الى((( مهندسين)))المنتدى ، ياريت الدخول(مستقبل..

Eng.Ahmed Hussein

عضو جديد
إنضم
6 يوليو 2011
المشاركات
11
مجموع الإعجابات
0
النقاط
0
السلام عليكم
انا الحمد لله جبت 97.2 رياضة
حاليا انا فى دماغى حاجات كتير
انا ان شاء الله ناوى مدنى
فعاوز اعرف ايه الكليات الكويسة وخاصة فى القسم دا
للعلم انا ناس كتير كرهتنى فى الزقازيق بتقولى صعبة جداااا وناس كتير بتسقط فيها والدكاترة رخمين ومعقدين
والقاهرة طبعا، انا مبحبش الزحمة والقرف وطبعا الفشل، انتا عارفين ان اللى بيروح القاهرة دا فى الضياع(الا من رحم ربى)
واسكندرية برضك زحمة(رغم ان والدى خريج اسكندرية)وبعيدة جدا عليا لانى عايش فى العريش(انا اصلا من الزقازيق)
انا حاليا مقتنع بحكاية اسماعيلية ايه رأيكم؟
انا بقول جامعة لسه جديدة واكيد الاساتذة صغيرين وهيكونوا متفاهمين وبعدين اسماعيلية مدينة هادئة ومش زحمة ونضيفة وكدا
وانا ان شاء الله عاوز كلية كويسة وفى نفس الوقت مش معقدة لانى نفسى اتعين معيد فى الجامعة ان شاء الله

 

Abd elrahman Fathy

عضو جديد
إنضم
11 سبتمبر 2009
المشاركات
384
مجموع الإعجابات
81
النقاط
0
السلام عليكم اخى الكريم
اولا الف الف مبروك على التفوق فى الثانوية العامة
ثانيا اعتقد انك ملكش توزيع جغرافى يعنى تقدر تدخل اى كلية فى مصر علشان كده بانصحك لو انت داخل مدنى متحاولش تتدخل اى جامعة اقليمية علشان كده ارشحللك عين شمس ثم القاهرة ثم الاسكندرية ثم المنصورة
خدها منى نصيحة وعلى فكرة انا فى جامعة اقليمية لذللك انصحك بما ذكرت ليك
وربنا يوفقك
 

Eng.Ahmed Hussein

عضو جديد
إنضم
6 يوليو 2011
المشاركات
11
مجموع الإعجابات
0
النقاط
0
السلام عليكم اخى الكريم
اولا الف الف مبروك على التفوق فى الثانوية العامة
ثانيا اعتقد انك ملكش توزيع جغرافى يعنى تقدر تدخل اى كلية فى مصر علشان كده بانصحك لو انت داخل مدنى متحاولش تتدخل اى جامعة اقليمية علشان كده ارشحللك عين شمس ثم القاهرة ثم الاسكندرية ثم المنصورة
خدها منى نصيحة وعلى فكرة انا فى جامعة اقليمية لذللك انصحك بما ذكرت ليك
وربنا يوفقك
مظبوط مفيش توزيع جغرافى لينا بتوع شمال سيناء
بس اشمعنا ابعد عن الجامعات الاقليمية؟؟
انا والدى مهندس مدنى برضك،
بيقولى المهندس المدنى الخريج اى جامعة بيتشغل وشغل كويس
مش عارف بقى اعمل ايه،
للعلم انا كل زمايلى داخلين القاهرة، بس طبعا علشان البنات والكلام الفاضى
وانا صراحة مش بتاع الكلام دا، فأنا خايف من الحكاية ديت،:80:
 
التعديل الأخير:

Abd elrahman Fathy

عضو جديد
إنضم
11 سبتمبر 2009
المشاركات
384
مجموع الإعجابات
81
النقاط
0
مظبوط مفيش توزيع جغرافى لينا بتوع شمال سيناء
بس اشمعنا ابعد عن الجامعات الاقليمية؟؟
انا والدى مهندس مدنى برضك،
بيقولى المهندس المدنى الخريج اى جامعة بيتشغل وشغل كويس
مش عارف بقى اعمل ايه،
للعلم انا كل زمايلى داخلين القاهرة، بس طبعا علشان البنات والكلام الفاضى
وانا صراحة مش بتاع الكلام دا، فأنا خايف من الحكاية ديت،:80:

بص يا ابو حميد
كله بيشتغل اه لكن مش كله نفس التعليم ونفس السمعة ونفس الامكانيات
البنات والكلام الفاضى ده موجود فى اى جامعة وخصوصا فى كليات الهندسة "ربنا يعفينا ويعفيك"
انا زى ما بقوللك كده ده الافضل والاحسن والله الموفق
 

Eng.Ahmed Hussein

عضو جديد
إنضم
6 يوليو 2011
المشاركات
11
مجموع الإعجابات
0
النقاط
0
بص يا ابو حميد
كله بيشتغل اه لكن مش كله نفس التعليم ونفس السمعة ونفس الامكانيات
البنات والكلام الفاضى ده موجود فى اى جامعة وخصوصا فى كليات الهندسة "ربنا يعفينا ويعفيك"
انا زى ما بقوللك كده ده الافضل والاحسن والله الموفق
يعنى انتا اصدك انها هتفرق سواء فى راتب شهرى وكدا يعنى؟
يعنى هندسة القاهرة ان شاء الله واتوكل على الله؟
----------------------
طب هو هندسة القاهرة بتعين معيدين؟؟
يعنى ممكن ربنا يكرمنى واشد حيلى واتعين؟
ولا نظام القاهرة وسايط ومحدش بيتعين غير ابناء الدكاترة؟
 
التعديل الأخير:

hamadota

عضو جديد
إنضم
11 مايو 2009
المشاركات
136
مجموع الإعجابات
13
النقاط
0
ياعم عين شمس يا القاهرة يا اسكندرية..عموما اى جامعة تخرجك ويبقى اسمك مهندس مدنى كلهم اساتذة محترمين فى اى جامعة وكلهم بيدرسو نفس المادة العلمية ..كله زى بعضه فى الشغل المهم انك هتطور من نفسك بعد التخرج ولا لاء..ده اللى بيفرق مع اى صاحب شركة ولو عايز تبقى مهندس شاطر نصيحتى خليك تعالى هنا المنتدى كتير قرب من الجانب العملى واتعرف على شغلك فى المستقبل من دلوقتى ..هتلاقى نفسك على ماتتخرج بقيت احسن من خبرة خمس سنين شغل ..وبالنسبة للبنات لو انت مابتسعاش وراهم ماتخافش مش هييجو نحيتك ياعم حتى لو انت شبه هانى سلامة ..انت ودماغك بقى عاوز تبقى بتاع مزاكرة ودح ..هتلاقى زيك كتير تصاحبهم تحضر محاضراتك وتروح ..عاوز تقضيها فرفشة مع رحلات ومزاكرة هتلاقى برضو ..اللى فى نفسك فيه هتلاقيه وانت ونيتك بقى ..مع انى شايف انك تعيش حياتك وشبابك .وماتهملش برضو مذاكرتك فى نفس الوقت .احلى ايام ايام الجامعة والكلية ..ايام مش هتتعوض ..حاول تستمع بيها بقدر الامكان ..
 

Eng.Ahmed Hussein

عضو جديد
إنضم
6 يوليو 2011
المشاركات
11
مجموع الإعجابات
0
النقاط
0
ياعم عين شمس يا القاهرة يا اسكندرية..عموما اى جامعة تخرجك ويبقى اسمك مهندس مدنى كلهم اساتذة محترمين فى اى جامعة وكلهم بيدرسو نفس المادة العلمية ..كله زى بعضه فى الشغل المهم انك هتطور من نفسك بعد التخرج ولا لاء..ده اللى بيفرق مع اى صاحب شركة ولو عايز تبقى مهندس شاطر نصيحتى خليك تعالى هنا المنتدى كتير قرب من الجانب العملى واتعرف على شغلك فى المستقبل من دلوقتى ..هتلاقى نفسك على ماتتخرج بقيت احسن من خبرة خمس سنين شغل ..وبالنسبة للبنات لو انت مابتسعاش وراهم ماتخافش مش هييجو نحيتك ياعم حتى لو انت شبه هانى سلامة ..انت ودماغك بقى عاوز تبقى بتاع مزاكرة ودح ..هتلاقى زيك كتير تصاحبهم تحضر محاضراتك وتروح ..عاوز تقضيها فرفشة مع رحلات ومزاكرة هتلاقى برضو ..اللى فى نفسك فيه هتلاقيه وانت ونيتك بقى ..مع انى شايف انك تعيش حياتك وشبابك .وماتهملش برضو مذاكرتك فى نفس الوقت .احلى ايام ايام الجامعة والكلية ..ايام مش هتتعوض ..حاول تستمع بيها بقدر الامكان ..
هممم،يعنى ابعد عن الجامعات الاقليمية، واتواكل على الله،، يا القاهرة يا عين يا اسكندرية؟
على فكرة انا والدى خريج اسكندرية، بس بيقولى ابعد عنها، بقوله ليه، بيقولى: انه كان جايب (جيد جدا) وكان ال11 على الدفعة وهمنا عينوا 10 وكان من مضنهم ابناء الدكاترة، فبيقولى النظام فى الجامعات الكبيرة ديت
التعيين فيها نظام كوسة (ابناء الدكاترة فقط):4:
 

hamadota

عضو جديد
إنضم
11 مايو 2009
المشاركات
136
مجموع الإعجابات
13
النقاط
0
ياعمى اسعى انك تتعين فى الجامعة ..ذاكر واجتهد واعمل اللى عليك ..ولو ربنا ما ارادش عادى يعنى مش نهاية الحياة ..هتسافر تانى يوم بعد التخرج الخليج ومرتبك بيكون مايوازى 7000 ج مصرى كحديث التخرج ..ماديا احسن من اى جامعة ..
 

hamadota

عضو جديد
إنضم
11 مايو 2009
المشاركات
136
مجموع الإعجابات
13
النقاط
0
العقود برة لمدنى كتير ..احنا بننقى اللى يناسبنا ..اما بتتخرج بيبقى عندك فرصة للاختيار الوظيفة واحيانا انت اللى بترفض الوظيفة عشان عايز احسن منها ..ماتقلقش من موضوع الشغل مدنى كده كده بيشتغل
 

hamadota

عضو جديد
إنضم
11 مايو 2009
المشاركات
136
مجموع الإعجابات
13
النقاط
0
اسكندرية ..عين شمس ..القاهرة ..كجامعة عريقة بس مش اكتر ..وشبين كمان لانها من ايام جمال عبد الناصر ..لكن المادة العلمية واحدة
 

Eng.Ahmed Hussein

عضو جديد
إنضم
6 يوليو 2011
المشاركات
11
مجموع الإعجابات
0
النقاط
0
اسكندرية ..عين شمس ..القاهرة ..كجامعة عريقة بس مش اكتر ..وشبين كمان لانها من ايام جمال عبد الناصر ..لكن المادة العلمية واحدة
طب بتفرق فى حاجة كلمة جامعة عريقة؟
او ما معنى هذة الكلمة،؟
 

Eng Ma7moud

عضو جديد
إنضم
8 ديسمبر 2008
المشاركات
849
مجموع الإعجابات
107
النقاط
0
أنا فى رابعة مدنى الزقازيق وبصراحة مش عارف إنت جايب الكلام ده منين أى كلية فيها ناس بتسقط وبيكونوا يستحقوا السقوط وكمان فى ناس كتير بتجيب إمتيازات وجيدجدا كل واحد وعلى حسب تعبوا ومذاكرتوا
الدكاترة والمعيدين عندنا من أفضل الموجودين فى مصر وشروحاتهم مالية المنتدى عندك على سبيل المثال
الدكتور عاطف عراقى والدكتور ثروت صقر والباشمهندس أيمن عبد السلام والباشمهندس محمود زغلل
وغيرهم كتير بالإضافة لذلك كل البرامج اللى محتاجها موجودة فى الزقازيق
 

Eng.Ahmed Hussein

عضو جديد
إنضم
6 يوليو 2011
المشاركات
11
مجموع الإعجابات
0
النقاط
0
أنا فى رابعة مدنى الزقازيق وبصراحة مش عارف إنت جايب الكلام ده منين أى كلية فيها ناس بتسقط وبيكونوا يستحقوا السقوط وكمان فى ناس كتير بتجيب إمتيازات وجيدجدا كل واحد وعلى حسب تعبوا ومذاكرتوا
الدكاترة والمعيدين عندنا من أفضل الموجودين فى مصر وشروحاتهم مالية المنتدى عندك على سبيل المثال
الدكتور عاطف عراقى والدكتور ثروت صقر والباشمهندس أيمن عبد السلام والباشمهندس محمود زغلل
وغيرهم كتير بالإضافة لذلك كل البرامج اللى محتاجها موجودة فى الزقازيق
طب ممكن تبعتلى ايميلك على رسالة خاصة،
لانى مبقدرش ابعت رسايل علشان عدد مشاركاتى
 

ahmedyassen

عضو جديد
إنضم
27 أغسطس 2006
المشاركات
34
مجموع الإعجابات
0
النقاط
0
تعالى جامعة الازهر القاهرة وانا هاظبطلك الدنيا
 

hamadota

عضو جديد
إنضم
11 مايو 2009
المشاركات
136
مجموع الإعجابات
13
النقاط
0
يعنى لو جيت فى مقابلة شخصية ..سالك انت خريج جامعة ايه ..وقلتله جامعة القاهرة ..احسن ماتقوله جامعة كفر الشيخ ..مع ان الاتنين جامعات ..والمادة العلمية واحدة ..واللى بيدرس فى الاتنين اساتذة تعبو وطلع عنيهم لحد ماخدو الدكتوراة ..لكن القاهرة بقالها 100 سنة ومعروفة وكفر الشيخ لسه جديدة محدش عارفها بمعنى اصح عراقة الكلية حاجة كده زى الفرق بين تيشرت من نايك ووتيشرت من التوحيد والنور ..كده كده انت معترف بيك مهندس لكن ممكن الانطباع العام يفرق عند البعض ..وقولتلك كده كده مش فارقة هتشتغل يعنى هتشتغل ..حتى لو جايب مقبول وخريج جامعة كفر البطيخ قسم مدنى الخليج مابيصدقو يلاقو واحد مكتوب فى بطاقته مهندس مدنى ..انت اسعى انك تخش جامعة كبيرة وركز فى دراستك وتقديرك العام يكون كويس ويفضل اسكندرية ابعد عن جامعة القاهرة عشان القاهرة زحمة وكئيبة اسكندرية مدينة لطيفة وهتستمتع بجامعتك اكتر ..وربنا يوفقك ويصلحلك الحال ..فكرتنى بالذى مضى من 7 سنين كده كنت زيك ..فرحان ومزقطط بالمجموع وعمال افكر فى الكلية ..الثانوية العامة دى كانت كابوووس وانزاااح من على قلب الواحد ..الف مبروك يا غالى وربنا يتمملك اللى فيه الخير ..انصحك بشكل نهائى اسكندرية
 
أعلى