ..لإنو الترجمة دلتني ع شي مغاير تمامن ....

9- بالنسبة للاسئلة .اذا كانت دراستك قوية ومتينة فأنتي بحاجة لدعما بأسلوب الاسئلة الامتحاني ..وهالشي ريتا بتعطيك ياه بالسيميوليشن Pm Fast track نزل آخر إصدار واشتغل عليه .......تقريبن تسعين بالمية من الاسئلة إجتني من روح اسلوب اسئلة ريتا .....

أنا حليت أسئلة فقط قبل ب 4 أيام من الامتحان ...بس كنت متفرغ تمامن للموضوع ....أخدت إجازة ..حطيت هالكمبيوتر قدامي وطنجرة قهوة جمبي ...أربع تيام كل يوم فوق العشر طنعشر ساعة حل اسئلة ومراجعة استنفار كامل .......
مسكت الاسئلة بطريق Knowledge areas لإنو بتتيح الك تعرف الجواب الصح شو هوي ..نصيحة قرا تعليل ريتا ليش اختارت هالجواب بعمق ....لإنو بيعطيك طريقة التحليل والتفكير ......
حليت تقريبن بكل نوليدج آريا وسطيا مية لمية وخمسين سؤال ....كان السكور يطلع بين السبعين والخمساوسبعين بالمية ...كان جمبي دفتر اكتب فيه ملاحظات حول الاسئلة يلي أخطأت فيا ..استفدت من هالطريقة كتير ....

10-الامتحان ....يبدأ في الوقت المحدد له ...إذا أتأخرت بتدخل من لحظة وصولك ...يعني أنا امتحاني كان موعد البدء الساعة 8.30 ....يفترض تكون بالقاعة الساعة 8.00 لإنو في نصف ساعة عرض لطريقة الامتحان ..هي بالحقيقة بتاخد ماكسموم عشر دقايق ...والباقي لازم تستغلو بكتابة الدامب شيت ..هي مهمة كتير ..وهيي تفريغ للمعادلات الرئيسية تبعة الكوست ..وللجدول الرئيسي للعمليات ....بتعطيك ثقة بالامتحان ..مع إنو أنا ما لقيت وقت لارجعلون وكل شي كان بعقلي ..بس مع هيك لازم تكتب الدامب شي تبعك بالنصف الساعة الأولى الخاصة بالاستعراض ....أنا دحلت للامتحان 8.15 ..هلشي خطأ لا حدي يعملو ..المهم لقيت ماضي ربع ساعة من الوقت ..يعني النص ساعة التحضيرية صارت ربع ...وهيك كل ما تأخرت الوقت بيروح عليك ..فلا تتأخر ....

11- خطط لوقت أمتحانك ....الامتحان 4 ساعات 200سؤال ....معناتا لازم كل ساعة تحل 50 سؤال ....حاول تقيم أدائك على هالمعيار خلال الامتحان وعلى اساسو يا بتزيد وتيرة أدائك يا بتنقصو ......يعني طبق يلي اتعلمتو بالبي ام بي ع الامتحان خطط ونفذ وعميل مونيتور أند كونترول ورجاع عدل أداءك بتسريع الوتيرة أو تقليلا إذا اقتضى الأأمر .....

12- شغلى تاني ..انتبه أول ما بتفوت ع الامتحان لقعدتك اذا مانك مرتاح طلوب تغيير محلك هاد حقك ......انا المعهد يلي قدمت فيه الامتحان بجدة ...الماوسات يلي عندو جربانين وبطيئين خليتو يغيرلي محلي للقيت مكان مناسب ارتحت ..هالشي كلو بياثر على أداءك ....

13- نصيحة تاني حلوة ..عاهد نفسك ع الصدقة ......متل ما الكل بيعرف إذا رسبت أول مرة وبدك تعيد الامتحان تاني مرة بدك تدفع رسوم الاعادة ...يمكن شي 300 دولاؤ أو ما يقارب ذلك ......انوي بينك وبين نفسك إذا الله يسرلك النجاح من أول مرة أن تتصدق بنفس المبلغ الذي كنت ستدفعه في حال رسوبك لاعادة الامتحان ....بتعطيك دفعة معنوية حلوة إنشالله ...وبيتسير أمرك .......

شعور النجاح والانجاز حلو كتير ..حتى لو شركتك ما كتير اهتمت بالشهادة يلي حصلتا فهيي أكيد رح تدعم السي في تبعك بالأَضاافة للعلم الرائع يلي حصلتو ....
أنا بصراحة بعد تحصيل هالشهادة أتطلع جدياً لماسترز بهالمجال .......مافي أحلى من أنو الواحد يطور مهاراتو ويدعم خبرتو العملية بشي علمي وعملي بنفس الوقت ومعترف فيه عالمياً .......بدا همة وعمل واخلاص .....وأكيد أولاً وآخراً توفيق من رب العالمين .....


الله يوفق الجميع ..ويخترلك الخير .........شد الهمة you can do it .......
 

mortada2012

عضو جديد
إنضم
4 أبريل 2012
المشاركات
13
مجموع الإعجابات
1
النقاط
0
الف مبروك كيفية الحصول علي كتاب ريتا
 

eng-kemo

عضو جديد
إنضم
11 نوفمبر 2008
المشاركات
7
مجموع الإعجابات
1
النقاط
0
ألف مبروك
أنا أنهيت الكورس من حولي شهرين ونصف وتقريباً أنهيت كتاب ريتا
بس حليت بس أسئلة
Pm Fast track
المصنفين حسب كل فصل (حوالي 100-150 سؤال على كل فصل)
هل هذا يكفي للإمتحان أم يجب حل أسئلة أخرى ؟
وما مصادر الأسئلة الأخرى ؟
وهل يمكنني البدء في إجراءات التقديم للإمتحان من الآن أم أنتظر بعد الإنتهاء من حل الإمتحانات
وقد وجدت صعوبة في التسجيل على موقع\
\pmi.org
فهل يمكن المساعدة
آسف على الأسئلة الكثيرة وشكراً مقدما :)
 

engahmedaskar

عضو جديد
إنضم
27 مارس 2012
المشاركات
17
مجموع الإعجابات
1
النقاط
0
السلام عليكم و رحمة الله و بركاته
جزاك الله خيراً علي نصائحك الغالية و نسأل الله أن ينفع بك
لكن سؤال يا اخي من فضلك
حضرتك قولت : "سمعت سي دي ريتا الصوتي شي مليون مرة" كيف يمكن الحصول علي هذا السي دي ؟ ولو عندك لينكات ليها يا ريت تنزلها جزاك الله خيراً :)
مبارك لييييييييك يا اخي
 
أعلى